Morgunblaðið - 27.12.2005, Síða 12

12 ÞRIÐJUDAGUR 27. DESEMBER 2005 MORGUNBLAÐIÐ
MINNSTAÐUR
LANDIÐ
Vestmannaeyjar | Framhaldsskól-
inn í Vestmannaeyjum útskrifaði
þrettán stúdenta fyrir jól. Dúx
skólans var Þorgils Orri Jónsson.
Auk þess vakti athygli góður ár-
angur Júlíusar Magnússonar sem
var einn þriggja efstu á stúdents-
prófi en það tók hann aðeins tvö
og hálft ár.
Þorgils Orri sem er unglinga-
landsliðsmarkvörður í handknatt-
leik sagðist nokkuð sáttur við
veru sína í FÍV og vel hafi gengið
að samræma námið við hand-
knattleiksiðkun sína. „Þú þekkir
alla í skólanum og það gekk vel
að fá leyfi upp á leiki,“ segir
hann.
Þorgils stefnir á Háskóla Ís-
lands og stefnir hugurinn á nám í
efnafræði. Hann vill þó ekki taka
endanlega ákvörðun fyrr en hann
hefur kynnt sér það sem í boði er
á kynningu Háskólans í vor.
Morgunblaðið/Sigurgeir
Áfangi Þorgils Orri nýstúdent er hér með foreldrum sínum við útskrift
Framhaldsskólans, þeim Jóni Braga Arnarsyni og Helenu Jónsdóttur.
Gekk vel að fá
leyfi í leiki
Mývatnssveit | Þrjátíu ár eru liðin frá upphafi
Kröfluelda. Hinn 20. desember 1975 um kl. 10.30 að
morgni hófst eldgos við Leirhnjúk, aðeins steinsnar
frá Leirbotnum þar sem um sumarið 1975 höfðu
framkvæmdir við 60 MW gufuvirkjun hafist fyrir
alvöru. Þegar gosið hófst var fjöldi fólks við bygg-
ingaframkvæmdir í Kröflu.
Alþingi hafði samþykkt lög um virkjun við Kröflu
í apríl 1974 og það sama ár voru boraðar fyrstu
rannsóknaholur á svæðinu. Eldgos á þessum stað
og tíma kom því sem reiðarslag yfir flesta. Þetta
fyrsta gos stóð aðeins örfáar klukkustundir en á
næstu árum fylgdu fleiri gos þannig að þegar lauk
hafði gosið 9 sinnum á sprungusveimnum norður
frá Leirhnjúki og í Gjástykki. Auk þess urðu á
þessum árum fjölmörg kvikuhlaup neðanjarðar og
mikið umrót og rask varð á sprungukerfinu allt
sunnan úr Bjarnarflagi og norður fyrir Kópasker.
Mývetningar, Keldhverfingar og Öxfirðingar
urðu einkum fyrir barðinu á þessum umbrotum,
sem segja má að hafi lokið með septembergosi
1984.
Mikil átök urðu á Alþingi um Kröfluvirkjun,
hvort þar skyldi hætt framkvæmdum eða haldið
áfram. Kröflunefnd, með Jón G. Sólnes sem for-
mann, barðist hart fyrir framhaldi á virkjun, en
margir voru úrtölumenn. Sjónarmið Kröflunefndar
urðu ofan á og virkjunin hóf rafmagnsframleiðslu
snemma á árinu 1977.
Nú, 30 árum eftir upphaf Kröfluelda, framleiðir
Kröfluvirkjun 60 MW rafafl og rekstur gengur
ágætlega. Jarðvísindamenn öðluðust yfirgrips-
mikla þekkingu á eldvirkni á Íslandi og þekking á
nýtingu jarðvarma tók stórstígum framförum.
Þessa alls sér nú stað í þeim glæsilegu virkjunum
og virkjanaframkvæmdum sem blasa við á Íslandi í
dag. Einnig í fullkomnum vöktunar- og eftirlits-
tækjum sem vaka yfir hverri hreyfingu jarðskorp-
unnar þannig að hvergi mun nú betur fylgst með
slíku en einmitt á Íslandi. Velta má því fyrir sér
hver þekking okkar væri á öllu þessu ef menn hefðu
pakkað saman í Kröflu í desember 1975.
