Fréttablaðið - 17.01.2004, Blaðsíða 19
20 17. janúar 2004 LAUGARDAG
Það er ekki kátt í höll Englandsdrottningar,
þar sem hvert hneykslismálið á fætur öðru dynur yfir:
Heimilisböl
í höllinni
Þegar Elísabet II Englands-drottning settist á valdastól
árið 1952 fögnuðu þegnar hennar
innilega. Drottningin hefur alla
tíð notið lýðhylli enda rækt starf
sitt af trúmennsku, og reyndar
einnig af annáluðu húmorsleysi.
Hún hefur hvergi farið illilega út
af sporinu en um leið hefur hún
haft ómældan ama af lítt konung-
legri hegðan barna sinna og
tengdabarna. Eiginmaður hennar,
Filippus prins, er einnig umdeild-
ur. Hann þykir stífur og kuldaleg-
ur maður sem hefur hvað eftir
annað komist í fjölmiðla vegna
óheppilegra yfirlýsinga um menn
og málefni. Hann er sagður ótrúr
eiginmaður og slúðrað er um að
hann eigi börn utan hjónabands,
en breska pressan hefur ekki
treyst sér til að leggjast í rann-
sóknir í því máli.
Erfið hjónabönd
Elísabet og Filippus eiga fjög-
ur börn: Karl, Önnu, Andrés og
Játvarð. Hjónin eru sögð hafa alla
tíð sýnt hestum sínum og hundum
meiri ástúð en börnum sínum og
það kann að eiga einhvern þátt í
hjónabandsógæfu barnanna. Þau
hafa öll skilið við maka sína, fyrir
utan Játvarð, sem er kvæntur
Sophie Rhys-Jones. Ekki líta allir
svo á að gæfa sé í því hjónabandi
því slúðurdálkahöfundur víða um
heim hafa fullyrt að Játvarður sé
samkynhneigður og hjónabandið
sé hagkvæmnishjónaband. Hjónin
bjuggu að miklu leyti aðskilin
fyrstu hjónabandsárin en á dög-
unum eignuðust þau dóttur sem
mun væntanlega tengja þau undir
sama þaki mestan hluta ársins.
Anna Bretaprinsessa er sögð
eftirlæti föður síns, viljasterk,
ákveðin og formföst. Sagt er að
Filippus harmi mjög að hún skuli
ekki eiga að erfa ríkið því hann er
sagður treysta Karli ríkisarfa lítt
til að verða dugmikill kóngur.
Anna hefur ekki notið gæfu í
einkalífi en þó sloppið betur frá
umfjöllun slúðurblaða en systkini
sín. Hún giftist liðsforingja en
þau skildu og seinni maður henn-
ar var hestasveinn, nokkrum
árum yngri en hún. Þau hafa ekki
skilið formlega en langt er síðan
hjónabandið fór í hundana.
Andrés er talinn glaumgosinn í
systkinahópnum. Hann var
stöðugt fréttaefni meðan hann átti
í villtu sambandi við klámdrottn-
inguna Koo Stark. Hann kvæntist
síðan rauðhærðu skellunni
Fergie, sem gekk svo illa að temja
sér hirðsiði að bresk yfirstétt
saup hveljur. Breskri alþýðu þótti
Fergie einnig óhefluð. Faðir henn-
ar var hinni konunglegu fjöl-
skyldu einnig til ama vegna heim-
sókna sinna til vændiskvenna sem
slúðurblöð skýrðu skilmerkilega
frá. Slúðurblöðin komust yfirleitt
ætíð í feitt þegar Fergie var ann-
ars vegar en aldrei eins og þegar
myndir náðust af henni og ítölsk-
um greifa þar sem hann sleikti
tær hennar. Sagt var að Elísabet
og Filippus hafi glaðst innilega
þegar Andrés og Fergie skildu.
Síðan hefur verið fremur hljótt
um Andrés og Fergie kemst nú að-
allega í slúðurblöðin vegna reglu-
bundinna megrunarkúra sinna.
Örlagavaldurinn Díana
Karl Bretaprins, erfingi krún-
unnar, er sagður bera þess nokkur
merki að foreldrar hans sinntu
honum lítt í uppvextinum. Sér-
staklega hefur sambandið milli
hans og föður hans verið stirt en
Filippus er sagður þykja Karl
vera allt of veikgeðja. Þegar Karl
leiddi unga brúði sína, Díönu
Spencer, að altarinu árið 1981
grunaði sennilega engan hversu
mikil vandræði þessi unga stúlka
átti eftir að kalla yfir konungsfjöl-
skylduna. Þótt hún væri feimin
var hún jafnframt tilfinngarík og
hinn mjög svo bældi eiginmaður
hennar komst snemma að því að
hann botnaði ekkert í henni og
þjáðist auk þess af afbrýðisemi
vegna gífurlegrar lýðhylli hennar.
Allir vita hvernig fór, hjónin
skildu eftir afar erfitt hjónaband
þar sem bæði játuðu opinberlega
á sig framhjáhald. Díana þótti
komast betur frá játningunni en
Karl, enda virtist sem hann hefði
stundað hjúskaparbrot svo að
segja frá fyrsta degi hjónabands-
ins með gamalli kærustu, Camillu
Parker Bowles, sem þá var gift
kona. Camilla skildi seinna við
eiginmann sinn en það breytti
engu um hug Breta til hennar.
Þeir eiga einfaldlega bágt með að
þola hana og stór hópur mun
aldrei sætta sig við að hún verði
drottning.
