Fréttablaðið - 24.05.2004, Blaðsíða 10

10 24. maí 2004 MÁNUDAGUR
LESTARSLYS
Einn maður lést og fjórir slösuðust þegar
tvær flutningalestir rákust á skammt frá
smábænum Gunter í Texas. Að minnsta
kosti tuttugu lestarvagnar gereyðilögðust í
slysinu.
Viðamikil leit að tveimur mönnum í fyrrinótt:
Fundust heilir á húfi
við Grímsvötn
LEIT VIÐ GRÍMSVÖTN Tveir menn
fundust heilir á húfi við Gríms-
vötn um klukkan sjö í gærmorgun
en þeirra hafði verið saknað frá
því á laugardagskvöld. Jeppi
þeirra bilaði og gátu þeir ekki lát-
ið vita af vandræðum sínum því
símasambandslaust var þar sem
þeir voru staddir. Mennirnir voru
í ágætis ástandi en orðnir kaldir
eftir vistina í jeppanum.
Björgunarsveitir Slysavarna-
félagsins Landsbjargar á Austur-
landi, allt frá Bakkafirði til Breið-
dalsvíkur, ásamt Björgunarfélagi
Hornafjarðar og Hjálparsveit
skáta í Reykjavík leituðu að
mönnunum og komu hátt í 50
björgunarsveitarmenn að leitinni.
Snjóbíll Hjálparsveitar skáta
dró jeppann niður af jöklinum í
gærdag. ■
MENNTAMÁL Fjölbrautaskóli Snæ-
fellinga í Grundarfjarðarbæ tekur
til starfa í lok ágúst og ganga bygg-
ingarframkvæmdir vel. Guðbjörg
Aðalbergsdóttir skólameistari seg-
ir að búið sé að ráða í flestar kenn-
arastöður. „Við skólann munu star-
fa um tólf manns, þar af sjö kennar-
ar, og búið er að ráða í flestar stöð-
ur. Innritun nemanda er ekki hafin
en áætlanir gera ráð fyrir að þeir
verði fimmtíu til sextíu. Við byrjum
haustönnina í hluta byggingarinnar
en um áramót verður öll byggingin
tekin í notkun,“ segir hún.
Fjölbrautaskólinn verður leið-
andi í breyttum kennsluháttum.
Mikil vinna hefur verið lögð í hug-
myndafræði skólans og er skóla-
byggingin unnin út frá henni.
„Hugmyndafræðin gengur út á að
nemendur læra að mestu leyti í
gegnum verkefni sem þeir vinna,
annað hvort hver og einn eða í
hópum og verða kennarar þeim til
aðstoðar. Með þessu skipulagi
verður mikil áhersla lögð á ein-
staklingsbundið nám og að auka
sjálfstæði og frumkvæði nem-
enda“, segir Guðbjörg. Stærstu
námsgreinarnar verða kenndar í
staðbundinni kennslu en aðrar
námsgreinar verða kenndar ann-
að hvort í fjarkennslu eða dreif-
kennslu. „Dreifkennsla er blanda
af staðbundinni kennslu og fjar-
kennslu og er ætlunin að fá kenn-
ara víðsvegar af landinu til að
taka að sér að dreifkenna tiltekna
áfanga og þá verður kennarinn
eins konar gestakennari við skól-
ann. Þá kemur hann í einn til tvo
daga í upphafi annar, verður í
sambandi við nemendur í gegnum
kennsluumhverfi og í tölvupósti
en hefur einnig regluleg raun-
tímasamskipti við nemendur til
dæmis með hjálp tölvutækni eins
og MSN,“ segir Guðbjörg.
Jeratún ehf. annast byggingu
skólans en fyrirtækið er bygging-
arfélag í eigu sveitafélaganna á
Snæfellsnesi.
halldora@frettabladid.is
Bresk kona:
Seldi dóttur
sína tvisvar
LONDON, AP Bresk kona sem hefur
játað að hafa selt ófætt barn sitt
tvisvar á netinu var í gær dæmd í
tveggja ára fangelsi. Konan, sem
er 33 ára gömul, græddi 2.500
pund, rúmlega 300.000 íslenskar
krónur, eftir að hafa samþykkt að
láta frá sér barn sitt til paranna
tveggja.
