Fréttablaðið - 26.04.2004, Blaðsíða 4
4 26. apríl 2004 MÁNUDAGUR
Á að banna fyrirtækjum að eiga í
fjölmiðlum?
Spurning dagsins í dag:
Bera stjórnmálamenn alltaf hag
borgaranna fyrir brjósti?
Niðurstöður gærdagsins
á www.frett.is
65%
35%
Nei
Já
Kjörkassinn
Farðu inn á visir.is og segðu þína skoðun
visir.is
■ Evrópa
Átján ár í fangelsi í Ísrael:
Las Biblíuna og
hlustaði á Wagner
LONDON, AP „Ég stundaði æfingar
og neitaði að borða ruslfæði,“
sagði Mordechai Vanunu, fyrrver-
andi starfsmaður í ísraelsku
kjarnorkuveri, sem sat í átján ár í
fangelsi fyrir að veita fjölmiðlum
upplýsingar um kjarnorkuáætlun
Ísraels árið 1986.
Bandaríski friðarbaráttumað-
urinn Nick Eoloff, sem tók að sér
að ábyrgjast Vanunu þegar hann
var látinn laus nýverið, segir hann
hafa hlustað mikið á tónlist meðan
hann dvaldi í fangelsinu, þar á
meðal tónlist eftir Richard
Wagner, sem reyndar er ekki vel
liðið tónskáld í Ísrael vegna þess
hve Adolf Hitler og aðrir þýskir
nasistar voru hrifnir af tónlist
hans.
Frá þessu er skýrt í breska
blaðinu Sunday Times. Þar er því
einnig haldið fram að Vanunu hafi
lesið mikið í Biblíunni fyrstu árin
í fangavistinni. Hann hafði snúist
frá gyðingdómi til kristindóms
skömmu áður en hann var hand-
tekinn.
Blaðið heldur því einnig fram að
Vanunu hafi óttast frá fyrstu tíð að
fangaverðirnir myndu reyna að
„heilaþvo“ sig.
Þótt Vanunu sé laus úr fangelsi
má hann ekki ferðast úr landi, ræða
við útlendinga né koma nálægt Ísra-
el í eitt ár hið minnsta. ■
Kerfið býður upp
á mismunun
Formaður Geðlæknafélags Íslands gagnrýnir viðmiðunarverðskrá á
lyfjum. Sparnaðurinn kemur yfirleitt verst niður á geðsjúkum.
HEILBRIGÐISMÁL „Sparnaður í heil-
brigðiskerfinu kemur yfirleitt
einna verst niður á geðsjúkum og
þetta er enn ein viðbótin,“ segir
Guðlaug Þorsteinsdóttir, nýkjörinn
formaður Geðlæknafélags Íslands,
um þá ákvörðun heilbrigðisráðu-
neytisins að taka upp viðmiðunar-
verðskrá á lyfjum.
„Þetta fyrirkomulag um viðmið-
unarreglu á lyfjaverði hefur verið
reynt í Noregi og Danmörku og
gafst illa þar. Það var reynt í sjö ár í
Noregi og var lagt af árið 2000. Í
Danmörku var þetta reynt í nokkur
ár en síðan gáfust menn upp á því.
Kostnaðurinn við þetta kerfi reynd-
ist einfaldlega of mikill. Sparnaður-
inn varð enginn þegar upp var stað-
ið og óhagræðið var mikið fyrir
sjúklinga,“ segir Guðlaug.
Hún segir að þunglyndislyf séu
fjölmörg á markaði og niður-
greiðsluleiðin miðist við ódýrasta
lyfið. „Það er hætt við því að
klínískt mat ráði ekki vali á meðferð
heldur fjárráð sjúklingana. Það er
verið að hvetja lækna til að skrifa
upp á ódýrasta þunglyndislyfið þá
stundina. Ef það lyf virkar ekki þarf
sjúklingur að skipta um lyf og fá
dýrara lyf og hann greiðir mismun-
inn. Þetta er kerfi sem býður upp
mismunun eftir efnahag fólks.“
Guðlaug bendir á að þunglyndi
sé mun útbreiddara meðal kvenna
en karla. „Það er því einnig ákveð-
in kynjamismunun í þessu kerfi,“
segir hún. „Þær nota þunglyndis-
lyf í mun meira mæli en karlmenn
og útgjöld þeirra verða því meiri.
Konur eru oft með lægri laun en
karlarnir og staða þeirra er al-
mennt verri. Þannig að það eru
ýmsar slæmar hliðar á þessu
máli. Læknar eru almennt ósáttir
við hvernig að þessu máli hefur
verið staðið. Ráðuneytið sendir
frá sér einhliða tilkynningu án
þess að hafa samráð við lækna um
það hvort þetta sé rétta leiðin.“ ■
VILL EKKI BÍÐA EFTIR ÖLLUM
Gerhard Schröder, kanslari
Þýskalands, segist telja nauðsyn-
legt að væntanleg stjórnarskrá
Evrópusambandsins taki gildi
jafnvel þótt öll aðildarríkin hafi
ekki samþykkt hana. Tony Blair,
forsætisráðherra Bretlands, hef-
ur ákveðið að láta fara fram þjóð-
aratkvæðagreiðslu í Bretlandi
um stjórnarskrána, en Schröder
telur þess ekki þörf í Þýskalandi.
