Fréttablaðið - 11.03.2004, Blaðsíða 12

12 11. mars 2004 FIMMTUDAGUR
KÍNVERJUM Í TÍBET MÓTMÆLT
Mánaðarlangri frelsisgöngu fyrir Tíbet lauk
í Nýju Delí, höfuðborg Indlands, í gær,
þar sem fjöldi manns mótmælti mannrétt-
indabrotum Kínverja í Tíbet og krafðist
aðgerða alþjóðasamfélagsins.
M
YN
D
/A
P
LAGOS, AP Þúsundir bláfátækra Ní-
geríumanna misstu heimili sín
þegar eldsvoði eyðilagði hundruð
heimila í Okobaba, fátækrahverfi
í höfuðborg Nígeríu, í fyrrinótt.
Íbúar segja að eldurinn hafi
kviknað út frá kerti sem valt um
koll og kveikti eld sem ekkert
varð við ráðið. Híbýlin í hverfinu
eru afar fátækleg, búin til úr þeim
efnum sem íbúarnir komast yfir,
aðallega timbri.
Fáeinum mínútum eftir að eld-
urinn braust út hafði hann breiðst
út um stóran hluta hverfisins. Eld-
tungurnar stigu til himins, þær
hæstu um tuttugu metra og náðu
hærra en háspennulínurnar sem
strengdar voru yfir hverfið.
„Ég tapaði öllu, á ekkert eftir,“
sagði Mojirayo Ojugbele, sem
flýði ásamt tveimur börnum sín-
um og bjargaði ekki öðru úr eldin-
um en einum kjúklingi. „Eftir að
við borðum þetta sveltum við
kannski,“ sagði hún.
Í gær var ekki vitað til þess að
nokkur hefði látið lífið í eldsvoð-
anum. Einhverjir höfðu þó leitað
sér hjálpar á sjúkrahúsum, þeirra
á meðal nokkur börn.
Fjölmargir reyndu að bera eig-
ur sínar á braut, dýnur, sjónvörp
og viftur. Aðrir mynduðu sveitir
sem reyndu að berjast gegn eldin-
um með því að bera vatn úr ná-
lægu fljóti. Nokkrir voru reknir á
brott sakaðir um að stela úr híbýl-
um fólks sem hafði flúið eldinn.
Í gærmorgun var Okobaba-
hverfið í Lagos rústir einar. Íbú-
ar leituðu í rústum heimila sinna
og kenndu raforkuskorti um eld-
inn. Vegna þess hversu stopul
rafveitan er á þessum slóðum
hafa íbúar neyðst til að nota kerti
og olíulampa til að lýsa upp heim-
ili sín og umhverfi þannig að
hætta á eldsvoðum var mun
meiri en ella. Þá gagnrýndu þeir
að ekkert slökkvilið hefði komið
á vettvang utan einn bíll sem
hefði verið vatnslaus. Embættis-
menn segja að slökkvilið hafi
ekki komist nægilega nálægt eld-
inum til að gera neitt gagn vegna
þrengsla. ■
LEITAÐ Í RÚSTUNUM
Um leið og eldurinn kulnaði hófu íbúar fátækrahverfisins leit að efnum sem nota mætti til heimilisgerðar.
Fátækrahverfi
í ljósum logum
Eldsvoði lagði fátækrahverfi í höfuðborg Nígeríu í rúst í fyrrinótt.
Þúsundir bláfátækra íbúa hverfisins misstu heimili sín.
Danskir ráðamenn hafa áhyggjur af brottkasti:
Þriðjungi aflans kastað í sjóinn
DANMÖRK Danskir ráðamenn hafa
þungar áhyggjur af gífurlegu
brottkasti á fiski sem virðist vera
óhjákvæmilegur fylgifiskur
kvótakerfis Evrópusambandsins.
Talið er að danskir sjómenn kasti
um 36.000 tonnum af fiski í hafið
á ári hverju en það svarar um
þriðjungi þess afla sem veiddur
er.
Langmest er kastað af þorski
frá borði sem skýrist af minnk-
andi þorskveiðikvóta Evrópu-
sambandsins, að því er fram
kemur í dagblaðinu Jyllandspost-
en.
Brottkast er ekki ólöglegt í
Danmörku og benda danskir
sjávarlíffræðingar á að það sé
nauðsynlegt til að koma í veg fyr-
ir að útgerðirnar fari fram úr
aflaheimildum. Sumir leggja til
að reynt verði að draga úr brott-
kasti með því að banna það með
lögum líkt og gert hefur verið í
Noregi og á Íslandi.
Marianne Fishcer Boel, mat-
vælaráðherra Danmerkur, vill
beita nútímatækni til að loka haf-
svæðum þar sem mikið er af
smáfiski. Boel segist jafnframt
ætla að skoða þann möguleika að
taka upp sóknardagakerfi að fyr-
irmynd Færeyinga.
Kvótakerfið og brottkast verð-
ur í brennidepli á næsta fundi
sjávarútvegsráðherra Evrópu-
sambandsins á Írlandi. ■
Á MIÐUNUM
Brottkast er bannað með lögum á Íslandi og í Noregi en ekki í Danmörku.
