Fréttablaðið - 02.03.2004, Blaðsíða 2

2 2. mars 2004 ÞRIÐJUDAGUR
„Við settum okkar það grund-
vallarviðmið þegar fyrirtækið var
stofnað að koma ekki að vinnu þar
sem kjaradeilur eru uppi.“
Ásta Möller, alþingismaður og fyrrum formaður
Félags hjúkrunarfræðinga, er einn eigenda Lið-
sinnis. Fyrirtækið ákvað að ganga ekki til samninga
um að taka við hlutverki þeirra hjúkrunarfræðinga
í heimahjúkrun sem sagt hafa upp störfum.
Spurningdagsins
Ásta, er stéttarvitundin svona sterk
hjá þér?
VIÐSKIPTI Pharmaco var sett á at-
hugunarlista Kauphallar Íslands í
gær. Þetta var samhljóma niður-
staða stjórnenda Kauphallarinnar
og stjórnenda Pharmaco á fundi
fyrir opnun markaðar í gær.
Gengi hlutabréfa Pharmaco tók
kipp á föstudag, án þess að nokkr-
ar nýjar upplýsingar lægju fyrir
sem stutt gætu slíka hækkun.
Þórður Friðjónsson, forstjóri
Kauphallarinnar, segir erfitt að
skýra þessa skyndilegu hækkun
með öðrum hætti en að ójafnvægi
væri í upplýsingum úti á markaði,
með öðrum orðum að einhverjir
byggju yfir upplýsingum sem
aðrir á markaðnum hefðu ekki
vitund um. „Við tókum því
ákvörðun um að setja félagið á at-
hugunarlista með þeirri ábend-
ingu að ójafnvægi gæti ríkt í upp-
lýsingum um félagið.“
Pharmaco sendi á föstudag frá
sér tilkynningu um það að við-
ræður væru á frumstigi um kaup
á fyrirtæki. Halldór Kristmanns-
son, forstöðumaður upplýsinga-
mála hjá Pharmaco, segir að und-
ir venjulegum kringumstæðum
hefði slíkt ekki verið tilkynnnt.
Það væri yfirlýst stefna
Pharmaco að stækka með kaup-
um á félögum. „Við töldum rétt í
ljósi viðskiptanna á föstudag að
hafa samráð við Kauphöllina og
vorum samstíga þeim í þeirri
ákvörðun að stöðva viðskiptin.“
Hann segir fyrirtækið sátt við
niðurstöðuna í gær. Viðskipta-
hagsmunir leyfi ekki á þessu stigi
að nánari upplýsingar séu gefnar
um stöðu mála.
Þórður segir að skilningur sé á
því að viðskiptahagsmunir leyfi
ekki frekari upplýsingagjöf á
þessu stigi. „Það liggur fyrir að
viðræður eru í gangi og þær eru
á frumstigi. Það liggur hins veg-
ar ekki fyrir um hvaða fyrirtæki
er að ræða né hversu stórt það
er.“ Hann segir að því hafi verið
ákveðið að setja Pharmco á at-
hugunarlista þar til línur skýrast.
Ekkert liggi fyrir um hvort eða
hvernig upplýsingar bárust inn á
markaðinn og ekki þurfi að vera
við fyrirtækið að sakast. Skoðun
á viðskiptum föstudagsins er á
hendi Fjármálaeftirlitsins.
Pharmaco undirbýr nú skrán-
ingu á erlendan markað. Halldór
segir það mat forsvarsmanna
fyrirtækisins að viðskiptin á
föstudag og niðurstaða Kauphall-
arinnar hafi ekki áhrif á það
ferli.
haflidi@frettabladid.is
HAÍTÍ, AP Uppreisnarmenn á Haítí
mættu engri mótspyrnu þegar þeir
óku inn í höfuðborgina Port-au-
Prince í gær. Þúsundir borgarbúa
flykktust út á götur og torg til að
fagna þeim.
Jean-Bertrand Aristide forseti
sagði af sér á sunnudag og flýði
land með aðstoð Bandaríkja-
manna. Aristide, sem dvelur nú í
Mið-Afríkulýðveldinu, segir að
uppreisnarmennirnir hafi höggvið
tré friðarins en það eigi eftir að
vaxa aftur.
Uppreisnarmenn óku um á
Port-au-Prince á pallbílum og
steyttu hnefa í loftið á meðan borg-
arbúar lofuðu uppreisnarleiðtog-
ann Guy Philippe og hrópuðu
„frelsi“ og „Aristide er farinn“.
