Fréttablaðið - 15.02.2004, Blaðsíða 6
6 15. febrúar 2004 SUNNUDAGUR
■ Norður-Ameríka
■ Norðurlönd
Veistusvarið?
1Síðasta ár var bönkunum gjöfult. Hvemikill var hagnaður þriggja stóru
bankanna í fyrra?
2Eftir hverjum er vélsleði bæjarstjóraÍsafjarðarbæjar nefndur?
3Lítið og ungt fyrritæki á Grenivíkhefur sérþróað sjampó fyrir Reykvík-
inga. Hvað heitir fyrirtækið?
Svörin eru á bls. 38
SKÝRSLA Konur hafa einungis 72
prósent af launum karla fyrir sam-
bærileg störf, samkvæmt launa-
könnun nefndar um efnahagsleg
völd kvenna, en nefndin var skipuð
af forsætisráðherra vegna fram-
kvæmdaáætlunar ríkisstjórnar-
innar í jafnréttismálum. Um 21–24
prósent af þessum launamun er
skýrður með ólíkum starfsvett-
vangi, starfi, menntun og ráðning-
arfyrirkomulagi kynjanna.
„Það sem eftir stendur stafar
meðal annars af því að hjónaband
og barneignir hafa önnur áhrif á
laun kvenna en karla. Dagvinnu-
laun karla eru 4–5% hærri en ella
ef þeir eru í sambúð eða hjúskap,
en sambúð hefur lítil áhrif á laun
kvenna,“ segir í niðurstöðum
launakönnunarinnar.
Árið 2001 voru konur fram-
kvæmdastjórar í 18% íslenskra
fyrirtækja og stjórnarformenn í
36% þeirra, en í fyrirtækjum
með meira en 100 milljónir í
skattskyld laun voru konur hins
vegar um 10% framkvæmda-
stjóra. Þá sýndi könnunin að kon-
ur voru í meirihluta þeirra sem
luku háskólanámi, en karlar sóttu
einkum í iðn- og tæknigreinar.
Viðhorfskönnunin sýndi að um-
önnun barna og heimilisstörf
voru að miklu leyti í höndum
kvenna, jafnvel þótt flestir teldu
að feður ættu engu að síður en
mæður að sjá um uppeldi barna
sinna. ■
Önnur tilraun til að
sameina efri bekki
Sameining rædd á Vestfjörðum. Sveitarstjórnarmenn jákvæðir. Bæjar-
stjóri Ísafjarðarbæjar segir ekkert hafa sparast á sameiningu en vill
sameina stærra svæði. Jarðgöng eru lykillinn.
SVEITARSTJÓRNARMÁL Fram er komin
í fræðsluráði Ísafjarðarbæjar til-
laga um að færa efstu bekki
grunnskólans á Flateyri og Suður-
eyri til Ísafjarðar. Þetta er í annað
sinn sem tilraun er gerð til þess
að ná fram hagræðingu í skóla-
kerfi sveitarfélagsins með því að
færa saman efstu bekkina en hætt
var við sameiningu 8., 9. og 10.
bekkjar vegna andstöðu íbúa
þorpanna. Halldór Halldórsson
bæjarstjóri segir að þar með
hefðu krakkarnir sloppið við sam-
kennslu með öðrum bekkjum.
Halldór vill engu spá um það
hvort tillagan verði samþykkt að
þessu sinni en telur að slíkt yrði
til mikilla bóta.
Fulltrúar félagsmálaráðuneyt-
isins og Sambands íslenskra sveit-
arfélaga funduðu með vestfirsk-
um sveitarstjórnarmönnum í vik-
unni þar sem til umræðu voru
sameining, kostir og gallar. Hall-
dór bæjarstjóri segir að menn séu
jákvæðir á frekari sameiningu,
þrátt fyrir að sameining undir
hatti Ísafjarðarbæjar hafi ekki
skilað þeirri hagræðingu sem
stefnt var að, meðal annars vegna
skólamálanna.
