Fréttablaðið - 11.04.2003, Qupperneq 9

10 11. apríl 2003 FÖSTUDAGUR
■ Bandaríkin
STJÓRNMÁL Valgerður Sverrisdótt-
ir, iðnaðar- og viðskiptaráðherra,
kynnti í fyrradag stofnun nýs
sjóðs sem ætlað er að styrkja ný-
sköpun. Hún sagði Nýsköpunar-
sjóð atvinnulífsins vera of mátt-
vana til að sinna sprotaverkefnum
næstu tvö árin.
Valgerður sagði Íslendinga
vera slaka í nýsköpunarmálum.
Auk sjóðsins verður sett á fót sér-
stök nýsköpunarmiðstöð. Þetta
kom fram í ræðu ráðherrans hjá
nýju Vísinda- og tækniráði.
Að sögn Valgerðar þurfti fyrir
löngu að endurskoða núverandi
fyrirkomulag opinbers stuðnings
við vísindi, tækniþróun og ný-
sköpun:
„Rígbundin verkefnaskipting á
milli stofnana, sem meðal annars
hefur fylgt hefðbundinni atvinnu-
vegaskiptingu, er gengin sér til
húðar enda hef-
ur hún í engu
fylgt framþró-
uninni í vísind-
um og tækni,“
sagði ráðherra.
Va l g e r ð u r
bætti því við að
geta hefðbund-
inna atvinnu-
vega til að stan-
da undir vænt-
ingum fólks
færi þverrandi. Í auknum mæli
yrði að byggja á nýrri vísinda-
legri þekkingu. Hingað til hafi það
ekki tekist mjög vel á Íslandi.
Í ræði Valgerðar kom fram að
þó Íslendingar væru allra manna
viljugastir í frumkvöðlastarfsemi
stæði skortur á fjármagni og
menntun í veginum fyrir nýtingu
tækifæra.
Valgerður sagði iðnaðarráðu-
neytið mundu fóstra nýsköpun
atvinnulífsins. Til þess hefði
ráðuneytið fengið tvö tæki; Ný-
sköpunarmiðstöð og hinn nýja
Tækniþróunarsjóð. Hún sagði
eiginfjárstöðu Nýsköpunarsjóðs
atvinnulífsins svo bága að ekki
væri við því að búast að hann
leggi mikið fé í sprotafyrirtæki
næstu árin.
„Tækniþróunarsjóðnum er
ætlað að verða veigamikill burð-
arbiti í brúnni yfir nýsköpunar-
gjána. Nýsköpunargjáin er gam-
algróið vandamál og þótt um
langt árabil hafi verið þörf á að
brúa hana þá hafa ytri aðstæður
þróast á þann veg að sú þörf hef-
ur aldrei verið meiri en nú,“
sagði Valgerður Sverrisdóttir.
gar@frettabladid.is
VALGERÐUR SVERRISDÓTTIR IÐNAÐAR - OG VIÐSKIPTARÁÐHERRA
Valgerður segir að frá miðju árinu 2000 hafi fé til nýsköpunar vart verið fáanlegt. Megin-
ástæða þess sé almennt verðfall tæknifyrirtækja á alþjóðlegum hlutabréfamörkuðum. Ís-
lenskir framtaksfjárfestar hafi haldið að sér höndum og nánast ekki lagt nokkurt fé í ný
fyrirtæki. Þess í stað hafi þeir beint kröftum sínum að því að verja eldri fjárfestingar sínar
fyrir falli.
Ríkið með nýjan
frumkvöðlasjóð
Valgerður Sverrisdóttir, iðnaðar- og viðskiptaráðherra, segir að nýr
sjóður eigi að styrkja nýsköpun. Nýsköpunarsjóður sjálfur megni ekki
að styðja við sprotafyrirtæki næstu árin.
„Rígbundin
verkefnaskipt-
ing milli
stofnana hef-
ur í engu fylgt
framþróun-
inni.
FERÐAMÁL Gistinóttum á hótelum
fjölgaði um rúm 2% í febrúar
samanborið við febrúar árið 2002.
Alls voru gistinæturnar 48 þús-
und miðað við 47 þúsund árinu
áður.
Samdráttur var alls staðar á
landsbyggðinni nema á Suður-
landi þar sem gistinóttum á hótel-
um fjölgaði um 22% milli ára. Á
höfuðborgarsvæðinu fjölgaði
nóttum um tæplega 1.700, eða um
tæp 5%.
Ef litið er á niðurstöður febrú-
armánaðar á árunum 1997-2003
má sjá að fjöldi gistinátta vegna
útlendinga hefur farið stigvax-
andi milli ára og eru þær tvöfalt
fleiri árið 2003 en árið 1997. Á
sama tíma hefur gistinóttum Ís-
lendinga ýmist fjölgað eða fækk-
að milli ára og töldust færri nú í
febrúar 2003 en árið 1997. ■
NORDICA HÓTEL
Á höfuðborgarsvæðinu fjölgaði gistinóttum
um tæplega 1.700 í febrúar, eða um tæp
5%
Gistinóttum á hótelum í febrúar fjölgar:
22% aukning á
Suðurlandi
LONDON, AP Flug hljóðfráu far-
þegaþotnanna Concorde mun
heyra sögunni til áður en október-
mánuður er úti. British Airways
og Air France hafa ákveðið að
leggja öllum flugvélum sínum
þessarar tegundar.
