Fréttablaðið - 14.07.2004, Blaðsíða 9
9MIÐVIKUDAGUR 14. júlí 2004
Framkvæmdastjóri Verslunarráðs:
Ísland taki Breta til fyrirmyndar
Árekstur í Hafnarfirði:
Þrír strætisvagnar
rákust samanEFNAHAGSMÁL Þór Sigfússon, fram-kvæmdastjóri Verslunarráðs Ís-
lands, vill að íslenska ríkisstjórnin
fari að dæmi Breta, sem hyggjast
segja upp meira en hundrað þús-
und ríkisstarfsmönnum í hagræð-
ingarskyni.
„Þróunin í ríkisrekstrinum er
því miður nákvæmlega sú sem við
höfum varað við. Útgjöldin aukast
stöðugt og fjölmargar stofnanir
eru orðnar áskrifendur að auka-
fjárveitingum,“ segir Þór.
„Eina ráðið við þessum vanda er
að marka stefnu um fækkun ríkis-
stofnana og ríkisstarfsmanna.
Breska ríkisstjórnin hefur sett sér
markmið um fækkun ríkisstarfs-
manna og slíkt verðum við einnig
að gera. Íslendingar eru nú í þriðja
sæti á meðal OECD-ríkja yfir sam-
neyslu á mann og við stefnum á
heimsmetið,“ segir Þór.
Hann bendir á að nær engin um-
ræða fari nú fram á vettvangi
stjórnmálanna um fækkun stofn-
ana en stöðugt komi fram hug-
myndir um nýjar stofnanir. Nú séu
230 ríkisstofnanir hérlendis en 130
í Bretlandi.
„Það er alveg ljóst að ef við bíð-
um með aðgerðir þar til í hreint
óefni er komið eru miklu meiri lík-
ur á því að sparnaðaraðgerðir komi
niður á þeim sem síst skyldi,“ seg-
ir Þór Sigfússon. ■
DÓMSMÁL 23 ára gamall Akureyr-
ingur hefur verið dæmdur í
þriggja mánaða fangelsi fyrir
líkamsárás og brot gegn vald-
stjórninni með hótunum um of-
beldi og líflát. Einnig hlaut tvegg-
ja mánaða skilorðsbundinn fang-
elsisdóm 21 árs gamall Akureyr-
ingur fyrir þátttöku í árásinni.
Dómurinn var kveðinn upp fyrir
Héraðsdómi Norðurlands eystra
sl. föstudag.
Mennirnir tveir höfðu hlaupið
uppi og ráðist á mann við Borgar-
bíó á Akureyri í júnílok á síðasta
ári. Maðurinn sem ráðist var á
hlaut af nefbrot, auk þess sem
tvær tennur í efri gómi brotnuðu,
fyrir utan skurðsár, mar og bólgur.
Þegar lögreglu bar að var eldri
árásarmaðurinn mjög æstur og
hafði uppi miklar hótanir í garð
lögreglu. Hótaði hann að drepa
bæði lögreglumenn, börn þeirra
og fjölskyldur. Þá mun hann hafa
ausið skömmum og svívirðingum
yfir alla sem nálægt honum komu.
Mönnunum tveimur var gert
að greiða manninum sem þeir réð-
ust á rúmar 330 þúsund krónur
með vöxtum og dráttarvöxtum
auk þess sem þeim var gert að
greiða allan sakarkostnað, þar
með talið laun verjenda sinna. ■
ÁREKSTUR Þrír voru fluttir á spítala
með minniháttar áverka þegar þrír
strætisvagnar rákust saman við
hringtorg í miðbæ Hafnarfjarðar
um hádegisbil í gær. Áreksturinn
bar að með þeim hætti að aftasti
vagninn keyrði á vagn fyrir fram-
an hann sem rakst á þriðja vagn-
inn. Allir bílarnir skemmdust
nokkuð en sá aftasti áberandi mest.
Samkvæmt upplýsingum frá
lögreglunni í Hafnarfirði liggur
ekki nákvæmlega fyrir hvernig
áreksturinn bar að eða hvort aft-
asti vagninn hafi keyrt of hratt
miðað við aðstæður, en vagnarnir
fyrir framan munu hafa verið á
hægri ferð. ■
FORVARNARMÁL Samkvæmt könnun
umferðarfulltrúa Slysavarnarfé-
lagsins Landsbjargar á höfuðborg-
arsvæðinu eru 69 prósent barna
án öryggishjálma þegar þau nota
reiðhjól, línuskauta eða hlaupa-
hjól. Sérstaklega virðist áberandi
að nánast engir unglingar nota
hjálma og hjálmaleysið færist sí-
fellt neðar í aldursstiganum.
Flestir gáfu upp það svar að sér
þætti það hallærislegt að vera
með hjálm þegar þeir voru inntir
eftir hjálmleysinu og áberandi var
að margir höfðu ekki velt fyrir sér
hættunni sem fylgir því að hjóla
berhöfðaður.
Valgeir Elíasson, upplýsinga-
fulltrúi Landsbjargar, segir það
óviðunandi að aðeins rúmlega 30
prósent barna og unglinga noti
hjálm og það verði að bregðast
strax við. Hann bendir á ábyrgð
foreldra í þessum málum því lög-
um samkvæmt eiga börn undir
fimmtán ára aldri að bera hjálm
við hjólreiðar og það sé foreldr-
anna að fylgja því eftir að þau geri
það. ■
Hjólreiðar barna og unglinga:
Fáir nota hjálm
Réðust á mann og hótuðu lögreglu:
Dæmdur í þriggja mánaða fangelsi
!
"!# $%%
&
' (
!#) $%%***+ ÞÓR SIGFÚSSON
Segir að á Íslandi séu starfandi 230 ríkis-
stofnanir en aðeins 130 í Bretlandi.
AFTASTI STRÆTISVAGNINN
Aftasti vagninn er mest skemmdur af bif-
reiðunum þremur.
KRISTJÁN SNÆR ÞÓRSSON
Hann datt af reiðhjóli í ágúst í fyrra og var
ekki með hjálm.
SKEMMTISTAÐURINN SJALLINN
Maður sem ráðist var á við Borgarbíó á Akureyri í fyrrasumar hafði verið að skemmta sér í
Sjallanum og var á heimleið þegar tveir menn réðust á hann. Annar árásarmannanna
hafði átt í væringum við þann sem ráðist var á inni á skemmtistaðnum fyrr um kvöldið.