Fréttablaðið - 31.03.2004, Blaðsíða 12

12 31. mars 2004 MIÐVIKUDAGUR
■ Evrópa
DROTTNING BORIN TIL GRAFAR
Fjöldi erlendra þjóðhöfðingja og aðals-
manna fylgdi Júlíönu, fyrrum Hollands-
drottningu, til grafar í Delft í gær.
Drottningin lést 20. mars, 94 ára að aldri.
Íbúar Vesturlands fá póstinn síðar en aðrir landsmenn:
Öllum pósti dreift
með áætlunarbílum
PÓSTFLUTNINGAR Gagnrýni hefur
komið fram varðandi póstflutn-
inga Íslandspósts á Vesturlandi
en þar er öllum pósti dreift með
áætlunarbíl á vegum Sæmundar
Sigmundssonar. Hefur það í för
með sér að póstur berst íbúum
oft á tíðum ekki fyrr en eftir há-
degið og er því ekki borinn út
fyrir en seinnipart dags eða dag-
inn eftir. Þykir sumum íbúum
nóg um enda eru samgöngur
óvíða jafn góðar og á Snæfells-
nesinu.
„Þetta var tilkomið þegar ég
kom hér til starfa og hefur haldist
síðan enda er þjónustan góð,“ seg-
ir Einar Þorsteinsson, forstjóri Ís-
landspósts. „Við höfum oftar en
einu sinni látið fara fram könnun
meðal almennings á svæðinu og
það hefur sýnt sig að fólk er þessu
vant og vill ógjarna breytingar.
Þess vegna höfum við látið vera
að breyta þessu fyrirkomulagi en
við fylgjumst vel með og ef fólk
er óánægt þá er þeim í lófa lagið
að hafa samband og við reynum
að greiða úr því.“
Friðrik Pétursson hjá Póst- og
fjarskiptastofnun, segir engar
kvartanir hafa borist inn á borð
stofnunarinnar vegna þessa en
það er forsenda þess að stofnunin
geri ráðstafanir vegna mála af
þessu tagi. ■
Úrelt lög sem aldrei
hefur reynt á
Þingmenn Samfylkingarinnar vilja að lög um landsdóm og ráðherra-
ábyrgð verði endurskoðuð. Núgildandi lög virka ekki sem skyldi og
veikja þingræðið segir Jóhanna Sigurðardóttir.
ALÞINGI „Lögin um landsdóm eru
orðin úrelt og hafa ekki fylgt þeirri
þróun sem orðið hefur á dóms- og
réttarkerfinu. Við leggjum til að
dómurinn verði felldur niður og að
ábyrgð á hendur ráðherrum verði
komið fyrir almenna dómstóla.
Málshöfðunarrétturinn gæti þó
áfram verið hjá Alþingi,“ segir Jó-
hanna Sigurðardóttir, Samfylking-
unni.
Jóhanna hefur ásamt félögum
sínum í Samfylkingunni lagt fram
þingsályktunartillögu sem kveður
á um að Alþingi álykti að fram
skuli fara heildarendurskoðun á
lögum um landsdóm og ráðherraá-
byrgð, en markmiðið er að styrkja
eftirlit og aðhald löggjafarþingsins
með framkvæmdarvaldinu.
Lagt er til að höfð verði hliðsjón
af lögum um ráðherraábyrgð í öðr-
um löndum. Lög um landsdóm
voru fyrst sett árið 1905, en sam-
kvæmt þeim fer dómurinn með og
dæmir þau mál sem Alþingi ákveð-
ur að höfða gegn ráðherrum út af
embættisrekstri þeirra. Dómurinn
hefur hins vegar aldrei verið kall-
aður saman til að höfða slík mál.
„Það þarf að tryggja rétt
minnihlutans á Alþingi og styrkja
lýðræðið á sama tíma. Samkvæmt
núgildandi lögum þarf meirihluti
Alþingis að samþykkja tillögur
um skipan rannsóknarnefndar, en
þau mál sem upp koma í tengslum
við rannsóknarnefndina varða yf-
irleitt meirihlutann. Stjórnarskrá-
in setur skipan þessara mála
þröngar skorður og hafa allar til-
lögur, utan einnar, um 60 talsins,
verið felldar um skipan rannsókn-
arnefndar,“ segir Jóhanna.
Þingmenn Samfylkingarinnar
segja lög um ráðherraábyrgð
mjög óljós og vilja að þeim verði
breytt þannig að þau tryggi að
ráðherra sæti ábyrgð ef hann gef-
ur Alþingi villandi upplýsingar
eða leynir upplýsingum.
„Ráðherra hefur aldrei sætt
ábyrgð samkvæmt lögunum. Þetta
er óvirk löggjöf sem þarf að laga
að nútímanum. Við heyrum iðulega
fréttir af því þegar ráðherrar út í
heimi segja af sér, enda eru þessi
lög víða mun skýrari en hér. Sið-
ferðileg ábyrgð ráðherra er miklu
sterkari í öðrum löndum, enda er
þá bæði litið á skráðar og óskráðar
siðareglur þegar verið er að meta
stöðu ráðherra og það hvort hann
eigi að segja af sér. Það er algengt
hjá nágrannaþjóðum okkar að ráð-
herra sem ekki nýtur lengur
trausts til að gegna þeim trúnaðar-
störfum sem honum er treyst fyrir
segi af sér.
bryndis@frettabladid.is
M
arg
fald
a›u punktana flína
Punkta›u fla› hjá flér!
