Fréttablaðið - 13.04.2004, Blaðsíða 22
22 13. apríl 2004 ÞRIÐJUDAGUR
BECKHAM Í SLÆMUM MÁLUM
David Beckham, leikmaður Real Madrid, er
í slæmum málum þessa dagana. Tvær
konur hafa haldið því fram að hafa átt í
ástarsambandi við hann og til að bæta
gráu ofan á svart tapaði Real 3-0 á heima-
velli fyrir Osasuna og féll úr efsta sæti
spænsku deildarinnar.
Knattspyrna
U19 landslið kvenna í handbolta:
Sigur á Slóvökum gaf
sæti í lokakeppninni
HANDBOLTI Íslenska U19-landslið
kvenna leikur í lokakeppni Evrópu-
keppninnar í Prag í ágúst. Íslending-
ar unnu Slóvaka 23-22 á laugardag
en töpuðu 36-22 fyrir Dönum á
sunnudag. Danir unnu Slóvaka 26-23
í fyrsta leik riðilsins á fimmtudag.
Leik Íslendinga og Slóvaka lauk
með dramatískum hætti. Slóvakar
fengu aukakast þegar 34/100 úr sek-
úndu voru til leiksloka og skoraði
skyttan Anna Dittelova upp úr
aukakastinu.
Í kjölfarið fylgdi löng rekistefna
dómara og eftirlitsmanna sem
komust að lokum að þeirri niður-
stöðu að leiktíminn hafi verið úti
þegar boltinn hafnaði í markinu.
Íslendingar leiddu 14-13 í leik-
hléi gegn Slóvökum og skoruðu þrjú
fyrstu mörk seinni hálfleiks. Mest-
ur varð munurinn fimm mörk, 19-
14, en Slóvakar náðu að minnka
muninn í eitt mark á lokakaflanum.
Sólveig Kjærnested skoraði átta
mörk og var valin maður leiksins en
Anna Dittelova skoraði fjórtán af 22
mörkum slóvakíska liðsins.
Danir náðu fljótlega frumkvæð-
inu gegn Íslendingum og var for-
ysta þeirra orðin 10-5 um miðjan
fyrri hálfleikinn. Íslendingar náðu
að laga stöðuna í 14-11 fyrir hlé og
minnka muninn í 16-15 snemma í
seinni hálfleik. Eftir það urðu algjör
kaflaskil í leiknum. Danir keyrðu
yfir íslenska liðið með hröðum
sóknum og vel útfærðum hraðaupp-
hlaupum og þegar upp var staðið
munaði fjórtán mörkum á liðunum.
Eva Margrét Kristinsdóttir og
Björk Gunnarsdóttir voru marka-
hæstar Íslendinga með fimm mörk
hvor. ■
Engin tilviljun
hjá Keflvíkingum
Keflavík varð Íslandsmeistari í karlaflokki í sjöunda sinn um helgina þegar liðið vann
Snæfell, 87-67, í fjórða úrslitaleik liðanna. Guðjón Skúlason þjálfari hefur átt þátt í
öllum Íslandsmeistaratitlum félagsins.
KÖRFUBOLTI Keflavík vann síðustu
þrjá leikina í einvíginu og alls 3-1 en
þetta er annað árið í röð sem liðið
verður Íslandsmeistari. Keflavíkur-
liðið varði þar með bæði Íslands- og
bikarmeistaratitilinn í ár og bæði
karla- og kvennalið félagsins eru
því tvöfaldir meistarar á þessari
leiktíð.
Derrick Allen hjá Keflavík var
stigahæsti leikmaður úrslitanna.
Hann skoraði 26 stig og tók 11 frá-
köst í fjórða leiknum og alls skoraði
hann 94 stig í leikjunum fjórum, eða
23,5 stig að meðaltali. Fyrirliðinn,
Gunnar Einarsson og Magnús Þór
Gunnarsson skoruðu báðir 14 stig
og Nick Bradford setti niður 12. Þá
skoraði Fannar Ólafsson 8 stig og
tók 11 fráköst. Hann spilaði góðan
varnarleik í einvígum liðanna sem
varð til þess að Hlynur Bæringsson
skoraði aðeins fjórar körfur inni í
teig í síðustu þremur leikjunum.
Guðjón Skúlason, sem þjálfar
Keflvíkinga ásamt Fal Harðarsyni,
er eini maðurinn sem hefur átt þátt
í öllum sjö Íslandsmeistaratitlum
félagsins. Guðjón hefur fjórum
sinnum tekið við Íslandsbikarnum
sem fyrirliði og hefur nú gert liðið
að Íslandsmeisturum á sínu fyrsta
ári sem þjálfari.
Guðjón segist ekki hafa átt von á
því að vinna einvígið á þann hátt
sem raun bar vitni. „Eftir fyrsta
leikinn var smá skjálfti í mönnum
eftir tap en strax eftir annan leikinn
fann ég hvernig liðið breyttist. Eftir
þriðja leikinn vorum við nokkurn
veginn komnir með þetta,“ sagði
Guðjón við Fréttablaðið. „Ég held
að það hafi skipt mestu máli að þeir
voru ekki með eins marga menn
sem skiptu máli. Þeir spiluðu mikið
á sömu mönnunum sem þurftu
alltaf að eiga toppleik til þess að
vinna.“
Guðjón játar að breidd Keflvík-
inga hafi skipt sköpum í einvíginu.