Halldór segir að ef til samein-
ingar eigi að koma við Súðavík
þannig að hægt sé að aka skóla-
börnum á milli þá þurfi að koma
til jarðgöng á milli Skutulsfjarðar
og Álftafjarðar.
„Í mínum huga koma til greina
sameining Bolungarvíkur, Ísa- fjarðarbæjar og Súðavíkur og jafn-
vel að sameining verði við sveitar-
félög á sunnanverðum Vestfjörð-
um. En í báðum tilvikum þurfi að
koma til jarðgöng,“ segir Halldór.
Súðavíkurgöngin ættu að mati
Halldórs að vera frá flugvellinum
í Skutulsfirði til Súðavíkur en
tengingin við sunnanverða Vest-
firði þyrfti að vera göng úr Dýra-
firði í Arnarfjörð.
„Þannig gætum við náð fram
nauðsynlegri hagræðingu á svæð-
inu. Aðalmálið við allar samein-
ingar er að búa til öflugri stjórn-
sýslueiningu. En það eru margir
ókostir, samgöngulegir og rekstr-
arlegir. Sameining fram að þessu
hefur ekki skilað rekstrarhagræð-
ingu. Á yfirstjórn sparast um 30
milljónir króna en á móti kemur
aukinn kostnaður við samgöngur
og fleira þannig að ekkert spar-
ast,“ segir Halldór.
rt@frettabladid.is
VINSÆLL KONUNGUR Nær þrír
af hverjum fjórum Svíum, eða
72 prósent, styðja Karl Gústaf
konung samkvæmt nýrri skoð-
anakönnun. Sextán prósent að-
spurðra voru á andstæðri skoð-
un og tólf prósent höfðu enga
skoðun á málinu.
EKKI ÁKÆRÐUR Jan O. Karlsson,
fyrrum ráðherra í sænsku ríkis-
stjórninni, verður ekki ákærður
fyrir að hafa kallað George W.
Bush Bandaríkjaforseta „þenn-
an fjandans kall frá Texas“ á
blaðamannafundi. Ummælin
voru kærð til dómsmálaráðu-
neytisins fyrir að vera rasísk og
gera lítið úr Bandaríkjastjórn
en ráðuneytið sá ekki ástæðu til
að ákæra.
Alþjóða Rauði krossinn:
Saddam fær
heimsókn
GENF Bandarísk stjórnvöld hafa
gefið Alþjóða Rauða krossinum
leyfi til að hitta Saddam Hussein,
fyrrum forseta Íraks.
„Okkur hefur verið gefið
grænt ljós á heimsókn,“ sagði Jak-
ob Kellenberger, yfirmaður sam-
takanna, í
viðtali við
svissneska
dagblaðið
Tribune de
G e n e v e .
Ekki er
v i t a ð
hvenær af
heimsókn-
inni getur
orðið og
h a f a
bandarísk
stjórnvöld
ekki viljað
tjá sig um málið.
Bandaríkjastjórn lýsti Saddam
stríðsfanga skömmu eftir að hann
var handtekinn 13. desember í
fyrra. Alþjóða Rauði krossinn
óskaði þá eftir leyfi til að hitta
hann en samkvæmt Genfarsátt-
málanum um stríðsrekstur eiga
samtökin rétt á því að ræða við
alla stríðsfanga. ■
Lærið grunnatriði við að vinna brellur í
tölvum fyrir auglýsingar, kvikmyndir
eða myndbönd.
N Á M S K E I Ð
F R A M U N D A N
Brellur og brögð
fyrir kvikmyndir
– Combustion kynning
MySql gagnagrunnurinn er geysi-
öflugur. Hér er hann notaður með
PHP-vefforritunarmálinu.
Lærið nýja möguleika hreyfimynda
og borða (bannera) á vefsíðum.
