Fréttablaðið - 06.03.2004, Blaðsíða 38
■ ■ KVIKMYNDIR
16.00 Kvikmyndasafn Íslands sýn-
ir japönsku kvikmyndina Seppuku eftir
Masaki Kobayashi frá árinu 1962 í Bæj-
arbíói, Strandgötu 6, Hafnarfirði.
16.00 Hinsegin bíódagar í Regn-
boganum. Pabbi og pápi.
18.00 Hinsegin bíódagar í Regn-
boganum. Yfir í Eden.
20.00 Hinsegin bíódagar í Regn-
boganum. Alice + Selma og Soffía.
22.00 Hinsegin bíódagar í Regn-
boganum. Þú kemst yfir þetta.
■ ■ TÓNLEIKAR
14.00 Sigríður Kristjánsdóttir
fagottleikari kemur fram í Salnum,
Kópavogi, á útskriftartónleikum frá
Tónlistarskólanum í Reykjavík.
15.15 CAPUT flytur fimm verk eftir
Alfred Schnittke og frumflytur nýtt verk
eftir Hildigunni Rúnarsdóttur á Nýja
sviði Borgarleikhússins. Einsöngvari í
verki Hildigunnar er Hallveig Rúnars-
dóttir og stjórnandi er Daníel Bjarna-
son.
15.30 Söngvararnir Kristinn Sig-
mundsson, Elín Ósk Óskarsdóttir,
Eivör Pálsdóttir, Ólafur Kjartan Sigurð-
arson og Snorri Wiium koma fram
ásamt upprennandi söngvurum við óp-
erudeild Söngskólans í Reykjavík á tón-
leikum með Sinfóníuhljómsveit Ís-
lands í Háskólabíói. Einnig kemur fram
kór núverandi nemenda Söngskólans og
Óperukórinn í Reykjavík. Tónleikarnir
eru haldnir í tilefni af 30 ára afmæli
Söngskólans í Reykjavík.
16.00 Karlakórinn Fóstbræður
heldur vortónleika í Langholtskirkju. Á
efnisskrá eru íslensk, norræn og rúss-
nesk lög.
19.00 Íslenska óperan sýnir Brúð-
kaup Fígarós eftir Mozart með Berg-
þóri Pálssyni, Auði Gunnarsdóttur,
Huldu Björk Garðarsdóttur, Ólafi
Kjartani Sigurðarsyni, Sesselju Krist-
jánsdóttur og Davíð Ólafssyni í helstu
hlutverkum.
22.30 Kvartett trompetleikarans
Snorra Sigurðarsonar leikur djass á
Kaffi List. Auk Snorra skipa kvartettinn
þeir Ásgeir Ásgeirsson á gítar, Pétur
Sigurðsson á kontrabassa og Kristinn
Snær Agnarsson á trommur. Aðgangs-
eyrir er kr. 500.
23.30 Hljómsveitin Maus spilar á
Prófastinum í Vestmannaeyjum.
■ ■ LEIKLIST
20.00 Leikfélag Akureyrar frum-
sýnir leikritið Draumalandið eftir Ingi-
björgu Hjartardóttur í nýuppgerðu Sam-
komuhúsinu á Akureyri.
20.00 Sporvagninn Girnd eftir
Tennessee Williams í Borgarleikhúsinu.
20.00 Þetta er allt að koma eftir
Hallgrím Helgason í leikgerð Baltasars
Kormáks á stóra sviði Þjóðleikhússins.
20.00 Græna landið eftir Ólaf
Hauk Símonarson á litla sviði Þjóðleik-
hússins.
20.00 Verslingar sýna Sólsting í
Loftkastalanum.
20.00 Frumsýning: Þrjár Maríur
eftir Sigurbjörgu Þrastardóttur í Borgar-
leikhúsinu.
20.00 Chicago eftir Kander, Ebb og
Fosse á stóra sviði Borgarleikhússins.
21.00 5stelpur.com í Austurbæ.
Le’Sing í Broadway.
■ ■ LISTOPNANIR
14.00 Sýningarhald og tónleikar í
tilefni opnunar Klink og Bank, Brautar-
holti 1.
