Fréttablaðið - 31.05.2003, Blaðsíða 23

LAUGARDAGUR 31. maí 2003
■ HÁTÍÐARHÖLD
25

Stóra norræna fílasýningin í sýning-
arsal Norræna hússins. Á sýningunni
eru verk eftir dönsku listamennina Peter
Hentze, Thomas Winding og Pernelle
Maegaard. Victoria Winding hefur séð
um gerð fræðslutexta.

Sýning Claire Xuan í Ljósmynda-
safni Íslands við Tryggvagötu. Listakon-
an kynnir þar myndverk sín og ljós-
myndir og fimmtu ferðadagbók sína, Ís-
land.

Sýning í Listasafni Íslands á úrvali
verka í eigu safnsins. Um sumarsýningu
safnsins er að ræða

Hrafnhildur Sigurðardóttir sýnir lág-
myndir, textílverk og myndverk unnin
með tölvutækni í Listasafni ASÍ við
Freyjugötu. Sýningin stendur til sunnu-
dagsins 1. júní. Listasafn ASÍ, Freyjugötu
41 er opið frá 13 til 17 alla daga nema
mánudaga.

Ljósmyndasýningin Myndaðir máls-
hættir stendur nú yfir í Caffé Kúlture í
Alþjóðahúsinu við Hverfisgötu, gegnt
Þjóðleikhúsinu. Þetta er sýning á loka-
verkefnum útskriftarnema í ljósmyndun
við Iðnskólann í Reykjavík. Sýningin
stendur til 6. júní og er hún opin á af-
greiðslutíma kaffihússins.

„ÓRÓ“ nefnist vorsýning sex mynd-
listarnema á öðru ári í Listaháskóla Ís-
lands sem haldin verður í Listasafni
Sigurjóns Ólafssonar þessa helgi og þá
næstu. Opnunartími er frá kl. 14-17.

Einar Hákonarson er með sýningu á
nýjum verkum í Húsi málaranna, Eiðis-
torgi. Sýningin mun standa til 7. júní og
verða opin fimmtudaga - sunnudaga kl.
14-18.

Sýning á höggmyndum eftir Örn
Þorsteinsson stendur yfir á Kjarvals-
stöðum. Sýningin teygir sig um ganga
Kjarvalsstaða og umhverfis húsið.

Veronica Österman frá Finnlandi er
með málverkasýningu í Listhúsi Ófeigs,
Skólavörðustíg 5. Sýningin er opin virka
daga 10-18 og laugardaga 11-16.

Steinunn Marteinsdóttir er með
sýningu á Hulduhólum í Mosfellsbæ.
Þar sýnir hún málverk og verk úr leir.
Hátíð hafsins
Sjómannadagurinn er 65 ára ásunnudaginn og þetta er fjórða
árið sem við höldum Hátíð hafs-
ins. Það var orðin svolítil barátta
að fá fólk niður á höfn fyrir
nokkrum árum. Við ákváðum því
að sameina Hafnardaga, sem voru
árlega og Sjómannadaginn þannig
að til varð Hátíð hafsins, tveggja
dag hátíðarhöld á Miðbakka
Reykjavíkurhafnar,“ segir Ágúst
Ágústsson, einn af skipuleggjend-
um hátíðarinnar.
Hátíð hafsins hefst í dag með
margvíslegri dagskrá við Reykja-
víkurhöfn. Hátíðinni er ætlað að
varpa ljósi á menningu og mennt-
un sem tengd er sjávarútvegi en
að sögn Ágústar eru kjörorð hátíð-
arhaldanna „Menntun og menning
tengd höfn og hafi“.
„Við sinnum menningunni og
menntuninni á margvíslegan hátt.
Á hafnarbakkanum verða saman
komin fyrirtæki, stofnanir og
skólar til að kynna starfsemi sína,
matarmenning ólíkra þjóða verð-
ur kynnt, enda er höfnin staður
þar sem þjóðirnar mætast, marg-
vísleg skemmtiatriði verða í boði,
sýningar opnaðar, boðið upp á
siglingu og svo mætti lengi telja.“
Sýning verður opnuð í Hafnar-
húsinu undir yfirskriftinni
„Þorskastríðið – lokaslagurinn“. Á
sýningunni eru ljósmyndir sem
teknar voru á ógnvænlegum
augnablikum í íslenskri landhelgi,
en þau voru fjölmörg á áttunda
áratugnum þegar Íslendingar
börðust fyrst fyrir 50 mílna land-
helgi og síðan 200 mílna.
Það er því af nægu að taka um
helgina fyrir þá sem vilja spáss-
era í miðbænum eða sigla um
sundin blá. ■

Sýning á verkum Kristjáns Davíðs-
sonar og Þórs Vigfússonar í Listasafni
Árnesinga, Austurmörk 21 í Hveragerði.
Sýningin stendur til 31. júlí.

Sýning á verkum Matthew Barney,
sem er einn af þekktustu og athyglis-
verðustu myndlistarmönnum samtím-
ans, stendur yfir í Nýlistasafninu. Sýn-
ingin stendur til 29. júní.

Sýning á verkum Mæju í Energia í
Smáralind. Sýningin stendur yfir helgina
og heitir Gleði og Orka.

Sumarsýning í bókasal Þjóðmenn-
ingarhússins. Sýningin ber yfirskriftina
Íslendingasögur á erlendum málum
og er ætlað að gefa innsýn í bók-
menntaarfinn um leið og athygli er vak-
in á því að fjölmargar útgáfur Íslend-
ingasagna eru til á erlendum málum.

Hollenska myndlistarkonan Dorine
van Delft heldur sýningu í SÍM-húsinu
að Hafnarstræti 16 í Reykjavík. Sýningin
ber nafnið Will Hydrogen Effect You?

Síðasta sýningarvika Barkar Jóns-
sonar í Kling & Bang Gallerí, Lauga-
vegi 23. Börkur Jónsson sýnir mynd-
bandsverk. Sýningunni lýkur á sunnu-
dag.

Sýningin “Afbrigði af fegurð“ hefur
opnað á Prikinu. Það er Femínistafélag
Íslands sem stendur fyrir sýningunni.
REYKJAVÍKURHÖFN
Hátíð hafsins verður haldin í Reykjavík
um helgina.
✓