Fréttablaðið - 20.06.2004, Blaðsíða 26
18 20. júní 2004 SUNNUDAGUR
„Ég hef lengi haft áhuga á íslensk-
um þjóðmálum og hef fylgst vel
með þeim sem og þjóðmálunum í
Bretlandi,“ segir Baldur Ágústs-
son forsetaframbjóðandi spurður
því hann hafi ákveðið að gefa kost
á sér í embætti forseta. Baldur
segir að það hryggi sig að sjá hve
virðingin fyrir forsetaembættinu
hafi dalað. „Mér finnst virðingin
hafa dalað undanfarin ár vegna
þess að deilur forsetans og stjórn-
málamanna hafa komið upp á yfir-
borðið. Við erum að sjá hnútuköst
á milli þessara manna sem við
sáum aldrei hjá fyrri forsetum.
Yfirbragð forsetaembættisins er
orðið þannig að fólk ber minni
virðingu fyrir því. Í fyrsta skipti í
tíð núverandi forseta þykir orðið
við hæfi að gera grín að honum.
Hann birtist í Spaugstofunni og
skrípateikningum. Ég vil sjá emb-
ættið ópólitískt og afturhvarf til
þeirra tíma þegar frú Vigdís og
Kristján Eldjárn gegndu embætt-
inu. Þá var forsetinn maður allrar
þjóðarinnar og tilheyrði ekki póli-
tískum flokki,“ segir Baldur.
Mörgum finnst það til marks
um breytta tíma að farið sé að
gera grín að forsetanum og líta
svo á að hann sé ekki yfir gagn-
rýni hafinn. Baldur hefur hins
vegar aðra skoðun. „Mér þætti
viðeigandi ef forsetanum væri
haldið utan við þetta grín. Að við
hefðum einn fastan punkt í tilveru
okkar sem við getum litið til með
virðingu og fíflumst ekki með.
Maður sem talar yfirvegað, leyfir
Alþingi að sinna sínum störfum í
friði og er ekki í þessu dægur-
þrasi. Forsetinn getur hins vegar
lagt fólki lið í mannúðarmálum.“
Missti móður sína ungur
Baldur er fæddur og uppalinn í
Reykjavík en á ættir sínar að
rekja til Borgarfjarðar og austur í
Skaftafell. Faðir hans hét Ágúst
Sigurðsson. Hann var skólastjóri
og stofnaði Námsflokka Reykja-
víkur. „Faðir minn var brautryðj-
andi í fullorðinsfræðslu og það
var honum heilagt mál að allir
mættu mennta sig þó þeir væru
orðnir fullorðnir og hefðu misst af
því þegar þeir voru unglingar. Ég
á margar góðar minningar um
hann. Hann kenndi mér meðal
annars að standa við orð mín, sitja
hest, tjalda, tefla og fleira,“ segir
Baldur þegar hann rifjar upp
æskuárin.
Móðir hans hét Magga Alda Ei-
ríksdóttir en hún dó þegar hann
var þriggja ára. „Ég á því miður
engar minningar um hana. Hún
var dóttir Eiríks Einarssonar og
Sigrúnar konu hans í Réttarholti
sem Réttarholtsvegur er nefndur
eftir. Það er búið að rífa húsið sem
þau bjuggu í en þar ráku þau heil-
mikið hæsnabú. Þau hjónin áttu
fimmtán dætur en engan son.“
Baldur ólst að mestu leyti upp í
Hlíðunum í Reykjavík. Hann
lærði til loftskeytamanns og
starfaði sem slíkur á skipum í
nokkra mánuði. Síðar hóf hann
störf hjá Flugamálastjórn og vann
þar í ein tuttugu ár og meðfram
starfinu stofnaði hann öryggis-
þjónustuna Vara sem hann rak í
aldarfjórðung.
Með viðskiptin í blóðinu
Árið 1995 seldi Baldur Vara og
fór til Bretlands þar sem hann
hefur verið með annan fótinn og
stundar fasteignaviðskipti, þó
ekki í fullu starfi. Þar kynntist
hann konu sinni Jean Plummer.
„Þegar ég fór til Bretlands og
kynntist þessari góðu konu, hélt
ég að ég væri sestur í helgan
stein. Einkadóttir mín var í
London, ég var búinn að selja fyr-
irtækið hér heima og sá fyrir mér
að ég myndi rölta á ströndinni og
sitja við arininn það sem eftir var.