14.00 Í Safni, Laugavegi 37, verður
opnuð sýning á nýju myndbandsverki
eftir Finn Arnar.
15.00 Opnun á sýningunni Þetta
vil ég sjá! þar sem spaugstofumenn
velja verkin í Menningarmiðstöðinni
Gerðubergi.
16.00 Opnun á myndlistarsýningu
Eirúnar Sigurðardóttur, Sundur/saman
í Gallerí Kling og Bang Laugarvegi 23.
16.00 Afhjúpun þriggja listaverka í
höfuðstöðvum Orkuveitu Reykjavíkur.
Einnig verður opnuð samsýning lista-
manna hússins í sýningarsalnum 100˚ á
fyrstu hæð.
16.00 Aðalheiður S. Eysteinsdóttir
og Jón L. Halldórsson opna skúlptúr-
sýningu í Gallerí+ í Brekkugötu 35 á Ak-
ureyri.
17.00 Opnun á sýningu á verkum
Soffíu Guðrúnu Gísladóttur á Sólon.
■ ■ SKEMMTANIR
22.30 Eyjólfur Kristjánsson og Ís-
lands eina von skemmta á Græna Hatt-
inum, Akureyri.
23.00 Vínill og gestir spila á Grand
Rokk.
23.00 Hljómsveitin Westmenn frá
Færeyjum leikur fyrir dansi á færeyskum
dögum á Fjörukránni.
Á móti sól leikur á stórdansleik á
Breiðinni, Akranesi.
Gullfoss & Geysir verða með nám-
skeið í samskiptum kynjanna í Leikhús-
kjallaranum.
Dj Tommi White spilar á Vegamót-
um.
Hússnúðarnir DJ Áki Pain á efri
hæðinni og DJ’s Bling & Ghetto á neðri
hæðinni á Pravda.
Hreimur ásamt hljómsveitinni Eins
& hinir sem er Land & synir í sinni upp-
runalegu mynd spila á Players í Kópa-
vogi.
Sixties spila í Klúbbnum við Gullin-
brú.
Dúettinn Dralon skemmtir í Ara í
Ögra.
Hljómsveitin Heiðursmenn spilar á
Hótel Örk.
Plast spilar á Café Amsterdam,
Tryggvagötu.
Spilafíklarnir leika fyrir dansi á Celt-
ic Cross.
Bubbi Morthens ásamt hljómsveit
með brot af því besta af ferlinum á
Kaffi Reykjavík.
Papar spila í Sjallanum, Akureyri.
Frímann og Arnar blása til stórveislu
á Kapítal í tilefni af fimm ára afmæli
Hugarástandskvöldanna.
Strákarnir í Buttercup að koma sam-
an á Gauknum eftir langt hlé.
Hugarástand fagnar 5 ára afmæli á
Kapital. Plötusnúðar verða dj Frímann
og dj Arnar ásamt gestum.
■ ■ FYRIRLESTRAR
15.00 AFS á Íslandi verður með
opið málþing um menningu og mann-
líf í Rómönsku Ameríku að Hverfisgötu
21, í sal Félags bókagerðarmanna. Að
loknu málþinginu verða í boði léttar
veitingar með rómönsk-amerísku ívafi
og lifandi suðræn tónlist.
■ ■ FUNDIR
17.00 Opinn fundur verður á al-
þjóðlegum baráttudegi kvenna fyrir
friði og jafnrétti í BSRB-salnum, Grettis-
götu 89.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.
38 6. mars 2004 LAUGARDAGUR
hvað?hvar?hvenær?
3 4 5 6 7 8 9
MARS
Laugardagur
Leikfélag Akureyrar frumsýn-ir leikritið Draumalandið,
eftir Ingibjörgu Hjartardóttur, í
dag en þetta er jafnframt fyrsta
frumsýning leikfélagsins í ný-
uppgerðu Samkomuhúsinu sem
hefur verið heimili og varnar-
þing LA árum saman.
