Fréttablaðið - 13.09.2003, Blaðsíða 2
2 13. september 2003 LAUGARDAGUR
„Minna en ég.“
Verslunarmannafélag Reykjavíkur hefur verið að
kanna launamun kynjanna og hann er konum í
óhag. Gunnar Páll Pálsson er formaður VR.
Spurningdagsins
Gunnar Páll, hvað er konan
þín með í laun?
■ Lögreglufréttir
■ Lögreglufréttir
Ódæðismaðurinn
sést á myndbandi
Önnu Lindh, utanríkisráðherra Svíþjóðar, var hótað skömmu áður
en hún var myrt. Myndbandsupptökur úr stórmarkaðnum þar sem
Lindh var myrt sýna mann sem talinn er vera morðinginn.
STOKKHÓLMUR, AP Maður sem svar-
ar til lýsingar vitna á morðingja
Önnu Lindh, utanríkisráðherra
Svíþjóðar, sést á upptöku úr
öryggismyndavél í stórmark-
aðnum skömmu áður en ódæðið
var framið á miðvikudag. Engin
myndavélanna á
staðnum sýnir þó
árásina sjálfa.
Ætlunin er að
sýna upptökurnar
með meintum
morðingja um leið
og búið er að yfir-
heyra öll vitni. Lykilvitni, konu á
sextugsaldri, vantar þó og telur
lögregla að hún geti gefið mikil-
vægar upplýsingar um morðið.
Tugir manna hafa verið yfir-
heyrðir í tengslum við rannsókn-
ina. Þá hefur víðtæk leit farið
fram um allt land að morðingjan-
um. Hann er sagður um þrítugt,
um 180 sentímetrar á hæð, dökk-
hærður og grannvaxinn. Hnífur
morðingjans er fundinn, sem og
fatnaður sem talinn er eign morð-
ingjans. Hvort tveggja er nú í
rannsókn og eru vonir bundnar
við að lífsýni eða fingraför náist.
Þá eru fingraför sem fundust á
vettvangi morðsins enn í rann-
sókn. Lögregla segir öruggt að
morðinginn sé enginn nýgræðing-
ur, um sé að ræða síbrotamann og
líklega geðsjúkan.
„Morðinginn hefur brotið af
sér áður. Það byrjar enginn
glæpaferil með þesum hætti,“
sagði Leif Jennekvist, lögreglu-
stjóri Stokkhólms.
Að minnsta kosti tveir menn
sem svöruðu til greiningar lög-
reglu voru handteknir og lágu
undir grun en báðum var sleppt að
loknum yfirheyrslum.
Lögregla hefur lagt hald á allan
póst sem Önnu Lindh hefur borist
síðastliðið ár og er nú að fara yfir
hann.
Í gær var upplýst að utanríkis-
ráðuneytinu höfðu borist hótanir
til Önnu Lindh sem hún fékk þó
aldrei vitneskju um. Hótanirnar
bárust hálfum mánuði áður en
Anna Lindh var myrt. Hvorki hún
né lögregla voru látin vita af hót-
ununum en alls bárust ráðuneyt-
inu sex bréf og tölvupóstar sem
innihéldu hótanir.
Ástæður morðsins eru enn
óljósar en fátt bendir til að það
hafi verið framið að yfirlögðu
ráði.
the@frettabladid.is
Albanskur flóttamaður gaf sig fram við lögreglu:
Krefst þess að fá
konu sína og börn
FLÓTTAMAÐUR Kosta Seferi, al-
banskur flóttamaður sem sótti um
hæli hér á landi fyrir mánuði, gaf
sig fram við lögreglu síðdegis í
gær. Maðurinn kom hingað með
fjölskyldu sinni, konu og tveimur
börnum með Norrænu í júlí.
