Fréttablaðið - 08.07.2004, Blaðsíða 2

2 8. júlí 2004 FIMMTUDAGUR
SVEITARSTJÓRNARMÁL Í minnisblaði
skrifstofustjóra borgarstjórnar
Reykjavíkur sem lagt var fram á
fundi borgarráðs sl. þriðjudag eru
áréttaðar reglur um opinbera um-
fjöllun um það sem fer á fundum
nefnda og ráða borgarinnar. Fram
kemur að reglurnar kveði á um að
ekki megi annað koma fram opin-
berlega en það sem skráð hefur
verið í fundargerð á lokuðum fund-
um nefnda og ráða borgarinnar.
Ólafur Kr. Hjörleifsson, skrif-
stofustjóri borgarstjórnar, vildi
ekki tiltaka dæmi um hluti sem
aflaga hefðu farið í umfjöllun eða
umræðum og sagði einungis að gott
væri að árétta reglur stöku sinnum
fólki til upplýsingar.
Ólafur F. Magnússon, borgar-
fulltrúi Frjálslyndra, telur að ein
undirrót þess að minnisblaðið er
lagt fram nú, sé umfjöllun um hörð
orðaskipti sem urðu milli hans og
Alfreðs Þorsteinssonar, á fundi
borgarráðs fyrir skömmu. Ekki er
þó víst að fjölmiðlaumfjöllun ein og
sér hafi verið talin kalla á að árétt-
aðar væru gildandi reglur, því þar
sem fundir borgarstjórnar eru opn-
ir, er borgarfulltrúum í raun óheim-
ilt að vitna í aðrar umræður í nefnd-
um og ráðum en hafa verið bókaðar
í fundargerð.■
ALÞINGI Steingrímur J. Sigfússon,
formaður Vinstri-grænna sagði á
Alþingi í gær að ríkisstjórnin
væri að reyna að koma forsetan-
um í klípu með því að leggja fram
í sama frumvarpi breytingu á fjöl-
miðlalögum og afnám laganna
sem forsetinn hafði synjað. Ef
forsetinn neitaði nýju fjölmiðla-
lögunum staðfestingar væri hann
að synja því að fyrri lögin yrðu
felld úr gildi og þar með að neita
þjóðinni um rétt til þjóðarat-
kvæðagreiðslu um málið
Fjölmiðlafrumvarp ríkisstjórn-
arinnar og frumvarp stjórnarand-
stöðunnar um lög um þjóðarat-
kvæðagreiðslu voru afgreidd til
allsherjarnefndar að lokinni
fyrstu umræðu um málin á Al-
þingi í gær. Þingmenn stjórnar-
andstöðunnar sátu hjá í atkvæða-
greiðslu um fjölmiðlafrumvarpið
á þeim forsendum að þeir teldu
málið ekki þinglegt því um sama
mál væri að ræða og afgreitt hefði
verið frá Alþingi í vor.
Halldór Ásgrímsson, formaður
Framsóknarflokksins, lagði fjöl-
miðlafrumvarpið fram í fjarveru
Davíðs Oddssonar, sem staddur
var í Bandaríkjunum. Hann sagði
að með nýja frumvarpinu hefði
ríkisstjórnin lagt líf sitt að veði.
Vísaði hann þá til þess að ef al-
menningur væri ekki sáttur við
frumvarpið gætu kjósendur kom-
ið núverandi stjórnarflokkum frá
í næstu alþingiskosningum sem
yrðu áður en lögin tækju gildi.
Steingrímur J. Sigfússon, for-
maður Vinstri grænna, sagði að
fjölmiðlafrumvarpið fæli í sér
„fyrirætlan um að fara á svig við
stjórnarskrána, að hafa af þjóð-
inni stjórnarskrárbundinn rétt til
að kjósa um lagafrumvarp sem
forseti hefur synjað staðfestingar
og þar með fært staðfestingar-
valdið yfir til þjóðarinnar.“ Hann
sagði orðalag 26. greinar stjórnar-
skrárinnar afdráttarlaust.
Geir H. Haarde fjármálaráð-
herra sagði í ræðu sinni um störf
þingsins að fjölmiðlafrumvarpið
muni koma í veg fyrir að halda
þurfi þjóðaratkvæðagreiðslu.