Þótt konungsfjölskyldunni hafi
þótt Díana hafa verið til vand-
ræða meðan hún var gift Karli
byrjuðu vandræðin fyrst fyrir al-
vöru eftir skilnaðinn þegar Díana
tók upp ástarsamband við hinn
vafasama Dodi Al Fayed, sem var
arabi. Tilhugsunin um að hún
myndi giftast honum og fæða
múslimabarn sem yrði hálfsystk-
ini prinsanna Vilhjálms og Harrys
var dyggustu konungssinnum
næstum óbærileg. Ýmislegt bend-
ir þó til að Díönu hafi verið lítil al-
vara með sambandinu við Dodi
enda var hún yfir sig ástfangin af
pakistönskum skurðlækni sem
elskaði hana en vildi ekki kvænast
henni vegna stöðu hennar og
þeirrar fjölmiðlaathygli sem hann
vissi að hjónaband myndi kalla
yfir þau.
Slys eða samsæri?
Þegar Díana lést í sviplegu
bílslysi í París ásamt Dodi kvikn-
uðu fljótlega sögur um að hún
hefði verið ráðin af dögum.
Breska leyniþjónustan var nefnd
til leiks og jafnvel Karl Breta-
prins sjálfur og Filippus faðir
hans. Háttsettur maður innan
frönsku lögreglunnar segist hafa
séð skýrslu sem staðfesti að
Díana hafi verið barnshafandi
þegar hún lést. Það ýtir enn undir
grunsemdir þeirra sem halda því
fram að um morð hafi verið að
ræða. Læknir innan konungshirð-
arinnar segir þessa fullyrðingu
hins vegar vera tóma þvælu. Ann-
að sem deilt er um er þáttur bíl-
stjórans Henri Paul í slysinu.
Áfengismagn í blóði hans á að
hafa verið svo mikið að hann
hefði vart átt að geta gengið. Eft-
irlitsmyndavélar sýna hins vegar
að þegar bílstjórinn gengur að
bifreið sinni er ekkert óeðlilegt
við göngulag hans eða framkomu.
Nýlega birti Sky frétt þess efnis
að blóðsýnið sem talið hefði verið
úr Henri Paul væri alls ekki úr
honum.
Versti skellurinn fyrir kon-
ungsfjölskylduna var þó sú upp-
ljóstrun að Díana hafi sjálf talið
að Karl ætlaði að ráða hana af
dögum. Skoðanakannanir í Bret-
landi sýna að fæstir landsmanna
trúa þessu en samkvæmt skoð-
anakönnun SKY telja ríflega 80
prósent þó að um samsæri hafi
verið að ræða og jafn stór hópur
trúir því að rannsókn þar í landi
um dauða Díönu muni ekki leiða
sannleikann í ljós.
Vilhjálmur í sporum
Hamlets
Sá meðlimur bresku konungs-
fjölskyldunar sem líklegastur er
til að skaðast mest af öllum sögu-
sögnum um samsæri og morð á
Díönu er elsti sonur hennar og
Karls, Vilhjálmur prins. Hann er
kannski ekki í alls ólíkum sporum
og Hamlet. Vilhjálmur þarf að
velja milli hollustu við föður sinn
eða látna móður sem snýr aftur
eftir dauðann í bréfi þar sem hún
heldur því fram að eiginmaðurinn
hyggist myrða hana. Fyrir rú
lega tvítugan, viðkvæman og h
drægan mann er þetta skelfi
staða. Yngri bróðir hans Harry
líklegri til að komast óskadda
frá æsilegustu fréttum um f
eldra sína, en hann er léttur í lu
og þekktur fyrir áhyggjuley
Reyndar er ekkert lát á þe
niðurlægjandi fréttum sem pri
arnir verða að þola um forel
sína og má þá nefna frétt um
Karl Bretaprins hafi átt í ást
sambandi við þjón sinn. Frétt s
bresk blöð þorðu ekki að segja
fulls en gáfu í skyn og erlend b
birtu óhikað.
Vel má líkja hjónabandi Díö
og Karls og eftirleiknum
Shakespeare-harmleik þótt e
hverjir myndu kannski frem
vilja jafna sögunni við ótrúle
sápuóperu. Nærri sjö ár eru síð
Díana lést en vofa hennar e
bresku konungsfjölskylduna
virðist ekki á förum.
kolla@frettablad
DÍANA PRINSESSA
Hún reyndist bresku konungsfjölskyldunni ekki sá happafengur sem talið var í fyrstu
KARL BRETAPRINS
Eiginkona hans trúði því að hann vildi hana feiga.
ELÍSABET ENGLANDSDROTTNING
Hún má ekki vamm sitt vita en ekkert lát er á hneykslismálum
kringum börn hennar og tengdabörn.
Sá meðlimur bresku
konungsfjölskyldun-
ar sem líklegastur er til að
skaðast mest af öllum
sögusögnum um samsæri
og morð á Díönu er elsti
sonur hennar og Karls, Vil-
hjálmur prins. Hann er
kannski ekki í alls ólíkum
sporum og Hamlet. Vil-
hjálmur þarf að velja milli
hollustu við föður sinn eða
látna móður sem snýr aftur
eftir dauðann í bréfi þar
sem hún heldur því fram að
eiginmaðurinn hyggist
myrða hana. Fyrir rúmlega
tvítugan, viðkvæman og
hlédrægan mann er þetta
skelfileg staða.
,,