Fréttablaðið - 03.08.2004, Blaðsíða 12
12 3. ágúst 2004 ÞRIÐJUDAGUR
HITABYLGJA
Þessi ungi piltur er meðal þeirra
Svisslendinga sem leituðu sér kælingar í
Lemanvatni í gær. Mjög heitt hefur verið í
Sviss undanfarna daga og hefur hitinn
farið í allt að 35 gráður.
Tyrknesk vörubílasamtök hætta að flytja vistir til bandaríska heraflans í Írak:
Aftaka veldur stefnubreytingu
TYRKLAND-AP Samtök tyrkneskra
vörubílstjóra hafa tilkynnt að
þau hætti að flytja vistir til
bandaríska herliðsins í Írak.
Milli tvö og þrjú hundruð vöru-
bílar í eigu tyrkneskra fyrir-
tækja færa bandaríska herliðinu
í Írak vistir dag hvern.
Tilkynningin fylgir í kjölfarið
á birtingu upptöku sem sett var
á alnetið þar sem mannræningj-
ar sjást taka af lífi tyrkneskan
vörubílstjóra sem hafði verið
rænt í Írak. Á upptökunni sést
tyrkneski gíslinn, Murat Yuce,
lesa upp orðsendingu þar sem
tyrknesk fyrirtæki eru vöruð við
að aðstoða herafla Bandaríkj-
anna í Írak. Talið er að mann-
ræningjarnir tilheyri jórdönsk-
um hryðjuverkasamtökum sem
tengjast al-Kaída.
Yfirmaður alþjóðlegra vöru-
flutningasamtakanna segist
vona að stefnubreyting samtak-
anna leiði til þess að mannræn-
ingjar í Írak sleppi úr haldi
tveimur öðrum tyrkneskum bíl-
stjórum sem teknir hafa verið í
gíslingu. ■
Vel heppnuð þjóð-
hátíð í Eyjum
Hátt í tíu þúsund manns voru í brekkusöng á lokakvöldi þjóðhátíðar.
Hátíðin gekk vel. Formaður þjóðhátíðarnefndar hrósar lögreglu fyrir
vel unnin störf. Hljómsveitin Egó kom, sá og sigraði.
ÞJÓÐHÁTÍÐ Talið er að hátt í tíu þús-
und manns hafi tekið þátt í
brekkusöngi á sunnudagskvöldi á
þjóðhátíð í Eyjum. Árni Johnsen
stjórnaði kórnum, sem hann sagði
vera hinn stærsta í Evrópu, og
skapaði mikla stemningu meðal
hátíðargesta. Að loknum brekku-
söng voru 130 blys kveikt í
brekkunni og mynduð eldborg um
dalinn.
Þrátt fyrir fremur hráslaga-
lega veðurspá skein skólin á þjóð-
hátíðargesti og var sérstaklega
blítt í veðri á laugardeginum.
Veðrið varð nokkuð vont aðfara-
nótt sunnudags, rigning og rok, en
upp úr hádegi á sunnudag hafði
aftur ræst úr veðrinu og var
áfram hið besta fram undir
mánudagsmorgun þótt geng-
ið hafi á með nokkrum smá
skúrum. Í gær kom hins veg-
ar þokuslæðingur yfir Vesta-
mannaeyjar og urðu miklar
raskanir á flugáætlun.
Dagskráin var með hefð-
bundnu sniði og mest áhersla
lögð á tónlistina og voru flest-
ir mótsgestir sammála um að
hápunktur hátíðarinnar hafi
verið tónleikar Egó á laugar-
dagskvöldið. Vanir þjóðhátíð-
argestir telja að aldrei hafi jafn-
margir safnast í brekkuna fyrir
framan sviðið á laugardagskvöldi
eins og nú. Eftir að hafa tekið nokk-
ur af sínum þekktustu lögum sló
Egó botn í tónleikana með laginu
„Fjöllin hafa vakað“ við mikinn
fögnuð áhorfenda og þegar síðasti
tónninn var sleginn upphófst til-
komumikil flugeldasýning. Sýning-
in var glæsileg og aðstæður góðar
enda gátu íbúar á Suðurlandi notið
sýningarinnar.
