Morgunblaðið - 27.12.2005, Page 44

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 27. DESEMBER 2005 VERÐ Í LAUSASÖLU 220 KR. MEÐ VSK.
DÆLUR
FYRIR FISKELDI
Sími 568 6625
SVEITARSTJÓRN Dalabyggðar sam-
þykkti á fundi sínum 15. desember sl.
drög að samkomulagi við Nýsi hf. um að
fyrirtækið taki að sér alla uppbyggingu á
fyrirhuguðu frístundasvæði í landi Lauga
í Sælingsdal.
Að sögn Haraldar L. Haraldssonar,
sveitarstjóra Dalabyggðar, felur sam-
komulagið í sér að Nýsir muni sjá um að
byggja sumarbústaði á öllum 57 lóðunum
sem fara undir frístundabyggð auk þess
að sjá um allan frágang og gatnagerð.
Þá eru uppi hugmyndir um að byggja
golfvöll á svæðinu, en um það hefur ekki
verið tekin endanleg ákvörðun, að sögn
Haraldar. Áætlað er að verkið hefjist á
næsta ári og því verði lokið í síðasta lagi
árið 2010. Haraldur segir að sveitarfélag-
ið muni eiga lóðirnar og innheimta leigu,
annars vegar með stofngjaldi upp á 500
þúsund krónur og hins vegar með árlegu
gjaldi, sem verður 35 þúsund krónur.
Eru að laða að fólk
Nýsir sér hins vegar um framkvæmdir
eins og áður sagði og hefur upp í kostnað
með því að selja bústaðina til kaupenda.
Haraldur segir að markmiðið með þess-
um framkvæmdum sé að laða að sum-
arbústaðareigendur.
„Markmiðið hjá okkur er einnig að
reyna að fjölga íbúum og við sjáum að
þetta mun örugglega skapa störf enda er
talsvert þjónusta í kringum svona byggð,“
segir Haraldur.
Nýsir mun
byggja upp
frístunda-
svæði að
Laugum
ÞAÐ ríkti sannarlega mikil eftirvænting í Þjóð-
leikhúsinu í gærkvöldi þegar aðeins tæpur
klukkutími var í frumsýningu Túskildingsóper-
unnar eftir Bertolt Brecht og Kurt Weill. Allt
Þeir feðgar stíga einmitt í fyrsta sinn saman á
svið í Túskildingsóperunni og leika eina senu
hvor á móti öðrum, en Ólafur Egill fer í sýning-
unni með hlutverk Makka hnífs.
var á fullu baksviðs þegar ljósmyndari Morg-
unblaðsins átti leið um leikhúsið og var Árdís
Jóna Bjarnþórsdóttir að leggja lokahönd á förð-
un Egils Ólafssonar og Ólafs Egils, sonar hans.
Morgunblaðið/Brynjar Gauti
Feðgar saman á sviði Þjóðleikhússins
GUNNAR Egilsson pólfari varð
fyrstur manna til að fara einbíla og
óstuddur á suðurpólinn og aftur til
baka í Icechallenger-leiðangrinum,
sem nú er lokið. Gunnar setti einnig
hraðamet, fyrst þegar hann komst
frá Patriot Hills á suðurpólinn á 70
klukkustundum og sló svo eigið met
í bakaleiðinni þegar hann var 45
klukkustundir og 35 mínútur að
fara þessa 1.170 km löngu leið.
Þegar Gunnar var á leið til Suð-
urskautslandsins hitti hann Peter
Hillary, son Sir Edmund Hillary
sem fyrstur kleif Everest-fjall
ásamt sherpanum Tenzing Norgay
árið 1953. Sir Edmund Hillary tók
einnig þátt í leiðangri breska
heimsveldisins yfir Suðurskauts-
landið 1957–58, undir stjórn Sir
Vivian Fuchs. Hillary stjórnaði
undirbúningi, sem hófst 1955, og
liði Nýsjálendinga sem annaðist
birgðaflutninga og flutti vistir
leiðangursmanna á ákveðna staði á
leið þeirra yfir Suðurskautslandið.