MySql
gagnagrunnur
FLASH
– grunnnámskeið
Nánari upplýsingar á vefnum:
http://namskeid.ir.is
og í síma 522 6500
Fullt af
skemmtilegum
námskeiðum
GÚSTA
Allir félagsmenn í FBM fá afslátt af námskeiðum í prenti og margmiðlun.
IÐNSKÓLINN Í REYKJAVÍK
Skólavörðuholti • 101 Reykjavík
Sími 522 6500 • www.ir.is • ir@ir.is
HALLDÓR HALLDÓRSSON
Vill láta reyna á sameiningu grunnskóla til
að ná fram hagræðingu.
Friðarverðlaun Nóbels:
Metfjöldi
tilnefninga
NOREGUR Úthlutunarnefnd friðar-
v e r ð l a u n a
Nóbels barst
metfjöldi til-
nefninga fyrir
árið 2004. Mo-
hamed ElBara-
dei, yfirmaður
Alþjóðakjarn-
orkumálastofn-
u n a r i n n a r ,
Vaclav Havel,
fyrrum forseti
Tékklands, Hans
Blix, fyrrum yf-
irmaður vopna-
eft ir l i tssveita
Sameinuðu þjóðanna, Jacques
Chirac Frakklandsforseti, og Jó-
hannes Páll páfi annar eru á meðal
þeirra sem tilnefndir eru til verð-
launanna. Alls eru 129 einstakling-
ar og 44 stofnanir tilnefndar. Að
sögn Geirs Lundestad, formanns
úthlutunarnefndarinnar, hafa þús-
undir manna sent mótmælabréf
vegna tilnefninga Tonys Blair, for-
sætisráðherra Breta, og George W.
Bush, Bandaríkjaforseta. ■
FLATEYRI
Leggja átti niður efstu bekki grunnskólans en hætt var við vegna mótmæla. Nú er aftur
komin fram tillaga um það sama.
JACQUES CHIRAC
Frakklandsforseti er
á meðal þeirra
sem tilnefndir eru
til friðarverðlauna
Nóbels árið 2004.
GEREYÐINGARVOPN Í SKIPUM
Bandarísk stjórnvöld hafa gert
samning við Líberíu sem heimil-
ar bandaríska sjóhernum að fara
um borð í þúsundir skipa á al-
þjóðlegu hafsvæði til að leita að
gereyðingarvopnum. Samkomu-
lagið nær meðal annars til yfir
2000 erlendra skipa sem skráð
eru í Líberíu. Bandaríkin stefna
að því að gera sams konar sam-
komulag við önnur ríki.
ÞRÍR FÓRUST Í SNJÓFLÓÐI Þrír
Bandaríkjamenn fórust í snjó-
flóði í Banff-þjóðgarðinum í
Kanada. Mennirnir voru við
ísklifur í fossi þegar snjóflóðið
féll.
BUSH Á FUND HRYÐJUVERKA-
NEFNDAR George W. Bush
Bandaríkjafor-
seti hefur sam-
þykkt að fara á
fund nefndar
sem rannsakar
hryðjuverka-
árásarnir í
Bandaríkjunum
11. september
2001. Bush
neitar þó að tjá
sig um það opinberlega hvað
Bandaríkjastjórn hefði getað gert
til koma í veg fyrir árásirnar.
SADDAM HUSSEIN
Bandarísk stjórnvöld hafa
skilgreint fyrrum forseta
Íraks sem stríðsfanga.
■ Norður-Ameríka
Skýrsla um efnahagsleg völd kvenna:
Hjónaband og
barneignir skerða laun
BLAÐAMANNAFUNDUR
Nefnd um efnahagsleg völd kvenna kynnti
niðurstöður launakönnunar í Þjóðmenn-
ingarhúsinu, en nefndin var skipuð af for-
sætisráðherra vegna framkvæmdaáætlunar
ríkisstjórnarinnar í jafnréttismálum.