Fréttablaðið - 14.07.2004, Blaðsíða 25

MIÐVIKUDAGUR 14. júlí 2004
Sími 562-3811
ÚTSALAN
hefst í dag
kl. 09:00
Arnar Gunnlaugson er ekki að mæta Shelbourne í fyrsta sinn:
Eru miklu sterkari núna
FÓTBOLTI Shelbourne hefur áður komið
til Íslands vegna þátttöku í Evrópu-
keppni, það var árið 1995 þegar liðið
mætti gullaldarliði Skagamanna í for-
keppni UEFA-bikarsins þáverandi.
Það var hinsvegar engin frægðarför
því firnasterkt Skagalið sigraði bæði
heima og að heiman með sömu
markatölu, 3-0. Arnar Gunnlaugsson,
núverandi sóknarmaður KR, var þá í
eldlínunni með ÍA og skoraði meðal
annars eitt marka liðsins.
„Ég man vel eftir þessum leikjum.
Við vorum á rosalegri siglingu hér
heima þá, með mjög vel mannað lið og
Shelbourne átti aldrei séns gegn okk-
ur. En mér skilst að þeir séu orðnir
miklu sterkari núna. Leikmenn liðs-
ins 1995 voru áhugamenn rétt eins og
við en nú er þetta orðið miklu meira
alvöru hjá þeim,“ segir Arnar, sem
hefur jafnað sig af smávægilegum
ökklameiðslum og verður væntanlega
í byrjunarliði KR í kvöld. „Ég náði að
setja mark á þá í leiknum ytra á sín-
um tíma og vonast auðvitað til að end-
urtaka leikinn núna. Skrokkurinn var
þó í nokkuð betra standi þá. Aðalmál-
ið hjá okkur er að fá ekki á okkur
mark og sjá hvert það fleytir okkur.
Það verður svo bara að koma í ljós
hvernig leikurinn þróast. Við erum
mjög bjartsýnir, teljum okkur hafa
verið heppnir með andstæðinga og
þekkjum þennan breska fótbolta
ágætlega. Þetta er allavega mun
skárra en að mæta liði frá Aserbaíds-
jan eða eitthvað slíkt,“ segir Arnar. ■
Í FULLU FJÖRI Á ÆFINGU
Pat Fenlon, framkvæmdastjóri Shelbourne, tók virkan þátt í æfingu liðsins á KR-vellinum í
fyrradag, enda ekki nema 35 ára gamall og fyrrverandi leikmaður með félaginu.
Spilum til sigurs
Pat Fenlon, stjóri írsku meistaranna í
Shelbourne, ætlar ekki að spila varnarleik gegn
KR-ingum í kvöld.
FÓTBOLTI KR-ingar mæta írska liðinu
Shelbourne í fyrri leik liðanna í for-
keppni meistaradeildar Evrópu í
kvöld. Shelbourne hefur verið yfir-
burðalið á Írlandi undanfarin ár og
er sem stendur með örugga forystu
í írsku úrvalsdeildinni þegar vel er
liðið á tímabilið. Liðið kemur því
hingað til lands með mikið sjálfs-
traust og í mjög góðu formi – algjör-
lega öfugt við það sem oft er í
fyrstu leikjum íslenskra liða í Evr-
ópukeppninni. Oftast eru þau að þá
að mæta liðum sem nýkomin eru úr
sumarfríi, enda ekki algengt að
leikið sé í knattspyrnudeild í Evr-
ópu yfir sumartímann líkt og hér á
Íslandi. Shelbourne er í dag skipað
eintómum atvinnumönnum og hefur
liðið fengið til sín marga frambæri-
lega knattspyrnumenn á síðustu
árum, flesta frá heimalandinu Ír-
landi. Það er því ljóst að KR-ingar
mega eiga von á tveimur hörku-
leikjum.
“Við erum með góða blöndu af
ungum leikmönnum og þeim sem
eru eldri og reyndari. Meðalaldur-
inn í liðinu er í kringum 29 ár og í
Evrópukeppni skiptir reynslan
alltaf miklu máli,“ sagði Pat Fenlon,
framkvæmdastjóri Shelbourne, í
samtali við Fréttablaðið í gær.
„Það er ekki eðli míns liðs að
spila varnarleik og við förum í leik-
inn til að vinna hann. Við horfum til
leiksins eins og um venjulegan
deildarleik sé að ræða og við
munum spila okkar bolta. Við erum
miklu meira sóknarlið en varnarlið
og ætlum að reyna að skora mark á
útivelli,“ segir Fenlon.
Leikurinn hefst kl. 20 í kvöld og
fer fram á Laugardalsvelli. ■