Fréttablaðið - 13.04.2004, Blaðsíða 20
13. apríl 2004 ÞRIÐJUDAGUR
Langþráður sigur
Mickelsons
Bandaríski kylfingurinn Phil Mickelson vann sitt fyrsta stórmót
um helgina þegar hann bar sigur úr býtum á mastersmótinu
á Augusta National vellinum.
GOLF Mickelson lék vel á mótinu
allt til enda og tókst að standast
þrýstinginn sem fylgir því að
keppa á stórmóti. Hann náði
tveimur fuglum á þremur síð-
ustu holunum og fór brautina á
þremur undir pari, eða 69 högg-
um. Alls fór Mickelson hringina
á níu höggum undir pari. Varð
hann einu höggi á undan Ernie
Els sem hafði veitt honum
harða keppni og var um tíma
með þriggja högga forystu á
síðasta deginum.
Langt pútt á átjándu holunni
tryggði Mickelson fugl og um
leið sigurinn langþráða á sínu
47. stórmóti. Aðeins þrír aðrir
kylfingar hafa unnið á masters
eftir að hafa púttað fyrir fugli á
síðustu holunni. „Ég sagði við
sjálfan mig hvað eftir að annað
að þetta væri minn dagur,“
sagði hinn örvhenti Mickelson
þegar sigurinn var í höfn. „Ég
trúði því statt og stöðugt að eitt-
hvað gott myndi gerast. Mér
líður enn betur vitandi hversu
erfitt þetta var.“
Ernie Els þakkaði Mickelson
fyrir góða keppni. „Ég held að
Phil hafi verðskuldað þennan
titil,“ sagði hann. „Hann missti
ekki titilinn frá sér eins og svo
margir aðrir hafa gert.“
Fáir höfðu trú á að Mickel-
son væri líklegur til afreka á
þessu ári. Hann var nærri bú-
inn að missa eiginkonu sína fyr-
ir ári síðan eftir erfiðan barns-
burð sem hún gekk í gegnum og
í kjölfarið ákvað Mickelson að
byrja ekki að æfa fyrr en 1. jan-
úar. Eftir sigurinn á masters-
mótinu er hann nú laus við
þrýstinginn sem fylgir því að
hafa ekki unnið stórmót. „Þið
skuluð fara að venjast mér
vegna þess að ég kem aftur á
hverju ári,“ sagði Mickelson
eftir að hafa verið klæddur í
græna jakkann fræga af
Kanadamanninum Mike Weir,
sigurvegaranum frá því í fyrra.
Tiger Woods, sem er efstur á
heimslistanum, náði sér ekki á
strik og endaði í 22. sæti á
tveimur höggum yfir pari.
Þetta var versta frammistaða
hans á mastersmótinu til þessa
og jafnframt sjöunda stórmótið
í röð þar sem hann nær ekki að
landa sigri. ■
Íslandsmótið í fitness:
Kristján og
Heiðrún
meistarar
FITNESS Kristján Samúelsson og
Heiðrún Sigurðardóttir urðu meist-
arar í karla og kvennaflokki á Ís-
landsmóti IFBB í fitness sem lauk
um helgina. Una Dóra Þorbjörns-
dóttir var sigurvegari í unglinga-
flokki. Keppnin var óvenju jöfn í
kvennaflokki. Þar hafnaði Sif Garð-
arsdóttir í öðru sæti og Anna Bella
Markúsdóttir í því þriðja. Kristján
Samúelsson sigraði í öllum greinum í
karlaflokki en Guðni Freyr Sigurðs-
son kom fast á hæla honum. Bjarni S.
Kárason hafnaði í þriðja sæti. ■
Íslandsmeistarat i t i l lkarlaliðs Keflavíkur í
körfubolta um helgina var
sá sjöundi frá upphafi.
Þetta var jafnframt annað árið í
röð sem liðið vinnur titilinn.
Keflvíkingar urðu fyrst Ís-
landsmeistarar árið 1989 er þeir
báru sigurorð af KR 2-1. Næst
urðu þeir meistarar þremur
árum síðar eftir sigur á Val og
árið eftir unnu þeir Hauka í úr-
slitaeinvígi. 1997 unnu Keflvík-
ingar sinn fjórða titil eftir sigur
á Grindavík og tveimur árum
síðar var komið að Njarðvíking-
um að lúta í lægra haldi fyrir
þeim í úrslitum. Í fyrra vann
Keflavík síðan Grindavík á ný í
úrslitum, 3-0 og í ár voru Snæ-
fellingar fórnarlömbin eftir
fjóra úrslitaleiki. ■
■ Tala dagsins
7
SIGURSTÖKK
Phil Mickelson stekkur hæð sína um leið
og sigurinn á mastersmótinu var í höfn.
Í GRÆNA JAKKANN
Mike Weir klæðir Phil Mickelson í græna jakkann. Eins og sjá má
er Mickelson eitt stórt bros.
AP
/M
YN
D
IR