Ég fann hins vegar að það var eitt-
hvað eftir af viðskiptamanninum í
blóðinu. Ég tók eftir stöku hús-
eignum sem mætti lappa uppá eða
breyta í tvær íbúðir í stað einnar.
Ég hef gert örlítið af þessu en
þetta eru fáar eignir og ég hef
haft gaman af og gengið vel pen-
ingalega séð,“ segir Baldur sem
býr skammt utan við bæinn Dover
á suðausturhorni Englands. „Á
góðviðrisdögum get ég séð yfir til
Frakklands. Mér er sagt að með
sterkum sjónauka geti maður séð
hvað klukkan er á ráðhúsinu hinu
megin við sundin. Hún er alltaf
klukkutíma á undan.“
Forsetinn á ekki að blanda sér í
dægurþras
Baldur segist hvorki hafa tekið
þátt í pólitísku starfi né verið
flokksbundinn og vill ekki svara
því hvort hann sé ánægður með
ríkisstjórnina. „Ég held að forseti
eigi ekki að blanda sér í dægur-
þras og það á líka ágætlega við
forsetaefni,“ segir Baldur sem
hefur ákveðnar hugmyndir um
hvernig forsetinn eigi að bera sig
að. „Forsetinn á að vera samein-
ingartákn hvernig sem allt veltur
í stjórnmálunum. Hann á að vera
fulltrúi þjóðarinnar út á við,
rækta tengsl við vinaþjóðir, taka á
móti þeim af íslenskri gestrisni og
hann á að vera meðal þjóðarinnar.
Góður forseti heyrir hjartslátt
þjóðar sinnar og vinnur með
henni en kannski sem mest í kyrr-
þey,“ segir Baldur og vill að emb-
ættið sé rekið innan fjárlagara-
mmans. „Hluti af því að öðlast
virðingu er að hafa unnið sér hana
inn. Ég þurfti að reka mitt einka-
fyrirtæki, standa á eigin fótum og
láta enda ná saman. Ég gerði það í
Baldur Ágústsson hefur boðið sig fram til forseta
Íslands. Hann vill hefja embættið til virðingar á
ný og halda í málskotsréttinn. Hann hefði skrifað
undir fjölmiðlalögin en líklega látið þjóðina kjósa
um inngönguna í Atlantshafsbandalagið.
Forseti getur vakið
athygli á málum en
ákvörðunarvaldið er ekki
hjá honum. Ég vil draga línu
þarna á milli og ætla ekki
að reyna að skipa Alþingi
fyrir. En ég get kallað saman
menn sem bera mál þessa
fólks fyrir brjósti, rætt við
þá um áhyggjur þeirra,
áhuga og áhugamál. Svo get
ég komið þeim málum á
framfæri við ríkisstjórn.
,,
Góður forseti heyrir
hjartslátt þjóðarinnar
Fæddur:
Í Reykjavík árið 1944.
Nám:
Eftir landspróf lærði hann til loftskeyta-
manns í Loftskeytaskólanum og síðar
flugumferðarstjórn hjá Flugmálastjórn
Íslands. Að auki nam hann öryggis-
fræði.
Starfsferill:
Hann hóf starfsferil sinn sem loftskeyta-
maður á skipum en gerðist síðar flug-
umferðarstjóri. Seinna stofnaði hann og
starfrækti öryggisþjónustuna Vara. Síð-
ustu ár hefur hann stundað fasteigna-
viðskipti í Bretlandi.
Maki:
Jean Plummer, frá Englandi, fædd
1952. Hún lærði mannauðsstjórnun og
vann við slíkt innan breska heilbrigðis-
kerfisins. Síðari ár hefur hún lært sál-
fræði og lagt stund á listmálun og
skriftir.
Ólafur Ragnar vill:
- endurvekja virðinguna fyrir embætti
forseta Íslands og vera sameiningar-
tákn þjóðarinnar allrar.
- styðja við markaðssókn Íslendinga er-
lendis og efla vináttutengsl við erlend-
ar þjóðir.
- vekja athygli á skuldasöfnun ungs
fólks og styðja við baráttuna gegn
fíkniefnum og glæpum.
Forsetakosningar 2004
Baldur Ágústsson í hnotskurn