Fréttablaðið - 07.01.2004, Blaðsíða 23

23MIÐVIKUDAGUR 7. janúar 2004
SIGURÐUR ÞORVALDSSON
Sigurður Þorvaldsson úr Snæfelli kom, sá
og sigraði í netkosningunni fyrir Stjörnuleik
KKÍ.
Stjörnuleikur KKÍ:
Sigurður með
flest atkvæði
KÖRFUBOLTI Framherjinn Sigurður
Þorvaldsson úr Snæfelli fékk flest
atkvæði í netkosningu fyrir
Stjörnuleik KKÍ, sem fram fer á
laugardaginn í Seljaskóla. Sigurður
mun verða í byrjunarliði norðurliðs-
ins ásamt þeim Ingvaldi Magna
Hafsteinssyni úr KR, Hlyni Bær-
ingssyni úr Snæfelli, Eiríki Önund-
arsyni úr ÍR og Clifton Cook úr
Tindastóli. Bárður Eyþórsson, þjálf-
ari Snæfells, mun stjórna norðurlið-
inu í leiknum. Þrír Njarðvíkingar,
Friðrik Stefánsson, Páll Kristinsson
og Brandon Woudstra, eru í byrjun-
arliði suðurliðsins ásamt Páli Axeli
Vilbergssyni úr Grindavík og Pálma
Frey Sigurgeirssyni úr Breiðabliki.
Friðrik Ingi Rúnarsson, þjálfari
Grindavíkur, stýrir suðurliðinu en
hann og Bárður munu velja sjö leik-
menn í sín lið þegar nær dregur
helginni. ■
Intersport-deildin í
körfuknattleik:
Stroud til
Grindavíkur
KÖRFUBOLTI Grindavík, efsta lið
Intersport-deildarinnar í körfu-
knattleik, hefur fengið Bandaríkja-
mann í stað Dan Trammels sem lið-
ið ákvað að fá ekki til baka eftir
jólafrí. Leikmaðurinn sem um er að
ræða er Derrick Stroud en hann er
rúmir tveir metrar á hæð og hefur
spilað sem kraftframherji eða mið-
herji. Stroud, sem er 29 ára gamall,
spilaði síðast í Frakklandi en hans
bestu ár voru í finnsku deildinni
þar sem hann skoraði yfir tuttugu
stig og tók yfir 13 fráköst að meðal-
tali tímabilin 2001-2002 og 2002-
2003. Friðrik Ingi Rúnarsson, þjálf-
ari Grindavíkur, sagði í samtali við
Fréttablaðið í gær að hann væri
mjög ánægður með að hafa nælt
sér í þennan leikmann og að hann
hefði fengið mjög góð meðmæli frá
Finnlandi. „Maður veit auðvitað
aldrei hvað þessir menn geta fyrr
en þeir koma til landsins en ég hef
spurst fyrir um hann og hann fær
alls staðar mjög góð meðmæli. Ég
talaði meðal annars við finnska
landsliðsþjálfarann og hann sagði
að Stroud væri öflugur leikmaður.
Ég á von á því að hann muni hjálpa
okkur mikið þegar líða tekur á
tímabilið enda var það ástæðan fyr-
ir því að við skiptum um Banda-
ríkjamann. Þetta er auðvitað
áhætta en ég vona að hún borgi sig
þegar uppi er staðið,“ sagði Friðrik
Ingi. ■
Blaklandslið kvenna:
Þrjú töp á
EM
BLAK Íslenska kvennalandsliðið í
blaki tapaði öllum leikjum sínum í
forkeppni Evrópumóts C-þjóða sem
lauk í Dublin á mánudag. Á laugar-
dag töpuðu Íslendingar 3-1 fyrir
Skotum, 3-0 fyrir Írum á sunnudag
og mjög óvænt fyrir Grænlending-
um, 3-2, á mánudag. Þetta er í fyrsta
skiptið sem Grænlendingar taka þátt
í þessu móti og sennilega fyrsti
landsliðssigur þeirra í blaki en þeir
unnu með gífurlegri baráttu í lág-
vörninni. Þeir unnu fyrstu tvær hrin-
urnar 26-24 og 25-21 en Íslendingar
jöfnuðu með sigrum í næstu tveimur
hrinum, 25-13, 25-21. Grænlendingar
unnu oddahrinuna 15-11. ■
FÓTBOLTI Veigar Páll Gunnarsson
skrifaði í gær undir nýjan
tveggja ára samning við Íslands-
meistara KR en gamli samning-
urinn hans rann út síðasta haust.
Veigar Páll fékk samningstilboð
frá Stabæk í Noregi en hafnaði
því á þeim forsendum að hann
gæti haft það jafngott á Íslandi.
Veigar Páll sagði í samtali við
Fréttablaðið í gær að hann væri
mjög sáttur við samninginn.
„Samningurinn heftir mig ekki
og það varð samkomulag á milli
mín og KR-inganna að ég get
farið erlendis ef mér býðst það
tækifæri.“
Aðspurður sagði Veigar Páll
það vera metnað KR-inga að
vinna báða þá titla sem í boði
væru og standa sig betur í Evr-
ópukeppninni en í fyrra. „Við
erum með hörkulið sem á að
geta gert góða hluti.“ Forráða-
menn KR-inga sem Fréttablaðið
ræddi við sögðust vera mjög
sáttir við að halda Veigari enda
hefði hann verið besti maður
liðsins undanfarin tvö tímabil.
Góðar fréttir fyrir stuðningsmenn Íslandsmeistara KR:
Veigar Páll áfram hjá KR
VEIGAR PÁLL GUNNARSSON
Veigar Páll Gunnarsson verður áfram í
Vesturbænum næstu tvö árin.