Fréttablaðið - 31.03.2004, Blaðsíða 30
30 31. mars 2004 MIÐVIKUDAGUR
Kirkjulundi 13 - Garðabæ - s: 565 6900 - verkhonnun@simnet.is
Frá Four Seasons Sunrooms
Það besta sem býðst! ÚR ÁLI,
með eða án lóðréttra pósta
FÓTBOLTI Í kvöld fara
fram 50 landsleikir í
fótbolta víðs vegar um
heiminn, 29 vináttu-
leikir og 21 leikur í und-
ankeppni HM í Asíu,
Suður Ameríku og Mið-
og Norður Ameríku.
Allar þjóðirnar sem
leika í Portúgal í sumar
verða í sviðsljósinu í
kvöld. Portúgalir leika
við Ítali á nýja borgar-
vellinum í Braga sem
var vígður í lok síðasta árs. Nokk-
uð er um forföll vegna meiðsla í
flestum liðanna sem leika í kvöld
og í nokkrum þeirra fá leikmenn
frí vegna leikjaálags.
Oliver Kahn fær frí í
kvöld þegar Þjóðverjar
mæta Belgum í Köln.
Zinedine Zidane, Robert
Pires og Patrick Vieira
eru meiddir og leika ekki
með Frökkum sem mæta
Hollendingum í Rotter-
dam. Heimamenn leika
án Jaaps Stam og Franks
de Boer sem eru meiddir.
Thomas Helveg missir af
leik Dana og Spánverja í
Gijon en Søren Colding var valinn
í hans stað en hann lék síðast með
Dönum fyrir rúmum þremur
árum. ■
Ljóst að við leikum
við mjög sterka þjóð
Íslendingar leika við Albani í Tírana í kvöld.
Albanir eru ósigraðir á heimavelli síðan 2001.
FÓTBOLTI „Albanir eru taplausir á
heimavelli síðan 2001 þegar þeir
töpuðu fyrir Finnum,“ sagði Ás-
geir Sigurvinsson, landsliðsþjálf-
ari. „Albanir hafa síðan unnið
Rússa og Svía og gert jafntefli við
Svisslendinga og Íra. Það er því
ljóst að við erum að fara að leika
við mjög sterka þjóð.“
Íslendingar leika í kvöld vin-
áttuleik við Albani í Tírana. Alban-
ir töpuðu síðast á heimavelli í sept-
ember árið 2001 og hafa sigrað í
sex af síðustu níu leikjum sínum á
heimavelli og gert jafntefli í hin-
um þremur.
Landsliðsþjálfararnir Logi
Ólafsson og Ásgeir Sigurvinsson
sáu myndband með leik Albana og
Svía sem fram fór í Tírana í síð-
asta mánuði. „Albanir sigruðu Sví-
ana 2-1 og klúðruðu vítaspyrnu í
lokin,“ sagði Ásgeir. „Svíar voru
kannski ekki með sitt sterkasta lið
en leikurinn sýndi að Albanir eru
með mjög sterkt lið. Þetta hefur
breyst mikið frá sem áður var.
Núna eru Albanir með menn í
hverri stöðu sem leika í Þýska-
landi, Frakklandi, Belgíu eða á
Ítalíu. Þeir eiga marga góða leik-
menn.“
Þjóðverjinn Hans-Peter Briegel
tók við þjálfun albanska liðsins í
desember 2002 og segir Ásgeir að
Briegel hafi sett sinn stimpil á lið-
ið. „Albanir hafa alltaf átt fram-
bærilega leikmenn, mjög tekníska
en þá hefur vantað skipulagið.
Briegel hefur náð að koma skipu-
lagi á liðið.“
Íslendingar leika í kvöld án
sinna sterkustu leikmanna, Her-
manns Hreiðarssonar og Eiðs
Smára Guðjohnsen. „Við verðum
að taka því að leikmenn séu meidd-
ir. Við hefðum viljað hafa besta lið-
ið en það koma aðrir í staðinn.“
Ásgeir telur vináttulandsleik-
ina hafa mikið gildi í undirbúningi
fyrir leikina í alþjóðlegum keppn-
um. „Það væri slæmt ef við fengj-
um ekki æfingaleikina. Við teljum
þetta mikilvæga leiki því við
fáum ekki eins mikinn tíma með
leikmönnunum fyrir leiki og
félagsliðin. Þarna gefst tími til að
slípa liðið til.“
Leikur liðsins í kvöld byggir á
því sem þjálfararnir hafa verið að
þróa þetta ár sem þeir hafa stjórn-
að liðinu. „Grunnurinn verður sá
sami en það eru ákveðin atriði
sem við ætlum að þróa áfram. Það
er gott að fá svona leiki til að
prófa nýja leikmenn. Við þurfum
að stækka hópinn fyrir næstu
verkefni því við getum alltaf lent
í því að tveir til þrír leikmenn
meiðist og þá er gott að hafa
skólað til fleiri leikmenn,“ sagði
Ásgeir Sigurvinsson landsliðs-
þjálfari. ■
LUIS FIGO
Á skotæfingu fyrir leik
Portúgala og Ítala í
kvöld.
ÁSGEIR SIGURVINSSON
Gott að fá vináttulandsleiki til að prófa nýja leikmenn. Við þurfum að stækka hópinn
fyrir næstu verkefni, segir landsliðsþjálfarinn.
ÍSLENSKI HÓPURINN
Markverðir
Árni Gautur Arason (Manchester City)
Kristján Finnbogason (KR)
Aðrir leikmenn
Arnar Þór Viðarsson (Lokeren)
Bjarni Guðjónsson (Coventry)
Brynjar Björn Gunnarsson (Stoke)
Gylfi Einarsson (Lilleström)
Heiðar Helguson (Watford)
Hjálmar Jónsson (IFK Göteborg)
Indriði Sigurðsson (Genk)
Ívar Ingimarsson (Reading)
Jóhannes Karl Guðjónsson (Wolves)
Kristján Örn Sigurðsson (KR)
Marel Baldvinsson (Lokeren)
Ólafur Örn Bjarnason (Brann)
Pétur Hafliði Marteinsson (Hammarby)
Veigar Páll Gunnarsson (Stabæk)
Þórður Guðjónsson (Bochum)
Alþjóðlegur landsleikjadagur:
Fimmtíu landsleikir
FR
ÉT
TA
B
LA
Ð
IÐ
/R
Ó
B
ER
T