Fréttablaðið - 26.02.2004, Blaðsíða 8
8 26. febrúar 2004 FIMMTUDAGUR
Blankir hjá RÚV
„Peningunum er varið í ólymp-
íuleika og EM í handbolta á
meðan íslenskir kvikmynda-
gerðarmenn mega éta það sem
úti frýs“.
Ari Alexander kvikmyndagerðarmaður í DV 25.
febrúar um þá stöðu sem uppi er hjá Ríkisút-
varpinu þar sem peningar til innlendrar dag-
skrárgerðar eru uppurnir.
Tímafrek rannsókn
„Kannski er þessi deild undir-
mönnuð“.
Jón Steinar Gunnlaugsson, lögmaður Geralds
Sullenberger, í Fréttablaðinu 25. febrúar um
rannsókn efnahagsbrotadeildar Ríkislögreglu-
stjóra á Baugsmálinu sem enn sér ekki fyrir
endann á 18 mánuðum eftir að hún hófst.
Margt breytt
„Mér sýnist að margt hafi
breyst. Eftir að kommúnisminn
hrundi er hér bjartara yfir eins
og gerðist allstaðar þar sem
slíkar stefnur hverfa“.
Davíð Oddsson forsætisráðherra í samtali við
Morgunblaðið 25. febrúar í tilefni af opinberri
heimsókn sinni til Úkraínu.
Orðrétt
Tvö þjóðlendumál hafa fallið ríkinu í óhag í
Héraðsdómi Suðurlands:
Ríkið áfrýjar
til Hæstaréttar
ÞJÓÐLENDUR Dæmt hefur verið í
tveimur þjóðlendumálum í Héraðs-
dómi Suðurlands og voru báðir dóm-
arnir ríkinu í óhag. Samkvæmt upp-
lýsingum frá Ríkislögmanni hefur
báðum málunum verið áfrýjað til
Hæstaréttar. Reiknað er með að mál-
in verði tekin fyrir í Hæstarétti í
haust.
Málin eru mjög skyld og tengjast
bæði þjóðlendum í uppsveitum Ár-
nessýslu, en það svæði var hið fyrsta
sem óbyggðanefnd fjallaði um. Í
öðru málinu vildi ríkið ógildingu á
úrskurði óbyggðanefndar um þjóð-
lendur í Biskupstungum. Héraðs-
dómur Suðurlands hafnaði kröfum
ríkisins og komst að þeirri niður-
stöðu að land innan landamerkja
jarða bænda í Biskupstungum teldist
ekki til þjóðlendna eins og ríkið hélt
fram. Í hinu málinu stefndi Blá-
skógabyggð ríkinu vegna afréttar
sem nær inn undir Hveravelli. Í hér-
aði þótti sannað að Bláskógabyggð
ætti landið á grundvelli kaupsamn-
ings frá því um miðja 19. öld þegar
Biskupstungnahreppur keypti landið
af kirkjum í Biskupstungum. Dóm-
urinn féll því Bláskógabyggð í hag.
Ástæðan fyrir því að ríkið hefur
áfrýjað þessum dómum er að það tel-
ur mikilsverða opinbera hagsmuni
fólgna í því að dómstólar skeri strax
úr um helstu lögfræðileg álitaefni.
Málin eru með öðrum orðum talin
hafa fordæmisgildi fyrir mál sem
kunna að koma upp síðar. ■
Hreinn og klár
skrípaleikur
Formaður byggðaráðs Bláskógabyggðar segir ótækt að ríkið sé að gera
kröfur í þinglýst eignarlönd. Hann segir framkvæmd laganna um
þjóðlendur allt aðra en hann hafi átt von á.
Margeir Ingólfsson, formaðurbyggðaráðs Bláskógabyggð-
ar, gagnrýnir harðlega framferði
ríkisins í þjóðlendumálinu.
„Það var farið af stað með það
fyrir augum að skera úr um eign-
arhald á landi sem enginn gæti
sannað eignarhald á,“ segir Mar-
geir. „Það voru allir sammála um
að ef ekki væri hægt að sanna
eignarhald á landi myndi það falla
undir þjóðlendur. Síðan kemur rík-
ið með kröfugerðir sem ná langt út
fyrir þetta, því alls staðar er það
að gera kröfur á þinglýst eignar-
lönd. Mér finnst þetta mál í raun
allt hreinn og klár skrípaleikur.“
Margeir segist ekki hafa átt von
á því að framkvæmd laga um þjóð-
lendur, sem samþykkt voru 1998,
yrði með þeim hætti sem raun beri
vitni.
„Ríkið gerði þá kröfu að það
yrði klipið af þeim jörðum sem
næstar væru hálendinu og dregin
lína rétt fyrir ofan bæjarásinn og
það er ósanngjarnt. Ég bý á einni
efstu jörð Biskupstungna. Af
hverju má ég ekki eiga mína jörð
alveg eins og einhver á jörð við
Stokkseyri? Af hverju er sú eign-
arheimild eitthvað ómerkari en
önnur? Af hverju var línan ekki
dregin við Selfoss, hver eru rök-
in?“
Bláskógabyggð fór í mál vegna
úrskurðar óbyggðanefndar um að
hluti efstu jarða í Biskupstungum
væri eign ríkisins. Héraðsdómur
Suðurlands dæmdi Bláskóga-
byggð í hag meðal annars á
grundvelli kaupsamnings frá því
um miðja 19. öld þegar Biskups-
tungnahreppur keypti landið af
kirkjum í Biskupstungum. Ríkið
hefur áfrýjað til Hæstaréttar.