Notuðu þeir m.a. Ferguson-
dráttarvélar sem Hillary breytti og
einnig vélsleða. Voru Hillary og
menn hans fyrstir til að komast
landleiðina á suðurpólinn í 46 ár og
náðu þangað 4. janúar 1958. Þeir
voru einnig fyrstir til að komast
þangað á vélknúnum farartækjum.
Peter Hillary þótti mikið til þess
koma að hitta Gunnar Egilsson sem
ætlaði nú að aka á pólinn á bíl sem
hann hafði sjálfur smíðað. Spurði
hann Gunnar mikið út í ferðalagið
og undirbúninginn.
Þegar Gunnar sneri aftur til
Patriot Hills hitti hann aftur Peter
Hillary. Þá kom í ljós að Sir Ed-
mund Hillary, sem nú er 86 ára,
hafði fylgst náið með framgangi
Icechallenger-leiðangursins.
„Peter Hillary var með gervi-
hnattasíma og hringdi í pabba sinn.
Sir Edmund var uppveðraður yfir
að heyra að okkur hefði tekist þetta
og óskaði okkur innilega til ham-
ingu með árangurinn. Hann hafði
gaman af að heyra að ég hefði
smíðað bílinn sem ég fór á á pólinn,
líkt og hann breytti traktorunum
fyrir leiðangurinn þeirra, um það
bil sem ég var að fæðast,“ sagði
Gunnar Egilsson pólfari. | 22
Ljósmynd/Gunnar Egilsson
Sir Edmund
fylgdist
með Gunn-
ari pólfara
Eftir Guðna Einarsson
gudni@mbl.is
Peter Hillary, sonur Sir Edmund
Hillary, og Gunnar Egilsson við
Icechallenger-bílinn á Suðurskauts-
landinu.
ALLT bendir nú til þess að nýtt
framleiðslumet verði sett í álveri
Alcan á Íslandi á þessu ári.
Að sögn Hrannars Péturssonar,
upplýsingafulltrúa álversins, má
ganga út frá að framleidd verði
179.400 tonn í verksmiðjunni á árinu,
en það er um 1.000 tonna aukning frá
síðasta ári.
„Þetta er 20% meiri framleiðsla en
verksmiðjan er hönnuð til að fram-
leiða,“ segir Hrannar.
Þessi árangur næst með ýmsum
tæknilegum lausnum sem þróaðar
hafa verið og öruggari rekstri, að
sögn hans.
Álverð hátt en innlendur
kostnaður hefur hækkað mikið
Rannveig Rist, forstjóri Alcan á
Íslandi, segir í grein í nýútkomnum
Ísal tíðindum að reksturinn á þessu
ári hafi að mörgu leyti gengið vel, en
andstæðurnar verið miklar. Fram-
leiðslan sé meiri en nokkru sinni fyrr
og álverðið er það hæsta um árabil.
„Á hinn bóginn hefur lágt gengi
dollarans valdið miklum vandræðum
og í mörgum tilfellum jafnað út góð-
an árangur, því allar tekjur fyrir-
tækisins eru í dollurum. Innlendur
kostnaður hefur einnig hækkað gríð-
arlega; kostnaður við flestar fram-
kvæmdir hefur farið fram úr áætl-
unum og launakostnaður hefur verið
í sögulegum hæðum, bæði út af
gengi dollarans og kjarasamningi
sem gerður var snemma á árinu og
hefur kostað töluvert meira en áætl-
að var,“ segir hún.
Að sögn Hrannars er útlitið á
næsta ári gott, þó enginn treysti sér
nú frekar en áður til að spá með
nokkurri vissu um þróun álverðs á
heimsmarkaði.
Gengi dollars veldur Alcan á Íslandi miklum vandræðum
Framleiðslumet
slegið á þessu ári
Framleiðslan 20%
meiri en hönnun
verksmiðjunnar
er miðuð við
Morgunblaðið/Þorkell