Fréttablaðið - 11.03.2004, Blaðsíða 2
2 11. mars 2004 FIMMTUDAGUR
Það hafa allir sína kosti og galla
Guðlaugur Þór Þórðarson, stjórnarmaður í Orku-
veitu Reykjavíkur, og Alfreð Þorsteinsson, stjórnar-
formaður Orkuveitunnar, hafa deilt harkalega um
málefni fyrirtækisins undanfarið.
Spurningdagsins
Guðlaugur Þór, er Alfreð alveg
ómögulegur?
Getum ekki verið
annað en bjartsýnir
Þorsteinn Már Baldvinsson, forstjóri Samherja, segir ekki annað hægt að en vera bjartsýnn á
björgun Baldvins Þorsteinssonar EA sem strandaði í Skarðsfjöru aðfaranótt mánudags.
Stór og öflugur dráttarbátur á leið til landsins.
STRAND Ekki hefur verið reynt að
draga Baldvin Þorsteinsson EA
af strandstað í Skarðsfjöru og
óvíst er að það verði gert fyrr en
öflugt dráttarskip kemur frá
Noregi á föstudag. Til að svo
verði þarf veður að batna.
Skipið virðist vera lítið eða alveg
óskemmt. Seint í gærkvöldi hafði
veður versnað og færðist skipið
lítillega til á strandstaðnum.
Nokkrir skipverjar voru fluttir
með þyrlu um borð í skipið í gær
þar sem þeir voru í um tvær
klukkustundir. Þeir könnuðu
skemmdir og komu taug í land.
Hún er ekki síst ætluð til örygg-
is þar sem ekki er möguleiki á
því að þyrla sé ávallt til taks þeg-
ar menn eru um borð í Baldvini.
Þorsteinn Már Baldvinsson,
forstjóri Samherja, útgerðar
Baldvins, sagði í gær að veður
hafi verið óhagstætt en gerði sér
vonir um að eitthvað verði hægt
að gera í dag í vinnu að björgun
skipsins. „Við getum ekki verið
annað en bjartsýnir um að við
náum skipinu. Við höfum margar
áætlanir og koma dráttarskips-
ins frá Noregi er ein þeirra.
Okkur fannst rétt að fá það
hingað og það er mun öflugra en
þau skip sem við höfum hér á
landi. Baldvin Þorsteinsson virð-
ist sitja nokkuð fastur og því
væri gott að hafa öflugt dráttar-
skip til að þurfa ekki að bíða
svona. Við þurfum öflugra varð-
skip,“ sagði Þorsteinn Már Bald-
vinsson.
Kristján Vilhelmsson, einn
eigandi Samherja og útgerðar-
stjóri, sagði að dráttarskipið sem
er væntanlegt sé ámóta langt og
Baldvin Þorsteinsson en sex
metrum breiðara. „Það skip
hefur fjórum til fimm sinnum
meira dráttarafl en varðskipin
íslensku.“
Um borð í Baldvini eru 1.800
tonn af loðnu og nokkuð af olíu.
Það gerir skipið stöðugra í fjör-
unni.
Tryggingarsmiðstöðin, sem er
tryggingarfélag skipsins, og
Samherji hafa leigt sér nokkrar
þungavinnuvélar sem verða til
taks þegar reynt verður að draga
Baldvin af strandstað.
hrs@frettabladid.is
Samherji og Tryggingamiðstöðin leigja öflugt dráttarskip:
Á leið á strandstað
STRAND Dráttarskipið Normand
Mariner er á leið til Íslands til að
hjálpa við að koma Baldvini Þor-
steinssyni EA af strandstað í
Skarðsfjöru.
Samherji, eigandi Baldvins og
Tryggingamiðstöðin sömdu við
fyrirtækið Seabrokers Chartering
í Noregi um leigu á skipinu, en
það er sérhæft dráttarskip með
23.500 hestafla vél. Til saman-
burðar þá eru íslensku varðskipin
Ægir og Týr sem nú eru á strand-
stað með tæplega 5.000 hestafla
vélar. Einnig var samið um leigu á
2.500 metra langri dráttartóg sem
þolir 800 tonna átak.
