Fréttablaðið - 01.04.2004, Side 57

FIMMTUDAGUR 1. apríl 2004
Íslenska landsliðið í handknattleik beið aftur lægri hlut fyrir Frökkum:
Ungt lið tapaði með fimm mörkum
HANDBOLTI Íslenska landsliðið í
handknattleik beið lægri hlut fyr-
ir Frökkum, 29-24, í öðrum vin-
áttuleik þjóðanna í Lorient í gær.
Staðan í hálfleik var 13-11, frans-
ka liðinu í vil en það var ekki fyrr
en á lokasprettinum sem franska
liðið seig fram úr því íslenska.
Snorri Steinn Guðjónsson var
markahæstur með fimm mörk en
annars dreifðist markaskorunin
mjög jafnt hjá íslenska liðinu. All-
ir sextán leikmenn liðsins fengu
að spreyta sig í leiknum og var
Guðmundur Guðmundsson lands-
liðsþjálfari mjög sáttur við sína
menn að leik loknum. „Ég get bara
ekki verið annað en sáttur. Við
spiluðum á erfiðum útivelli gegn
sterku frönsku liði, sem var nán-
ast með alla sína bestu menn og
stóðum í þeim lungann úr leiknum
með ungt og reynslulítið lið. Að
auki hallaði verulega á okkur í
dómgæslunni og ég held að ef
menn setja þetta til dæmis í Evr-
ópukeppnisamhengi þá væri ekk-
ert slæmt að tapa með fimm
mörkum fyrir Frökkum á útivelli.
Ungu strákarnir fengu tækifæri
og ég var mjög ánægður með þá.
Ég hef áður sagt að úrslitin í
svona leikjum skipta ekki öllu
máli en reynslan sem ungu strák-
arnir fá er gífurlega dýrmæt,“
sagði Guðmundur. ■
Tap í Tírana
Íslendingar töpuðu 2-1 fyrir Albönum. Þórður Guðjónsson
jafnaði fyrir Íslendinga um miðjan seinni hálfleik.
FÓTBOLTI Íslendingar töpuðu 2-1
fyrir Albönum í vináttulandsleik í
Tírana í gærkvöld. Íslenska liðið
lék ekki vel og hefði sigur Albana
hæglega getað orðið stærri.
Igli Tare, leikmaður Bologna,
fékk fyrsta tækifæri leiksins á 12.
mínútu. Hann fékk boltann í miðj-
um teignum eftir hornspyrnu en
skot hans fór framhjá. Fjórum
mínútum síðar bjargaði Pétur
Marteinsson á marklínu eftir að
Tare skallaði að marki. Í millitíð-
inni fékk Þórður Guðjónsson
besta færi Íslendinga í fyrri hálf-
leik en var of seinn að skjóta og
komust varnarmenn Albana í veg
fyrir skotið.
Leikurinn var heldur tíðinda-
lítill þar til Adrian Aliaj skoraði
fyrra mark Albana á 42. mínútu.
Aliaj fékk boltann á hægri kanti,
lék inn í vítateiginn og skoraði
með föstu skoti í hornið fjær.
Leikurinn var í svipuðum far-
vegi framan af seinni hálfleik. Al-
banar fengu færin en Íslendingar
komust ekkert áleiðis. Tvisvar
komust sóknarmenn Albana einir
inn fyrir íslensku vörnina en Árni
Gautur Arason varði í fyrra skipt-
ið en Ívar Ingimarsson bjargaði
málunum í seinna skiptið.
Veigar Páll Gunnarsson lék síð-
asta hálftímann og lífgaði mjög
upp á sóknarleik Íslendinga. Veig-
ar lagði upp mark Þórðar Guð-
jónssonar á 66. mínútu. Indriði
Sigurðsson vann boltann af varn-
armanni Albana og sendi hann til
Veigars sem gaf boltann fyrir
markið. Einn Albananna reyndi að
stöðva fyrirgjöfina en hitti ekki
boltann og fékk Þórður nægan
tíma til að leggja boltann fyrir sig
og senda hann í markið.
Íslendingar fylgdu markinu
eftir og léku ágætlega næsta
korterið. Þórður komst í ágætt
færi á 69. mínútu eftir góða sókn
upp vinstri kantinn en náði ekki
skoti á markið. Veigar fékk upp-
lagt færi á 74. mínútu eftir þrí-
hyrningsspil við Þórð en reyndi að
vippa yfir markvörðinn í stað
þess að skjóta. Markvörðurinn
náði að verja, frákastið barst til
Þórðar en skot hans fór í varnar-
mann og þaðan í stöngina.
Albanar náðu aftur frumkvæð-
inu á lokakaflanum. Alban Bushi
skoraði sigurmark þeirra með
skalla á 79. mínútu. Í kjölfarið
fengu Albanar tvö upplögð færi
en Árni Gautur varði í bæði skipt-
in og bjargaði Íslendingum frá
stærra tapi.
Lið Íslands: Árni Gautur Ara-
son – Ólafur Örn Bjarnason, Pétur
Marteinsson, Ívar Ingimarsson
(Kristján Örn Sigurðsson 88.) –
Bjarni Guðjónsson (Arnar Þór
Viðarsson 61.), Indriði Sigurðsson
(Hjálmar Jónsson 88.), Brynjar
Björn Gunnarsson, Jóhannes Karl
Guðjónsson, Þórður Guðjónsson –
Heiðar Helguson (Gylfi Einarsson
88.), Marel Baldvinsson (Veigar
Páll Gunnarsson 61.). ■
LEIKIR ÞJÓÐANNA Í 8. RIÐLI
UNDANKEPPNI HM
Albanía - Ísland 2-1
1-0 Adrian Aliaj (42.), 1-1 Þórður Guð-
jónsson (66.), 2-1 Alban Bushi (79.)
Búlgaría - Rússland 2-2
0-1 Dmitry Sychev (9.), 1-1 Dimitar Ber-
batov (14.), 1-2 Dmitry Sychev (31.), 2-2
Dimitar Berbatov (67.)
Malta - Finnland 1-2
0-1 Aleksei Eremenko (51.), 0-2 Jari Lit-
manen (86.), 1-2 Miguel Mifsud (90.)
Ungverjaland - Wales 1-2
1-0 Krisztian Kenesei, vsp (17.), 1-1 Jason
Koumas (20.), 1-2 Robert Earnshaw (81.)
Króatía - Tyrkland 2-2
1-0 Tomislav Sokota (2.), 1-1 Zafer Biryol
(70.), 2-1 Darijo Srna (72.), 2-2 Cagdas
Atan (73.)
SNORRI STEINN GUÐJÓNSSON
Skoraði fimm mörk og var markahæstur í
íslenska liðinu í gær.
ALBANAR SIGRUÐU
Brynjar Björn Gunnarsson reynir að stöðva Igli Tare.