Fréttablaðið - 03.08.2004, Blaðsíða 10
3. ágúst 2004 ÞRIÐJUDAGUR
FORSETI Ólafur Ragnar Grímsson var
settur forseti Íslands í þriðja sinn
við hátíðlega athöfn í dómkirkjunni
og á Alþingi á sunnudag. Í innsetn-
ingarræðu hélt forsetinn í
alþingishúsinu.
„Þjóðin hefur nú í þriðja sinn
falið mér að gegna embætti forseta
Íslands og bera ábyrgð og skyldur
sem traustinu fylgja.
Þakklæti til fólksins í landinu og
virðing fyrir arfleifð Íslendinga og
væntingum almennings um farsæla
framtíð eru mér efst í huga á þessari
stundu. Árin sem liðin eru frá því ég
stóð fyrst í þessum sporum hafa
verið lærdómsrík og gefandi, oft
erfið en líka auðug af gleðistundum.
Vonandi nýtist sú reynsla mér
á þeirri göngu sem framund-
an er,“ sagði forsetinn í upp-
hafi ávarps síns.
„Embætti forseta Ís-
lands hefur breyst í tím-
ans rás og svo mun ein-
nig verða um ókomin ár.
Mikilvægt er þó að
varðveita rætur þess í
vitund þjóðarinnar og
sess þess í stjórnskip-
un landsins um leið og
tekist er á við um-
breytingarnar sem
einkenna framrás
heimsins og fram-
tíð Íslendinga,“
sagð forsetinn jafnframt.
„Kjarni lýðræðisins er að for-
seti, Alþingi og stjórnvöld öll lúti
vilja þjóðarinnar og leiðsögn,
starfi í þágu markmiða
sem hún hefur með sam-
ræðum og víðtækri
þátttöku gert að sínum.
„Trúin á þjóðina, traust
á almenningi, er grund-
völlur stjórnskipulags
vors,“ sagði Ásgeir Ás-
geirsson þegar hann tók
við embætti forseta hið
fyrsta sinn. Lýðræðisandi
Íslendinga er leiðarljósið
sem vísar veginn,“ sagði
Ólafur Ragnar. ■
INNSETNING Forseti Íslands, Ólafur
Ragnar Grímsson, var settur inn í
embætti í þriðja sinn á sunnudag.
Athöfnin hófst kl. 15 með því að
Lúðrasveit Reykjavíkur lék ætt-
jarðarlög á Austurvelli. Helgi-
stund hófst í dómkirkjunni kl.
15.30. Auk boðsgesta var almenn-
ingi leyfður aðgangur meðan hús-
rúm leyfði.
Rétt eftir kl. 16 var gengið úr
kirkju til alþingishúss, en lögreglu-
menn stóðu þar heiðursvörð.
Fremstir gengu forseti Íslands og
forseti Hæstaréttar, Markús Sigur-
björnsson, en á eftir þeim gengu
Dorrit Moussaieff forsetafrú og
biskupinn yfir Íslandi, Karl Sigur-
björnsson, Halldór Ásgrímsson,
starfandi forsætisráðherra, og Hall-
dór Blöndal, forseti Alþingis.
Meðal gesta við athöfnina í al-
þingishúsinu voru Vigdís Finnboga-
dóttir, fyrrverandi forseti, Stein-
grímur Hermannsson, fyrrverandi
forsætisráðherra, alþingismenn,
hæstaréttardómarar, biskupar
landsins, Þórólfur Árnason borgar-
stjóri, erlendir sendiherrar og full-
trúar úr félagasamtökum og at-
vinnulífinu. Auk þess var nánasta
fjölskylda forsetans og forsetafrú-
arinnar viðstödd.
Athöfnin í þinghúsinu hófst með
því að Ólafur Kjartan Sigurðarson
söng einsöng. Forseti Hæstaréttar
lýsti því næst yfir forsetakjöri og
útgáfu kjörbréfs og mælti fram
drengskaparheit að stjórnar-
skránni, sem forsetinn síðan undir-
ritaði. Forseti Hæstaréttar afhenti
forseta kjörbréfið með árnaðarósk-
um og gekk forseti þá ásamt for-
setafrú fram á svalir alþingishúss-
ins þar sem hann minntist fóst-
urjarðarinnar. Tekið var undir fer-
föld húrrarhróp bæði á Austurvelli
og í þingsal. Þá flutti forseti ávarp
þar sem hann sagði meðal annars:
„Stuðningur fólks um landið allt, til
sjávar og sveita, í þéttbýli og fá-
mennum byggðum, hlýhugur ykkar
og velvild hafa veitt mér styrk til að
takast á við vandasöm verkefni og
ég flyt ykkur öllum einlægar þakk-
ir“. Athöfninni lauk með því að
dómkórinn flutti þjóðsönginn.
Forsetafrúin klæddist skaut-
búningi, sem er mesti viðhafnar-
búningur íslenskra kvenna, en upp-
haf hans má rekja til 1857. Skaut-
búningurinn sem forsetafrúin
klæddist var saumaður 1938 af
Jakobínu Thorarensen, annálaðri
hannyrðakonu, samkvæmt upplýs-
ingum frá forsetaskrifstofunni.
Búningurinn var saumaður á Jós-
efínu Helgadóttur, eiginkonu Skúla
Guðmundssonar, fyrrum alþing-
manns, ráðherra og kaupfélags-
stjóra í Húnavatnssýslu.
sda@frettabladid.is
Forseti í þriðja sinn
Innsetningarathöfn forseta fór fram á sunnudag við hátíðlega athöfn. Í
ávarpi sínu þakkaði forsetinn stuðning fólks um landið allt. Forsetafrú
klæddist mesta viðhafnarbúningi íslenskra kvenna, skautbúningnum.
FORSETI ÍSLANDS, ÓLAFUR RAGNAR GRÍMSSON OG DORRIT MOUSSAIEFF FORSETAFRÚ
Eftir að hafa unnið drengskaparheit að stjórnarskránni gekk forseti ásamt forsetafrú fram á svalir alþingishússins þar sem hann minntist
fósturjarðarinnar. Tekið var undir ferföld húrrarhróp bæði á Austurvelli og í þingsal.
FR
ÉT
TA
B
LA
Ð
IÐ
/S
TE
FÁ
N
LÖGREGLA STENDUR HEIÐURSVÖRÐ
Forseti Íslands var settur í embætti í þriðja sinn á sunnudag.
GENGIÐ FRÁ DÓMKIRKJU Í ALÞINGISHÚS
Forseti Íslands og forseti Hæstaréttar fremstir í fylkingu.
Úr innsetningarræðu forsetans:
Lýðræðisandi er leiðarljósið
G Æ Ð A F R A M K Ö L L U N U M A L L T L A N D