Fréttablaðið - 13.09.2003, Blaðsíða 20
LAUGARDAGUR 13. september 2003
Lítill dvergur!
Ég heiti Sindri Páll. Það varákveðið að skíra mig Pál í höf-
uðið á Páli Ísólfssyni. Foreldrar
mínir kynntust í orgeltímum hjá
honum. Mjög rómantískt. Svo á
leiðinni í kirkjuna var þessu bætt
við. Það var held ég svona stund-
arákvörðun.“
Það er Sindri Páll Kjartansson,
pródúsent á Skjá Einum sem hef-
ur orðið. Hann notar reyndar
fyrra nafnið meira eitt og sér
heldur en þessi tvö saman og er
eiginlega ekki með það á hreinu
hvað nafnið þýðir. „Tja, það er
svona eitthvað sindrandi. Eitt-
hvað glitrandi sem á náttúrlega
mjög vel við þegar ég er annars
vegar – það er svo bjart yfir mér.“
Þá er það fyrirliggjandi að
Sindri er dvergsnafn úr goða-
fræðinni. Og til að bæta gráu ofan
á svart tjáði einhver Sindra að
Páll þýddi lítill. „Ég sel það ekki
dýrar en ég keypti það. Og þá er
útkoman: Lítill dvergur! Hvort
foreldrar mínir höfðu það í huga
og vildu stemma stigu við slánum
í fjölskyldunni, Sigurjón bróðir er
náttúrlega langur, ég bara veit
það ekki.“
Ekki átti fyrir Sindra að liggja
að standa undir nafni, ef þannig
má að orði komast. Og margir áttu
til á árum áður að láta á grínið
reyna þegar nafnið er annars veg-
ar. „Sindrastál var mikið notað.
Enda góður djókur. Og þá fylgi
oft: „Hvernig er veðrið þarna
uppi, Sindrastál? Fíneríis grín
auðvitað.“
Sindri hefur lent í einu og öðru
sérkennilegu sem tengist nafni
hans. Til dæmis gaf unnusta hans
honum eitt sinn fjölda mynda,
heila filmu, þar sem þemað var
Sindri. Sindravöllur, félagsheimil-
ið Sindri... „Hún hafði þá verið á
Höfn í Hornafirði og þar heitir
allt Sindri eitthvað. Fótboltafélag-
ið heitir Sindri og svo framvegis.
Þetta þótti mér mjög furðulegt.“ ■
■ NAFNIÐ MITT
SINDRI PÁLL KJARTANSSON
„Það var mjög vinsæll djókur hér áður fyrr
að segja: „Hvernig er svo veðrið þarna
uppi, Sindrastál?“ Enda fyrirtaks grín.“
Grínað fyrir allan
peninginn
■ MAÐUR AÐ MÍNU SKAPI
Ég sé hetjuna mína á hverjummorgni í speglinum þegar ég
tannbursta mig. Nú, má ég ekki
nefna sjálfan mig? Jæja... þá nefni
ég Sam Kinison,“ segir Guðmundur
Atlason, auglýsingastjóri á Norður-
ljósum, aðspurður um þann mann
sem hann hefur helst í hávegum.
Kinison var bandarískur grínari
og þó hann sé ekki vel þekktur hér-
lendis segir Guðmundur hann snill-
ing sem er á topp 5 lista yfir mestu
uppistandsgrínara í Bandaríkjunum
fyrr og síðar. „Hann væri algjör
súperstjarna væri hann á lífi. Hann
breytti þessu listformi. Hann tók til
dæmis þekkt lög og breytti þeim og
fékk fjölmarga fræga rokkara til að
taka þátt í gríninu. Enda var hann
eftirlæti margra þeirra og tók þátt
í hinu villta líferni rokksins þó að
hann væri prestssonur og reynd-
ar predikari sjálfur áður en
hann snéri sér alfarið að grín-
inu. Hann var stuttur, um einn
og sextíu á hæð, spikfeitur með
sítt hár. En hann lét það ekki á
sig fá, kunni að gera grín að
sjálfum sér og gerði óspart grín
að sjálfum sér fyrir allan
peninginn.“
Guðmundur, sem
alla jafna gengur und-
ir nafninu Mundi, hef-
ur orðið sér úti um
flest allt sem út hef-
ur verið gefið með
Kinison, sem er þó
nokkuð mikið. Og
G u ð m u n d u r
gengst hiklaust
við því að Kini-
son hafi haft afgerandi áhrif á líf
sitt. „Einkum kannski hvað það
varðar að taka sjálfan sig ekki of há-
tíðlega og vera maður sjálfur. For-
senda þess að maður geti gert grín
að öðrum er sú að maður geti gert
grín að sjálfum sér líka.“
Og ekki er ofsagt að segja Munda
duglegan þegar grínið er annars
vegar. Hann er að allan daginn. Ein
saga af honum er sú að honum hafði
eitthvað sinnast við Hreggvið Jóns-
son yfirmann sinn, þáverandi for-
stjóra Norðurljósa. Hreggviður
hafði eitthvað verið að skammast í
Munda. Um kvöldið var haldin á
Broadway árshátíð SÍA, sem eru
samtök allra auglýsingastofa á land-
inu auk miðla. Mundi fann kynninn
og tjáði honum að svo skemmtilega
vildi til að sjálfur forstjóri Norður-
ljósa væri 45 ára þennan sama dag.
Upplagt væri að samkoman fagnaði
þessum áfanga með Hreggviði sem
jafnframt var þarna staddur. Og all-
ir risu á fætur, skáluðu fyrir Hregg-
viði og sungu hástöfum afmælis-
sönginn: „... Hann er 45 ára hann
Hreggviður...“ Meinið var hins veg-
ar að Hreggviður hvorki átti afmæli
þá né var hann 45 ára heldur 37. Það
tók Hreggvið langan tíma að leið-
rétta þennan misskilning.
„Jájá, mitt mottó er að lifa lífinu
lifandi og hafa nóg af gríni í gangi
eins og Kinison – sem reyndar dó í
bílslysi fyrir 11 árum.“
jakob@frettabladid.is
SAM KINISON
Hann var prestssonur sem söðlaði um og
kom fram á sjónarsviðið með groddaralegt
grín sem ekki höfðaði síst til villtra rokkara
– sem og auglýsingastjóra Norðurljósa.
GUÐMUNDUR
ATLASON
Fyrirmynd hans
er bandaríski
grínarinn Sam
Kinison.