Fréttablaðið - 01.04.2004, Qupperneq 10

10 1. apríl 2004 FIMMTUDAGUR
STYTTA AF FRELSISHETJU
Sex metra há stytta af frelsishetjunni
Nelson Mandela var afhjúpuð á torgi í
Jóhannesarborg í gær. Við sömu athöfn
var torgið endurnefnt og heitir nú
Nelson Mandela torg.
SJÓMENN Fulltrúar Sjómannasam-
bandsins, Farmanna- og fiski-
mannasambandsins og Alþýðusam-
bands Vestfjarða hafa setið á samn-
ingafundum með fulltrúum LÍÚ hjá
ríkissáttasemjara að undanförnu og
hafa kjarasamningar eins og þeir
leggja sig verið til umræðu. Samn-
ingar sjómanna runnu úr gildi um
síðustu áramót, en ekki var lokið við
síðustu tvo kjarasamninga vegna
lagasetninga, og samdi stéttin síðast
árið 1995. Sævar Gunnarsson, for-
maður Sjómannasambandsins, seg-
ir það flækja málið.
„Það eru mörg vandamál sem
hafa verið skilin eftir óleyst og við
erum að reyna að fara yfir þau mál
og ná lendingu. Þarna er meðal ann-
ars um að ræða lífeyrisréttindin og
uppsagnarfrestinn. Þetta er flóknir
samningar og engin leið að segja til
um það hvenær hægt verður að
ljúka þeim,“ segir Sævar. ■
Fjórir verktakar skotnir til bana í miðborg Fallujah:
Drógu brunnin
lík um göturnar
ÍRAK Æstur múgur dró brunnin og
limlest lík fjögurra verktaka um
götur borgarinnar Fallujah í Írak í
gær. Fjórmenningarnir, sem
störfuðu hjá bandaríska her-
námsliðinu, voru að aka í gegnum
borgina þegar vopnaðir menn
hófu skothríð á bíla þeirra. Ekki
hafa fengist upplýsingar um þjóð-
erni fórnarlambanna.
Fjöldi Íraka kom á vettvang
eftir árásina. Kveikt var í bílun-
um og grjóti kastað í logandi
bílflökin. Að sögn sjónarvotta dró
múgurinn lík fórnarlambanna út
úr bílflökunum, sparkaði í þau og
skar þau í sundur með skóflum.
Að minnsta kosti tvo lík voru
bundin aftan í bíla og ekið með
þau um borgina. Líkamsleifar
voru einnig hengdar upp í brú
sem liggur yfir Efrat-fljót. Engir
bandarískir hermenn eða íraskir
lögreglumenn voru á svæðinu
þegar atburðirnir áttu sér stað.
Bandarísk stjórnvöld hafa for-
dæmt árásirnar harðlega. „Þetta
eru skelfilegar árásir framdar af
fólki sem vill koma í veg fyrir það
að lýðræði skjóti rótum,“ sagði
Scott McClellan, talsmaður Hvíta
hússins í Washington.
Fimm bandarískir hermenn
létust þegar bíl sem þeir voru í
var ekið yfir sprengju í vegkanti í
Malahama, skammt norðvestur af
Fallujah, í gær. Að minnsta kosti
fjórtán íraskir lögreglumenn og
óbreyttir borgarar særðust þegar
maður sprengdi sig í loft upp í bíl
í bænum Baquba, skammt norður
af Bagdad. ■
Sundlaugarbygging að
Laugum í Þingeyjarsveit:
Öll tilboð
undir áætlun
LAUGAR Trésmiðjan Rein átti
lægsta tilboð í byggingu nýrrar
sundlaugar að Laugum í Þingeyj-
arsveit. Tilboðið hljóðaði upp á
rúmar 85 milljónir króna en kostn-
aðaráætlun var tæp 101 milljón
króna. Alls bárust fjögur tilboð í
sundlaugarbygginguna og voru
þau öll undir kostnaðaráætlun.
Ráðgert er að byggja 25 metra
keppnislaug með tveimur stórum
heitum pottum og vaðlaug. Verk-
efnið er samstarfsverkefni ríkis-
ins og sveitarfélagsins og er stefnt
að því að sundlaugin verði afhent
15. júní á næsta ári. ■
– hefur þú séð DV í dag?
Skeljungsránið
nagaði samvisku
mína í átta ár
VIÐSKIPTI Lyfjafyrirtækið Glaxo-
SmithKline ehf. hefur samið við
Lyfjadreifingu ehf. um að annast
alla dreifingu lyfja frá Glaxo-
SmithKline hér á landi. Samning-
urinn er gerður í kjölfar breytinga
á rekstri GSK á Íslandi, en fyrir-
tækið mun frá og með deginum í
dag verða tengt inn í birgða- og
vörustýringarkerfi GSK á heims-
vísu. Samhliða þessu hefur Frans
Páll Sigurðsson verið ráðinn fjár-
málastjóri GSK.
GlaxoSmithKline er annað
stærsta lyfjafyrirtæki í heimi en
það varð til við samruna Glaxo
Wellcome og SmithKline Beecham
í desember árið 2000. Fyrirtækið
er með höfuðstöðvar í London og er
það í forystu þróunar og fram-
leiðslu lyfja við öndunafærasjúk-
dómum, smitsjúkdómum og sjúk-
dómum í miðtaugakerfi, auk melt-
ingar- og efnaskiptasjúkdóma. ■
SJÓMENN
Formaður Sjómannasambandsins segir
að vegna lagasetningar við síðustu tvo
kjarasamninga hafi mörg vandamál ver-
ið skilin eftir óleyst og verið sé að reyna
að fara yfir þau mál og ná lendingu.
Kjaraviðræður sjómanna hjá ríkissáttasemjara:
Fyrri lagasetningar
flækja samninga
FR
ÉT
TA
B
LA
Ð
IÐ
/H
IL
M
AR
Þ
Ó
R
GlaxoSmithKline ehf. og Lyfjadreifing ehf.:
Samið um dreifingu lyfja
SAMNINGUR HANDSALAÐUR
Hjörleifur Þórarinsson, framkvæmdastjóri
GSK, og Benedikt Olgeirsson, fram-
kvæmdastjóri Lyfjadreifingar.
LOGANDI BÍLFLAK
Kveikt var í bifreiðum fjögurra verktaka sem skotnir voru til bana í borginni Fallujah í gær.
LÍKIN VANVIRT
Brunnin lík fórnarlambanna voru hengd upp í brú sem liggur yfir Efrat-fljót.
Á blaðinu stendur „Fallujah er kirkjugarður Bandaríkjamanna“.
FRÍ HEIMSENDING
Nánari
uppl‡singar
á somi.is