5x20W x 1x40W hátalarar
Spilar: DVD, CD, CD-R, CD-RW,
MP3, JPEG og HDCD
Dolby digital
Útvarp me› 50 stö›va minni
FRÁ ACE ELECTRONICS
HEIMABÍÓ
Ver› mi›a› vi› 1000 punkta:
14.990 kr.
Smásöluver›: 29.900 kr.
Ver›gildi punkta: x15
H
ám
ark
1000
punktar á hvert tilbo›
F
í
t
o
n
/
S
Í
A
F
I
0
0
9
1
7
2
R
Ú
N
A
www.kodakexpress.is Sími 570 7500 www.hanspetersen
• 3.2 milljón pixla
• 3x Optical aðdráttur (35-105mm)
• 3,4x Digital aðdráttur (106-357mm)
• Tekur allt að 16 myndir í röð á 2 sek.
sem þú getur síðan valið úr,
t.d. íþrótta-, hesta- eða golfmyndir.
• Tekur video
• Allt niður í 1 cm nærmynd (macro)
• AA eða Li-ion hleðslurafhlöðumöguleikar
G 4
G Æ Ð A F R A M K Ö L L U N U M A L L T L A N D
TVEIR NÝIR VINDMYLLUGARÐAR
Danska ríkisstjórnin ætlar að
verja sem svarar tæpum 53 millj-
örðum íslenskra króna á næstu
fimm árum til að reisa tvo vind-
myllugarða úti fyrir ströndum
Danmerkur. Vindmyllugarðarnir
verða hvor um sig 200 megavött
að stærð. Hátt í 6000 vindmyllur
eru í Danmörku og framleiða
þær um tíu prósent af því raf-
magni sem notað er í landinu.
Stefnt er að því að þetta hlutfall
verði komið upp í 50 prósent árið
2030.
DÆMDIR TIL DAUÐA FYRIR LAND-
RÁÐ Dómstólar í Mjanmar hafa
dæmt þrjá menn til dauða fyrir
að hafa samband við Alþjóða-
vinnumálastofnunina, ILO. Þre-
menningarnir voru fundnir sekir
um landráð. Talsmenn ILO segja
að mennirnir hafi ekkert unnið
sér til saka og krefjast þess að
þeir verði látnir lausir.
RÚTA FÉLL OFAN Í GLJÚFUR 23
létu lífið og fjöldi slasaðist þegar
rúta fór út af fjallvegi og lenti
ofan í gljúfri í indverska hluta
Kasmír. 41 farþegi var um borð í
rútunni þegar óhappið átti sér
stað. Talið er að bílstjórinn hafi
misst stjórn á rútunni í beygju.
LITHÁEN, AP Dómstólar í Litháen hafa
dæmt franska rokksöngvarann
Bertrand Cantat í átta ára fangelsi
fyrir að verða valdur að dauða unn-
ustu sinnar, frönsku leikkonunnar
Marie Trintignant. „Það leikur eng-
inn vafi á sekt hins ákærða,“ sagði
dómarinn Vilmantas Gaidelis þegar
hann kvað upp dóminn.
Marie Trintignant, sem var við
tökur á kvikmynd í Litháen, fannst
meðvitundarlaus á hótelherbergi í
Vilníus í júlí á síðasta ári. Hún var
flutt á sjúkrahús í Frakklandi þar
sem hún lést fjórum dögum síðar af
völdum áverka á höfði. Cantat, sem
var með henni í Vilníus, var hand-
tekinn í kjölfarið og ákærður fyrir
manndráp. Fyrir dómi viðurkenndi
Cantat að hafa lent í rifrildi við
leikkonuna og slegið til hennar fjór-
um sinnum í ölæði en fullyrti jafn-
framt að dauði hennar hefði verið
slys. Saksóknarar héldu því aftur á
móti fram að Cantat hefði slegið
unnustu sína að minnsta kosti nítján
sinnum í afbrýðisemiskasti.
Cantat, sem er fertugur, er
söngvari frönsku rokkhljómsveitar-
innar Noir Desir. Verjandi hans hef-
ur þegar lýst því yfir að dómnum
verði áfrýjað. ■
SPRENGJUR VIÐ LÖGREGLUSTÖÐ
Tvær sprengjur sprungu með
tuttugu mínútna millibili skammt
frá höfuðstöðvum lögreglunnar í
Genúa á Ítalíu aðfaranótt mánu-
dags. Engin meiðsl urðu á fólki
en skemmdir urðu á mannvirkj-
um og bifreiðum. Lögregluyfir-
völd fullyrða að seinni sprengjan
hafi verið ætluð lögreglumönnum
sem kæmu á vettvang eftir að sú
fyrri hefði sprungið. Talið er að
samtök anarkista hafi komið
sprengjunum fyrir.
■ Asía
Rokksöngvari varð valdur að dauða unnustu sinnar:
Átta ára fangelsi fyrir manndráp
BERTRAND CANTAT
Franski rokksöngvarinn sýndi engin svip-
brigði þegar dómurinn var kveðinn upp.
LÖG UM RÁÐHERRAÁBYRGÐ
Samfylkingin vill að lögunum verði breytt þannig að þau tryggi meðal annars að ráðherra
sæti ábyrgð ef hann gefur Alþingi villandi upplýsingar eða leynir upplýsingum.
FR
ÉT
TA
B
LA
Ð
IÐ
/G
VA
BORGARNES
Öllum pósti á Vesturlandi er dreift með venjubundnum áætlunarferðum
rútubíla um héraðið.