Fréttablaðið - 19.04.2004, Blaðsíða 12
12 19. apríl 2004 MÁNUDAGUR
■ Lögreglufréttir
GÍRAFFI FÆDDUR Í HEIMINN
Lady, sjö ára gömul gíraffamamma, sleikir
afkvæmi sitt eftir að hafa fætt þessa
fallegu 50 kílóa gíraffastelpu á verndar-
svæðinu Safari West í Santa Rosa í Kali-
forníu. Kálfinum heilsast vel en hefur ekki
enn verið gefið nafn.
30 ára kaupstaðarafmæli Grindavíkur:
Forsetinn sæmdi
þrjá afreksmerki
AFREKSMERKI Forseti Íslands
sæmdi þrjá menn úr Björgunar-
sveitinni Þorbirni í Grindavík af-
reksmerki hins íslenska lýðveldis
fyrir björgun á skipverjum Sigur-
vins GK í janúar. Afreksmerkið
var veitt á þrjátíu ára kaupstaðar-
afmæli Grindavíkur á laugardag-
inn.
Björgunarmennirnir þrír eru
þeir Björn Óskar Andrésson,
Hlynur Sæberg Helgason og Vil-
hjálmur Jóhann Lárusson en þeir
fóru á slöngubátnum Hjalta Frey
inn í brimið og náðu í skipverjana
tvo eftir að Sigurvini GK hvolfdi
við innsiglinguna í Grindavíkur-
höfn. „Þetta er vissulega mikill
heiður því þetta er einungis í sjö-
unda skipti sem menn eru sæmdir
afreksmerkinu frá því að til þess
var stofnað árið 1950. Einnig er
þetta mikill heiður fyrir björgun-
arsveitina því við lítum svo á að
tilviljun ein hafi ráðið því hverjir
fóru á slöngubátnum,“ segir Birk-
ir Agnarsson, formaður Björgun-
arsveitarinnar Þorbjarnar. Birkir
segir að að auki hafi Grindavíkur-
bær veitt björgunarsveitarmönn-
unum þremur viðurkenningu og
styrkt sveitina með einnar millj-
ónar króna gjöf sem styrkir starf
sveitarinnar mikið. ■
Ekki sömu reglur fyrir
útlendinga og Íslendinga
Þeir Íslendingar sem hug hafa á að starfa á vinnuvélum við Kárahnjúkavirkjun þurfa að standast
dýrt vinnuvélapróf meðan portúgölskum vélamönnum nægir tveggja ára starfsreynsla. Vinnu-
eftirlitið vísar á bug staðhæfingum um fjölda réttlausra starfsmanna á svæðinu.
ATVINNUMÁL „Það er ekkert sem
réttlætir það að útlendingar fái
leyfi til að starfa á þungum vinnu-
vélum hér á landi á sama tíma og
Íslendingur sem hug hefur á
starfinu þarf að greiða próf sitt
dýru verði,“ segir Oddur Friðriks-
son, trúnaðarmaður starfsmanna
við Kárahnjúka. Hann tekur undir
orð formanns Rafiðnaðarsam-
bandsins, Guðmundar Gunnars-
sonar, sem gagnrýnt hefur harð-
lega hvernig fleiri hundruð er-
lendir starfsmenn vinni réttinda-
lausir fyrir Impregilo á sama tíma
og íslenskur verkstjóri annars
staðar fær fésekt fyrir að hleypa
einum réttindalausum starfs-
manni á vinnuvél.
Tæplega 100 útlendingar
með vinnuvélaréttindi
Oddur segir Guðmund fara
offörum með fjölda erlendu
starfsmannanna en setur stórt
spurningarmerki við þær mis-
munandi reglur sem gilda ann-
ars vegar fyrir útlendinga og
hins vegar fyr-
ir Íslendinga.
„Það má ekki
gleyma því að
vinnuvélapróf
hér á landi
kostar tugi ef
ekki hundruð
þúsunda og tek-
ur nokkrar vik-
ur. Erlendir
v e r k a m e n n
þurfa aðeins að
sýna pappíra
frá fyrrum
vinnuveitanda
um að þeir séu
vanir menn.
Hvernig ætlar
Vinnueftirlitið
að taka á því ef
verktakafyrir-
tækið Arnarfell
tæki upp á
þessu sama?“
H a u k u r
Sölvason, deild-
arstjóri vinnu-
véladeildar Vinnueftirlitsins,
segir að íslenskt fyrirtæki kæm-
ist að líkindum ekki upp með
slíkt.
