Fréttablaðið - 24.05.2004, Blaðsíða 4
4 24. maí 2004 MÁNUDAGUR
Berðu virðingu fyrir Alþingi og al-
þingismönnum?
Spurning dagsins í dag:
Mun forsetinn staðfesta fjölmiðlalög-
in?
Niðurstöður gærdagsins
á visir.is
72%
28%
Nei
Já
KJÖRKASSINN
Farðu inn á visir.is og segðu þína skoðun
visir.is
Nefndir og ráð á vegum ríkisins:
Tíu hæstlaunuðustu með
fimm milljónir hver
ALÞINGI Sá sem fékk hæstu nefndar-
launin á árunum 2001-2003 fékk
nærri tíu milljónir fyrir að starfa í
sjö nefndum. Þetta kom fram í svari
forsætisráðherra við fyrirspurn Jó-
hönnu Sigurðardóttur um nefndir,
ráð og stjórnir á vegum ríkisins.
Á árunum 2001-2003 störfuðu
4.496 manns í verkefnanefndum á
vegum ráðuneyta, þar af 2.897
karlar og 1.599 konur. Opinberir
starfsmenn úr hópi nefndarmanna
voru alls 2.126. Alls voru greiddar
rúmar þrjúhundruð milljónir fyrir
nefndarsetu. Er meðaltalið því
hundrað milljónir á ári.
Alls fengu 1.185 nefndarmenn
greidda nefndarþóknun sam-
kvæmt úrskurði þóknananefndar
þessi ár. Nefndarmenn er fengu
laun sem ekki tóku mið af ákvörð-
un þóknananefndar árin 2001-
2003 voru 108.
Tíu hæstlaunuðustu nefndar-
mennirnir fengu alls rúmar fimm-
tíu milljónir á tímabilinu. Störf-
uðu þeir í þremur til sjö nefndum
hver og fengu á bilinu þrjár til tíu
milljónir.
Alls sátu 706 manns í fleiri en
einni nefnd á tímabilinu, þar af 176
í fleiri en þremur nefndum. Þar sem
um þriggja ára tímabil er að ræða
þarf viðkomandi nefndarmaður
ekki að hafa átt sæti í fleiri en einni
nefnd í einu. Einn átti sæti í tuttugu
og einni nefnd og áttu sautján sæti í
tíu nefndum eða fleiri. ■
Fjölskylda á Bræðraborgar-
stíg óttast um líf sitt
Sambýlisfólki hefur verið hótað lífláti og kveikt var í íbúð þeirra á
fimmtudagskvöld þegar flösku með eldfimu efni var hent inn um
gluggann hjá þeim. Þau telja líf sitt í hættu og hafa kært til lögreglu en
fá ekki vernd þar sem málið er ekki talið nægilega alvarlegt.
ÍKVEIKJA Sambýlisfólk sem fékk
molotoff-kokteil inn um gluggann
á íbúð sinni við Bræðraborgarstíg
á fimmtudagskvöld óttast um líf
sitt. Þau segja lögregluna ekki
vilja aðhafast í málinu og taka
gerandann úr umferð þótt hann
hafi reynt að kveikja í heimili
þeirra og þau hafi fengið lífláts-
hótanir.
Aðdagandi málsins er sá að á
miðvikudagskvöld fór sambýlis-
fólkið, Rakel Þrándardóttir og
Örvar Ólafsson, á skemmtistaðinn
Nasa þar sem Rakel sá til manns
sem hún þekkti til fyrir nokkrum
árum. „Þessi maður hafði gert
mér mjög ljótan hlut sem ég vil
ekki fara út í,“ segir hún. Maður-
inn hennar hafi séð að ekki var
allt með felldu og hafi í kjölfarið
farið og rætt við manninn. „Þeim
lendir saman og við förum heim.
Á sunnudaginn mætir hann hér í
tvígang með öðrum manni. Í fyrra
skiptið börðu þeir allt að utan og
þessi maður braut rúðu í húsinu. Í
seinna skiptið reyndu þeir að
komast upp á aðra hæðina þar
sem við búum og við hringdum á
lögregluna. Mennirnir létu sig
hverfa í kjölfarið,“ segir Rakel.