Nokkur hundruð bandarískir og
franskir friðargæsluliðar eru
komnir til borgarinnar til að verja
flugvöllinn, sendiráð og aðra
mikilvæga staði, sem og gæta ör-
yggis borgarbúa. David Berger,
yfirmaður bandaríska friðar-
gæsluliðsins, segir að hermönnun-
um hafi verið tekið opnum örmum
við komuna til Port-au-Prince. „Við
erum ánægðir með að vera komnir
hingað,“ sagði Berger.
Uppreisnarleiðtoginn Guy Phil-
ippe hefur lýst því yfir að hann
fagni komu friðargæsluliðs til Haítí
en óvíst er hvernig viðmót erlendu
hermannanna verður. Colin Powell,
utanríkisráðherra Bandaríkjanna,
hefur látið þau orð falla að hann
geti ekki hugsað sér að einhver úr
röðum uppreisnarmanna taki sæti í
nýrri ríkisstjórn. ■
Bankaráð Íslandsbanka:
Tveimur
skipt út
VIÐSKIPTI Framboðsfrestur til setu í
bankaráði Íslandsbanka rennur út í
dag. Ekki er talið að til kosninga
komi um bankaráðið á aðalfundi eft-
ir viku. Kristján Ragn-
arsson, núverandi for-
maður ráðsins, mun
ekki gefa kost á sér.
Samkvæmt heimild-
um Fréttablaðsins er
ekki búið að ganga
endanlega frá því
hvernig bankaráðið
verður skipað. Einar
Sveinsson, forstjóri
S j ó v á r- A l m e n n r a ,
verður formaður
bankaráðsins. Talið er
líklegast að Guðrún
Helga Lárusdóttir
hætti í bankaráðinu. Í stað hennar
og Kristjáns koma líklegast Orri
Vigfússon og Karl Wernersson.
Báðir hafa nýlega keypt stóran hlut
í bankanum.
Helgi Magnússon situr áfram í
bankaráðinu. Hann var fulltrúi líf-
eyrissjóðsins Framsýnar, en hann
ræður 8,8% atkvæða í bankanum
eftir framvirkan samning við
Landsbankann um kaup á hlutnum.
Guðmundur B. Ólafsson og Jón
Snorrason sitja í bankaráði Íslands-
banka. Búist er við því að þeir muni
sitja áfram. ■
Kjaraviðræður
verslunarmanna:
Vísað til
sáttasemjara
KJARAVIÐRÆÐUR Samninganefndir
Verslunarmannafélags Reykjavík-
ur og Landssambands íslenskra
verslunarmanna hafa vísað kjara-
deilu við Samtök atvinnulífsins til
sáttasemjara. Þrátt fyrir ítrekaðar
tilraunir tókst þeim ekki að fá
samningafund með fulltrúum Sam-
taka atvinnulífsins og því var gripið
til þessa ráðs. Hefði viðræðuáætlun
staðist ætti samningsgerð að vera
lokið.
Ríkissáttasemjari boðar fund í
samráði við deiluaðila á næstu dög-
um. ■ FJÖLMIÐLAR Kári Stefánsson, for-
stjóri Íslenskrar erfðagreiningar,
hefur keypt 15 prósenta hlut í Norð-
urljósum. Hann er nú næststærsti
hluthafinn í fé-
laginu.
N o r ð u r l j ó s
eiga Frétt ehf.,
ú t g á f u f é l a g
Fréttablaðsins og
DV, Íslenska út-
varpsfélagið og
Skífuna.
Baugur Group
er enn stærsti
hluthafinn í fé-
laginu og á nú
29,9 prósent.
Fons, félag tengt
Pálma Haralds-
syni, er þriðji
stærsti hluthaf-
inn. Kaldbakur eykur hlut sinn úr
5,6 prósentum í átta, en hlutur
Grjóta ehf., sem er meðal annars í
eigu Baugs og Fengs, minnkar úr
16,4 prósentum í 11,4. Hömlur er
eignarhaldsfélag í eigu Landsbank-
ans. Hlutur þess minnkar lítillega.
Skarphéðinn Berg Steinarsson,
stjórnarformaður Norðurljósa,
segir líklegt að breytingar verði
gerðar á stjórn félagsins í kjölfar
breyttrar samsetningar hluthafa-
hópsins. „Með þessu er lokið
endurfjármögnun félagsins og
unnið verður að því að fjölga hlut-
höfum enn frekar með það að
markmiði að skrá félagið á Kaup-
höll Íslands á næsta ári,“ segir
Skarphéðinn. ■
Alþjóðlegt friðargæslulið er komið til Haítí:
Uppreisnarmönnum
fagnað í höfuðborginni
UPPREISNARMÖNNUM FAGNAÐ
Guy Philippe, leiðtogi uppreisnarmanna, veifar til mannfjöldans fyrir utan höfuðstöðvar
lögreglunnar í Port-au-Prince.
