Fréttablaðið - 25.10.2003, Blaðsíða 2

2 25. október 2003 LAUGARDAGUR
“Já, en maður verður fyrr
svangur aftur.“
Úlfar Eysteinsson matreiðslumeistari hefur
gefið út bók með fiskuppskriftum.
Spurningdagsins
Úlfar, verður maður saddur af fiski?
■ Lögreglufréttir
WASHINGTON Upplýsingaöflun
Bandarísku leyniþjónustunnar
(CIA) í aðdraganda árásarinnar á
Írak í fyrra er harðlega gagn-
rýnd af sérstakri rannsóknar-
nefnd bandarísku öldungadeild-
arinnar.
„Ég óttast trúðverðuleika
leyniþjónustunnar,“ sagði
repúblikaninn Pat Roberts, for-
maður nefndarinnar, í viðtali við
dagblaðið Washington Post í gær.
Dagblaðið greindi frá því að í
skýrslu sem nefndin er að vinna
sé George T. Tenet, yfirmaður
leyniþjónustunnar, gagnrýndur
harðlega. Sérstaklega er gagn-
rýnd skýrsla sem leyniþjónustan
vann fyrir yfirvöld í aðdraganda
stríðsins en í henni er fjallað um
efnavopnaeign Íraka og mögu-
leika landsins til þróunar á kjarn-
orkuvopnum.
Nefndin hefur yfirheyrt rúm-
lega 100 manns innan leyniþjón-
ustunnar sem sáu um að safna
gögnum sem skýrslan byggði á. Í
Washington Post kemur fram að
mikið af þeim lykilupplýsingum
sem skýrslan byggir á hafi verið
óstaðfestar eða byggðar á viðtöl-
um við eina manneskju sem
þykja ekki vönduð vinnubrögð.
Eitt meginverkefni nefndarinnar
er að finna út hvort bandarískur
almenningur hafi verið blekktur í
aðdraganda stríðsins og of mikið
gert úr hættunni sem stafaði af
Saddam Hussein og Írak.
Demókratar og repúblikanar
innan nefndarinnar deila um það
hvort vinnubrögð leyniþjónust-
unnar hafi verið með þessum
hætti vegna þrýstings frá Hvíta
húsinu.
Pat Roberts vill meina að
leyniþjónstustan hafi ekki staðið
sem skyldi við að upplýsa fram-
kvæmdavaldið um stöðu mála í
Írak. John Rockefeller, fulltrúi
demókrata í nefndinni, er hins
vegar undir miklum þrýstingi frá
forystu flokksins um að leyfa Ro-
berts ekki að einblína á leyni-
þjónustuna og hennar vinnu-
brögð. Demókratar telja brýnt að
fá úr því skorið hvort George W.
Bush, forseti Bandaríkjanna,
Dick Cheney, varaforseti hans,
og Donald H. Rumsfeldt varnar-
málaráðherra hafi meðvitað
oftúlkað hættuna sem stafaði af
vopnaeign Íraka. ■
ÁRSÞING „Það var einkar ánægju-
legt að finna þann samhljóm inn-
an hreyfingarinnar sem var
greinilega fyrir hendi á þessum
ársfundi,“ segir Gylfi Arnbjörns-
son, framkvæmdastjóri Alþýðu-
sambands Íslands, um ársþing fé-
lagsins sem fram fór á hótel Nor-
dica.
„Þetta er stór hreyfing með 82
þúsund félagsmenn og alls ekki
sjálfgefið að allir nái landi saman.
Stærstu málin sem voru til umræðu
voru atvinnu- og kjaramálin.“
Ein ályktun miðstjórnar sam-
bandsins var að mótmæla skerð-
ingu þeirri sem fyrirhuguð er á
atvinnuleysisbótum. „Við setj-
umst ekki niður með ráðherra
nema skerðingin verði dregin til
baka. Þvert á móti á að hækka at-
vinnuleysisbætur svo þau jafnist
á við lágmarkslaun. Við viljum
huga sérstaklega að lægstu laun-
unum og launajafnrétti. Jafn-
framt setjum við fram að atvinnu-
leysisbætur eigi að tengjast fyrri
tekjum sem hlutfall af launum.“
Gylfi segir að fundurinn hafi
tekið á því vaxandi vandamáli
sem langvarandi atvinnuleysi er.
„Það er staðreynd að fleiri eru að
lenda oftar og lengur í atvinnu-
leysi en áður var og því eru at-
vinnuleysisbætur orðnar stærri
þáttur í tekjum og lífsviðurværi
margra Íslendinga. Þess vegna
förum við fram á bættar trygg-
ingar til handa þeim aðilum sem
lenda í slíku.“ ■
Hákarlabaninn:
Heimskulegt
ofbeldi
FRÉTTIR Talsverð viðbrögð hafa
orðið við frétt Fréttablaðsins
varðandi Sigurð Pétursson Ís-
mann sem banaði hákarli við
strendur Grænlands fyrir sköm-
mu.
Á vefsíðu dagblaðsins National
Post í Kanada er verknaðurinn
harðlega gagnrýndur af George
Burgess, forstjóra stofnunar í
Bandaríkjunum sem safnar gögn-
um um hákarlaárásir í heiminum.
„Þetta hljómar eins og árás á
hákarl en ekki öfugt,“ sagði
Burgess og fordæmdi verknað
sem þennan sem heimskulegt of-
beldi gagnvart hákarli sem hefur
aldrei verið þekktur fyrir að ráð-
ast að mönnum. ■
SILVIO BERLUSCONI
Fyrri ríkisstjórn Berlusconi sprakk vegna
deilna um skerðingu eftirlaunaréttar.