Samkvæmt lögum um
Schengen var ekki hægt að af-
greiða umsókn Seferi um hæli hér
á landi þar sem hann hefur þegar
dvalar- og atvinnuleyfi í öðru landi
sem einnig er aðili að Schengen-
samkomulaginu. Hjá Útlendinga-
stofnun fengust þær upplýsingar
að kona og börn mannsins hefðu
þegar verið send til baka en
mannsins væri leitað. Kristín Völ-
undardóttir, sem fer með mál
hælisleitenda fyrir Útlendinga-
stofnun, sagði að venjan væri að
þegar hælisleitendur kæmu frá
öðru Schengen-landi, væru við-
komandi sendir þangað aftur og
umsókn þeirra afgreidd af við-
komandi ríki. „Það er ekki verið að
vísa fólkinu úr landinu, heldur er
það einungis sent til baka. Eina
ástæðan fyrir því að þessi einstak-
lingur er enn hér er sú að lögregla
fann hann ekki þegar til kom.“
„Ég krefst þess að fá konu mína
og börn aftur,“ sagði Seferi og var
ósáttur við svikin loforð yfirvalda
hér á landi. Hann og fjölskylda
hans hafa dvalið hér í húsnæði
Rauða Kross Íslands og var ítrek-
að kynnt hvernig málum sem þess-
um væri framfylgt. ■
ANNA LINDH
Ekki er talið ólíklegt að morðið á Önnu
Lindh, utanríkisráðherra Svíþjóðar, hafi haft
einhver áhrif á afstöðu Svía.
Aðild Svíþjóðar
að Evrunni:
Fylkingarn-
ar hnífjafnar
STOKKHÓLMUR, AP Fylkingar stuðn-
ingsmanna og andstæðinga aðildar
Svíþjóðar að sameiginlegu mynt-
bandalagi Evrópu eru hnífjafnar,
samkvæmt skoðanakönnun sem
birt var í gær. Þetta er töluverð
breyting frá því sem áður var en
hingað til hafa tæplega 10 prósentu-
stigum fleiri verið andvígir evruað-
ild en fylgjandi.
Það var stofnunin SKOP sem
gerði könnunina sama dag og Anna
Lindh, utanríkisráðherra Svíþjóðar
og eindreginn evrusinni, lést af sár-
um sem óþekktur maður veitti
henni með hnífi. Líklegt er talið að
morðið á Lindh hafi haft áhrif á af-
stöðu þeirra sem spurðir voru í
könnuninnni.
Þrjár af 15 Evrópusambands-
þjóðum standa utan sameiginlegs
myntbandalags. Danir felldu
evruaðild í atkvæðagreiðslu árið
2000 og Bretar hafa ekki tekið
endanlega ákvörðun um aðild.
Svíar ganga hins vegar að kjör-
borðinu á morgun og greiða at-
kvæði um Evruaðild. ■
FJÁRFEST Í DANMÖRKU
Sindri Sindrason segir Íslendingana sem
keyptu danska fyrirtækið Larsen hafa mikla
trú á vaxtarmöguleikum þess.
Þrír þekktir athafnamenn:
Kaupa
stórfyrirtæki
ÚTRÁS Larsen Group, sem er félag
í eigu Sindra Sindrasonar, fyrr-
verandi forstjóra Pharmaco, Ei-
ríks Sigurðssonar sem átti 10-11
búðirnar og Sighvatar Bjarnason-
ar, fyrrverandi forstjóra Vinnslu-
stöðvarinnar, hefur fest kaup á
danska matvæla- og sjávarafurða-
fyrirtækinu Larsen.
Fyrirtækið er eitt hið stærsta
sinnar tegundar á Norðurlöndum
og rekur vinnslustöðvar á fimm
stöðum í Danmörku og Þýska-
landi. Sölunet þess nær til 15
landa í Evrópu og Norður-Amer-
íku. Ársvelta Larsen og dótturfé-
laga er á áttunda milljarð ís-
lenskra króna. Helstu vörur fyrir-
tækjanna eru lax, rækjur, skel-
fiskur, kavíar, makríll og síld.
