Fréttablaðið - 24.05.2004, Blaðsíða 2
2 24. maí 2004 MÁNUDAGUR
Mjög vel. Hann er mjög þægilegur
í umgengi.
Ingibergur Sigurðsson er kosningastjóri forseta-
framboðs Ástþórs Magnússonar. Ingibergur er
glímukappi mikill og hefur unnið sjö Íslandsmeist-
aratitla á ferli sínum.
SPURNING DAGSINS
Ingibergur, hvernig gengur þér að
glíma við Ástþór?
Þak nýbyggingar á flugvelli hrundi
Allt að sex fórust í slysi á Charles de Gaulle-flugvelli í París í gærmorg-
un. Talið er að hönnunargalli hafi valdið slysinu. Byggingin var opnuð
fyrir minna en ári síðan.
PARÍS, AP Stór hluti þaks nýbygg-
ingar á Charles de Gaulle-flug-
vellinum í París hrundi fyrir-
varalaust klukkan 7 í gærmorg-
un að staðartíma. Að minnsta
kosti fimm fórust og þrír slösuð-
ust. Talið var hugsanlegt að tala
látinna færi upp í sex. Slysið
varð í þrjátíu metra löngum
tengigöngum en fáir voru á ferli
þegar slysið varð.
Yfirvöld sögðu í gær að ekk-
ert benti til þess að um hryðju-
eða skemmdarverk væri að
ræða en yfirgripsmikil rann-
sókn var sett af stað um leið og
slysið varð. Líklegt er að ástæða
slyssins sé hönnunargalli.
Sumir sjónarvottar sögðust
hafa heyrt brak og bresti úr loft-
inu en yfirmaður flugvallarins
sagði ekkert hafa bent til þess
að líklegt væri að þakið gæfi sig.
Þá sáu sumir sementsryk mylj-
ast úr loftinu skömmu fyrir
hrunið.
Álman sem hrundi var opnuð
fyrir aðeins ellefu mánuðum.
Töluverðar tafir urðu á opnun
álmunnar og sögðu franskir fjöl-
miðlar í gær að það hafi meðal
annars komið til þegar eftirlits-
menn urðu vitni af því að ljósa-
virki hrundi úr loftinu.
Álman sem hrundi, álma 2-E,
var álitin djásn flugvallarins og
kostaði yfir sextíu milljarða
króna. Var svæðið einkum notað
fyrir ìfínniî gesti flugvallarins.
Við álmuna voru stæði fyrir
sautján flugvélar en álmunni
hefur nú verið lokað og mun lok-
unin valda auknu álagi og töfum
á flugvellinum. Álmunni sem
hrundi var ætlað að taka við um
tíu milljónum gesta á ári. Slysið
er talið geta haft vond áhrif á
upphaf ferðamannatímabilsins í
Frakklandi.
Jacques Chirac Frakklands-
forseti sagði að nauðsynlegt
væri að komast til botns í ástæð-
um slyssins og vottaði aðstand-
endum þeirra sem fórust samúð
sína í gær. Bæði innanríkisráð-
herrann og samgönguráðherr-
ann rannsökuðu vettvang slyss-
ins í gær.
Að sögn Guðjóns Arngríms-
sonar, upplýsingafulltrúa
Icelandair, hefur slysið ekki
áhrif á ferðir félagsins til París-
ar enda varð það á allt öðrum
stað á flugvellinum en vélar
Icelandair notast við. ■
Nýr forseti kjörinn í Þýskalandi:
Frambjóðandi stjórnar-
andstöðunnar náði kjöri
BERLÍN, AP Horst Koehler er nýr
forseti Þýskalands. Hann var
kjörinn þrátt fyrir andstöðu sósí-
aldemókrataflokks Gerhards
Schröder. Koehler hlaut 604 at-
kvæði gegn 589 atkvæðum Gesine
Schwan, sem naut stuðnings ríkis-
stjórnarflokkanna, á sérstökum
fundi sameinaðs þings Þýska-
lands.
