Fréttablaðið - 19.04.2004, Blaðsíða 14
19. apríl 2004 MÁNUDAGUR
FJARSKIPTI Verð á millilanda-
símtölum hefur lækkað veru-
lega á síðustu tíu árum. Sam-
kvæmt upplýsingum frá Síman-
um er lækkunin á bilinu 65 til
85 prósent. Mesta lækkunin er
á símtölum til Ástralíu. Mínútu-
verðið var 203 krónur mínútan
árið 1993 á verðlagi dagsins í
dag. Mínútugjaldið til Ástralíu
er í dag 23 krónur mínútan.
Árið 1993 kostaði hver töluð
mínúta frá Íslandi til Japan 300
krónur. Síðan þá hefur verið
lækkað um 75 prósent og er
mínútugjaldið nú 49 krónur.
Verð á símtölum til Bandaríkj-
anna hefur einnig lækkað um-
talsvert, úr 116 krónum í 21
krónu mínútan.
Ef að líkum lætur hringja Ís-
lendingar meira til Norðurland-
anna en til Japan og Ástralíu.
Fyrir tíu árum kostaði hver
mínúta til Norðurlandanna 58
krónur á núverandi verðlagi.
Nú er mínútugjaldið 20 krónur.
Þetta gerir tæplega 66 prósenta
lækkun.
Samkvæmt Símanum er
símakostnaður einstaklinga og
fyrirtækja hérlendis með því
lægsta sem þekkist í OECD-
ríkjunum, þrátt fyrir strjálbýli
landsins. ■
ÁGENGIR KETTIR
Allmargir hafa haft samband við Fréttablaðið í kjölfar umfjöllunar þess nýlega um óþrifnað af völdum katta. Fólk segir gagnslaust að
kvarta til stofnana borgarinnar, en vandinn fari sívaxandi.
Skráningarskylda og
sérstakt gjald á ketti
Skráningarskylda og sérstakt gjald á ketti eru grunnur reglna um katta-
hald í Reykjavík sem starfshópur vinnur nú að. Köttum í borginni hefur
fjölgað gífurlega og kvartanir streyma inn en úrræði eru engin.
HEILBRIGÐISMÁL Starfshópur sem
endurskoðar gildandi samþykkt
um kattahald í Reykjavík vinnur
nú að nýjum reglum. Þar er gert
ráð fyrir að kattaeigendum verði
gert að skrá ketti sína og merkja
þá með örmerkingu. Til að standa
straum af þessu þurfi að koma til
sérstakt gjald sem kattaeigendur
greiði við skráninguna. Þá þurfi
að vera í gildi ábyrgðartrygging
vegna tjóns sem kettirnir kunni
að valda. Vera þurfi jafnframt til
staðar reglur um ormahreinsun
þeirra.
Samþykktin sem nú er í gildi er
frá 1999 og þykir barn síns tíma.
Þar er til að mynda ekkert ákvæði
um ónæði og óþrif af völdum
katta, né hvernig við því skuli
brugðist. Frá þeim tíma sem þessi
samþykkt tók gildi hefur köttum
fjölgað gífurlega í borginni og er
talið að þeir séu allt að tíu þúsund
talsins, samkvæmt gögnum sem
starfshópurinn hefur aflað sér.
„Starfshópnum hefur verið til-
kynnt að ekki sé pólitískur vilji
fyrir að banna lausagöngu katta,“
sagði Sigurður Helgi Guðjónsson,
formaður Húseigendafélagsins,
sem sæti á í starfshópnum. „Það
er greinilegt að kettir eru víða
plága, sem menn skirrast við að
taka á.“
Guðmundur Björnsson, mein-
dýraeyðir borgarinnar, sagði að
kvartanir vegna katta á síðasta ári
hefðu verið á annað hundrað tals-
ins og í ár væri þær orðnar á
þriðja tug, en engin úrræði væru
fyrir hendi.
Sigurður Helgi taldi að þessar
tölur gæfu ekki raunsanna mynd
af ástandinu því fólk hefði gefist
upp á að kvarta, þar sem það bæri
engan árangur.
„Því má bæta við,“ sagði hann,
„að síaukinn fjöldi kvartana hefur
borist til Húseigendafélagsins
vegna ágangs katta. Vandamálið
er hversu erfitt er að ná lagalegu
gripi á köttum. Þeir eru ekki
skráðir, fara víða og valda
óskunda, en enginn veit hvar þeir
eiga heima. Samkvæmt grenndar-
reglum ber eiganda skylda til að
sjá til þess að dýr sem hann held-
ur valdi ekki grönnum óþægind-
um eða ónæði. En það er hægara
sagt en gert að sanna slíkt, því
köttur sem gert hefur þarfir sínar
í garði náungans er á næsta
augnabliki aftur orðinn strokinn
hefðarköttur heima hjá sér, sem
enginn grunar um græsku. Það er
brýnt að þessi starfshópur hraði
vinnu sinni og að tekið verði af
ábyrgð og festu á málinu.“
jss@frettabladid.is
ÞRÓUN MÍNÚTUVERÐS TIL
ANNARRA LANDA Á TÍU ÁRA
TÍMABILI
Danmörk -65,7%
Svíþjóð -65,7%
Noregur -65,7%
Finnland -64,1%
Bretland -69,3%
Bandaríkin -75,7%
Þýskaland -62,2%
Ástralía -84,7%
Japan -75,6%
Þróun utanlandssímtala:
Verulegt verðfall
á síðustu tíu árum
SIGURÐUR HELGI GUÐJÓNSSON
Á sæti í starfshópnum og telur brýnt að
vinnunni verði hraðað og tekið á málum af
ábyrgð og festu.
FR
ÉT
TA
B
LA
Ð
IÐ
/R
Ó
B
ER
T