„Það frumvarp sem nú hefur
verið sett á dagskrá verður til
þess að afstýra, ef það verður
samþykkt, því að haldin verði
þjóðaratkvæðagreiðsla á grund-
velli 26. greinar stjórnarskrárinn-
ar í skugga fullkominnar réttar-
óvissu um form atkvæðagreiðsl-
unnar sjálfrar,“ sagði Geir.
Boðað verður til þingfundar að
nýju þegar fjölmiðlafrumvarpið hef-
ur verið afgreitt úr allsherjarnefnd.
Að sögn Bjarna Bendediktssonar,
formanns nefndarinnar, er ekki ljóst
á þessu stigi hvenær það verður, en
nefndin mun hittast kl. 10.30 í dag.
sda@frettabladid.is
Þjóðarhreyfingin:
Mótmæli við
Alþingi
ÞJÓÐARATKVÆÐI Þjóðarhreyfingin
efnir til mótmælafundar við Al-
þingishúsið klukkan 12.30 í dag.
Slagorð fundarins verður: „Við
viljum kjósa.“
Að sögn Hans Kristjáns Árna-
sonar, eins af talsmönnum hreyf-
ingarinnar, á að mótmæla því að
ríkisstjórnin hafi með framlagn-
ingu nýs fjölmiðlafrumvarps svipt
þjóðina kosningarétti. Þar sem for-
setinn hafi skotið málinu til þjóðar-
innar með því að synja fjölmiðla-
lögunum staðfestingar í byrjun
júnímánaðar eigi þjóðin, sam-
kvæmt stjórnarskránni, skýlausan
rétt á að fá að kjósa um málið.■
Banaslysið á Ísafirði:
Nafn
stúlkunnar
sem lést
SLYSFARIR Stúlkan
sem lést af slys-
förum þegar hún
hrapaði í klettum í
fjallinu Kubban-
um fyrir ofan Ísa-
fjarðarbæ hét
Sunneva Hafberg,
til heimilis að
Reynimel 82 í
Reykjavík. Sunn-
eva var níu ára
gömul. ■
■ LÖGREGLUFRÉTTIR
“Ég held að ég hljóti að hafa ein-
hverja möguleika.“
Þormóður Þormóðsson er forstöðumaður Rann-
sóknarnefndar flugslysa. Nú hefur starfið verið
auglýst laust til umsóknar og hann er sá eini sem
hefur sótt um.
SPURNING DAGSINS
Þormóður, ertu vongóður?
Gunnar Snorri
Gunnarsson:
Beðið eftir
tillögum
VARNARMÁL Enginn sérstakur tíma-
rammi er kominn á varðandi
áframhald viðræðna um fram-
kvæmd varnarsamnings Banda-
ríkjanna og Íslands þrátt fyrir fund
Davíðs Oddsson-
ar með George
Bush Banda-
ríkjaforseta í
vikunni.
G u n n a r
Snorri Gunnars-
son, ráðuneytis-
stjóri utanríkis-
ráðuneytisins,
segir hins vegar
að fundurinn
hafi áhrif. „Það
er allavega kom-
inn einhver fókus á þetta á hæsta
plani hjá Bandaríkjamönnum,“
segir hann.
Að sögn Gunnars Snorra mun
næsta skref í málinu verða að
frumkvæði Bandaríkjamanna sem
væntanlega munu leggja fram sín-
ar hugmyndir til grundvallar
áframhaldandi viðræðum. ■
Forseta Íslands
komið í klípu
Stjórnarandstaðan segir að ríkisstjórnin sé að reyna að koma forseta
Íslands í klípu. Fjármálaráðherra segir að fjölmiðlafrumvarpið muni
koma í veg fyrir að halda þurfi þjóðaratkvæðagreiðslu.
STEINGRÍMUR J. SIGFÚSSON
Segir að ríkisstjórnin sé að reyna að koma forsetanum í klípu með því að hafa í einu og
sama frumvarpinu ákvæði um breytingar á fjölmiðlalögum og afnám fyrri laga.
FR
ÉT
TA
B
LA
Ð
IÐ
/G
VA
GUNNAR
SNORRI
Ráðuneytisstjóri
utanríkisráðu-
neytisins.
KEYRÐI Á LÖGREGLUBIFREIÐ Ölv-
aður ökumaður endaði ferð sína
með því að keyra utan í lögreglu-
bifreið og lenda utan vegar á
Húsavík í fyrrinótt. Lögregla
veitti manninum eftirför en hann
sinnti ekki stöðvunarmerkjum og
ók áfram. Maðurinn reyndist
réttindalaus auk þess sem bifreið
hans var númerslaus.
