Fréttablaðið - 13.04.2004, Blaðsíða 25
25ÞRIÐJUDAGUR 13. apríl 2004
UMA THURMAN
Mætti í öllu sínu veldi á frumsýningu Kill
Bill Vol. II í Los Angeles á skírdag. Hún er
sem fyrr í hlutverki Brúðarinnar í myndinni
og gengur í skrokk á illmenninu Bill og
föntum hans.
Jesús endur-
heimti toppsætið
KVIKMYNDIR Það hefur sjálfsagt eng-
in bíómynd fyrr né síðar verið jafn
sannkölluð páskamynd og The
Passion of the Christ eftir Mel Gib-
son. Þetta kom berlega í ljós um
páskahelgina en þá seldi myndin
miða fyrir 17,1 milljón dollara í
Bandaríkjunum og endurheimti
toppsætið á aðsóknarlistum í land-
inu.
Myndin hefur verið í sýningum í
sjö vikur og var fallin af toppnum
en stökk upp um fjögur sæti um
helgina og ruddi teiknimyndasögu-
hetjunni Hellboy af toppnum.
Stórmyndin The Alamo var
frumsýnd um helgina náði aðeins
9,2 milljónum dollara sem eru
ákveðin vonbrigði fyrir Disney-
fyrirtækið sem framleiðir hana en
hún var talin líkleg til þess að skjót-
ast beint á toppinn.
Það voru fleiri en Disney sem
áttu vonda helgi en þannig skilaði
The Whole Ten Yards ekki nema 6,7
milljónum og náði aðeins í áttunda
sæti á frumsýningarhelginni og
rómatíska gamanmyndin The Girl
Next Door skilaði einungis sex
milljónum dollara í kassann.
The Passion of the Christ hefur
nú skilað 354,9 milljónum dollara í
miðasölu og er orðin áttunda tekju-
hæsta kvikmynd allra tíma í Banda-
ríkjunum. Hún þykir eiga góða
möguleika á að rjúfa 400 milljón
dollara múrinn og þá myndi hún
veitast að Spiderman sem er í
fimmta sætinu með 403 milljón
dollara miðasölu. ■
Stjörnustríð fyrir stráka
KVIKMYNDIR Fyrsta myndin í
Stjörnustríðbálknum er vin-
sælasta strákamynd allra tíma
samkvæmt könnun Tesco.com,
en dansamyndin Dirty
Dancing hafnaði á toppi sam-
bærilegs lista yfir vinsælustu
stelpumyndir allra tíma. „Það
er enginn spurning að Star
Wars er mesta strákamynd
sem gerð hefur verið,“ segir
Dave Clements, markaðsstjóri
hjá Tesco.
Stríð ofbeldi og glæpir ein-
kenna strákalistann en í öðru
sæti er Flóttinn mikli með
Steve McQueen, Charles Bron-
son og fleiri harðjöxlum í aðal-
hlutverkum.
Þá koma þrjár blóðugar of-
beldismyndir í röð, The God-
father, Scarface og Pulp Fict-
ion.
Stelpumyndirnar eru öllu
mýkri og rómantískari en
Bridget Jones er í öðru sætinu
og í kjölfar hennar fylgja
kvenskörungarnir Thelma og
Louise.
PÍSLARSAGA KRISTS
Gerði það gott um páskana og er orðin áttunda aðsóknarmesta mynd allra tima.
TOPP 10 STRÁKAMYNDIR
ALLRA TÍMA
1. Star Wars
2. The Great Escape
3. The Godfather
4. Scarface
5. Pulp Fiction
6. The Sting
7. Apocalypse Now
8. Goodfellas
9. Bullitt
10. Reservoir Dogs
TOPP 10 STELPUMYNDIR
ALLRA TÍMA
1. Dirty Dancing
2. Bridget Jones’ Diary
3. Thelma and Louise
4. Steel Magnolias
5. Breakfast at Tiffany’s
6. The Piano
7. Titanic
8. Gone With The Wind
9. From Here To Eternity
10. When Harry Met Sally
STJÖRNUSTRÍÐ
Er mesta strákamynd allra tíma ef marka má nýja skoðanakönnun.
Grátveislan Titanic er í sjö-
unda sæti og hin sígilda Gone
With The Wind fylgir síðan í
kjölfar skipsins ósökkvanlega.
Gamanmyndin When Harry
Met Sally rekur svo lestina í tí-
unda sætinu. ■