SPÁNVERJAR VILJA HERINN HEIM
Nærri þrír af hverjum fjórum
Spánverjum styðja ákvörðun nýs
forsætisráðherra landsins, Jose
Luis Rodriguez, um að kalla
spænskar hersveitir heim frá
Írak. Þetta kemur fram í skoð-
anakönnun sem Vox Publica
gerði og birt var í gær. Í sömu
skoðanakönnun sögðust 85 pró-
sent Spánverja telja að árásirnar
á Madrid 11. mars hafi haft áhrif
á niðurstöður kosninganna.
HÆTTU BEINT FRÁ LEIÐTOGUM
Lögreglan í Varsjá í Póllandi ætl-
ar að beina umferð flutningabif-
reiða, sem flytja hættuleg efni á
borð við gastegundir eða geisla-
virk efni, framhjá höfuðborginni
meðan á fundi evrópskra ríkja-
leiðtoga stendur. Fundurinn hefst
á þriðjudag og stendur fram á
sunnudag.
S24 er sjálfstæð rekstrareining innan Sparisjóðs Hafnarfjarðar
Viltu
minnka
greiðslub
yrðina?
Sæktu um...
WWW.s24.is
Sími 533 2424 – Kringlan
E
in
n
t
v
e
ir
o
g
þ
r
ír
3
12
.0
16
Lán til al
lt að 15 á
ra
• Betri vex
tir
• Lægra lá
ntökugjald
• Allt að 8
0% veðhlu
tfall
Barátta gegn hryðjuverkum:
Borgararnir
hafi skilríki
BRETLAND Innanríkisráðherra
Breta segir að áætlun sín um að
gera þegnum landsins skylt að
hafa undir höndum persónuskil-
ríki hjálpi í baráttunni gegn
hryðjuverkum.
Drög að frumvarpi um laga-
breytingu þess eðlis verða birt í
dag og verða gerðar tilraunir með
ný skírteini í vikunni. Í Bretlandi
hefur hingað til ekki verið krafist
þess að fólk noti persónuskilríki. ■
Fjármálaleiðtogar helstu
iðnríkja:
Bjartsýnir
á hagvöxt
WASHINGTON, AP Fjármálaleiðtogar
helstu iðnríkja heims komust að
þeirri niðurstöðu í Washington nú
um helgina að búast megi við
miklum hagvexti í heiminum á
þessu ári og því næsta, jafnvel
þótt þeir hafi einhverjar áhyggjur
af hækkandi olíuverði og áfram-
haldandi átökum í Mið-Austur-
löndum.
Í Washington voru saman-
komnir fjármálaráðherrar og
seðlabankastjórar frá aðildarríkj-
um Alþjóðabankans og Alþjóða-
gjaldeyrissjóðsins.
James Wolfensohn, forseti Al-
þjóðabankans, segir hins vegar að
nú sé „stund sannleikans“ komin
fyrir leiðtoga ríku landanna, sem
þurfi að auka fjárstreymi til fá-
tækari landa. ■
JAMES WOLFENSOHN
Forseti Alþjóðabankans segir „stund sannleikans“ að renna upp fyrir ríku þjóðirnar.
TORFÆRUHJÓL VALDA GRÓÐUR-
SKEMMDUM Lögreglan í
Reykjanesbæ hafði afskipti af á
annan tug manna á torfæruhjól-
um á Krísuvíkursvæðinu um
helgina. Fjórir ökumenn voru
kærðir fyrir að aka vélhjólun-
um utan vegar eða á þjóðvegi
en nokkrir komust undan. Að
sögn lögreglu hafa vélhjólin
valdið umtalsverðum gróður-
skemmdum á svæðinu.
ERILSAMT Í HAFNARFIRÐI Mikill
erill var hjá lögreglunni í Hafn-
arfirði aðfaranótt sunnudags.
Mikið var um samkvæmi í
heimahúsum og hafði fjöldi
fólks samband við lögreglu til
að kvarta undan hávaða. Sextán
voru teknir fyrir of hraðan
akstur um helgina, flestir þeir-
ra á Reykjavíkurvegi.
AMFETAMÍN OG HASS FANNST Í
BÍLUM Tvö fíkniefnamál komu
upp í Hafnarfirði um helgina.
Hass og amfetamín fannst í
tveimur bílum sem stöðvaðir
voru í reglubundnu eftirliti lög-
reglu. Ökumönnum og farþeg-
um var sleppt að loknum yfir-
heyrslum.
■ Lögreglufréttir
Hubble sjónaukinn
Bjartsýni
um viðgerð
BANDARÍKIN Bandaríska geim-
ferðastofnunin, NASA, telur að
hugsanlega megi senda vél-
menni út í geim til þess að gera
við og uppfæra Hubble geim-
sjónaukann.
Stofnunin skýrði frá því í
janúar að ekki yrðu fleiri geim-
farar sendir í áhættusamar
ferðir á vegum stofnunarinnar
til þess að reyna að gera við
sjónaukann. Talið er að það
verði til þess að sjónaukinn dugi
einungis í örfá ár í viðbót. ■
MORDECHAI VANUNU
Óttaðist að verða heilaþveginn í fangelsi í Ísrael.
GUÐLAUG ÞORSTEINSDÓTTIR
„Sparnaður í heilbrigðiskerfinu kemur yfirleitt einna verst niður á geðsjúkum og þetta er
enn ein viðbótin.“