Fréttablaðið - 15.02.2004, Blaðsíða 18
18 15. febrúar 2004 SUNNUDAGUR
Páll Magnússon er kominn afturtil starfa á Stöð 2. Hann yfir-
gaf fyrirtækið fyrir þremur árum
til að gegna framkvæmdastjóra-
starfi hjá Íslenskri erfðagrein-
ingu en snýr nú aftur sem fram-
kvæmdastjóri dagskrársviðs Ís-
lenska útvarpsfélagsins. Þar hef-
ur hann yfirumsjón með allri dag-
skrá á miðlum félagsins. Hann
segir það starfstilboð hafa verið
svo spennandi að hann hafi ekki
getað annað en tekið því. Hann
segir þau þrjú ár sem hann starf-
aði hjá Íslenskri erfðagreiningu
hafa verið góða og holla reynslu.
„Fólk sem hefur starfað við fjöl-
miðla árum saman hefur tilhneig-
ingu til að líta á þá sem einskonar
nafla þjóðlífsins. Ég uppgötvaði á
þessum þremur árum að svo er
ekki. Það er mjög gott að koma
aftur inn í fjölmiðlaheiminn haf-
andi lært þá lexíu að fjölmiðlar
eru ekki nema að litlu leyti hreyfi-
afl samfélagsins heldur fyrst og
fremst speglar þess. Og speglar
eru auðvitað líka mikilvægir,“
segir hann. Honum liggur hlýtt
orð til fyrrum yfirmanns síns,
Kára Stefánssonar, sem er vægast
sagt umdeildur maður í íslensku
þjóðfélagi. „Kári er ekki allra en
okkur lynti vel,“ segir Páll. „Það
er lykilatriði í samskiptum manna
á milli að þeir finni landamærin
og fari ekki yfir þau, að minnsta
kosti ekki án þess að biðjast af-
sökunar. Við Kári fundum þessi
landamæri og virtum þau. Okkar
samstarf var mjög gott og á þess-
um árum varð okkur vel til vina.“
Leyndardómar nærverunnar
Auk þess að vera fram-
kvæmdastjóri dagskrársviðs er
Páll fréttaþulur á Stöð 2, eins og
hann var árum saman. Endur-
komu hans á skjánum hefur verið
fagnað, enda skapaði hann sér
mikið traust í því starfi. „Sjálf-
sagt er það smekksatriði hvað
mönnum finnst vel gert í þessum
efnum og hvað illa,“ segir Páll
aðspurður um starf fréttaþular.
„Ég held að hitt sé alveg óumdeilt
að fólk hefur mismunandi góða og
mikla nærveru í sjónvarpi og
þessi nærvera er sambland af
mörgum þáttum. Suma er hægt að
skýra og greina en aðra ekki.
Annaðhvort eru þeir til staðar eða
þeir eru það ekki og þú veist ekki
af hverju, en þú finnur það. Og
þetta hefur ekkert með eðliskosti
fólks að gera að öðru leyti. Það að
hafa góða rödd, skýra framsögn
og þokkalega framkomu nægir til
dæmis ekki. Framleiðandi hjá
BBC, sem ég talaði eitt sinn við,
hafði þá kenningu að eitt af því
sem réði talsverðu um það hvort
fólk virkaði í sjónvarpi eða ekki
væri hversu langt væri á milli
augna þess! Því lengra sem var á
milli augnanna því betra! Ég tek
það fram að ég hef aldrei gefið
mikið fyrir þessa kenningu og
ekki tekið upp málbandið þegar
ég ræð fólk til starfa. En í þessu
starfi ávinna menn sér trúverðug-
leika, hann er hvorki meðfæddur
né keyptur. Og þar sem sam-
keppni er mikil milli áþekkra
fréttatíma, sem sendir eru út á
svipuðum tíma dags, ræðst val á
milli fréttatíma oft af því hvernig
fólki líkar við fréttaþulina. Það er
engin tilviljun að stóru sjónvarps-
stöðvarnar í Ameríku hanga eins
og hundar á roði á fréttaþulum
sínum. Dan Rather hjá CBS er
kominn á áttræðisaldur en er enn
látinn lesa aðalfréttatímann á
hverju einasta kvöldi. Það er upp-
PÁLL MAGNÚSSON
„Fólk sem hefur starfað við fjölmiðla árum saman hefur
tilhneigingu til að líta á þá sem einskonar nafla þjóðlífs-
ins. Ég uppgötvaði á þessum þremur árum að svo er ekki.
Það er mjög gott að koma aftur inn í fjölmiðlaheiminn
hafandi lært þá lexíu að fjölmiðlar eru ekki nema að litlu
leyti hreyfiafl samfélagsins heldur fyrst og fremst speglar
þess. Og speglar eru auðvitað líka mikilvægir.“
Einn vinsælasti fréttaþulur landsins, Páll Magnússon, ræðir um fréttamennsku, stjórnmál og fjölmiðla.
Fjölmiðlar eru
speglar samfélagsins
Maður getur haft
stjórnmálamenn í
hávegum af svo mörgum
ástæðum. Ekki endilega
vegna þess að maður er
sammála þeim, heldur vegna
þess að manni finnst þeir
skarpir og snjallir. Ég held
að menn komist ekki fram
hjá því að líta til Davíðs
Oddssonar. Mér ofbýður
reyndar stundum að fólki
virðist fyrirmunað að tala
um nokkurn skapaðan hlut
lengur en í fimm mínútur án
þess að nefna Davíð Odds-
son til sögunnar. Sumir eru
svo helteknir af honum að
þeir geta jafnvel ekki talað
um blýmengun í sjávarspen-
dýrum án þess að nefna
Davíð. En Davíð hefur auð-
vitað yfirskyggt íslenska póli-
tík síðustu áratugina og óhjá-
kvæmilega verða aðrir sam-
tíma stjórnmálamenn með
einhverjum hætti einhvers-
konar hlutfall af honum.
,,
ANDLIT STÖÐVAR 2
Páll Magnússon og Edda Andrésdóttir. „Menn mega ekki með lagasetningu skerða rekstr-
argrundvöll einkarekinna fjölmiðla á Íslandi, nógu veikur er hann fyrir. Hin hliðin á þess-
um peningi er nefnilega sú, að fyrir nokkrum misserum mátti litlu muna að Morgunblaðið
yrði eina dagblaðið sem gefið væri út á Íslandi og Ríkisútvarpið eini fullburða ljósvaka-
miðillinn. Ég leyfi mér að fullyrða að það ástand vill enginn.“
FR
ÉT
TA
B
LA
Ð
IÐ
/G
VA