Fréttablaðið - 19.04.2004, Blaðsíða 4

4 19. apríl 2004 MÁNUDAGUR
Á að semja við uppreisnarmenn
í Írak?
Spurning dagsins í dag:
Eiga borgaryfirvöld að setja upp létt-
lestakerfi eða sporvagna í Reykjavík?
Niðurstöður gærdagsins
á www.frett.is
62%
38%
Nei
Já
Kjörkassinn
Farðu inn á frett.is og segðu þína skoðun
frétt.is
Borgarfulltrúi um hugmyndir um sporvagnakerfi:
Með öllu óraunhæft
SAMGÖNGUR „Það er mitt mat að
sporvagnakerfi eins og það sem
Árni Þór hefur verið að tala um sé
óraunhæft með öllu hér á landi.
Ég á fulla von á því að sú nefnd er
yfirfer þessi mál komist að sömu
niðurstöðu,“ segir Kjartan Magn-
ússon, borgarfulltrúi Sjálfstæðis-
flokksins, um hugmyndir um upp-
setningu sporvagnakerfis í
Reykjavík. Hann segist að vel
íhuguðu máli hafa komist að því
að frekar beri að styrkja leiða-
kerfi strætisvagna heldur en eyða
fleiri milljörðum króna í glænýtt
kerfi.
„Það er þráfaldlega bent á
hversu árangursríkt þetta hefur
reynst í Þýskalandi en staðreynd-
in er sú að þar er um stærri borg-
ir en Reykjavík að ræða. Enn-
fremur er sporvagnakerfið þar
fyrst og fremst til að styðja við
strætisvagnakerfið í þessum
borgum. Ég tel einfaldlega að
fjármunum sé betur varið annars
staðar og nefndin muni komast að
sömu niðurstöðu.“
Árni Þór Sigurðsson, forseti
borgarstjórnar, segir sátt ríkja í
samgöngunefnd um að kannað
verði til hlítar hvort hugmyndir
um sporvagnakerfi hérlendis séu
raunhæfar. „Það liggur fyrir að
slíkt kerfi virkar vel í borgum er-
lendis og nú er hafin úttekt á því
hvort þessi samgöngukostur komi
til greina hér á landi. Ef mat
nefndarinnar verður jákvætt og
kostnaður er ljós verður næsta
skref að afla fjár til verkefnisins
og þar gæti ríkið komið að.“
ATVINNUMÁL „Aldrei hefði mér
dottið í hug að hægt væri að bjóða
fólki upp á svona lagað,“ segir Ró-
bert Hlynur Baldursson, ungur
Reykvíkingur, sem ásamt félaga
sínum, Einari Jóns-
syni, fór tímabund-
ið til starfa í
Hollandi á vegum
Eures, Evrópsku
atvinnumiðlunar-
innar, í mars síðast-
liðnum. Aðbúnað-
urinn var slíkur að
þeim félögum ofbauð og íhuga að
fara í mál við atvinnumiðlunina
enda eytt tíma og peningum til
einskis. Eures er stofnun undir
Evrópusambandinu sem hefur
það að leiðarljósi að auðvelda
fólki atvinnuleit milli landa innan
EES.
„Við áttum að starfa fyrir garð-
yrkjufyrirtæki en þegar þangað
kom og okkur voru sýndar þær
vistarverur sem boðið var upp á
fengum við strax nóg. Aðstæður
allar voru vægast sagt hryllilegar
sama hvert litið var. Við áttum að
deila herbergi í gámi með fjórum
öðrum ókunnugum og treysta
þeim fyrir farangri okkar. Engar
læsingar voru á hirslum eða skáp-
um og því auðvelt að ganga í dótið
okkar ef vilji var fyrir hendi.“
Róbert segir að það út af fyrir
sig hafi ekki gert útslagið með að
þeir félagar hættu strax við. „Síð-
an sýndi verkstjórinn okkur eld-
hús- og baðaðstöðuna og það var
einfaldlega meira en við gátum
þolað. Aðstaðan var aftast í vöru-
skemmu sem var full af drasli og
allt sem gat myglað þar inni var
myglað. Baðið var útatað í skít og
drullu og ljóst að enginn hafði
þrifið þar mánuðum saman. Þykk-
ir myglublettir voru í loftinu fyrir
ofan sturturnar og miður geðslegt
að þrífa sig þar.“
Eldhúsið var sýnu verra að
sögn Róberts og mátti sjá þar
matarleifar á víð og á dreif sem
voru komnar til ára sinna. „Allt
grautmyglað og lyktin eftir því.
Hvítur ískápurinn var orðinn
grænn af myglu og sama mátti
segja um ofn sem var á staðnum.