Mývetningar minntust þess að 30 ár eru frá upphafi Kröfluelda
Rekstur Kröflu-
virkjunar gengur vel
Morgunblaðið/BFH
Eftir Birki Fanndal Haraldsson
Hrunamannahreppur | Ný kalda-
vatnsleiðsla hefur verið tekin í notk-
un í Hrunamannahreppi. Um er að
ræða nýja vatnslögn frá svonefndum
Blálækjum á Fagradal sem er inn við
Hrunaheiðar. Liggur leiðslan að
vatnsgeymi á Högnastaðaás við
Flúðir.
Vatnið er tekið í 280 metra hæð yf-
ir sjávarmáli en geymirinn er í 120
metra hæð. Vatnið er því sjálfrenn-
andi með góðum þrýstingi. Vatns-
leiðslan er 11,2 km að lengd. Leiðsl-
an gæti flutt um 50 lítra á sekúndu ef
hún væri full nýtt en í upphafi flytur
hún 24 lítra. Vatnið er talið afar gott
en hægt er að virkja mun meira af
vatni á Fagradal.
Gröfutækni ehf. á Flúðum sá um
gröft og niðurlögn en Plast og suða,
einnig á Flúðum, sá um að sjóða
saman lögnina. Heildarkostnaður er
um 35 milljónir króna.
Hannibal Kjartansson veitustjóri
segir að tilkoma nýju vatnsveitunnar
sé bylting fyrir Hrunamannahrepp í
vatnsveitumálum. Fyrri vatnslögn
sem tekin er í landi Hruna annaði
einungis 13 lítrum á sekúndu sem
var hvergi nægilegt.
Hannibal telur að notendur, sem
fjölgar nú nokkuð, séu um 500 þegar
sumarbústaðir eru taldir með en þeir
eru nú orðnir 320 í sveitinni.
Langstærstu notendurnir eru
garðyrkjustöðvarnar og mjólkur-
framleiðendur. Allnokkrir nýir not-
endur bætast nú við vatnsveituna.
Þess ber að geta að öll matvæla-
framleiðsla er háð heilbrigðisvottun
á vatni sem gerir þessa nýju vatns-
lögn enn mikilvægari.
Rennsli tvö-
faldast í nýrri
kaldavatnsleiðslu
Morgunblaðið/Sigurður Sigmundsson
Frágangur Hannibal Kjartansson veitustjóri, Hörður Úlfarsson fram-
kv.stjóri Gröfutækni, og Þorkell Þorkelsson vélamaður vinna að frágangi.
Egilsstaðir | Foreldrafélag Hall-
ormsstaðaskóla, Landsvirkjun,
Vegagerðin og sveitarstjórnir
Fljótsdalshéraðs og Fljótsdals-
hrepps hafa tekið höndum saman
um að bæta umferðarmenningu og
auka öryggi í Hallormsstaðarskógi
vegna aukins umferðarþunga þar.
Frumkvæðið kom frá foreldrum
skólabarna sem höfðu samband við
Landsvirkjun.
Í kjölfarið var komið á samstarfs-
hópi um átak í umferðarmálum.
Mikill umferð er í gegnum Hall-
ormsstaðarskóg vegna Kárahnjúka-
framkvæmdanna en á Hallormsstað
eru íbúðabyggð og skólar auk fjölda
ferðamanna yfir sumartímann.
Skelfileg slys hafa orðið á vegar-
kaflanum í gegnum Hallormsstað-
arskóg og markmiðið er að draga
úr hættu á fleiri slíkum.
Samstarfshópurinn sendi for-
svarsmönnum þeirra fyrirtækja
sem stunda akstur vegna Kára-
hnjúkavirkjunar í gegnum Hall-
ormsstaðarskóg bréf þar sem for-
ráðamenn voru hvattir til að benda
bílstjórum sínum á hætturnar á
þessum kafla og skora á þá að gæta
öryggis í akstri.
Auknar hraðatakmarkanir
Landsvirkjun hefur gefið börnum
við Hallormsstaðaskóla endurskins-
borða og Vegagerðin hefur aukið
hraðatakmarkanir, gert göngustíg á
svæðinu svo að gangandi vegfar-
endur þurfi ekki að vera í vegkant-
inum og undirbýr nú bættar merk-
ingar.
Lögreglan hefur fylgst með
þessu framtaki og leggur áherslu á
umferðarfræðslu í skólanum.
Samstarfshópurinn vonast til að
með sameiginlegu átaki megi bæta
umferðarmenninguna og tryggja
öryggi allra í umferðinni, sérstak-
lega á þessu viðkvæma svæði.
Auka
umferðar-
öryggi í
Hallorms-
staðaskógi