Fréttablaðið - 30.05.2003, Blaðsíða 37
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
GUÐMUNDAR
STEINGRÍMSSONAR
Eftir að hafa fylgst með fréttumundanfarið og séð hvernig pen-
ingar geta farið með fólk á besta
aldri hef ég komist að þeirri niður-
stöðu að mér leiðast peningar. Pen-
ingar fara í taugarnar á mér. Þeir
eru ofmetnir. Fólk sem á mikið af
þeim rembist eins og rjúpa við
staurinn að eignast meira. Hinir sem
eiga enga peninga munu líklega
aldrei eignast neina, en lifa í blekk-
ingu um að verða einhvern tímann
ríkir. Út af því höfum við Lottó.
ÞETTA ER Í RAUN BARA sirkus
fáránleikans. Auðjöfrar eiga svo
mikið fé að þeir gætu keypt tunglið
og sólina ef þetta tvennt væri til
sölu. Þeir eiga 400 bíla, dýrustu
demanta, átján hús og 15 sundlaugar,
en samt er vitað að maðurinn þarf
ekki annað en góða sokka og tvennar
nærbuxur til að lifa sómasamlegu
lífi. Peningar eru eins og matarmið-
ar. Maður þarf þá, en það er rugl að
eiga mikið af þeim. Enginn hefur
nokkuð að gera við billjón matar-
miða, nema sá hinn sami ætli að
borða til eilífðarnóns.
JÚ, JÚ, ég segi það ekki. Ekki
myndi maður svo sem bregðast reið-
ur við ef einhverjum skyldi detta í
hug einhvern daginn að bera í mann
fé fyrir það sem maður tekur sér
fyrir hendur. Sjaldan hefur maður
flotinu neitað. En það breytir ekki
hinu að flest allt sem máli skiptir
kemur peningum ekkert við. Gott
veður er allra, burtséð frá efnahag.
Ástin er verðlaus. Stundum sé ég
ekki betur en að peningar spilli ást-
inni. Komi hreinlega í veg fyrir
hamingju. Það er ekki gott, ef rétt
er.
ÓÞVERRI, PENINGAR. Það er
reyndar varla að maður sjái þá nú-
orðið ef maður spáir í það. Þeir eru
tölur á skjá í netbanka, sem koma
manni varla við. Hverfa eins og
styggir fuglar ef maður hreyfir sig
spönn frá rassi. Hvert þeir fara er
mér hulin ráðgáta. Þeir dúkka
reyndar upp í fréttum á hverjum
degi. Þjóðir gera innrásir út af þeim,
menn fara í fangelsi, menn ræna
banka, menn selja eitur, vopn, og
börn í þrælkunarvinnu til þess að
eignast þá. Hætta að tala saman.
Fara í slag. Verða merkilegir með
sig. Uss, hvað mér leiðast peningar.
Margur verður af aurum api. ■
Peningar eru
leiðinlegir