Fréttablaðið - 24.05.2004, Blaðsíða 19
19MÁNUDAGUR 24. maí 2004
Baldur, sjómælingabátur Land-helgisgæslunnar, er nú við
Austfjarðasvæðið, annað árið í röð.
Tilgangur ferðarinnar er að ljúka
við dýptarmælingar á hafsvæðinu
frá Glettinganesi að Hlöðu vegna
endurútgáfu á sjókorti númer 73
sem nær yfir firðina og hafsvæðið
austur af þeim.
Á þriðjudaginn í síðustu viku
kom Baldur til hafnar á Seyðisfirði
og segir Ásgrímur Ásgrímsson,
deildarstjóri sjómælingadeildar, að
þetta hafi verið í fyrsta sinn í 13 ár
og 10 daga sem sjómælingabátur-
inn vitjaði heimahagana. Baldur
var smíðaður í Vélsmiðju Seyðis-
fjarðar á árunum 1990-1991 og var
næstsíðasta skipið sem þar var
smíðað. Við þetta tækifæri fengu
sumir sem komu að smíði bátsins að
skoða hann að nýju, þeirra á meðal
forsvarsmenn Vélsmiðjunnar. Út-
litslega séð hefur Baldur ekki mikið
breyst á þessum 13 árum en ein-
hverjar endurbætur hafa þó verið
gerðar á honum til að báturinn sé
nýtanlegri fyrir sjómælingar.
Á leið frá Seyðisfirði renndi
Baldur yfir flakið af olíuskipinu
El Grillo sem liggur á botni fjarð-
arins rétt utan bryggjunnar og
var fjölgeislamælir bátsins látinn
ganga. Með endurvarpi hljóðs var
hægt að framkalla skýrar myndir
af flakinu. ■
Baldur á heimahaga
24. MAÍ
SJÓMÆLINGABÁTURINN BALDUR
Við höfn á Seyðisfirði en hann var smíðað-
ur í Vélsmiðju Seyðisfjarðar.
PRISCILLA PRESLEY
Leikkonan og ekkja rokkgoðsins Elvis
Presley er 59 ára í dag.
TÍMAMÓT
SJÓMÆLINGABÁTUR LAND-
HELGISGÆSLUNNAR
■ kom til Seyðisfjarðar í fyrsta sinn
í 13 ár.
EL GRILLO
Fjölgeislamælir Baldurs náði skýrum
myndum af flaki olíuskipsins.
FINNBOGI MARINÓSSON
Verður með þætti um hljómsveitina Deep
Purple á Rás 2 næstu fjóra laugardaga.
Hver?
Finnbogi Marinósson ljósmyndari á Ak-
ureyri.
Hvar?
Á Íslandi.
Hvaðan?
Er rokkari úr Breiðholtinu.
Hvað?
Verð með fjóra þætti á Rás 2 sem heita
Sometimes I feel like screaming og þar
verður fjallað um sögu hljómsveitarinnar
Deep Purple. Í þáttunum verður kafað
eins langt aftur og hægt er og fram til
dagsins í dag og hoppað og skoppað
um ferilinn.
Hvenær?
Fyrsti þátturinn fer í loftið 29. maí á
laugardegi klukkan fimm og svo eru þeir
í þrjá laugardaga þar á eftir.
Hvernig?
Ég reyni að láta tónlistina tala og hafa
blaður í lágmarki þó það sé nauðsynlegt
að hafa það með. Þetta eru skemmtileg-
ir og fróðlegir þættir og ég sem áhuga-
maður um rokksöguna hef ég sankað
að mér efni í gegnum tíðina og þangað
sæki ég lög, texta og fróðleik.
Hvers vegna?
Ég vann við dagskrárgerð á Rás 2 í
gamla daga og á Akureyri. Útvarpsþátta-
gerð er skemmtileg og þar sem Deep
Purple er besta bandið ákvað ég að taka
fyrir sögu bandsins þegar mér var út-
hlutað fjórum þáttum á Rás 2. Það var
svo tilviljun að þættirnir skyldu tengjast
komu Deep Purple til landsins.
■ PERSÓNAN
18-55 Tímamót 23.5.2004 17:19 Page 3