„Það sýndi sig í tveimur síðustu
leikjunum. Þá skoraði Nick Brad-
ford ekki mikið hjá okkur þó hann
hafi gert margt annað. Við vorum
ekkert háðir því að hann væri aðal-
maður í sókninni,“ sagði hann en
vill þó ekki gera lítið úr fjarveru
Corey Dickerson hjá Snæfelli í síð-
asta leiknum. „Það skipti miklu máli
fyrir þá. Hann hefur stjórnað sókn-
arleik þeirra í allan vetur og er með
boltann 70-80% af leiknum. Fyrir þá
var það miklu erfiðara heldur en
fyrir okkur að missa Arnar Frey. En
sem betur fer þá höfðum við menn
til að taka við því.“
Að sögn Guðjóns er lykillinn að
góðum árangri Keflavíkur í ár sá
að mannskapurinn er góður og
prógrammið sem liðið fór í gegn-
um hafi verið gott. „Við breyttum
ekkert stórkostlega því sem var
verið að gera í fyrra. Við héldum
sama striki enda gekk það vel, og
komum svo með okkar áherslur
þar sem að við átti. Ætli við höfum
ekki verið með 14-15 manns sem
spiluðu þessa leiki í vetur. Það
skiptir gríðarlegu máli að hafa
svona góðan hóp til að æfa og spila.
Margar æfingar hjá okkur framan
af voru oft betri en leikirnir. Það
var oft erfitt fyrir okkur að reyna
að koma því inn í leikina hvernig
menn voru að spila á æfingum,“
sagði Guðjón. „Ég held að við höf-
um spilað rúmlega 60 leiki í vetur.
Við fórum eins langt í öllu eins og
hægt var að fara. Við missum að
vísu titilinn í Hópbílakeppninni og
deildarmeistaratitlinum náðum
við ekki en við unnum Reykja-
nesmótið, Valsmótið, meistara-
keppnina. Þetta er búinn að vera
góður vetur og ég held að það sé
alls engin tilviljun að við höfum
verið þetta ofarlega.“
Aðspurður um þjálfarastarfið
segir Guðjón að ekki hafi verið
hægt að biðja um það miklu betra á
fyrsta árinu. Það hafi jafnframt
verið bara nokkuð gott að standa á
hliðarlínunni og fylgjast með læri-
sveinum sínum spila. „Ég held að
það sé fyrir mestu að maður sé sátt-
ur við sinn eigin spilaferil. Þá þarf
maður ekkert að velta sér upp úr
því að þurfa að spila sjálfur. En auð-
vitað hefur maður oft viljað stökkva
inn á og gera hlutina öðruvísi. En
þetta hefur verið mjög skemmti-
legt.“
Guðjón segir það meiriháttar til-
finningu að hafa tekið þátt í öllum
Íslandsmeistaratitlum Keflavíkur.
„Það segir manni að maður hafi
skipt einhverju máli í þessu í gegn-
um árin. Núna getur maður beint
þessu til þeirra sem eru leikmenn í
dag og vonandi koma aðrir og taka
við keflinu. Ég hef enga ástæðu til
að óttast neitt hjá okkur því við
erum með fullt af ungum strákum.
Ég er ánægður með að menn eru
ekkert að hlaupa burt ef menn fá
ekki að spila. Það er líka miklu
skemmtilegra að vinna titil heldur
en að fara í lið þar sem maður
kannski fær að spila en það er eng-
inn árangur nema kannski fleiri
mínútur spilaðar.“
Að sögn Guðjóns á eftir að koma
í ljós hvort einhverjar breytingar
verði á Keflvíkurliðinu fyrir næstu
leiktíð. Ekki er heldur búið að ræða
þjálfaramálin en Guðjón vill halda
áfram. „Við Falur, held ég, erum
báðir fullir áhuga á að halda áfram.
Það verður mjög erfitt að fylgja eft-
ir svona vetri en það verður að
reyna.“
freyr@frettabladid.is
TROÐSLA
Jamal Crawford, leikmaður Chicago Bulls,
treður boltanum í körfuna í sigurleiknum
gegn Toronto Raptors. Crawford setti per-
sónulegt met í leiknum með því að skora
50 stig.
Kings burstaði Lakers:
Eitt skot
frá Bryant
KÖRFUBOLTI Sacramento Kings
burstaði L. A. Lakers 102-85 í
NBA-deildinni í fyrrinótt. Chris
Webber skoraði 25 stig og tók 12
fráköst fyrir Kings í leiknum.
Kobe Bryant náði sér engan
veginn á strik fyrir Lakers. Kapp-
inn tók aðeins eitt skot í fyrri hálf-
leik eftir að hafa verið gagnrýnd-
ur fyrir að skjóta of mikið á körf-
una. Hann skoraði alls átta stig og
hitti úr þremur skotum af þrettán.
Shaquille O’Neal átti einnig slak-
an dag og skoraði aðeins tíu stig.
Þetta var þriðja tap Lakers í síð-
ustu fjórum leikjum.
Philadelphia 76ers tapaði fyrir
New Jersey Nets 89-75 og kemst
fyrir vikið ekki í úrslitakeppnina í
fyrsta sinn í fimm ár. Loks átti
Jamal Crawford frábæran leik
fyrir Chicago Bulls sem vann
Toronto Raptors 114-108 eftir
framlengdan leik. Hann skoraði
fimmtíu stig, þar af 24 í fjórða
leikhluta. ■
FÖGNUÐUR
Guðjón Skúlason, lengst til hægri, Falur Harðarson, lengst til vinstri, og lærisveinar þeirra í Keflavík fagna Íslandsmeistaratitlinum.
FR
ÉT
TA
B
LA
Ð
IÐ
/R
Ó
B
ER
T
U19 LANDSLIÐ KVENNA
Leikur í lokakeppninni í Prag í ágúst.
FR
ÉT
TA
B
LA
Ð
IÐ
/V
AL
LI