Fréttablaðið - 28.02.2004, Blaðsíða 28

bílar o.fl.
Vikulegur blaðauki Fréttablaðsins um al l t sem viðkemur bí lum
Ritstjórn: sími 515 7500 – netfang: bilar@frettabladid.is. Auglýsingar: sími 515 7500 – netfang: auglysingar@frettabladid.is.
Á bílasölunni:
Að hverju
ertu að leita?
Ég er að leita að bíl sem kostarsvona 400 – 500 þúsund. Hann
ætti helst ekki að vera ekinn
meira en 100 þúsund km, með
samlæsingu og svona. Ég átti
Polo en lenti í árekstri og þarf að
kaupa mér nýjan bíl.“ ■
Netsalan ehf.
Knarravogur 4, - 104 Reykjavík - Sími 517 0220
Netfang: netsalan@itn.is
1 Dodge Ram 04
Diesel 4x4 m/leðri
1 Overland 04 nýr
á lager á Íslandi
1 Doge Ram 2500
Quad Cab 03 notaður
2 nýir Overland 03
Einn Cherokee
Limited 03 nýr
Eigum til á lager
í Canada
Einstakt tækifæri
OPIÐ Í DAG LAUGARDAG FRÁ KL. 11.00 - 16.00
Verð 4.600.000
Verð 4.990.000
Sláttuvélamarkaðurinn
SÍMI 517-2010 OG 897-3613
Notaðir
Golf bílar
á góðu verði
Vinnuvélanámskeið
Kvöldnámskeið.
Námskeiðsstaður, Þarabakki 3.
109 Reykjavík (Mjódd).
Verð 39.900.-
Upplýsingar og innritun í síma: 894-2737
Flest verkalýðsfélög styrkja nemendur á vinnuvélanámskeið, einnig atvinnuleysistryggingasjóður
KIA-umboðið kynnir Carnival EX Diesel:
Einstaklega
hljóðlát vél
KIA-umboðið kynnir nú nýjan ogbreyttan KIA Carnival EX Crdi
sjálfskiptan sjö manna dísilbíl og
einnig Carnival EX V-6 sjálfskiptan
sjö manna bensínbíl. Helstu breyt-
ingar eru að nú er hægt að fá bílinn
með nýrri og stærri dísilvél með raf-
eindastýrðri innsprautun „common
rail direct injection“ og skilar hún
145 hestöflum með 330 nm togkrafti.
Vélin er einstaklega hljóðlát og skil-
ar bílnum vel áfram með snerpu og
skemmtilegheitum í akstri.
Breyttar innréttingar eru einnig
í bílnum en helstu breytingar eru
nýtt glæsilegt mælaborð með ályfir-
bragði í bland við viðarklæðningu
og einnig er nú hægt að taka hvert
og eitt sæti úr bílnum með lítilli fyr-
irhöfn ef stækka þarf farangurs-
rými.
Af staðalbúnaði má nefna tví-
virka sóllúgu, tvöfalt hitakerfi með
aukamiðstöð aftur í, útvarp, segul-
band og geislaspilara með stýris-
stillingu. Hiti er í framstólum, fram-
rúðu, útispeglum og afturrúðu. Af
öðrum fylgibúnaði má nefna álfelg-
ur, þokuljós og toppgrindarboga
með þverfestingum.
Bíllinn er búinn öflugu rafkerfi
og eru í honum rafknúnar hliðarrúð-
ur að framan, fliparúður að aftan,
bílstjórasæti, útispeglar, loftnet og
sóllúgu, sem allt er rafknúið.
Bíllinn er með ABS-bremsur,
þriggja punkta öryggisbelti fyrir
sex og miðjubelti fyrir einn, tvo loft-
púða og barnalæsingar í rennihurð-
um.