Á stóra sviðinu í Herjólfsdal
spiluðu hljómsveitirnar Á móti
Sól, Land og synir og á föstudags-
kvöldinu tróð hljómsveitin Í
svörtum fötum upp og vöktu
mikla hrifningu meðal þjóðhátíð-
argesta á öllum aldri.
„Egó var frábær og Árni [John-
son] rosalegur í gærkvöld. Endur-
koman var frábær. Þetta var
gargandi snilld,“ segir Páll Schev-
ing, formaður þjóðhátíðarnefnd-
ar, himinlifandi
Hann segir hátíðarhöldin hafa
gengið vel þótt nokkur fjöldi
fíkniefnamála hafi komið upp.
Páll segir að hafa verði í huga að
málin hafi flest verið vegna
einkaneyslu og segir að fjöldi
fíkniefnamála beri þess fyrst og
fremst vitni að lögreglan hafi
staðið sig mjög vel í eftirliti.
thkjart@frettabladid.is
Landmælingar Íslands:
Ísland
endurmælt
RANNSÓKNIR Landhnitakerfi Ís-
lands verður endurmælt næstu
tvær vikurnar af Landmælingum
Íslands. Um er að ræða mælingu á
grunnstöðvarnetinu en núverandi
mælistöðvar eru um 119 talsins og
voru síðast mældar fyrir 10 árum.
Grunnstöðvanetið gegnir mikil-
vægu hlutverki í ýmsum verkefn-
um sem snúa að öryggi og stór-
framkvæmdum en vegna hreyfing-
ar landsins er nauðsynlegt að end-
urtaka mælingar reglulega. Áætlað
er að verkinu ljúki 14. ágúst en
þetta er í fyrsta skipti sem Íslend-
ingar sjá alfarið um undirbúning
og framkvæmd mælinganna. ■
■ EVRÓPA
KYNFERÐISLEGA MISNOTKUN
PRESTS Þekktur pólskur prests,
Henryk Jankowski, sem var
einn af leiðtogum Samstöðu,
stjórnmálaafls Lech Walesa, á
níunda áratugnum, hefur verið
vændur um kynferðislega mis-
notkun á fyrrum altarisdreng
sínum.
FLÓÐ Í UNGVERJALANDI Um
hundrað heimili í norðaustan-
verðu Ungverjalandi eru í hættu
þar sem áin Hernad hefur flotið
yfir bakka sína sökum mikilla
rigninga. Íbúar á svæðinu kepp-
ast nú við að gera varúðar-
ráðstafnir til að koma í veg fyrir
frekara tjón af völdum flóða.
AFTAKA
Tyrkneski gíslinn Murat
Yuce tekinn af lífi.
FR
ÉT
TA
B
LA
Ð
IÐ
/Þ
Ó
R
LI
N
D
U
R
BRENNAN Á FJÓSAKLETTI
Tryggvi Þór Hafstein og Jens Þór Jensson
fylgdust með brennunni á Fjósakletti á
föstudagskvöld.
BLYSBORG UM DALINN
Það var tilkomumikil sjón þegar kveikt var
á 130 blysum í hlíðum Herjólfsdals að
loknum brekkusöng á sunnudagskvöld.
Talið er að nálægt tíu þúsund manns hafi
tekið undir með Árna Johnsen.
FR
ÉT
TA
B
LA
Ð
IÐ
/Þ
Ó
R
LI
N
D
U
R
BÚSÆLDARLEGIR Í BLÍÐUNNI
Kristján, Gulli, Gummi, Stefnir úr Garða-
bæ voru búsældarlegir á laugardeginum
og höfðu hengt föt sín til þerris á
tjaldsnúrunum. Þeir sögðu tónleikana
hjá Egó hafa staðið upp úr þjóðhátíðinni.
SÁTTAR EFTIR
GÓÐA HELGI
Mæja og Rannveig frá
Akureyri voru á sinni fyrstu
þjóðhátíð og voru sáttar í
gær. „Þetta var alveg rosa-
lega gaman,“ sögðu þær
og gera ráð fyrir að koma
aftur á þjóðhátíð í Eyjum.
Á LEIÐ Í DALINN
Þessar þrjár stúlkur komu til Eyja á
laugardeginum og voru að koma
sér fyrir á hátíðarsvæðinu upp úr
hádegi á laugardag. Þá lék veðrið
við Eyjamenn og gesti þeirra.