Fréttablaðið - 31.05.2003, Blaðsíða 2

2 31. maí 2003 LAUGARDAGUR
“Já, auðvitað langar mig aftur.“
Vilhelm G. Kristinsson er ekki lengur í
morgunútvarpi Rásar eitt. Hans er sárt saknað
af mörgum greiðendum afnotagjaldanna.
Spurningdagsins
Vilhelm, langar þig aftur í plássið?
■ Mið-Austurlönd
RIÐA Riða er komin upp á bænum
Breiðabólsstað í Ölfusi. Sigurður
Sigurðarson, dýralæknir á Keld-
um, segir þetta annað tilfellið sem
upp kemur á árinu, en í vetur kom
upp riða í Víðidal í Húnaþingi
vestra.
Að sögn Sigurðar hefur átak
gegn útbreiðslu sjúkdómsins sem
hófst 1978 borið góðan árangur.
„Fyrir liðlega tuttugu árum
greindist riða á meira en 100 bæj-
um á ári. Núna eru það aðeins
einn til tveir bæir á ári.“ Sigurður
segir Íslendinga fyrsta þjóða hafa
byrjað að vinna skipulega gegn
útbreiðslu á riðu enda árangur
betri hér á landi en víðast hvar
annars staðar þar sem veikin hef-
ur hlotið viðlíka útbreiðslu. Hins
vegar er staðan mjög viðkvæm og
auðvelt að missa tök á sjúkdómn-
um að nýju.
Sigurður telur líklegt að sjúk-
dómurinn í Ölfusi nú hafi borist
frá sýktum svæðum, en riða hefur
ekki greinst í Ölfusi í 19 ár. Að
sögn Sigurðar getur smit borist
inn á svæðið með ýmsum hætti, til
dæmis með heyi, landbúnaðar-
tækjum og skepnum. ■
Ríkisábyrgð vegna
DeCode:
Málið
í biðstöðu
EFNHAGSMÁL Ákvörðun um ríkis-
ábyrgð fyrir DeCode vegna upp-
byggingar lyfjaþróunar liggur
ekki enn fyrir, samkvæmt upplýs-
ingum frá fjármálaráðuneytinu.
Í mars óskaði ESA, eftirlits-
stofnun EFTA, eftir gögnum um
málið en samkvæmt ráðuneytinu
hefur eftirlitsstofnunin ekki enn
lokið því að fara yfir þau og skila
niðurstöðu. ESA getur hafnað
heimildinni eða sett skilyrði fyrir
henni og er málið því í biðstöðu.
Alþingi samþykkti lög um rík-
isábyrgðina í vetur. Samþykktin
veitir ríkisstjórninni heimild til
ríkisábyrgðar á 20 milljón dollara
láni til DeCode. Það samsvarar
rúmum 14 milljörðum króna. ■
DÓMSMÁL Baldur Freyr Einarsson
var í gær dæmdur til þriggja ára
fangelsisvistar og Gunnar Frið-
rik Friðriksson til tveggja ára
fangelsisvistar í Héraðsdómi
Reykjavíkur. Þeir réðust saman á
Magnús Frey Sveinbjörnsson í
Hafnarstræti fyrir einu ári, með
þeim afleiðingum að Magnús lést
af völdum áverkanna sem hann
hlaut í árásinni. Hann höfuðkúpu-
brotnaði, fékk heilablæðingu og
heilabjúg við árásina. Hann lá á
gjörgæsludeild í rúma viku. Ekki
tókst að bjarga lífi hans.
Framburður vitna og myndir
úr eftirlitsmyndavél þóttu sanna
að atlaga Baldurs
að Magnúsi hafi
verið nánast tilefn-
islaus. Magnús
hörfaði undan og
baðst vægðar.
Baldur sýndi enga
miskunn og elti
hann uppi til að
halda árásinni áfram.
Gunnari Friðriki var gefið að
sök að hafa sparkað í brjóstkassa
Magnúsar þegar hann stóð upp
eftir barsmíðar Baldurs. Það var
með þeim afleiðingum að hann
féll aftur í götuna. Þetta játaði
Gunnar fyrir dómi.
Baldur Freyr var dæmdur í
þriggja ára fangelsi og Gunnar
Friðrik í tveggja ára fangelsi.