Í sameinuðu þingi hafa kristi-
legir demókratar meira vægi en í
neðri deild þingsins sökum
sterkrar stöðu sinnar í héraðs-
stjórnum víða um landið.
Angela Merker, formaður
kristilegra demókrata, segir kjör
Koehler boða gott fyrir stöðu
hægri og miðflokka í Þýskalandi.
Forsetaembættið í Þýskalandi
er mjög valdalítið. Forsetinn
gegnir skyldum þjóðhöfðingja við
formleg tilefni en er jafnan ekki
þátttakandi í daglegu pólitísku
argaþrasi. Hins vegar er gjarnan
litið til forsetans sem sameining-
artákns og fyrirmyndar í siðferð-
islegum efnum.
Koehler er hagfræðingur og
fyrrum yfirmaður alþjóðagjald-
eyrissjóðsins IMF. Hann á að baki
reynslu innan þýsku stjórnsýsl-
unnar áður en hann tók við störf-
um á alþjóðlegum vettvagni.
Hann er 61 árs gamall.
Johannes Rau, sem var kjörinn
fyrir fimm árum, lætur af emb-
ætti. ■
Noregur:
Verkfalli blaða-
manna lokið
NOREGUR, AP Verkfalli norskra
blaðamanna lauk á laugardags-
kvöld þegar skrifað var undir
nýjan kjarasamning milli blaða-
mannafélagsins og samtaka
blaðaútgefanda. Samningurinn
gildir í tvö ár. Verkfallið stóð í
ellefu daga en deilt var um eftir-
launamál. Deilendur ákváðu að
leggja þann ágreining til hliðar
og láta núgildandi eftirlaunafyr-
irkomulag haldast óbreytt út
samningstímann.
Stærstu dagblöðin í Noregi,
Aftenposten, Verdens Gang og
Dagbladet komu því út í gær eft-
ir tveggja vikna hlé. ■
LANDSBANKINN
Þrír menn eru í haldi lögreglu vegna
bankaránsins í útibúi Landsbankans í Graf-
arvogi.
Bankaránið við Gullinbrú:
Þriðji mað-
urinn í haldi
BANKARÁN 26 ára gamall karlmaður
gaf sig fram við lögreglu í fyrra-
kvöld vegna bankaránsins í Grafar-
vogi á föstudag. Hann var úrskurð-
aður í gæsluvarðhald til 26. maí.
Hann var í vitorði með tveimur
mönnum sem sitja nú þegar í haldi
lögreglunnar. Annar þeirra ógnaði
starfsmanni bankans með öxi og
náðist á hlaupum nokkrum mínút-
um síðar. Hinn var tekinn síðar
sama dag. Karl Steinar Valsson, að-
stoðaryfirlögregluþjónn í Reykja-
vík, telur ekki fleiri viðriðna málið
þó að það hafi ekki verið útilokað. ■
Ráðherra í Ísrael:
Ummæli
valda reiði
JERÚSALEM, AP Yosef Lapid, dóms-
málaráðherra Ísraels, segir að mynd-
ir af eyðileggingu palestínskra heim-
ila minni sig á það sem amma hans
hafi gengið í gegnum í Þýskalandi er
gyðingar voru ofsóttir af nasistum.
Ráðherrann hefur ekki viljað líkja
aðgerðum ísraelskra stjórnvalda
gagnvart Palestínumönnum við hel-
förina en ofangreind ummæli hans
hafa vakið mikla reiði meðal annarra
meðlima ríkisstjórnarinnar.