Um kvöldið ákvað sambýlis-
fólkið að fara á leiklistarsýningu
sem þau áttu miða á. Þau skildu
eftir ljós í íbúðinni.
„Þegar við komum heim aftur
er lögreglan hér og hún sagði okk-
ur að reynt hafi verið að kveikja
í,“ segir Rakel. Hún segir lögregl-
una ekki telja atvikið það alvar-
legt að þau verðskuldi vernd.
Parið segist hafa kært manninn.
„Við vitum það að ef að lögreglan
tekur hann getur málið haldið
áfram að vinda upp á sig. Svona
menn gefast ekkert upp og verða
ennþá reiðari ef þeir eru teknir í
sólarhring og sleppt. Við óttumst
um líf okkar og barnanna okkar
þriggja,“ segir Rakel og bætir við:
„Ég skil ekki að þetta sé ekki nægi-
leg ástæða fyrir handtökuskipun.“
Karl Steinar Valsson, aðstoðar-
lögreglustjóri í Reykjavík, segir
að þar sem enginn hafi verið í
húsinu hafi ekki skapast almanna-
hætta og því ekki um morðtilraun
að ræða. Karl Steinar segir að
málið verði skoðað á morgun,
mánudag. „Það er ekkert nýtt í
þessu máli. Við þurfum að ná tali
af ákveðnum manni en við höfum
ekki viljað kveða sterkar til orða
en það,“ segir Karl Steinar.
gag@frettabladid.is
JOHN SNOW, RITARI BANDARÍSKA
FJÁRMÁLARÁÐUNEYTISINS, RÆÐIR
VIÐ FJÖLMIÐLA
Fjármálaráðherrar sjö helstu iðnríkja heims
hittust í New York um helgina til að ræða
olíuverð í heiminum sem er nú nær sögu-
legu hámarki.
Fjármálaráðherrar sjö iðn-
ríkja heims um hátt olíuverð:
Þrýsta á
OPEC um
meiri olíu-
framleiðslu
AUKINN ÞRÝSTINGUR Á OPEC Fjármála-
ráðherrar sjö helstu iðnríkja heims
juku þrýsting sinn á OPEC, samtök
olíuframleiðsluríkja, til að auka
olíuframleiðslu sína á fundi sínum í
New York í gær. Eru fjármálaráð-
herrarnir að vonast til að það muni
duga til að lækka verð á olíu í heim-
inum sem er um þessar mundir ná-
lægt sögulegu hámarki. Óttast ráð-
herrarnir að vegna þessa háa olíu-
verðs kunni að hægja á hagvexti í
heiminum og því sé nauðsynlegt að
sporna við.
Sádi-Arabar hafa lagt til að sam-
tök olíuframleiðenda (OPEC) auki
framleiðslu sína í tvær milljónir
tunna á dag til þess að jafna sveifl-
ur á markaði og tryggja nægt fram-
boð af hráolíu. OPEC hefur lýst yfir
miklum áhyggjum af háu verði á
olíu en stjórn samtakanna hyggst
ekki taka afstöðu til málsins fyrr en
á formlegum fundi þeirra í Beirút
hinn 3. júní næstkomandi.
Fulltrúar OPEC hafa bent á að
þeir beri ekki einir ábyrgð á mikl-
um verðhækkunum á olíu því þær
megi einnig rekja til aukinnar eftir-
spurnar. ■
MOAMMAR GADDAFI,
LEIÐTOGI LÍBÍU
Talið er að Líbía hafi keypt nálægt tveimur
tonnum af úraníum af Norður-Kóreu-
mönnum til kjarnavopnaframleiðslu.
Norður-Kórea:
Seldi úraní-
um til Líbíu
KJARNAVOPN Líklegt þykir að Norð-
ur-Kórea hefi selt nálægt tvö tonn
af úraníum til Líbíu, sem keypt
voru með það fyrir augum að
framleiða kjarnavopn. Líbía hefur
nú hætt við þau áform.