Þeim var líka gert að greiða
foreldrum Magnúsar Freys
tæplega 2,4 milljónir í skaða-
bætur. Frá fangavistinni verður
dregið óslitið gæsluvarðhald frá
því 26. maí í fyrra. Báðir hafa
þeir áður komið við sögu
lögreglu, þó ekki vegna brota í
líkingu við þetta.
Baldur Freyr var einnig
ákærður og sakfelldur fyrir tvær
líkamsárásir í byrjun apríl í
fyrra. Honum var gert að greiða
fórnarlömbum þeirra árása sam-
anlagt tæplega 900 þúsund krón-
ur og fékk þyngri dóm en Gunnar
Friðrik.
hrs@frettabladid.is
HVATTIR TIL AÐ KOMA UPP UM
NÁUNGANN Ráðamenn í Hong
Kong segjast hugsanlega ætla að
bjóða einstaklingum peningaverð-
laun ef þeir koma upp um þá sem
hrækja eða kasta rusli á göturnar.
Sektum fyrir slíkt yrði varið í
aukið hreinlæti í borginni til að
koma í veg fyrir fleiri tilfelli
bráðalungnabólgunnar, en fjögur
slík greindust í gær. Hagfræðing-
ar í Hong Kong hafa spáð því að
efnahagur landsins eigi eftir að
dragast saman um helming vegna
útbreiðslu sjúkdómsins.
ÞREFÖLDUN Í TORONTO Tilfelli
bráðalungabólgu hafa þrefaldast
í Toronto, stærstu borg Kanada.
Þau eru nú orðin 33 eftir að skil-
greining á sjúkdómnum var
breikkuð til að koma til móts við
alþjóðlegar kröfur. 29 hafa látist
og 169 smitast af sjúkdómnum í
Kanada á undanförnum þremur
mánuðum.
FÆRRI TILFELLI Í TAÍVAN Mjög
hefur dregið úr útbreiðslu HABL í
Taívan undanfarið. Aðeins sjö ný
tilfelli sjúkdómsins voru tilkynnt í
gær, sem er það minnsta á einum
degi í þrjár vikur.
755 HAFA LÁTIST Að minnsta
kosti 755 manns hafa látist úr
bráðalungabólgu í heiminum. Til-
kynnt var um tvö dauðsföll af
völdum sjúkdómsins í gær, eitt í
Kína og annað í Hong Kong.
Rúmlega 8.300 manns hafa
veikst, langflestir í Asíu.
Fyrrum sveitarstjóri:
Krefst
biðlauna
LAUNAKRAFA Reynir Þorsteinsson,
sem lét af störfum sem sveitar-
stjóri á Raufarhöfn á síðasta ári,
hefur stefnt bænum til greiðslu
biðlauna.
Reynir var ráðinn sveitarstjóri
til loka síðasta kjörtímabils. Ný
hreppsnefnd taldi að þar með væri
ráðningarsamningur Reynis upp-
fylltur og réði nýjan sveitarstjóra.
Reynir taldi sig eiga rétt á sex
mánaða biðlaunum frá hreppnum
eftir að starfstímabili hans lauk.
Því hefur hreppurinn hafnað og
fór málið því fyrir dómstóla. Málið
verður tekið fyrir í Héraðsdómi
Norðurlands eystra eftir helgi. ■
ST. PÉTURSBORG, AP Leiðtogar 24 nú-
verandi og verðandi Evrópusam-
bandsríkja eru á leið til St. Péturs-
borgar til þess að taka þátt í hátíð-
arhöldum í tilefni af þriggja alda
afmæli borgarinnar. Vladímír
Pútín, forseti Rússlands, tekur á
móti gestunum en hann er fæddur
og uppalinn í borginni.
Pútín mun funda með leiðtogun-
um með það að markmiði að létta á
þeirri spennu sem ríkir á milli
Rússlands og Evrópu. Kalda stríð-
ið er liðið undir lok og Evrópu
stendur ekki lengur ógn af hernað-
armætti Rússa en við blasa ný
vandamál á borð við ólöglega inn-
flytjendur, skipulagða glæpastarf-
semi og átökin í Tsjetsjeníu.
