Fréttablaðið - 14.07.2004, Blaðsíða 28

20 14. júlí 2004 MIÐVIKUDAGUR
Eftir Patrick McDonnell
■ PONDUS
■ ROCKY
■ KJÖLTURAKKAR
■ BARNALÁN
■ PÚ OG PA Eftir SÖB
Eftir Kirkman/Scott
Eftir Martin Kellerman
Eftir Frode Överli
„Ég held ég sé
ennþá fullur,“
sagði vinur minn
þegar ég hitti
hann á Skóla-
v ö r ð u s t í g n u m
þegar hann var
nýkominn úr 30
ára afmælisveislu
ónefnds banka-
starfsmanns í KB banka. Vinur
minn hafði verið beðinn um að halda
ræðu í afmælinu en í stað þess að
halda hefðbundna lofræðu tjáði
hann veislugestum hvað honum
hefði þótt erfið tilhugsun að láta sjá
sig í þessu afmæli. Hann notaði
tækifærið til að rifja upp þann tíma
sem afmælisbarnið hafði leitt hann
út í gjaldþrot og endaði á því að
biðja fólk um að skála fyrir mann-
inum sem hafði svívirt minningu
foreldra sinna. Að þeim orðum lokn-
um var klappað í salnum, hversu
einkennilegt sem það má virðast, en
vinur minn hljóp út í geðshræringu.
Afmælisbarnið gekk út á eftir
vini mínum til að biðja hann um að
snúa aftur. Hann lét til leiðast en
eftir að komið var inn sturtaði vinur
minn í sig slatta af áfengi og byrjaði
að rífast við afmælisbarnið yfir
þveran og endilangan veislusalinn.
Því næst stoppaði hann hljómsveit-
ina í miðju lagi og ákvað að halda
aðra ræðu. Ég fer ekki út í innihald
þeirra ræðu af siðferðilegum ástæð-
um en hafi fyrri ræðan haft einhver
áhrif er víst að seinni ræðan náði
gjörsamlega að drepa alla stemn-
ingu á staðnum. Sumir veislugest-
anna forðuðu sér heim og ættingjar
afmælisbarnsins urðu viti sínu fjær
af reiði. Dyravörðurinn gerði að
lokum tilraun til að henda vini
mínum út og sú tilraun heppnaðist
eftir að nokkrir stæðilegir karlmenn
komu til aðstoðar.
Þrátt fyrir allar hrakfarirnar var
vinur minn ósköp venjulegur þegar
ég hitti hann tuttugu mínútum síðar
á Skólavörðustígnum. Hann sagði
mér frá afmælinu viðburðaríka
fremur rólegur í fasi og vottaði ekki
fyrir eftirsjá yfir gjörðunum. Enda
er vinur minn að læra leiklist og var
ráðinn af afmælisbarninu til að
setja uppákomuna á svið til að hrista
upp í samkomunni, hversu einkenni-
legt sem það má virðast. ■
STUÐ MILLI STRÍÐA
ÞÓRA KARÍTAS SEGIR KJAFTASÖGU ÚR ÞRÍTUGSAFMÆLI
Skandall í afmæli KB bankastarfsmanns
M
YN
D
: H
EL
G
I S
IG
U
RÐ
SS
O
N
Hey, maður
á víst að
skoða fæð-
ingarbletti
sína með
reglulegu
millibili!
Akkúrat!
Helst
ekki!
Þú ERT
veikur,
Jói!
Ég er
giftur...
tvö
börn...
VERTU
ALVÖRU
MAÐUR og
TÉKKAÐU
á mér!
Jájá...
flottur!
Ég er ennþá með
undarlegan blett á
bakinu eftir að ég
sofnaði í sólbaði á
níunda áratugnum!
Ertu til í að kíkja
á’edda?
Hvað meinar þú
„helst ekki“?
Hvað veist þú
nema að ég sé
ALVARLEGA
veikur!
Við frjósum í nótt! Tjaldið
uppfyllir ekki lengur kröfur
Sameinuðu þjóðanna.
Hva! Þetta er ekkert
verra en að pikk’ upp
skonsu með stórt tjald!
Djöfulsins heppni var það að
ég kveikti í tjaldinu þínu
Rocky! Þú varst einmitt horf-
inn til að sleppa við að hitta
bilaða dráttinn frá í gær!
Af hverju tekur þú aldrei
stelpurnar í þínu tjaldi?
Þá eru alltaf einhver tjöld
með engum stelpum sem
koma og renna upp buxna-
klaufinni þegar maður er í
miðri sinni verstu stóð-
hesta-pósu!