Þessar hljóðfráu farþegaþotur
hafa öðrum fremur heillað flug-
áhugamenn um áratugaskeið. Far-
þegahópurinn var þó takmarkað-
ur enda kostaði flug báðar leiðir
milli London og New York rúmar
800.000 krónur. Þeir sem höfðu
ráð á því að fljúga með þotunum
voru helst stjórnendur stórfyrir-
tækja og stærstu stjörnur. Þeir
nutu þess að flugið milli London
og New York tók innan við fjórar
klukkustundir. Stysta flugið tók
innan við þrjá tíma.
Saga flugvélanna varð þó
aldrei eins glæst og stefnt var að.
Meðan bandarískir flugvélafram-
leiðendur lögðu áherslu á vélar
sem rúmuðu sífellt fleiri farþega
lögðu Bretar og Frakkar áherslu á
hraðann. Þó 74 flugvélar væru
pantaðar voru aðeins 16 byggðar.
Reyndar seldust aðeins níu þeirra
í fyrstu. Air France og British
Airways keyptu á endanum sjö
flugvélar sem voru smíðaðar um-
fram eftirspurn.
Aðsókn í flug með vélunum
hefur dregist mjög saman vegna
samdráttar í efnahagslífinu og
efasemda um öryggi vélanna í
kjölfar flugslyss í París árið 2000
þar sem 113 manns létust. ■
FLJÚGA INN Í SÖGUNA
„Concorde átti sér glæst upphaf,“ sagði
Rod Eddington, yfirmaður British Airways.
„Við erum staðráðnir í að sögunni ljúki
með stæl. Concorde á eftir að enda á
söfnum.“
Hraðskreiðustu farþegaþotum heims verður lagt:
Concorde heyrir sögunni til
Evrópudómstóllinn:
Le Pen
hafnað
BRUSSEL, AP Evrópudómstóllinn
hefur hafnað beiðni franska öfga-
mannsins Jean-Marie Le Pen um
að brottvikning hans af Evrópu-
þinginu verði dæmd ólögmæt.
Frönsk stjórnvöld bönnuðu Le
Pen afskipti af stjórnmálum um
eins árs skeið árið 2000 eftir að
hann var fundinn sekur um að
hafa ráðist á annan frambjóðanda
í kosningunum 1997. Í kjölfarið
bað forseti Evrópuþingsins Le
Pen um að láta af störfum á þing-
inu. Evrópudómstóllinn sagði for-
setann hafa verið í fullum rétti
vegna ákvörðunar franskra
stjórnvalda. ■
ÓSKEMMTILEGUR AÐSKOTAHLUTUR
Röntgenmynd af líkama hins tólf vikna
gamla Staffordshire Bull Terrier sýndi að í
maga hvolpsins var hnífur, með handfangið
í grindarholinu og hnífsoddinn í hálsinum.
Veikur hvolpur:
Með eldhús-
hníf í mag-
anum
LUNDÚNIR, AP Lítill hvolpur í Liver-
pool sem gleypti átján sentímetra
langan eldhúshníf hefur náð sér
að fullu eftir að hafa gengist und-
ir skurðaðgerð þar sem aðskota-
hluturinn var fjarlægður.
Eigendur hins tólf vikna gamla
Bull Terrier fóru með hvolpinn til
dýralæknis þegar þeir tóku eftir
því að hann átti í erfiðleikum með
að halda niðri mat auk þess sem
hann reyndi sífellt að halda lík-
ama sínum í beinni línu. Röntgen-
myndir sýndu, svo ekki var um að
villast, að í maga hvolpsins var
hnífur sem náði frá grindarholinu
og upp í háls.
Eigendurnir hafa enga hug-
mynd um það hvernig eða hvenær
hundurinn gleypti hnífinn. ■
Danskur fulltrúi til Íraks:
Dani í
stjórninni
KAUPMANNAHÖFN Fyrrum embætt-
ismaður hjá Sameinuðu þjóðun-
um hefur verið útnefndur sem
fulltrúi Dana í enduruppbygg-
ingu Íraks að loknu stríði. Henrik
Olesen starfaði hjá Sameinuðu
þjóðunum í 26 ár og var í Írak eft-
ir Flóastríðið árið 1991 á vegum
bandalagsins. Áætlað er að
Olesen taki þátt í bráðabirgða-
stjórn landsins en fyrir henni
mun fara fyrrum bandarískur
liðsforingi, Jay Garner.
Bandaríkjamenn buðu Dönum
að senda fulltrúa á staðinn og
varð Olesen fyrir valinu. Í sam-
tali við Jyllandsposten eftir út-
nefninguna sagði hann að aðal-
markmið bráðabirgðastjórnar-
innar væri að koma á lögum og
reglu og tryggja öryggi almenn-
ings í landinu. Olesen er þegar
kominn til Kúvæt. ■
BORG KÆRIR RÍKI Borgarstjórn
New York hefur stefnt Tyrklandi,
Filippseyjum, Indlandi og
Mongólíu fyrir rétt. Þeim er gert
að sök að hafa ekki greitt fast-
eignagjöld að verðmæti tæpra
átta milljarða króna. Skuldirnar
eru allt að 30 ára gamlar.
EINKANEYSLA ÍSLENSKRA
HEIMILA
Milljarðar
1997 229,8
1998 253,6
1999 272,4
2000 283,2
2001 274,1
2002 270,7
Heimild: Hagstofa Íslands.
Verðlag 1990.
2001: Bráðabirgðatölur.
2002: Áætlun
Svonaerum við