Fréttablaðið - 25.10.2003, Blaðsíða 22

■ Næsta stopp
22 25. október 2003 LAUGARDAGUR
Helgin markar tímamót í söguHróksins. Við bjóðum til há-
tíðar í Vetrargarðinum til þess
að sýna hvað Hrókurinn stendur
fyrir. Við lítum mjög stolt um
öxl, undraverðir hlutir eru að
gerast í íslensku skálífi og nú eru
tækifæri til þess að láta lang-
þráða drauma rætast. Á sama
tíma teflum við fram átta keppn-
issveitum á Íslandsmóti skákfé-
laga og vel á annað hundrað
skákmenn á öllum aldri, af báð-
um kynjum og úr ýmsum heims-
hornum munu tefla undir merkj-
um Hróksins. Við erum sérstak-
lega stolt af barnasveitum fé-
lagsins og þeirri skemmtilegu
staðreynd að yngsti liðsmaður
okkar á Íslandsmótinu er næst-
um upp á dag jafn gamall Hrókn-
um en hann varð fimm ára í síð-
ustu viku,“ segir Hrafn Jökuls-
son, forseti Hróksins, sem stend-
ur í stórræðum á sviði skákar-
innar á Íslandi enn og aftur.
Þjóðarsátt um skáklandið
Ísland
Breytingar liggja í loftinu.
Hrafn neitar því að fyrir hafi
legið fimm ára áætlun. „Við lögð-
um ekki upp fyrir fimm árum
með áætlun um hvernig við ætl-
uðum að gerbreyta íslensku
skáklífi varanlega. Við létum
okkur aldrei dreyma um það að
haustið 2003 yrðu þúsundir
barna komnar á fullt í skákina.
Við vorum ekki svo framsýnir að
við værum búnir að ákveða að á
20 mánuðum myndi Hrókurinn
standa fyrir 10 alþjóðlegum
skákviðburðum, þar af mörgum
sterkustu mótum heims á þessu
tímabili. Við lögðum einfaldlega
af stað og höfðum skemmtigildið
að leiðarljósi. Smám saman hef-
ur hins vegar orðið til hreyfing
sem teygir sig núna um allt þjóð-
lífið inn í nánast hvern skóla á
landinu, inn á óteljandi heimili,
inn á heimili út um allt.“
Hrafn segir jafnframt athygl-
isvert að langflestir þeirra sem
lagt hafa mest af mörkum höfðu
aldrei komið nálægt skák eða
skákstarfi áður. Með öðrum orð-
um; orðin er til ný og kröftug og
spennandi hreyfing sem nú mun
ráðast í það verkefni að endur-
skapa skáklíf á Íslandi varan-
lega.
„Nú er staða á borðinu sem
gefur frábæra möguleika og
rétti tíminn til þess að hefja
lokasóknina. Við teljum okkur
hafa sýnt fram á hvað er hægt að
gera. Nú viljum við að skákland-
ið Ísland verði fest í sessi. Hrók-
urinn býðst til þess að leggja til
alla sína krafta í að vinna með
ungu kynslóðinni og sjá til þess
að hér sé kröftugt og iðandi
skáklíf landið um kring. Við ætl-
um hins vegar ekki að gína yfir
íslensku skáklífi. Við viljum
fyrst og fremst vinna í grasrót-
inni að mest spennandi verkefn-
unum sem bjóðast. Breiða út
skákina meðal krakkanna og
taka þátt í að ala upp kynslóð
hugsandi Íslendinga. Við viljum
mynda þjóðarsátt og þar verða
margir að koma til; hið opinbera,
sveitarfélögin, atvinnulífið, hin
ýmsu félagasamtök, einstakling-
ar, skólar og fjölmiðlar. Sú tíð er
bráðum liðin að eitt félag þurfi
að annast varðveislu á því
fjöreggi sem skáklíf á Íslandi
er.“
Ólöglegt lið til keppni
Á síðasta aðalfundi Skáksam-
bands Íslands var samþykkt um-
deild tillaga, augljóslega til höf-
uðs Hróknum, að koma bæri á
kvóta á erlenda skákmenn. Að
þeir væru aldrei fleiri en íslensk-
ir skákmenn í hverju liði á Ís-
landsmóti.