Sem leiðir til uppistands eins
og þegar maður kveikir óvart
á pornóinu þegar maður er
að horfa á kassann með ein-
hverri stelpu.!
Huuu...
Je...
dúdd
a...
Festir þú
flugdrekann
í trénu
ha?
Neibb.
...Hundinn í
að elta
íkorna.
Úbbs!
Eftir því sem
þau stækka
meira, sofa þau
fastar.
Veiðiskapurinn heldur áfram og veiði-
menn víða eru að fá fína veiði eins og í
Hítará á Mýrum en þar hafa veiðst um
100 laxar og síðasta holl veiddi 31 lax.
Laxinn er komin um alla á og mikið er í
sumum hyljum hennar.
„Við vorum að koma úr Straum-
fjarðará og þrátt fyrir erfið skilyrði
fengum við 18 laxa hollið og það er í
góðu lagi,“ sagði Marteinn Jónasson, á
veiðislóðum við Straumfjarðará.
Yfir 30 laxar eru komnir á land úr
Krossá á Skarðsströnd og þar hafa um
70 laxar farið í gegnum teljarann.
Miðá í Dölum hefur gefið 3 laxa og
um 100 bleikjur, veiðimaður sem var
þar við veiðar fyrir fáum dögum missti
rígvænan fisk.
Veiðin gengur því víða vel þessa
dagana en sumir veiðimenn þurfa að
lesa sig til um veiðiskapinn og þess
vegna skulum við aðeins tala um bæk-
ur, en Stangaveiðihandbókin var að
koma út.
Þetta er þriðja Stangaveiðihandbók-
in sem kemur út og í henni er fjallað
um hátt í 400 veiðiár og -vötn á svæðinu
frá Hrútafjarðará austur um að Jök-
ulsá á Fjöllum. Eins og í fyrri bindun-
um tveimur er gerð mjög ítarleg grein
fyrir veiðimöguleikum, hvar hægt er
að kaupa veiðileyfin og hvað þau kosta
en að auki eru birtar nánari upplýsing-
ar um veiðisvæðin og rætt er við veiði-
menn og þá sem með veiðiréttinn fara.
Höfundur bókarinnar er Eiríkur St.
Eiríksson, sem kunnur er fyrir skrif sín
um stangaveiðar en hann er jafnframt
ritstjóri Skip.is -sjávarútvegsvefs
Fiskifrétta.
Fyrsta bindi Stangaveiðihandbókar-
innar kom út sumarið 2002 og í því var
fjallað um svæðið frá Brynjudal í Hval-
firði að Brunasandi á mörkum Vestur-
og Austur-Skaftafellssýslu og í öðru
bindinu, sem kom út í fyrrasumar, var
viðfangsefnið veiðisvæði á Vesturlandi
og Vestfjörðum. Með þessu þriðja bindi
í bókaflokknum er því búið að fjalla um
vel á annað þúsund veiðisvæði á land-
inu en með IV bindinu, sem væntanlegt
er næsta sumar, verður hringnum lok-
að með umfjöllun um veiðisvæði á aust-
anverðu landinu.
Að sögn Eiríks hafa viðtökur við
fyrri bindunum tveimur verið mjög
góðar og hann gerir ekki ráð fyrir öðru
en þessari bók verði jafn vel tekið enda
Norðurlandið þekkt fyrir góðar lax-
veiðiár og margir ferðamenn leggja
leið sína þangað.
„Það hefur hins vegar vantað til-
finnanlega góðar upplýsingar um sil-
ungsveiðimöguleika á mörgum vatna-
svæðum norðanlands og þá á ég ekki
síst við um veiðimöguleikana á hinum
víðfeðmu heiðar-löndum á Arnarvatns-
heiði og Tvídægru, Víðidalstunguheiði,
Grímstungu- og Haukagilsheiði og svo
á Auðkúluheiði þar sem miklar breyt-
ingar hafa orðið eftir að Blanda var
virkjuð. Návígi virkjana og veiðisvæða
eru reyndar gerð góð skil í bókinni. Þá
er ítarlega fjallað um veiðimöguleika á
Skaga, svo dæmi séu nefnd, en þar er
að finna mörg frábærlega góð veiði-
vötn,“ segir Eiríkur St. Eiríksson sem
var við veiðar í Stóru-Laxá í Hreppum,
þegar við náðum tali af honum. ■
VEIÐIHORNIÐ
GUNNAR BENDER
■ skrifar um veiði.
Stangaveiðihandbókin
EIRÍKUR ST. EIRÍKSSON
Flettir fyrsta eintakinu af stangaveiðihand-
bókinni, en bókin var að koma út og fjallar
um 400 veiðiár, frá Hrútafjarðará austur
um að Jökulsá á Fjöllum.