Diplómatar sem ræddu við AP-
fréttastofuna sögðu að sönnunar-
gögn beindust æ meir gegn Norð-
ur-Kóreu og hætta væri á að fleiri
lönd gætu hafa keypt eldsneyti,
efni og þekkingu til framleiðslu
kjarnavopna frá Norður-Kóreu. ■
REYKJAVÍK Hurð var brotin upp á
heimili í Breiðholti um hálf-
sjöleytið. Enn er óljóst hverju
var stolið en lögreglan í Reykja-
vík var kölluð á staðinn. Þá var
tilkynnt um hund sem hafði verið
lokaður inni í bifreið daglangt og
kom lögreglan honum til bjargar.
Hún tók einnig á þjófnuðum en
lögreglan fæst við nokkra slíka á
dag. Bíll ók af bensínstöð Skelj-
ungs í Grafarvogi án þess að
borga. Þar eru myndavélar og
náðust fínar myndir af verknað-
inum sem leiddu til handtöku.
Tónlistartorg Listahátíðar
í Kringlunni
Dagskrá
í dag kl. 17
Berrössuð á tánum
Anna Pálína Árnadóttir
og Aðalsteinn Ásberg Sigurðsson.
Áskorun á forseta að synja fjölmiðlalögum:
Tæplega 20 þúsund hafa skráð sig
ÁSKORUN Tæplega 20 þúsund manns
höfðu í gær skrifað undir áskorun
til forseta Íslands um að neita að
staðfesta fjölmiðlalögin. Alþingi
kemur saman í dag klukkan 13.30
þar sem atkvæði verða greidd um
lögin. Samþykki þingmenn lögin
verða þau færð Óalfi Ragnari
Grímssyni, forseta Íslands, til und-
irskriftar mjög fljótlega.
Fjölmiðlasambandið stendur
fyrir undirskriftunum, en í því eru
meðal annars Félag bókagerðar-
manna, Blaðamannafélag Íslands,
Rafiðnaðarsamband Íslands og
Verzlunarmannafélag Reykjavíkur.
Róbert Marshall, formaður
Blaðamannafélagsins, segir að allt
frá því á föstudag hafi aðstandend-
ur söfnunarinnar fundið fyrir mikl-
um skriðþunga á heimasíðu söfn-
unarinnar, askorun.is, eftir að ljóst
varð að málið yrði lögfest.
„Þetta hefur gengið mjög vel
um helgina. Það hefur mikið bæst
við og maður sér þetta hækka með
hverri mínútunni sem líður,“ seg-
ir Róbert Marshall.
Hann segir að lengi vel hafi
vonir verið bundnar við að meiri-
hluti þingmanna myndi sjá að sér
og að ríkisstjórnin myndi efna til
samstarfs við hagsmunaaðila um
smíði löggjafar um eignarhald á
fjölmiðlum.
„En óbilgirnin blasir við og mað-
ur finnur að þjóðin er að bylta sér í
þessu máli. Nú er þetta kapphlaup
við tímann. Við munum safna þar
til málið hefur verið afgreitt frá Al-
þingi. Í kjölfarið munum við af-
henda forsetanum undirskriftirn-
ar,“ segir Róbert Marshall. ■
FR
ÉT
TA
B
LA
Ð
IÐ
/Þ
Ö
K
SKEMMDIR EFTIR ÍKVEIKJUTILRAUN
Fimm manna fjölskylda óttast mann sem henti flösku með eldfimu efni inn í íbúð þeirra.
Þau vilja sjá manninn í haldi lögreglu eða fá vernd, en lögreglan telur íkveikjutilraunina
ekki það alvarlega.
DAVÍÐ ODDSSON FORSÆTISRÁÐHERRA
Sá sem fékk hæstu nefndarlaunin á árunum 2001-2003 fékk nærri tíu milljónir fyrir að
starfa í sjö nefndum. Alls voru greiddar rúmar þrjúhundruð milljónir fyrir nefndarsetu. Er
meðaltalið því hundrað milljónir á ári. Þetta kom fram í svari forsætisráðherra við fyrir-
spurn Jóhönnu Sigurðardóttur um nefndir, ráð og stjórnir á vegum ríkisins.
■ LÖGREGLUFRÉTTIR
RÓBERT MARSHALL, FORMAÐUR
BLAÐAMANNAFÉLAGS ÍSLANDS
Maður finnur það að þjóðin er að
bylta sér í þessu máli.
04-05 23.5.2004 22:45 Page 2