Allt til þess fallið að missa allan
áhuga á að dvelja lengi við störf
þarna.“
Þeir félagar hyggjast sækja
rétt sinn og hafa fregnað að aðrir
hafi lent í svipuðum aðstæðum og
því sé þetta atvik ekki einsdæmi á
neinn hátt. „Okkur hefur verið
sagt að við græðum ekkert á að
lögsækja þessa stofnun en við
eyddum töluverðum tíma og fjár-
munum í þetta og finnst sjálfsagt
að gera tilraun til að fá það endur-
greitt.“
Lokað!
Lokað verður föstudaginn 23 apríl n.k.
vegna árshátíðar starfsfólks.
Daníel Ólafsson ehf
Skútuvogi 3
104 Reykjavík
BBC, BRETLAND Roman Abramo-
vich, eigandi Chelsea fót-
boltaliðsins, er orðinn ríkasti
maður Bretlandseyja sam-
kvæmt könnun sem dagblaðið
Sunday Times lét gera. Eigur
hans eru metnar upp á 7,5 millj-
arða sterlingspunda og er hann
því talinn verðmætari en jarlinn
af Westminister sem hefur verið
ríkasti maður Bretlands um ára-
bil.
Samkvæmt könnuninni er
Abramovich, sem er 37 ára gam-
all, sjötti ríkasti maður Evrópu.
Á listanum yfir ríkustu menn
heims hafnar hann í 22. sæti.
Abramovish keypti Chelsea í
júlí síðastliðnum en stærstan
hluta auðæva sinna eignaðist
hann eftir að hafa keypt rúss-
neska olíufélagið Sibneft af olíu-
baróninum Boris Berezovsky
árið 1995. ■
Slökkvilið höfuðborgar-
svæðisins:
Flaggstöng
olli hættu
SLYSAHÆTTA Slökkvilið höfuðborgar-
svæðisins var kallað til hjálpar þar
sem slysahætta var talin vera af
flaggstöng á húsþaki veitingastað-
arins Apóteksins við Austurstræti
aðfaranótt sunnudags.
Nokkurt hvassviðri var og vagg-
aði flaggstöngin á þaki hússins.
Slökkviliðið notaði körfubíl til að
komast að stönginni en ekki var
hægt að ná henni í heilu lagi sökum
vinds. Stöngin var söguð niður í
búta og flutt á brott.
■ Evrópa
ÓÞARFI AÐ BANNA SLÆÐUR
Francois Fillon, menntamálaráð-
herra Frakklands, sagði í út-
varpsviðtali að engin þörf væri á
að banna notkun slæða meðal
múslima í skólum landsins, svo
framarlega að þær væru ekki
mikillátar eða mjög áberandi.
Bann við hvers konar trúarlegum
skýluklútum og höfuðfötum í
frönskum skólum tekur gildi
næsta haust.
BANDARÍSKUR UNGLINGUR
FERST Í UMFERÐARSLYSI Í FRAKK-
LANDI Rúta með bandaríska
ferðamenn fór út af þjóðveginum
nærri Mitry-Mory í Frakklandi, í
gær. Sextán ára unglingur fórst í
slysinu og að minnsta kosti tólf
farþegar eru slasaðir. Tildrög
slyssins eru ókunn, en rútan var
á leið frá Nantes til Parísar þar
sem fólkið ætlaði að ná flugi
heim til Bandaríkjanna.
INNFLYTJENDUR DRUKKNA Að
minnsta kosti fjórtán ólöglegir
innflytjendur drukknuðu úti fyrir
ströndum Kanaríeyja á laugar-
dag. Fólkið, sem talið er vera frá
Afríku ferðaðist um á björgunar-
bát sem lenti í árekstri við annan
bát innflytjenda sem náði landi á
eyjunni Fuerteventura. Þúsundir
hafa látist á þessari varasömu
leið.
ROMAN ABRAMOVICH
Hefur næga ástæðu til þess að brosa.
BRAGGABLÚS
Þeir félagar, Róbert og Einar, segjast ekki
fyrstu Íslendingarnir sem boðið er upp á
slíkt.
■
Þykkir myglu-
blettir voru í
loftinu fyrir
ofan sturturnar
og miður geðs-
legt að þrífa sig
þar.
Íhuga að fara í mál
við atvinnumiðlun
Tveir ungir Íslendingar héldu til Hollands í mars og var ætlunin að hefja störf hjá þarlendu
garðyrkjufyrirtæki. Ekkert varð úr því þegar þeim var sýnd sú aðstaða sem fyrirtækið bauð
uppá. Lögsókn er fyrirhuguð.
HÍBÝLI STARFSMANNA
Deila þurfti herbergi með fimm öðrum og hvergi hægt að geyma eigur sínar.
ELDHÚSIÐ
Flest þar inni var haugmyglað
og lyktin eftir því.
FR
ÉT
TA
B
LA
Ð
IÐ
/R
Ó
B
ER
T
B
AL
D
U
R
S-
SO
N
Eigandi Chelsea:
Orðinn ríkasti maður Bretlands
ÞÝSKIR SPORVAGNAR
Þar í landi hefur sporvagnakerfi fjölgað til muna þeim sem ferðast með
almenningsfarartækjum.