„Það er sorglegt að þeir menn
skuli finnast innan hinnar gömlu
íslensku skákhreyfingar sem
vilja skoða vegabréf manna áður
en þeim er hleypt að taflborðinu.
Slíkt stríðir algerlega gegn öllu
sem Hrókurinn stendur fyrir. Það
er pláss fyrir alla í Hróknum og
það eru allir velkomnir. Dapurleg
tímaskekkja að keppinautar okk-
ar á Íslandsmóti skákfélaga skuli
hafa opinberað hversu illa þeir
þekkja inntakið í kjörorði al-
þjóðahreyfingar skákmanna: ‘Við
erum ein fjölskylda.’ Ég hvet
þessa menn til að setjast niður og
hugleiða hvað orðin þýða. Hrók-
urinn mun um helgina tefla fram
sínum keppnismönnum alveg
burtséð frá því hvort menn eru
mjóir eða feitir, litlir eða stórir,
með íslensk vegabréf eða ekki.
Við höfum í höndunum lögfræðiá-
lit Árna Páls Árnasonar, lög-
manns og sérfræðings í Evrópu-
málum, þar sem hann kemst af-
dráttarlaust að þeirri niðurstöðu
að hinn nýsetta lagagrein til höf-
uðs erlendum skákmeisturum
Hróksins standist ekki EES-
samninginn og sé líklega brot á
mannréttindasáttmála Evrópu.
Ég hef engan lögmann hitt sem
hefur reynt að mótmæla þessari
niðurstöðu heldur þvert á móti.“
Með öðrum orðum, Hrókurinn
mun senda ólöglegt lið til keppni?
„Ef einhver lítur svo á að okk-
ar lið sé ólöglegt hvet ég viðkom-
andi til að kæra. Okkur leiðist að
standa í þrasi og viljum öfgalausa
umræðu um málin. En ætli ein-
hver að kæra einhverja af okkar
liðsmönnum munum við fara með
það mál eins langt og þörf krefur,
eyða í það eins mikilli orku og
tíma og þörf krefur. Fyrr eða síð-
ar hlýtur sú staðreynd að renna
upp fyrir mönnum að 21. öldin er
gengin í garð.“
Steinn í götu Hróksins
Ljóst má vera að fítónskraftur
Hróksmanna hefur farið fyrir
brjóstið á valdamiklum aðilum
innan Skáksambandsins. Hrókur-
inn gerði að tillögu sinni að Ís-
landsmótið yrði haldið í Smára-
lind en það gekk ekki eftir. „Vetr-
argarðurinn hefði verið frábær
mótsstaður. Því miður voru for-
seti skáksambandsins og varafor-
seti bornir ofurliði í stjórninni af
mönnum sem voru tilbúnir að
leggja allt í sölurnar til þess að Ís-
landsmót skákfélaga færi fram í
kyrrþey. Þessir menn vilja hverfa
aftur til þess ástands þegar eng-
inn í landinu hafði áhuga á Ís-
landsmóti skákfélaga. Þeir vildu
fela þetta mót í yfirgefnum
menntaskóla í Hamrahlíð. Við
vildum færa skákina til fólksins í
samræmi við þá skákbyltingu
sem gengur yfir landið. Því miður
urðu sjónarmið okkar og forseta
skáksambandsins undir.“
jakob@frettabladid.is
Mitt val væri staður uppi íHimalajafjöllum sem heitir
Dardjiling,“ segir Gunnar Dal,
heimspekingur og skáld, aðspurð-
ur um það hvert hann vildi helst
fara í stutt ferðalag ef hann mætti
velja. „Dardjiling þýðir á máli inn-
fæddra „borg ofar skýjum“,“ segir
Gunnar. „Ég var þarna nú í gamla
daga, um miðja öldina sem leið og
þarna sá maður til dæmis yfir á
Tígiris-hæðir og Everest-fjall og
eiginlega miklu tilkomumeiri fjöll
en Everest, sko. Þetta er gífurlega
fallegur staður. Náttúrufegurðin
er mikil og fólkið gott, framandi og
merkilegt. Ég var við Háskólann í
Kalkútta en í fríinu fór ég þarna
upp í fjöllin og var þarna í svona
rúman mánuð.
