Fréttablaðið - 11.04.2003, Síða 36

Bloggarar landsins láta ekkikosningarnar framhjá sér
fara. Einn sem skrifar undir heit-
inu Snillingur-Jón veltir fyrir sér
stöðu Framsóknar-
flokksins. Hann
segir meðal annars:
„‘Kappræður’
Stöðvar 2 voru
snöggtum skárri.
Samt gerðist aldrei
neitt. Utan að Hall-
dór Ásgrímsson
sagðist vilja í föt forsætisráð-
herra að kosningum loknum. Þá
hló snillingurinn dátt, enda neitar
Dóri gúrka að trúa því að fylgi
flokksins er orðið svipað því sem
hæst gerðist hjá. Flokki Húman-
ista hér um árið. Það var nálægt
mínus... Og ekki gerði Metúsalem
greyið sér nokkrar vonir um að
verða forsætisráðherra með svo-
leiðis fylgi.“
Hrósið 38 11. apríl 2003 FÖSTUDAGUR
Þó Íslendingar og Argentínu-menn virðist í fljótu bragði
eiga fátt sameiginlegt þá erum
við ekki svo ólíkar þjóðir,“ segir
Enrique del Acebo, prófessor í fé-
lagsfræði við del Salvador-há-
skólann í Buenos Aires. Hann
heimsótti Ísland í annað sinn í
vikunni, flutti fyrirlestur um
þjóðfélagsástandið í Argentínu
frá félagssálfræðilegu sjónar-
horni í Háskóla Íslands og notaði
tækifærið til þess að undirrita
samstarfssamning milli skólanna
tveggja. „Ég bind miklar vonir
við að þetta samstarf verði til
þess að dýpka skilning okkar með
aukum áherslum á sameiginlega
þekkingu.“
„Ég er búinn að fara víða en ég
held mig að mestu frá dæmigerð-
um ferðamannastöðum enda
finnst mér miklu skemmtilegra
að vera innan um Íslendinga á
kafi í sínu daglega lífi.“ Enrique
kann vel við Íslendinga og segist
hafa eignast ágætis vini í þessum
heimsóknum sínum og nefnir sér-
staklega til sögunnar Helga
Gunnlaugsson prófessor, sem
hefur verið tengiliður hans við HÍ
og Ragga í Botnleðju.
„Ég hef mikinn áhuga á rokki
og fór í bæinn að leita mér að ís-
lenskri rokktónlist. Í einni búð-
inni afgreiddi ungur maður mig
og ég bað hann um að mæla með
einhverju. Hann rétti mér disk
með hljómsveit sem ég man ekki
lengur hvað heitir. Tónlistin virk-
aði ekki á mig og ég bað um
meira. Þá rétti hann mér þrjá
diska til viðbótar og einn þeirra
hreif mig sérstaklega og ég sagði
honum að þetta væri málið. Þá
sagðist hann vera bassaleikarinn
í hljómsveitinni, sem var Botn-
leðja. Mér fannst þetta alveg frá-
bært og varð mjög hissa á að
hann skyldi ekki byrja á að reyna
að koma sinni sveit að strax.“ ■
Persónan
■ Enrique del Acebo, prófessor í félags-
fræði við del Salvador-háskólann, var
staddur á Íslandi í vikunni. Hann hlustar
mikið á rokktónlist, er heillaður af Botn-
leðju og segist skynja íslenskt landslag í
tónlist hennar.
...fær Anders Fogh Rasmussen,
forsætisráðherra Dana, fyrir að
færa okkur loksins stjórnar-
skrána eftir 129 ára bið.
Skynjar landslagið í tónlist Botnleðju
ENRIQUE DEL ACEBO
Enrique kann afskaplega vel við sig á Ís-
landi. „Þegar ég kom hingað fyrst fékk ég
frábært veður og gat notið landslagsins í
botn en það hefur verið þveröfugt núna.
Mér finnst Reykjavík vera afskaplega vel
hönnuð borg. Það er eitthvert skemmtilegt
skipulag á óreiðunni.“
■ Leiðrétting
Vegna sölu á skýjaborg Hrafns Gunnlaugsson-
ar á Laugarnestanga skal tekið fram að aldrei
fyrr hefur fengist svo hátt verð fyrir fasteign
sem ekki er til.
SJÓNVARPSAUGLÝSING „Þegar ákveð-
ið var að nota starfsfólk Olís í
þessar auglýsingar vorum við 40-
50 sem byrjuðum. Nú er ég svo
gott sem einn eftir,“ segir Oliver
Þórisson, starfsmaður Olís á bens-
ínstöðinni á Gullinbrú í Grafar-
vogi, sem slegið hefur í gegn í
sjónvarpsauglýsingum fyrirtæk-
isins. Nú síðast þegar hann boðar
vorkomu með lóu og gasgrillum
sem send eru heim til fólks. Oli-
ver hefur sýnt sérstæða leikhæfi-
leika og verður betri með hverri
nýrri auglýsingu sem birtist. Á
jafnvel til að sýna stjörnutakta:
„Ég hef aldrei leikið áður. Það
lengsta sem ég hef komist í þá
veruna er að syngja með kór sem
ég gerði stutt og lítið. Ég fæ hand-
rit frá auglýsingastofu þegar
þetta er tekið upp en oftar en ekki
verð ég að spinna textann sjálfur
og yfirleitt eru það þeir spunar
sem standa eftir og fólk sér í sjón-
varpinu,“ segir Oliver, sem áður
starfaði hjá Kassagerðinni og þar
áður sem barþjónn í Glæsibæ. Þar
þurfti hann einnig að bregða fyrir
sig spunanum á barnum og býr að
því enn. „Ég veit ekki hvort fram-
hald verður á þessum leikferli
mínum. Í sjálfu sér væri það gam-
an en enn hefur enginn hringt frá
Hollywood,“ segir hann.
Upphaf þessa sérstæða leik-
ferils Olivers var í kringum
heimsmeistarakeppnina í knatt-
spyrnu í fyrra þegar Olís ákvað
að efla liðsanda þjóðarinnar með
auglýsingum tengdum boltanum.
Í ljósi ágætrar reynslu þar var
haldið áfram og nú geta sjón-
varpsáhorfendur dæmt um
nýjustu frammistöðu undra-
barnsins hjá Olís. Það fer ekki á
milli mála að honum hefur farið
fram. Leikur Olivers í vorauglýs-
ingunni frá Olís er til marks um
hvernig nýta má hæfileika
starfsmanna á margvíslegan
hátt. Því miður gerist það yfir-
leitt óvart eins og leiksigur Oli-
vers er til marks um. Oliver
stendur á þrítugu og kvæntur
Lovísu Dagmar Eyjólfsdóttur.
Saman eiga þau tvö börn.
eir@frettabladid.is
Hæfileikar
■ Bensínafgreiðslumaðurinn hjá Olís á
Gullinbrú hefur slegið í gegn í einföldum
sjónvarpsauglýsingum sem svínvirka. Oli-
ver Þórisson situr þar í makindum í
stöðvarstjórastól sínum og lætur móðan
mása um lífið og tilveruna. Sýnir einstaka
leikhæfileika þó aldrei hafi hann komist
lengra á sviði en að syngja í kór.
OLIVER ÞÓRISSON
Bensínafgreiðslumaður-
inn á Gullinbrú sem
brillerar í Olís-auglýsing-
um svo eftir er tekið.
Enginn hringt
frá Hollywood
Fréttiraf fólki
FR
ÉT
TA
B
LA
Ð
IÐ
/V
IL
H
EL
M