Sindri Sindrason segir þá fé-
laga hafa mikla trú á möguleikum
fyrirtækisins til þess að vaxa og
dafna. „Við horfum bæði til innri
og ytri vaxtar í þeim efnum.“ ■
STÓRT BRUNAÚTKALL Mikill við-
búnaður var hjá lögreglunni í
Hafnarfirði og Slökkviliði höfuð-
borgarsvæðisins þegar tilkynt
var um reyk í bakhúsi við Lækj-
argötu. Óttast var að eldur mynd
breiðast í nærliggjandi hús en
bakhúsið er m.a. sambyggt
Rafha-húsinu. Eldurinn reyndist
minniháttar en kviknað hafði í
rusli inni í húsinu.
UTANRÍKISMÁL Halldór Ásgrímsson
utanríkisráðherra útskýrði sér-
stöðu íslensks landbúnaðar á
blaðamannafundi í Cancún í
Mexíkó í gær.
Halldór er staddur í Mexíkó
vegna fundar Alþjóðaviðskipta-
stofnunarinnar. Landbúnaðarmál
eru sá málaflokkur sem mest hef-
ur verið áberandi í umræðunni á
fundinum. Hugmyndin er sú að
iðnveldin slaki á styrkja- og
verndartollastefnu og auðveldi
þar með þróunarríkjum aðgang að
mörkuðum sínum.
Halldór sagði að Ísland væri
verulega háð innflutningi á land-
búnaðarafurðum og að þær afurð-
ir sem væru mikilvægar útflutn-
ingsvörur fyrir þróunarlöndin
mættu almennt engum hindrun-
um við innflutning til landsins.
Hann sagði að Ísland væri því
ekki að fara fram á meiri sveigj-
anleika en ýmis jaðarsvæði nytu,
t.d. innan Evrópusambandsins og
Bandaríkjanna.
Halldór sagði að stærri ríki
hefðu í krafti stærðar sinnar
sveigjanleika sem minni ríki
hefðu ekki. Taka þyrfti tillit til
slíkra staðreynda innan þess
ramma sem ákveðinn yrði fyrir
framhald viðræðnanna. ■
EKIÐ Á GANGANDI VEGFAR-
ANDA Ekið var á fullorðinn
mann á Akureyri í gærmorgun.
Maðurinn var að ganga yfir
gangbraut á mótum Glerárgötu
og Strandgötu þegar ekið var á
hann. Betur fór en á horfðist en
að sögn lögreglu viðbeinsbrotn-
aði maðurinn.
KOSTA SEFERI
Sagði farir sínar ekki sléttar í samskiptum
við yfirvöld hér á landi.
FR
ÉT
TA
B
LA
Ð
IÐ
/R
Ó
B
ER
T
Bílvelta:
Þrír fluttir
með þyrlu
SLYS Tveir karlmenn og ein kona
voru flutt með þyrlu Landhelgis-
gæslunnar á slysadeild Landspít-
alans í Fossvogi eftir bílveltu á
Holtavörðuheiði síðdegis í gær.
Að sögn vakthafandi læknis er
einn mannanna nokkuð alvarlega
slasaður, en þegar blaðið fór í
prentun var hann enn í rannsókn-
um.
Að sögn lögreglu missti öku-
maður fólksbíls stjórn á bílnum
með þeim afleiðingum að hann ók
út af og valt. Bíllinn var á norður-
leið og átti slysið sér stað skammt
frá Miklagili. ■
Utanríkisráðherra útskýrir sérstöðu Íslands í landbúnaðarmálum:
Ekki að fara fram á
meiri sveigjanleika
HALLDÓR ÁSGRÍMSSON
Halldór sagði að Ísland væri verulega háð
innflutningi á landbúnaðarafurðum.
■
„Morðinginn
hefur brotið af
sér áður. Það
byrjar enginn
glæpaferil með
þessum hætti.“
STÓRMARKAÐURINN
Fjöldi fólks lagði í gær leið sína að stórmarkaðnum þar sem Anna Lindh var myrt. Mynd-
bandsupptökur úr stórmarkaðnum nýttust lögreglu eftir allt í leitinni að morðingjanum.