FISKBÚÐIN HAFBERG
Gnoðarvogi 44, sími 588 8686
GLÆNÝ ÝSUFLÖK
350 kr/kg
M
YN
D
IR
/A
P
George W. Bush fetar í fótspor Bills Clinton:
Bush hefur boðið á sjötta
hundrað manns gistingu
WASHINGTON, AP Í það minnsta níu
af helstu fjáröflunarmönnum Ge-
orge W. Bush Bandaríkjaforseta
voru meðal þeirra sem þáðu gist-
ingu í Hvíta húsinu og Camp Dav-
id, búgarði forsetaembættisins, á
síðasta ári. Fjáröflunarmennirnir
dvöldu í Lincoln-herberginu en
Bush gagnrýndi Bill Clinton, for-
vera sinn, harkalega í síðustu
kosningabaráttu fyrir að bjóða
fjáröflunarmönnum, og þeim sem
lögðu fé til kosningabaráttu hans,
í Hvíta húsið.
James Langdon, einn fjáröfl-
unarmanna Bush, segir ekki
hægt að bera þetta saman. Hon-
um hafi ekki verið boðið sem
fjáröflunarmanni heldur sem
vini forsetahjónanna um áratuga-
skeið.
Í kosningabaráttunni fyrir
fjórum árum tók Bush undir
gagnrýni á Clinton fyrir að nota
gistingu í Lincoln-herberginu í
Hvíta húsinu sem umbun fyrir þá
sem öfluðu fjár í kosningabaráttu
Clintons.
Bush hefur boðið milli 500 og
600 manns að gista í Hvíta húsinu
eða Camp David frá því hann
varð forseti. Í þeim hópi er að
finna erlenda þjóðhöfðingja og
vini forsetans. ■
FORSETINN OG
FJÁRÖFLUNARMAÐURINN
Brad Freeman kynnir heiðursgestinn,
George W. Bush, á fjáröflunarsamkomu
á síðasta ári. Freeman var gestur í
Hvíta húsinu á síðasta ári.
John Kerry:
Hærri skatta
á þá ríkari
CHICAGO, AP Verði John Kerry for-
seti ætlar hann að fara þess á leit
að þeir Bandaríkjamenn sem þéna
meira en sem nemur fjórtán millj-
ónum króna á ári borgi hærri
skatta en þeir greiði nú en að
skattar millistéttarinnar haldist
óbreyttir eða lækki. Þetta sagði
hann eftir að hafa tryggt sér sigur
í forkosningum demókrata í fjór-
um suðurríkjum Bandaríkjanna.
Kerry sagðist vilja að skattar
þeirra ríkustu yrðu þeir sömu og
þeir voru í stjórnartíð Bills Clint-
on, áður en George W. Bush
Bandaríkjaforseti lækkaði þá. ■
LEYNIÞJÓNUSTA ÍSRAELSKA
HERSINS hefur handtekið Palest-
ínumann sem er sagður hafa
skipulagt loftárás á ísraelska
landnemabyggð. Maðurinn ætlaði
að sögn að fljúga fjarstýrðri flug-
vél á landnemabyggðirnar og
hafði unnið nokkurn tíma að
byggingu flugvélarinnar þegar
hann var handtekinn.
ÞYRLA LANDHELGISGÆSLUNNAR
Stjórn Félags slysa- og bráðalækna bendir
á að starf lækna í þyrlum Landhelgisgæsl-
unnar sé mjög sérhæft og krefjist mikillar
þjálfunar.
Þyrlur Gæslunnar:
Læknar
ómissandi
HEILBRIGÐISMÁL Stjórn Félags
slysa- og bráðalækna hefur þung-
ar áhyggjur af þeirri óvissu sem
ríkir um starf lækna í þyrlum
Landhelgisgæslunnar. Stjórnin
mótmælir öllum hugmyndum um
að dregið verði úr þjónustu lækna
í þyrlunum.
Í yfirlýsingu frá stjórninni er
bent á að vinnan í þyrlunum sé
mjög sérhæfð, hún krefjist mikill-
ar þjálfunar og samhæfingar
áhafnar. Oft þurfi að taka skjótar
læknisfræðilegar ákvarðanir þar
sem ástand sjúkra eða slasaðra
geti breyst skjótt á meðan á flutn-
ingi stendur.
Stjórnin bendir jafnframt á að
með fækkun lækna á landsbyggð-
inni hafi aðstaða til fyrstu mót-
töku víða versnað og aukið traust
verið lagt á hjálp aðkomuaðila, til
dæmis þyrlulækna. ■
■ Miðausturlönd
■ Miðausturlönd
STEFNA AÐ ÞVÍ AÐ HITTAST For-
sætisráðherrar Ísraels og Palest-
ínu hafa samþykkt að stefna að
því að funda á þriðjudag. Það
verður fyrsti fundur þeirra frá
því Ahmed Qureia tók við starfi
forsætisráðherra Palestínu í
október ef af verður, en það
ræðst endanlega á næstu dögum.
KERRY Í CHICAGO
Kerry sagði Bush hafa flutt skattbyrðina af
þeim ríku á millistéttina.
M
YN
D
/A
P