Menn verða algerir skýjaglóp-
ar, í bestu merkingu orðsins, í
Dardjiling. Orðið glæpur er dreg-
ið af glópur en það á ekki við. Það
er allt aðra sögu að segja af glóp-
um í merkingunni að verða undr-
andi á hlutunum vegna þess að í
Dardjiling voru svo margir hlutir
sem gerðu mann hissa og fengu
mann til að undrast. Hvað sagði
líka ekki Aristóteles gamli? Hann
skilgreindi heimspekinga með
þeim orðum að aðeins sá maður
sem verði hissa sé heimspeking-
ur. Þeir sem eru ekki hissa eru of
vitlausir til að geta talist heim-
spekingar..“
Gunnar skrifaði upphafið á
heimspekisögu sinni í Dardjiling en
fyrsta bindi hennar fjallar einmitt
um austurlenska heimspeki.
„Þannig að ég var hátt uppi þegar
ég byrjaði á sögu heimspekinnar.
Þetta var afskaplega áfengt and-
rúmsloft. Morgunsvalinn var hrein-
lega þannig að það eitt að anda að
sér þessu tæra, hreina háfjallalofti
var eins og að drekka guðaveigar.
Þarna voru afskaplega margir
heimar sem birtust og voru að af-
hjúpast nánast daglega.“ ■
Íslandsmót skákfélaga er haldið nú um helgina. Íslandsmeistarar Hróksins tefla fram „ólöglegu“ liði og virða að vettugi útlendingatak-
markanir sem finnast í lögum Skáksambandsins. Svo virðist sem prímus mótor í skáklífi landsmanna undanfarin ár, Hrafn Jökulsson, eigi
sér óvildarmenn innan gömlu skákhreyfingarinnar.
Hrafn hrókerar langt
HRAFN JÖKULSSON
Hefur farið fyrir Hróknum og uppbyggingu
skákmenningar á Íslandi undanfarin ár,
ekki síst meðal skólafólks. Hér situr hann
að tafli. Hrókurinn ætlar í trássi við reglur
Skáksambandsins að tefla fram erlendum
stórmeisturum á íslandsmóti skákfélaga
um helgina og manar menn til að kæra.
Við lögðum ekki upp
fyrir fimm árum með
áætlun um hvernig við
ætluðum að gerbreyta ís-
lensku skáklífi varanlega.
Við létum okkur aldrei
dreyma um það að haustið
2003 yrðu þúsundir barna
komnar á fullt í skákina.
,,
Gunnar Dal kann vel við sig skýjum ofar:
Saga heimspekinnar byrjaði í Dardjiling
GUNNAR DAL
„Þarna átti ein kona marga menn en reglur
voru um að aðeins elsta dóttirin gæti tekið
allan arf og þegar hún gifti sig einhverjum
varð hún að giftast öllum bræðrum hans
líka. Öðruvísi gekk dæmið ekki upp.“
SKÝJUM OFAR
„Það er eins og fólk sem býr í þessum
mishæðóttu löndum verði oft sterkara,“
segir Gunnar.
FR
ÉT
TA
B
LA
Ð
IÐ
/A
LD
A
LÓ
A
FR
ÉT
TA
B
LA
Ð
IÐ
/R
Ó
B
ER
T