Fréttablaðið - 13.04.2004, Blaðsíða 14

14 13. apríl 2004 ÞRIÐJUDAGUR
ÖRYGGISGÆSLA Á PÉTURSTORGINU
Ítalskur lögreglumaður sinnir eftirlitsstörf-
um á Péturstorginu í Róm. Péturskirkjan
speglast í glugga lögreglubifreiðarinnar.
Mikil öryggisgæsla var í Vatíkaninu yfir
páskahátíðina.
PEKING, AP Japönskum veitinga-
stað í borginni Kunming í suð-
vesturhluta Kína hefur verið
skipað að taka nýjasta rétt sinn,
„sushi á nöktum kvenlíkama“, út
af matseðlinum.
Veitingastaðurinn Yamato
Wind Village ætlaði að bjóða
gestum sínum upp á sushi borið
fram á nöktum líkama tveggja
ungra sýningarstúlkna. Máltíðin
átti að kosta sem svarar um
8.600 íslenskum krónum en það
jafngildir um tvöföldum mánað-
arlaunum meðalmanns í Kína.
Vegna þrýstings frá almenn-
ingi ákváðu yfirvöld að banna
þessa uppákomu á grundvelli
laga um hreinlæti og siðsamleg-
an klæðnað. ■
TAÍLAND, AP Mikill órói hefur verið í
Suður-Taílandi undanfarið og tvær
sprengjur voru sprengdar þar í
fyrir helgi. Ríkisstjórnir í Banda-
ríkjunum, Bretlandi og Ástralíu
hafa varað borgara sína við því að
ferðast til landsins vegna hættu á
hryðjuverkaárásum.
Múslimar eru í miklum meiri-
hluta í Suður-Taílandi og kenna
leiðtogar vestrænna ríkja ís-
lömskum öfgamönnum um óró-
ann, en í ár hafa alls 64 látið lífið
á svæðinu. ■
UNNIÐ AÐ UNDIRSKRIFTAHERFERÐ
Brynjólfur Ævar Sævarsson, Tatjana Latinovic, Toshiki Toma og Bjarni Ólafsson eru meðal
þeirra sem stand að undirskriftaherferð til stuðnings Fjölmenningarráði og Félagi kvenna
af erlendum uppruna sem andmæla fyrirhuguðum lagabreytingum er varða útlendinga.
Breytingar á lögum um útlendinga:
Ungliðar
mótmæla
STJÓRNMÁL Fjölmenningarráð og
Félag kvenna af erlendum upp-
runa hafa skilað inn áliti til Al-
þingis á nýju frumvarpi til breyt-
inga á lögum um útlendinga nr.
96/2002, þar sem eindregið er
mælst til þess að Alþingi veiti
frumvarpinu ekki, eins og það
stendur, samþykki sitt.
Verið er að safna undirskrift-
um til stuðnings álitinu gegn
fyrirhuguðum breytingum á
útlendingalögunum en það er
Deiglan.com sem hefur tekið að
sér að hýsa undirskriftalistann og
hafa umsjón með framkvæmd
átaksins.
„Þetta gerðist mjög hratt og
það var mjög ánægjulegt hversu
margir gátu tekið þátt í þessu með
skömmum fyrirvara og jafnvel
þótt þetta hafi borið upp í
páskavikunni,“ segir Brynjólfur
Ægir Sævarsson á Deiglunni.com.
Meðal þeirra sem lagt hafa
verkefninu lið eru ungliðahreyf-
ingar Frjálslynda flokksins,
Vinstri grænna, Samfylkingarinn-
ar og Framsóknarflokksins auk
Heimdallar, félags ungra sjálf-
stæðismanna í Reykjavík. Þá taka
Vaka, félag lýðræðissinnaðra
stúdenta, og Frjálshyggjufélagið
þátt í söfnuninni auk allra helstu
vefrita um þjóðmálaumræðu.
Að sögn Brynjólfs Ægis verður
undirskriftasöfnunin í gangi fram
í miðjan mánuðinn. ■
KATMANDÚ, AP Lögreglan í Nepal
handtók yfir þúsund mótmælend-
ur í 25 þúsund manna göngu í höf-
uðborg landsins. Fólkið var hand-
tekið á grundvelli banns á fjölda-
samkomum sem ríkir í landinu en
tilgangur göngunnar var að krefj-
ast þess að lýðræði yrði komið þar
á.
Regluleg mótmæli hafa verið í
landinu síðan konungur þess
leysti upp þjóðkjörna ríkisstjórn
og kom á annarri sem er holl und-
ir konungsveldið. Bannið við
fjöldasamkomum var sett í þeim
tilgangi að koma í veg fyrir fleiri
mótmæli af þessu tagi, en þetta er
í fyrsta sinn sem lögreglan grípur
til aðgerða sem byggðar eru á
reglunni. ■
SUSHI
Á auglýsingu frá veitingastaðnum í
Kunming má sjá nakta konu þakta
skeljum, laufum og sushi.
Réttur tekinn af matseðlinum:
Sushi á nöktum
kvenlíkama
TAÍLENSKIR HERMENN
Mikil öryggisgæsla hefur verið á lestar-
stöðvum í Suður-Taílandi af ótta við
að íslamskir öfgamenn geri
hryðjuverkaárásir í landinu.
Órói í Suður-Taílandi:
Margir óttast
hryðjuverk
MÓTMÆLANDI HANDTEKINN
Lögreglan í Nepal handtók meðal annars
þessa konu á stórum mótmælum gegn
konungi landsins.
Mótmæli í Nepal:
Þúsund handteknir
Sameinuðu þjóðirnar:
Eftirlits-
menn í Íran
TEHERAN, AP Fimm eftirlitsmenn
Sameinuðu þjóðanna komu til
Írans í gær til að reyna að sann-
reyna hvort Íranir hafi hætt við
byggingu á skilvindu til auðgunar
úrans.
Bandaríkin, ásamt fleiri ríkj-
um, halda því fram að Íranir hafi
leynilega kjarnorkuvopnaáætlun
og eru að reyna að ýta á Samein-
uðu þjóðirnar að samþykkja refsi-
aðgerðir gegn Írönum. Stjórnvöld
í Teheran halda því fram að kjarn-
orkuáætlun þeirra sé einvörð-
ungu til borgararlegra nota í
orkuframleiðslu. ■