ÞJÓFI VEITT EFTIRFÖR Ungur
maður sem braust inn í íbúðarhús
á Dalvík í fyrrinótt náðist stuttu
síðar. Íbúi hússins var heimavið,
varð þjófsins var og veitti honum
eftirför. Lögregla fann þjófinn
skömmu síðar, sem var ennþá
með þýfið úr innbrotinu á sér að
sögn lögreglu.
SUNNEVA
HAFBERG
Sjávarútvegsráðuneytið:
Heimilar
veiðar á loðnu
SJÁVARÚTVEGUR Innan sjávarút-
vegsráðuneytisins hefur verið
ákveðið að heimila loðnuflotanum
að veiða rúmlega 220 þúsund lest-
ir af loðnu en undanfarið hefur
farið fram ítarleg leit að loðnu.
Rannsóknarskip Hafrannsóknar-
stofnunar, Árni Friðriksson, kom
til hafnar í gær eftir slíkan leið-
angur en í honum tóku þátt nokk-
ur íslensk loðnuveiðiskip auk
grænlenskra aðila.
Um bráðabirgðakvóta í loðnu
er að ræða enda liggur ekki fyrir
hvenær endurmat á loðnustofnin-
um fer fram. Ræðst það að ein-
hverju leyti af gangi sumarveið-
anna sem þegar eru hafnar. ■
LOÐNUVEIÐAR LEYFÐAR
Loðnuflotinn er þegar byrjaður að landa
sumarloðnu.
HALLAREKSTUR Á VATÍKANINU
Vatíkanið var rekið með rúmlega
800 milljóna króna halla í fyrra.
Þetta er þriðja árið í röð sem
Vatíkanið er rekið með halla en
hann er þó nær þriðjungi minni
en árið áður. Hallarekstur Vatík-
ansins er ekki nýlunda. Það var
rekið með halla 23 ár í röð 1971
til 1993.
BANNA TRÚARBRAGÐAHATUR
Bresk stjórnvöld hyggjast leggja
lagafrumvarp fyrir þingið sem
gerir það að saknæmu athæfi að
hvetja til trúarbragðahaturs.
Talið er að frumvarpið taki mið
af lögum um kynþáttahatur. Brot
á þeim lögum varða allt að sjö
ára fangelsi. ■
■ EVRÓPA
Skerpt á reglum meðal annars vegna orðaskipta
Ólafs F. og Alfreðs Þorsteinssonar:
Bannað að
vitna í umræður
DÓMSMÁL Maður hefur verið dæmd-
ur í þriggja ára fangelsi í Héraðs-
dómi Suðurlands fyrir að misnota
kynferðislega tvær dætur sínar og
vinkonu annarrar þeirra. Honum
var að auki gert að greiða stúlkun-
um skaðabætur og til að greiða all-
an málskostnað.
Dætur mannsins eru fæddar
1984 og 1988 og vinkonan árið 1989.
Brotin gegn eldri dótturinni áttu
sér stað árin 1996 og 1997 þegar
hún var 12 og 13 ára gömul, þeirri
yngri árið 2002 þegar hún var 14
ára og gegn vinkonunni árið 2003.
Maðurinn hafði samræði við
eldri dóttur sína, káfaði á yngri
dóttur sinni og reyndi að hafa sam-
ræði við vinkonu hennar. Í dómnum
segir að maðurinn hafi með hátt-
semi sinni brotið alvarlega gegn
skyldum sínum sem foreldri og
uppalandi. Þá hafi hann brugðist
trausti vinkonu yngri dóttur sinnar
á mjög grófan hátt. Stúlkan hafi
verið barn í hans umsjá þegar hann
braut á henni. Í dómnum segir að
brot mannsins séu alvarleg og við-
búið að þau hafi haft og komi til
með að hafa mikil áhrif á andlega
og líkamlega heilsu stúlknanna.
Miskabætur eldri dótturinnar
voru taldar hæfilegar 700 þúsund
krónur, yngri dótturinni voru
dæmdar 100 þúsund krónur og vin-
konu hennar 400 þúsund krónur. ■
ALFREÐ ÞORSTEINSSON
Á fundi borgarráðs á þriðjudaginn var lagt
fram minnisblað þar sem áréttaðar voru
reglur um hvað má fjalla um.
Maður dæmdur í þriggja ára fangelsi:
Misnotaði
þrjár stúlkur