Fréttablaðið - 13.04.2004, Qupperneq 13

13ÞRIÐJUDAGUR 13. apríl 2004
SheerDrivingPleasure
BMW3Línan
www.bmw.is
Þrír leiðtogar Rauðu Khmeranna:
Ganga enn lausir
KAMBÓDÍA, AP Að minnsta kosti tólf
mannréttindasamtök í Kambódíu
biðluðu til saksóknara í Kambódíu
að láta handtaka þrjá eftirlifandi
leiðtoga Rauðu Khmeranna. Búist
er við því að þeir verði ákærðir
fyrir þjóðarmorð af alþjóðlegum
dómstólum von bráðar, en Sam-
einuðu þjóðirnar eru að safna
gögnum og fjármunum til að rétta
yfir þeim. Þrátt fyrir að stefna
stjórnvalda síðastliðin þrjú ár
hafi verið að koma höndum yfir
mennina hefur ekkert gerst enn,
en Rauðu Khmerarnir eru taldir
bera ábyrgð á dauða 1,7 milljón
landsmanna. ■
Flugvél Saint-Exupery:
Vonast til að
leysa ráðgátu
FRAKKLAND Franskir kafarar hafa
fundið brot úr flaki flugvélar hins
ástsæla rithöfundar Antoine de
Saint-Exupery sem hvarf spor-
laust árið 1944. Brotin fundust á
botni Miðjarðarhafsins, skammt
frá borginni Marseille. Vonast er
til þess að þau geti varpað ljósi á
dauða rithöfundarins.
Saint-Exupery, sem er frægast-
ur fyrir bók sína um Litla prins-
inn, var flugmaður í franska hern-
um í síðari heimsstyrjöldinni.
Hann var sendur í njósnaferð fyr-
ir bandamenn í júlí 1944 til að afla
upplýsinga um ferðir þýskra her-
manna í Rónardalnum en vél hans
hvarf um miðja nótt. Óttast var að
vélin hefði verið skotin niður en
einnig hafa verið uppi getgátur
um að Saint-Exupery hafi svipt
sig lífi. ■
Rúanda, kölluðu herlið sitt heim
frá landinu í kjölfar atburðarins
en þeir hafa nú beðist afsökunar á
því að hafa flúið af hólmi. „Það
mun taka heila eilífð að gleyma
óhugnanlegu afskiptaleysi al-
þjóðasamfélagsins,“ sagði Louis
Michel, utanríkisráðherra Belgíu.
Kofi Annan, framkvæmda-
stjóri Sameinuðu þjóðanna, var
ekki viðstaddur minningarathöfn-
ina í Kigali en ávarpaði þess í stað
Mannréttindastofnun Sameinuðu
þjóðanna. Hann sagði að heims-
byggðin yrði að vera á varðbergi
til að tryggja að hörmungar á borð
við þjóðarmorðin í Rúanda endur-
tækju sig. Annan var yfirmaður
friðargæslu Sameinuðu þjóðanna
þegar ódæðisverkin voru framin
og hefur hann beðist afsökunar
afskiptaleysi sínu.
Kagame, forseti Rúanda,
ávarpaði mannfjöldann í Kigali og
sagði að þó rúandíska þjóðin bæri
sjálf ábyrgð á fjöldamorðunum
væru önnur ríki sek um aðgerðar-
leysi. Forsetinn beindi gagnrýni
sinni einkum að frönskum stjórn-
völdum sem hann sagði vera sam-
sek þar sem þau hefðu þjálfað
vígamenn hútúa og útvegað þeim
vopn. Franskir embættismenn
vísuðu þessum ásökunum á bug
og sögðu að franskir hermenn
hefðu gert allt sem í þeirra valdi
stóð til að koma í veg fyrir
fjöldamorðin. ■
FÓRNARLAMBANNA MINNST
Paul Kagame, forseti Rúanda, kveikir eld
sem loga mun næstu hundrað daga til
minningar um fórnarlömb þjóðarmorð-
anna í Rúanda árið 1994.
FJÖLDAGRÖF
Rúandískur piltur skoðar fjöldagröf í
Nyamata í Rúanda.
UNGUR KAMBÓDÍSKUR LISTAMAÐUR
Miklar hörmungar hafa gengið yfir
kambódísku þjóðina, en þessi lisamaður
býr til verk úr munum sem tengjast
stríðshrjáðri fortíð landsins.
SAINT-EXUPERY
Útlit er fyrir að gátan um hvarf franska
rithöfundarins verði leyst von bráðar.