Ariel Sharon forsætisráðherra
segir ummælin varpa olíu á eld deilna
í landinu og harðlínumenn í röðum
Likúdflokksins vilja að Lapid dragi
samlíkinguna til baka. ■
Breska sendiráðið í Íran:
Mótmæli
vegna her-
námsins í Írak
MÓTMÆLI Í ÍRAN Talið er að um 400
manns hafi mótmælt fyrir fram-
an breska sendiráðið í Teheran í
Íran í gær vegna hernáms
Bandaríkjamanna, Breta og
bandalagsþjóða í nágrannarík-
inu Írak. Fólkið kastaði steinum
að sendiráðinu og krafðist þess
að sendiherra Breta í Íran yrði
vísað úr landi vegna hernáms-
ins. Lögreglan í borginni reyndi
allt sem hún gat til að halda fólk-
inu frá. Mótmælin fóru fram
fyrir utan sendiráð Breta því
Bandaríkjamenn hafa ekki rekið
sendiráð í Íran frá því að þeir
slitu stjórnmálasambandi við
landið árið 1980. ■
Sprengjuárás í Kasmírhéraði á Indlandi
Tuttugu og átta létust og tugir særðust
SPRENGJUÁRÁS Í KASMÍR Tuttugu og
átta manns létu lífið og tugir
særðust í sprengjuárás á rútu í
Kasmírhéraði á Indlandi í gær.
Fórnarlömbin eru hermenn og
fjölskyldur þeirra sem voru í rút-
unni og eru sex konur og tvö börn
á meðal þeirra látnu. Árásin er sú
alvarlegasta í langan tíma, voru
líkin illa leikin og erfiðlega gekk
að bera kennsl á þau. Rútan var að
keyra yfir brú nálægt þorpinu
Lower Munda en búið var að koma
sprengjunni fyrir undir henni.
Árásarmennirnir koma úr röð-
um þeirra sem berjast fyrir að-
skilnaði Kasmírhéraðs frá Ind-
landi og hafa þeir lýst yfir ábyrgð
á árásinni. Árásin átti sér stað að-
eins klukkutíma eftir að nýkjörin
stjórn Manmohan Singh tók við
völdum en eitt af forgangsmálum
ríkisstjórnarinnar er að leysa úr
deilunni um Kasmír. ■
Sovéskur herforingi:
Bjargaði
heiminum
MOSKVA, AP Fyrrverandi yfir-
maður í kjarnorkuvopnasveit-
um Sovétríkjanna hefur verið
heiðraður fyrir að koma í veg
fyrir kjarnorkustríð.
Stanislav Petrov stýrði varn-
arkerfi Sovétríkjanna í septem-
ber 1983 þegar kerfið gaf til
kynna að Bandaríkin hefðu
skotið kjarnorkuflaugum í átt
til Sovétríkjanna. Petrov hafði
innan við 20 mínútur til að
ákveða að skjóta kjarn-
orkuflaugum Sovétmanna eða
aðhafast ekkert. Hann komst að
þeirri niðurstöðu að kerfið
hefði brugðist og gerði því ekk-
ert.
Bandarísku friðarsamtökin
Borgarar heimsins heiðruðu
hann á dögunum fyrir þetta. ■
NÝR FORSETI ÞÝSKALANDS
Horst Koehler þakkar stuðning þingmanna
í sameinuðu þingi Þýskalands í gær eftir
að hann vann atkvæðagreiðslu gegn
Gesine Schwan.
HERMENN OG SJÁLFBOÐALIÐAR VIÐ BJÖRGUNARSTÖRF Í LOWER MUNDA
28 manns biðu bana og tugir særðust þegar sprengjuárás var gerð á rútu í Kasmírhéraði í
gær. Aðskilnaðarsinnar hafa lýst yfir ábyrgð á árásinni.
VIÐ ÁLMUNA SEM HRUNDI
Slökkviliðsmenn og rannsóknarmenn
standa fyrir framan rústirnar af álmu 2E á
Charles de Gaulle-flugvellinum í gær.
MIKIL EYÐILEGGING
Ekki er vitað hvað olli því að þak í álmu 2E
hrundi í gær en fullyrt er að ekki sé um
skemmdar- eða hryðjuverk að ræða.
02-03 23.5.2004 22:44 Page 2