„Þetta er nýtt íslenskt sam-
tímaverk og fjallar í megindrátt-
um um erfðarétt til lands og lífs,“
segir leikstjórinn Þorsteinn
Bachmann. „Verkið gerist í afdal
norður í landi og fjallar um átök
um ólíkar hugmyndir um nýtingu
lands og fjár. Þetta er glæpasaga
þar sem alvarlegustu glæpirnir
eru kannski ekki alltaf þeir aug-
ljósustu og verkið er því marg-
slungið og endalokin óvænt.“
Þorsteinn segir að vinnan við
uppsetninguna hafi verið afskap-
lega ánægjuleg og samstarfið við
höfundinn hafi verið óvenju gott.
„Verkið hefur verið í mótun í eitt og
hálft ár þegar Ingibjörg kom fyrst
með hugmyndina til mín. Leikhóp-
urinn kom svo fljótt inn í þróunar-
vinnuna og tók virkan þátt. Það var
svo mitt hlutverk að sameina alla
þætti og fá fram heildarmyndina og
ég er mjög ánægður með útkomuna
og hlakka mikið til að fara með
verkið fyrir áhorfendur.“
Aðstaða leikara í Samkomuhús-
inu var orðin ansi bágborin þegar
ráðist var í þær breytingar sem nú
er lokið. „Þetta var aðallega að-
staðan baksviðs sem var fyrir neð-
an allar hellur. Húsið lak og það
fraus í pípum þannig að ekki var
hægt að nota salerni. Þá þurfti
maður helst að fara út til að kom-
ast inn á svið þannig að það var
alveg kominn tími á lagfæringar.
Húsið hefur líka fengið andlitslyft-
ingu að utan, verið einangrað upp á
nýtt og aðgengi fatlaðra hefur
verið stórbætt. Það er stórkostlegt
að hafa fengið hita í salinn en nú
þarf ekki lengur að æfa í úlpum
með rafmagnsofnana úti um allt.“
Þorsteinn hættir sem leikhús-
stjóri LA á næstunni en hverfur
þó ekki á braut þar sem hann
hyggst snúa sér í auknum mæli
að leikstjórn. „Ég mun stýra öðru
verki hérna á næsta ári og ætla
snúa mér að afmarkaðri verkefn-
um og láta öðrum leikhússtjórn-
ina eftir. Við höfum náð okkar
helstu markmiðum á frekar
erfiðum tímum og þetta er allt
komið á beinu brautina og ég
ætla að reyna að skilja við leikfé-
lagið eins og ég hefði viljað taka
við því sjálfur.“
Þorsteinn leggur áherslu á að
hópurinn sem stendur að LA sé
samheldinn og traustur. „Þegar ég
byrjaði hérna setti ég mér það
takmark að setja saman sterkan
hóp leikhússlistamanna sem gæti
tekist á við hvaða verk sem er og
þessi sýning sýnir að það mark-
mið hefur náðst. Þetta er ekki að-
keypt, heldur eitthvað sem við
erum að búa til sjálf.“ ■
Óvænt endalok
í betra húsi
SAGA JÓNSDÓTTIR
Í hlutverki sínu í Draumalandinu sem LA frumsýnir í endurbættu Samkomuhúsi í kvöld. Akureyringar hafa ærin tilefni til að
fagna þar sem Amtsbókasafnið opnar einnig í dag að viðstöddum forseta Íslands og ráðherrum kjördæmisins sem láta sig varla vanta
á frumsýninguna.
Miðasala í í síma 562 9700
www.idno.is
Lau. 13. mars kl. 20:00 örfá sæti
Sun. 21. mars kl. 20:00 laus sæti
Sun. 28. mars kl. 20:00 laus sæti
Fáar sýningar eftir.
Fim. 11/3 uppselt
Fim. 18/3 næstsíðasta sýning
Fös. 26/3 síðasta sýning
Ekki missa af
Sellófon!
Miðasala í Iðnó
sími: 562 9700
Síðustu sýningar.
e. Birgi J. Sigurðsson.
Leikfélag Mosfellssveitar
sími: 566-7788
miðaverð 1.500 kr
Næstu sýningar:
Frumsýning fös. 5. mars
Lau. 6. mars
Fös. 12.mars
Lau.13.mars
Sýnt kl. 20.30
Matur & miði kr. 3.200 f. hópa =10 eða fleiri.
■ FRUMSÝNING