„Staðan í dag er sú að Vinnu-
eftirlitið hefur afgreitt vinnu-
vélaréttindi til tæplega 70
Portúgala og 27 Kínverja sem
starfa við framkvæmdirnar við
Kárahnjúka. Vegna þess að
Portúgal
er innan Evrópska efnahags-
svæðisins gildir sérstök tilskip-
un um þegna þess og við erum
skuldbundnir til að veita þeim
tilskilin réttindi. Þeir hafa feng-
ið fræðslu um aðstæður á Ís-
landi og tekið verklegt próf á
þeim vélum sem þeir eiga að
stjórna en í Portúgal er ekki
gerð krafa um réttindi á vinnu-
vélar.“
Tilskipunin sem Haukur talar
um kveður á um að hver sá sem
hefur starfsreynslu á tiltekna
vinnuvél tvö ár eða lengur skal
fá það metið til réttinda í öðrum
löndum innan EES. „Þetta skil-
yrði uppfylla allir þeir Portúgal-
ar sem starfa við vinnuvélar við
Kárahnjúka nema fjórir sem
enn eiga eftir að taka verklegt
próf. Þeir Kínverjar sem þar
starfa hafa allir gild réttindi og í
einstaka tilfellum mun meiri
réttindi en kollegar þeirra hér á
landi. Við fengum engu að síður
óháðan aðila til að meta færni
þeirri á vélunum og þeir fengu
allir góða einkunn.“
Þeim erlendu einstaklingum
sem fengið hafa réttindi með
þessum hætti hér á landi er gert
að greiða ákveðið gjald fyrir að
upphæð fimm þúsund krónur.
Haukur segir að innan tíðar
fjölgi til muna þeim erlendu
starfsmönnum sem starfa á
þungavinnuvélum og muni
verða fylgst vel með því að allar
reglur og skilyrði um réttindi
verði uppfyllt áður en starf
þeirra hefst. Hefur verið gert
sérstakt samkomulag við
Impregilo vegna þess.– hefur þú séð DV í dag?
Þingvalla-
nefnd heggur
friðuð tré
BRENNDIST Á FÆTI Í ÁLVERINU
Maður brenndist á fæti þar sem
hann var við vinnu í Álverinu í
Straumsvík rétt fyrir klukkan
fjögur aðfaranótt laugardags.
Hann var að vinna í steypuskála
við að hella málmi í ofn þegar
slettist úr ofninum yfir fót hans.
Maðurinn var fluttur með sjúkra-
bíl á slysadeild en hann er ekki
talinn alvarlega slasaður.
MEINTIR HRYÐJUVERKAMENN
Fjórtán Marokkóar, tveir Indverjar, Spán-
verji og Sýrlendingur hafa verið ákærðir
fyrir aðild að hryðjuverkaárásunum í Ma-
dríd 11. mars.
Átján manns ákærðir:
Þrír hand-
teknir í
Madríd
SPÁNN, AP Spænska lögreglan hef-
ur handtekið þrjá menn til viðbót-
ar í tengslum við rannsókn á
hryðjuverkaárásunum í Madríd
11. mars. Þremenningarnir, Spán-
verji, Egypti og Marokkói, eru í
einangrun á lögreglustöð í út-
hverfi höfuðborgarinnar en verða
að líkindum færðir fyrir dómara í
næstu viku.
Á fimmtudag voru sex menn
látnir lausir þar sem dómari
komst að þeirri niðurstöðu að ekki
hefði tekist að afla nægilegra
sannana fyrir því að þeir hefðu átt
aðild að árásunum. Átján manns,
sem taldir eru hafa tekið þátt í að
skipuleggja árásirnar, hafa verið
ákærðir fyrir morð eða aðild að
hryðjuverkasamtökum. ■
SÆMDIR AFREKSMERKI
Forseti Íslands, herra Ólafur Ragnar Grímsson sæmdi þá Björn Óskar Andrésson, Hlyn Sæ-
berg Helgason og Vilhjálm Jóhann Lárusson afreksmerki fyrir björgun skipverja Sigurvins GK.
AÐALBÚÐIR IMPREGILO
Nú fer að líða að því að fjölgi
til muna starfsmönnum á virkj-
unarsvæðinu og Vinnueftirlitið
er viðbúið því.
BÚKOLLUR
Margir telja að búkollurnar flokkist sem vinnuvélar en svo er ekki. Aðeins þarf meirapróf
til að starfa á þeim.
GUÐMUNDUR
GUNNARSSON
Hefur gagnrýnt rétt-
indastöðu starfs-
manna Impregilo
harðlega.
„Það má
ekki gleyma
því að vinnu-
vélapróf hér á
landi kostar
tugi ef ekki
hundruð þús-
unda og tek-
ur nokkar vik-
ur.