Margeir segist hóflega bjart-
sýnn á að Hæstiréttur staðfesti
dóminn.
„Það er hins vegar alveg ljóst
að ef þetta 150 ára gamla afsal
hjá okkur heldur ekki, þá heldur
ekki heldur nokkurra ára gam-
alt afsal Orkuveitunnar.“
Margeir segir ansi merkilegt
að loksins núna, þegar ríkið hafi
gert kröfur í jarðir á Suðvestur-
landi, hafi þjóðlendumálið náð
eyrum almennings og ýmissa
ráðamanna.
„Þegar ríkið gerði kröfur í
jarðir á Suðurlandi virtist við-
horfið vera það að bændur væru
að reyna að leggja undir sig há-
lendið með frekju og yfirgangi.
Nú er ríkið farið að höggva nær
mönnum og þá rísa þeir á aftur-
lappirnar.“
trausti@frettabladid.is
BRÉF FRÁ TITANIC SELT Á UPP-
BOÐI Bréf sem einn af farþegum
skemmtiferðaskipsins Titanic
skrifaði áður en lagt var upp í
hina örlagaríku siglingu yfir Atl-
antshafið var selt á uppboði fyrir
sem svarar um 1,7 milljónum ís-
lenskra króna. Sex manns buðu í
bréfið, sem ritað var fimm dög-
um áður en skipið sigldi á ísjaka
og sökk 15. apríl 1912. Bréfritar-
inn hafði farið frá borði þegar
skipið kom við í Cherbourg í
Frakklandi.
43 KÍLÓ AF HERÓÍNI Í RÚTUNNI
Rúmenska lögreglan lagði hald á
43 kílógrömm af heróíni sem
fannst í rútu í norðausturhluta
landsins. Fjórir Tyrkir og tveir
rúmenskir rútubílstjórar hafa
verið handteknir vegna málsins.
TÖK stendur fyrir
„Tölvuökuskírteini” –
European Computer
Driving License (ECDL)
og er alþjóðleg viður-
kenning á tölvufærni
viðkomandi, útgefið af
Skýrslutæknifélagi
Íslands.
Hagnýtt og skemmtilegt 90 stunda
tölvunámskeið þar sem nemendum
gefst kostur á að taka TÖK próf
samhliða náminu og öðlast þar
með alþjóðlega viður kenningu
á tölvukunnáttu sinni.
Tími: Morgunnámskeið hefst 1. mars
Kvöldnámskeið hefst 15. mars.
Stgr.verð: 61.275.-
Grunnatriði upplýsingatækni
Windows stýrikerfið
Ritvinnsla með Word
Excel töflureiknir
Tölvupóstur og Internetið
Access gagnagrunnur
Power Point glærugerð
Námsgreinar
Sláttuvélamarkaðurinn
Faxafeni 14
SÍMI 517-2010 OG 897-3613
Notaðir
Golf bílar
á góðu verði
Hæstiréttur í Bandaríkjunum:
Aftöku frestað
á elleftu stundu
WASHINGTON, AP Hæstiréttur í
Bandaríkjunum ákvað á elleftu
stundu að fresta aftöku fanga í
Texas. Fregnir af úrskurðinum
bárust í fangelsið níu mínútum
áður en aftakan átti að fara
fram.
Delma Banks var fundinn sek-
ur um að hafa drepið fyrrum sam-
starfsmann sinn á skyndibitastað
í Texas árið 1980. Dómararnir
samþykktu einhljóða að gefa
Banks annað tækifæri til að
áfrýja dauðadómnum og gagn-
rýndu harðlega þá embættismenn
í Texas sem fóru með mál hans. Í
úrskurði hæstaréttar kemur fram
að Banks hafi ekki fengið sann-
gjarna málsmeðferð þar sem sak-
sóknarar hafi haldið mikilvægum
upplýsingum leyndum fyrir verj-
endum. ■
UPPSVEITIR ÁRNESSÝSLU
Tvö dómsmál hafa fallið sem tengjast þjóðlendum í uppsveitum Árnessýslu. Svæðið var
hið fyrsta sem óbyggðanefnd tók til málsmeðferðar.
ORKUVEITA REYKJAVÍKUR
Margeir Ingólfsson segir ansi merkilegt að loksins núna, þegar ríkið hafi gert kröfur í jarðir á Suðvesturlandi, hafi þjóðlendumálið náð
eyrum almennings og ýmissa ráðamanna. Forsvarsmenn Orkuveitunnar eru á meðal þeirra sem hafa gagnrýnt kröfugerðina harðlega.
■ Evrópa