EIGENDUR NORÐURLJÓSA
Var:* Er nú:
Baugur Group 30,0% 29,9%
Kári Stefánsson - 15,0%
Fons 11,6% 11,6%
Grjóti 16,4% 11,4%
Kaldbakur 5,6% 8,0%
Hömlur 7,5% 6,9%
Aðrir 17,7% 17,0%**
* Eigendur við sameiningu 31. janúar.
Þá var 10,8% hlutafjár óselt.
** 17 hluthafar
Kári Stefánsson keypti 15% í Norðurljósum:
Á nú næststærsta hlutinn
KÁRI
STEFÁNSSON
Forstjóri Íslenskrar
erfðagreiningar hef-
ur keypt 15% hlut í
Norðurljósum.
LÍKFUNDUR Þrír
kafarar frá Land-
helgisgæslunni
komu til Neskaup-
staðar með varð-
skipinu Ægi í gær
til þess að leita í
Norðfjarðarhöfn
að eggvopni sem
talið er að hafi
verið notað til að
stinga göt á lík
Vaidas Jucevicius
áður en honum var
komið fyrir í höfn-
inni. Svo virðist sem gengið sé út
frá því að eggvopninu hafi verið
hent út í sjó við netagerðarbryggj-
una í Norðfirði.
Kafararnir störfuðu á mjög af-
mörkuðu svæði í gær og skiptust á
að kafa niður á rúmlega tuttugu
metra dýpi.
Bendir þetta til þess að lögregla
telji sig hafa býsna góða hugmynd
um hvar eggvopninu var hent og
gefur það sterklega til kynna að
einn sakborninganna gefi lögreglu
upplýsingar sem hún telur gagn-
ast.
Skilyrði til leitar voru sögð góð
í gær en ekki er vitað til þess að
leitin hafi enn borið árangur.
Fréttablaðið hefur traustar
heimildir fyrir því að hvorki Jónas
Ingi Ragnarsson né Tomas Mala-
kauskas hafi játað aðild að málinu
en það hafi Grétar Sigurðarson
gert. ■
Grunur um innherjasvik
Pharmaco verður á athugunarlista Kauphallarinnar þar til meiri upplýsingar liggja fyrir um
möguleg kaup á öðru fyrirtæki. Erfitt að skýra viðskipti föstudagsins nema með upplýsingaleka.
Kauphöllin og Pharmaco eru samstíga í málinu.
UPPLÝSINGAR METNAR
Fjárfestar og stjórnarmenn í Pharmaco skoðuðu vel gögn um félagið á kynningarfundi í Listasafni Íslands þegar afkoma Pharmaco var kynnt. Nú styttist í uppgjör Pharmaco og
Kauphöllin hefur áhyggjur af því að sumir viti meira um gang mála hjá fyrirtækinu en aðrir.
Könnun Gallups:
Framsókn og
VG sækja á
SKOÐANAKÖNNUN Í nýrri skoðana-
könnun Gallup kemur fram að
fylgi við VG hefur stóraukist frá
því í kosningunum og mælist nú
17%. Þetta kom fram í fréttum
Ríkisútvarpsins í gær. Framsókn-
arflokkurinn sækir einnig í sig
veðrið frá síðustu könnun og bæt-
ir þremur prósentustigum við.
Í fréttum RÚV kom einnig
fram að fylgi Samfylkingar hefur
dalað og mælist nú 26%. Sjálf-
stæðisflokkurinn mælist einnig
með minna fylgi en í síðustu könn-
un. Fylgi hans var 38%.
Frjálslyndi flokkurinn mælist
með 7% fylgi sem er örlítið meira
en í síðustu könnun. ■
KAFAÐ EFTIR VOPNI
Kafarar frá Landhelgisgæslunni leituðu í gær að eggvopni á mjög
afmörkuðu svæði í höfninni í Neskaupstað.
Líkfundurinn í Norðfjarðarhöfn:
Kafað eftir eggvopni
FR
ÉT
TA
B
LA
Ð
IÐ
/E
LM
A
SÍÐASTA
RÆÐAN
Kristján Ragn-
arsson víkur
úr bankaráði
á aðalfundi í
næstu viku.