Atvinnulíf lamað:
Milljónir í
verkfalli
RÓM, AP Atvinnulíf á Ítalíu lamað-
ist í gær þegar um 11 milljónir
manna í þremur stærstu verka-
lýðsfélögum landsins fóru í fjög-
urra klukkustunda verkfall. Verst
var ástandið í Róm, Bologna og
Napolí. Almenningssamgöngur
fóru úr skorðum og miklar trufl-
anir urðu á áætlunarflugi til og
frá Ítalíu. Tæplega 300 flugferð-
um til og frá landinu var aflýst.
Bankar og skólar voru lokaðir og
sjúkrahús veittu aðeins neyðar-
þjónustu.
Með verkfallinu vildu launþeg-
ar undirstrika óánægju sína með
áform ríkisstjórnarinnar um
breytingar á eftirlaunakerfi
landsins. Ríkisstjórn Berlusconis
vill hækka eftirlaunaaldur úr 57
árum í 65 ár hjá körlum og 60 ár
hjá konum. ■
MÆLDIST VEL YFIR SVIPTINGAR-
MÖRKUM Maður var tekinn fyrir
ölvunarakstur í Vestmannaeyjum
í hádeginu á fimmtudaginn. Hann
var sviptur ökuréttindum á
staðnum til bráðabirgða þar sem
hann mældist vel yfir mörkum til
sviptingar.
STJÓRNMÁL Hvorki Árni Þór Sig-
urðsson, forseti borgarstjórnar,
né Alfreð Þorsteinsson, formað-
ur borgarráðs, segja að grund-
vallarbreyting hafi orðið á stöðu
Þórólfs Árnasonar borgarstjóra
við það að hann hafi nú verið yf-
irheyrður af Ríkislögreglustjóra
vegna meintra samkeppnisbrota
í fyrra starfi hjá Olíufélaginu
Esso. Árni Þór sagði að sam-
starfsmenn Þórólfs í Reykjavík-
urlistanum hafi hingað til tekið
skýringar hans gildar á því sem
fram kom í skýrslu Samkeppnis-
stofnunar. Hins vegar hafi málin
ekki verið rædd í ljósi nýrrar
stöðu í málinu en þau munu
sjálfsagt verða rædd.
Alfreð segir að hann hafi
alltaf sagt að málið eigi að hafa
sinn gang og það sé verið að
rannsaka það af réttbærum yfir-
völdum. Mikilvægt sé að hafa í
huga að þótt menn sæti rann-
sókn, þá þýði það ekki sekt þeir-
ra. Honum þykir ómögulegt að
setjast á einhvern dómarabekk í
málinu og að afstaða verði tekin
til stöðu Þórólfs í ljósi þeirrar
niðurstöðu sem rannsóknin leið-
ir til. ■
Þingið gagnrýnir
upplýsingaöflun
Formaður sérstakrar rannsóknarnefndar bandarísku öldungadeildar-
innar óttast trúverðugleika leyniþjónustunnar. Lykilupplýsingar sem
notaðar voru í aðdraganda stríðsins við Írak þykja illa unnar.
BUSH BRIGSLAÐ UM BLEKKINGAR
Demókratar í Bandaríkjunum telja brýnt að fá úr því skorið hvort George W. Bush, forseti
Bandaríkjanna, hafi meðvítað oftúlkað hættuna sem stafaði af Írökum. Á myndinni er ver-
ið að mótmæla heimsókn forsetans til Ástralíu í vikunni.
Forsvarsmenn Reykjavíkurlistans:
Málið hafi sinn gang
Fertugur maður:
Dæmdur
öðru sinni
DÓMUR Maður á fertugsaldri var
dæmdur í fjögurra mánaða fangelsi
fyrir hafa mikið magn af barnaklá-
mi í sinni vörslu í Héraðsdómi
Reykjavíkur. Honum var einnig
gert að greiða 350.000 krónur í sekt.
Hann hafði í sínum fórum fjórar
myndbandsspólur, 176 hreyfimynd-
ir og tæplega 30.000 ljósmyndir
sem sýndu börn á klámfenginn og
kynferðislegan hátt.
2001 var maðurinn dæmdur í árs
fangelsi fyrir kynferðisbrot gegn
tveimur ungum drengjum. Þá flutti
hann inn myndband sem sýndi
unga drengi í kynferðislegum at-
höfnum. ■
ALFREÐ ÞORSTEINSSON
Menn setjist ekki á dómarabekk.
ÁRNI ÞÓR SIGURÐSSON
Hefur tekið skýringar Þórólfs gildar.
FR
ÉT
TA
B
LA
Ð
IÐ
/R
Ó
B
ER
T
HLUTI MIÐSTJÓRNAR ASÍ
Áhersluatriði á ársþingi sambandsins voru
atvinnu- og kjaramál landans
HELSTU ÁHERSLUR
ÁRSFUNDAR ASÍ
• Áhersla á að launafólk fái réttláta hlut-
deild í aukningu þjóðarverðmæta.
• Þess krafist að félagsmálaráðherra
dragi skerðingaráform til baka.
• Beina sjónum sérstaklega að langtíma-
atvinnulausum.
• Áhersla á fjárfestingu í mannauði.
• Þróa samstarf milli aðila vinnumark-
aðar og stjórnvalda.
• Biðlistum eftir félagslegu húsnæði
verði eytt.
Ársfundur Alþýðusambands Íslands:
Atvinnuleysisbætur
fylgi lægstu launum
FR
ÉT
TA
B
LA
Ð
IÐ
/R
Ó
B
ER
T
SIGURÐUR PÉTURSSON
Sætir gagnrýni fyrir hákarlsdrápið.