Normand Mariner lagði af stað
til Íslands frá Bergen í gærmorg-
un og er áætlað að það komi til
landsins í fyrramálið. Reyna á að
nota varðskipin til að koma Bald-
vini á flot í dag. Þorsteinn Már
Baldvinsson, forstjóri Samherja,
segir að dráttarskipið hafi verið
tekið á leigu því talið hafi verið
rétt að vinna að fleiri en einni að-
gerðaráætlun. Ef það mistekst að
koma Baldvini á flot í dag mun
dráttarskipið því reyna það á
morgun. ■
Eiturbyrlari:
Kennir nú
siðfræði
LONDON, AP Breskur vísindamaður
sem sat sjö ár í fangelsi fyrir að
byrla konu sinni eitur er laus úr
haldi og farinn að vinna við það að
kenna siðfræði í Háskólanum í
Manchester.
Maðurinn setti eitur í gin- og
tónikdrykki konu sinnar og setti
nokkrar tónikflöskur með eitrinu
í hillur stórmarkaða til að afvega-
leiða lögreglu. Átta manneskjur
veiktust af þessum sökum, þeirra
á meðal kona vísindamannsins.
Saksóknari sagði manninn hafa
ætlað að myrða konuna til að geta
kvænst nemanda sínum. Hann var
dæmdur í tólf ára fangelsi. ■
MÁNUÐUR LIÐINN
Í dag er mánuður liðinn síðan lík Vaidas
Jucevicius fannst í höfninni í Neskaupstað.
Neskaupstaðarmálið:
Verjendur
fá gögn
LÖGREGLUMÁL Hæstiréttur úrskurð-
aði í gær að rannsóknargögn varð-
andi líkfundinn í Neskaupstað
skyldu afhent verjendum. Enn
fremur var niðurstaða héraðsdóms
varðandi gæsluvarðhald staðfest.
Að sögn Sveins Andra Sveins-
sonar, lögmanns Jónasar Inga Ragn-
arssonar, eins þremenninganna sem
sitja í gæsluvarðhaldi í tengslum
við líkfundinn í Neskaupstað, hefur
þetta þá þýðingu að hann sem
verjandi geti nú betur metið stöðu
málsins.
„Aðgangur að rannsóknargögn-
um snýst fyrst og fremst um að geta
metið það hvort framburðir og
önnur sönnunargögn séu líkleg til
sakfellingar eða ekki,“ segir Sveinn
Andri.
Í dag er liðinn mánuður frá lík-
fundinum. ■
VILJA AÐ EGYPTAR TAKI ÞÁTT
Palestínumenn vilja að Egyptar
eigi hlutdeild í brotthvarfi
Ísraela frá Gazasvæðinu, sem
Ariel Sharon,
forsætisráð-
herra Ísraels,
hefur mælt
fyrir. Egyptar
eru hikandi og
Hosni Mubarak
forseti hefur
sagt að ekki
komi til greina
að senda herinn á vettvang. Gaza
var áður hluti Egyptalands.
■ Miðausturlönd
NORMAND MARINER
Normand Mariner er sérhæft dráttarskip
með 23.400 hestafla vél.
„Hluti af því að vera í útgerð er að
lifa við breytileika í veðri. Ég upp-
álegg skipstjórum mínum að fara
með varúð og aftur varúð. Það er
ljóst að sjómennskan er öðruvísi en
önnur vinna og sama á við um að
vera útgerðarmaður. Auðvitað hugsa
ég um hættuna og er ekki sama
þegar veður er vont. En ég treysti á
góðar áhafnir og að sjómenn sýni
góða sjómennsku. Auðvitað sef ég
ekki alltaf,“ sagði Þorsteinn Már
Baldvinsson, forstjóri Samherja.
ÞORSTEINN MÁR BALDVINSSON
ÚTGERÐARMAÐUR
Hann fylgist grannt með örlögum
flaggskips útgerðarinnar sem er
nefnt eftir föður Þorsteins, Baldvini
Þorsteinssyni sem var landsþekktur
aflaskipstjóri.
Sef ekki alltaf
VIÐ VINNU Á STRANDSTAÐ
Kaðall var dreginn af landi út í Baldvin
Þorsteinnson EA. Ef Þyrlan hefði ekki
getað komið skipverjunum þangað eða
sótt þá átti að nota björgunarstjól til að
ferja þá á milli.
UM BORÐ Í BALDVINI
Skipverjarnir fóru um borð í skipið á
strandstað í gær til að meta ástand þess.
Það virtist vera í ágætu ásigkomulagi.
FR
ÉT
TA
B
LA
Ð
IÐ
/V
IL
H
EL
M