Bíllinn er til sýnis í KIA-um-
boðinu að Flatahrauni 31 í Hafn-
arfirði og er einnig boðið upp á
reynsluakstur. Opið er í dag
klukkan 12–16. ■
Slitinn og slappur blöndungur
Sæll Jón Heiðar
Þannig er mál með vexti að ég
á Corollu árgerð ‘87 og þegar ég
fór með hana síðast í skoðun þá
fékk ég athugasemd við koltvísýr-
ingsinnihald í útblæstrinum. Ég
var að velta því fyrir mér hvort
þú lumaðir ekki á einhverjum
góðum ráðum til að vinna bug á
þessu vandamáli.
Með bestu kveðju,
Arnar Freyr Björnsson
Blessaður Arnar
Hátt koltvísýringsinnihald er
algengt vandamál í gömlum bílum
með blöndung. Ástæðan er oftast sú
að blöndungurinn er orðinn tærður
og slitinn. Þegar um mjög gamla
bíla er að ræða kostar nýr blönd-
ungur oftast meira en bíllinn sjálf-
ur. Stundum er hægt að fá þolanlega
blöndunga á partasölum en oftast
eru þeir ekkert betri en sá sem var
fyrir. Þannig að ef bílinn er gamall
og það er einungis hátt koltvísýr-
ingsinnihald í útblæstrinum sem er
vandamálið, þá er betra að notast
við þann sem maður hefur.
Aftan á blöndungnum er skrúfa
sem stjórnar loftflæðinu inn á vél-
ina. Með því að nota skrúfuna er
hægt að auka súrefnismagnið í
blöndunni (loft- og bensínblönd-
unni) og lækka þannig koltvísýr-
ingsinnihaldið í útblæstrinum.
Það er líka reynandi að skipta
um allar loftslöngur utan á
blöndungnum, en gúmmíið í
loftslöngunum skorpnar með tíman-
um sem veldur leka og ruglingi í
blöndungnum. Ég mæli samt með
því við þig að koma við á einhverju
þjónustuverkstæði Toyota og fá þá
til að skoða þetta með þér. Því það
þarf að sjálfsögðu koltvísýrings-
mæli til að finna út úr þessu og
fæstir eiga svoleiðis græjur heima í
skúr.
Vantar þig góð ráð? Sendu Jóni Heiðari
póst á bilar@frettabladid.is
David Beckham:
Borgaði
milljón á
strokkinn
Knattspyrnustjarnan oghjartaknúsarinn David Beck-
ham, leikmaður spænska stjörnu-
liðsins Real Madrid, bætti nýlega
nýjum eðalvagni í safnið sitt þeg-
ar hann keypti sér splunkunýjan
gulllitaðan 12 strokka BMW 760.
Bíllinn er engin smákerra, nær
allt að 260 km á klukkustund og er
aðeins 5,3 sekúndur að ná 100 km
hraða úr kyrrstöðu. Hann kostaði
líka sitt og þurfti Beckham að
strauja um 12 milljónir króna út
af gullkortinu sínu, en auðvitað
með leyfi eiginkonunnar Viktoríu.
Fyrir á kappinn bæði Porsche
911 Targa og sprengjuheldan
Range Rover en sagan segir að
hann muni frekar ætla Viktoríu að
nota BMW-inn þegar hún og strák-
arnir heimsækja hann til Madrid-
ar. Eins og Range Roverinn er
BMW-inn brynvarinn allan hring-
inn, en Beckham hefur fulla
ástæðu til að fara að öllu með gát
eftir fjölda líflátshótana auk þess
sem upp komst um ráðabrugg
glæpagengis á síðasta ári um að
ræna Viktoríu. ■
Góð ráð
JÓN HEIÐAR
ÓLAFSSON
■ segir algengt
að gamlir bílar
mengi.
KIA CARNIVAL
Vélin er einstaklega hljóðlát og skilar bílnum vel áfram með snerpu og skemmtilegheitum
í akstri.
GLÆSILEGT MÆLABORÐ
Ályfirbragð í bland við viðarklæðningu.
BECKHAMHJÓNIN
Beckham hefur fulla ástæðu til að fara að
öllu með gát eftir fjölda líflátshótana enda
nýi BMW-inn brynvarinn allan hringinn.
GUNNAR GÍSLASON