Á leiðtogafundinum verður
unnið að því að bæta viðskiptasam-
band Rússlands og Evrópu og
stuðla að aukinni samvinnu í mál-
um sem varða almannaöryggi. Bú-
ist er við því að Pútín muni verða
við tilmælum Evrópusambands-
ríkjanna um að Rússar virði mann-
réttindi í átökunum við uppreisn-
armenn í Tsjetsjeníu auk þess sem
þrýst verði á Rússa að staðfesta
Kíótó-bókunina. Ekki er talið lík-
legt að áætlun Pútíns um að hægt
verði að ferðast án vegabréfsárit-
unar á milli Rússlands og annarra
Evrópulanda árið 2007 muni ná
fram að ganga. ■
RÚTUBÍLSTJÓRI SOFNAÐI UNDIR
STÝRI Að minnsta kosti 22 létust
og 25 slösuðust þegar rúta lenti í
árekstri við tvo flutningabíla í
austurhluta Írans. Tólf manns eru
lífshættulega slasaðir og voru þeir
fluttir á sjúkrahús í borginni
Mashhad. Að sögn lögreglu sofnaði
ökumaður rútunnar undir stýri.
RÆÐISMANNSSKRIFSTOFA END-
UROPNUÐ Bandaríkin hafa opnað
að nýju ræðismannsskrifstofu sína
í Beirút í Líbanon sem lokað var í
kjölfar sprengjuárásar fyrir 19
árum. Bandaríski sendiherrann,
Vincent Battle, sagði að ákvörðun-
in um enduropnun skrifstofunnar
væri til marks um eindreginn vilja
Bandaríkjanna að styrkja sam-
band ríkjanna tveggja.
VATN TIL SÖLU
Vatnslítrinn er dýrari en kók, en vinsælli
hjá ferðamönnum í 10-11 í Austurstræti.
Vatnslítrinn á 200 krónur:
Vinsælla
en kókið
VERSLUN 10-11 búðin í Austurstræti
selur lítra af flöskuvatni á 199
krónur og gengur salan, að sögn
Arnars Þórs Óskarssonar verslun-
arstjóra, feikivel. „Vatnið rennur
út og hjá ferðamönnum er það
vinsælla en kókið,“ segir hann.
Aðspurður segir Arnar ekki hafa
heyrt kvartanir um verðið á vatn-
inu. Til samanburðar má geta
þess að kóklítrinn fer á 179 krón-
ur í verslunum 10-11. „Þeir hafa
ekki minnst einu orði á verðið,“
segir Arnar.
Vatnslítrinn hefur verið seldur
í öllum búðum 10-11 síðasta árið
og hafa selst 22 þúsund stykki. ■
Leiðtogafundur Evrópusambandsríkja og Rússlands:
Létt á spennu milli
austurs og vesturs
AFMÆLISHÁTÍÐ
Vladímír Pútín heldur á mynd sem átta ára
gömul rússnesk stúlka færði honum í til-
efni af 300 ára afmæli St. Pétursborgar.
Riða kemur upp í Ölfusi í annað sinn á árinu:
Staðan mjög
viðkvæm
KINDUR
Riða getur borist á milli svæða með heyi,
skepnum og ýmsum landbúnaðartækjum
sem bera með sér óhreinindi.
Tvö ár í fangelsi
fyrir manndráp
Ungu mennirnir sem réðust að saklausum manni í Hafnarstræti
með þeim afleiðingum að hann lést af völdum áverkanna voru
í gær dæmdir til tveggja og þriggja ára fangelsisvistar.
■
Baldur Freyr
var dæmdur í
þriggja ára
fangelsi og
Gunnar Friðrik
tveggja ára
fangelsi.
HAFNARSTRÆTI
Stórfelld líkamsárás varð Magnúsi Frey að bana í Hafnarstræti fyrir um ári síðan.
■ Bráðalugnabólga
FR
ÉT
TA
B
LA
Ð
IÐ
/R
Ó
B
ER
T
Fjöldamorðingi
handtekinn:
Sundurbútuð
fórnarlömb
PEKING, AP Lögreglan í Kína hefur
handtekið 20 ára gamlan karl-
mann sem sakaður er um að hafa
myrt og sundurlimað tíu manns í
borginni Wenzhou í suðaustur-
hluta landsins. Óttinn við þennan
miskunnarlausa fjöldamorðingja
hafði haldið borgarbúum í heljar-
greipum svo vikum skipti.
Upp komst um Chen Yongfeng
þegar lögreglan bankaði upp á hjá
honum til að biðja hann að fjar-
lægja reiðhjól sem stóð fyrir utan
heimili hans. Þegar Chen opnaði
dyrnar blöstu við blóðslettur úr
síðasta fórnarlambi mannsins,
eiganda reiðhjólsins. ■