Stuttu áður en konunni fædd-
ist dóttir sagði hún hins vegar
upp báðum samningunum. Þá
voru pörin tvö hins vegar búin að
greiða hluta kostnaðarins og leit-
uðu til lögreglu. Konan var hand-
tekin stuttu eftir að dóttirin
fæddist. ■
Gleypti hníf til að forðast
handtöku:
Fastur í hálsi
í nær ár
KÍNA Maður í Kína gleypti tíu
sentímetra langan hníf til að forð-
ast að vera handtekinn. Læknar í
Kína sögðu að maðurinn væri
heppinn að vera enn á lífi, en hníf-
urinn hafði verið fastur í hálsi
mannsins í átta mánuði. Maðurinn
er á fertugsaldri og gleypti hníf-
inn þegar lögregla réðist inn í
íbúð hans í leit að fíkniefnum.
Hann vildi ekki eiga á hættu að
verða einnig ákærður fyrir að
hafa ólögleg vopn undir höndum.
Maðurinn hélt að hann hefði
náð að gleypa hnífinn að fullu og
að hnífurinn hefði á einhvern hátt
leyst upp í maga hans. Hann fór á
sjúkrahús átta mánuðum síðar því
að hann var farinn að finna til í
hálsinum. Læknar skáru hann upp
um leið og þeir fundu hnífinn og
sögðu að það hafi verið krafta-
verk að maðurinn skuli vera á lífi
og að hann hefði getað látist
hvenær sem er. ■
■ MIÐAUSTURLÖND
Leiguflugstjóri
Atlanta vildi
fljúga á fjall
– hefur þú séð DV í dag?
SNJÓBÍLL FRÁ HJÁLPARSVEITUM
SKÁTA Í REYKJAVÍK
Menn frá Hjálparsveit skáta í Reykjavík
voru meðal þeirra sem tóku þátt í leitinni.
Þeir voru í æfingaferð á jöklinum þegar
beiðnin um leitina barst.
FJÖLBRAUTASKÓLI SNÆFELLINGA Í BYGGINGU
Byggingarframkvæmdir við skólann ganga vel. Skólastarf
hefst í lok ágúst og búið er að ráða í flestar stöður.
Nýr fjölbrautaskóli að
rísa í Grundarfjarðarbæ
Fjölbrautaskóli Snæfellinga tekur til starfa í lok ágúst. Skólinn er í bygg-
ingu og ganga framkvæmdir vel. Búið er að ráða í flestar stöður. Áætl-
aður nemandafjöldi er í kringum fimmtíu til sextíu manns.
Skoðanakönnun
Vef-Þjóðviljans:
Tveir turnar
KÖNNUN Fylgi Sjálfstæðisflokks og
Samfylkingar mælist álíka mikið
samkvæmt skoðanakönnun sem
ParX-viðskiptaráðgjöf IBM gerði
fyrir netmiðilinn Vef-Þjóðviljann.
Sjálfstæðisflokkurinn mælist með
30,6% fylgi, Samfylkingin með
29,9%, Vinstri grænir njóta stuðn-
ings 13,7% og Framsóknarflokk-
urinn hefur 12% fylgi. Stuðningur
Frjálslynda flokksins mælist
5,6%. Úrtakið var 604.
Þá kemur fram í könnuninni að
innan við 30% landsmanna hafa
kynnt sér fjölmiðlafrumvarp rík-
isstjórnarinnar og álíka hátt hlut-
fall segist hlynnt því og andvígt
að svokölluð markaðsráðandi fyr-
irtæki megi einnig eiga ráðandi
hlut í fjölmiðlum sem reka frétta-
stofur. ■
ÞJÓÐVERJI SKOTINN Í RÍAD Þýsk-
ur starfsmaður alþjóðaflugfélags
Sádi Arabíu var skotinn til bana
af óþekktum árásarmanni í Ríad í
gær. Maðurinn var myrtur á vin-
sælli verslunargötu, en yfirvöld
rannsaka hvort morðið tengist
hryðjuverkamönnum.
SÝRLENDINGUR Í SJÁLFS-
MORÐSÁRÁS Sjálfsmorðárás var
gerð við eftirlitsstöð ísraelska
hersins í Nablus á Vesturbakkan-
um í gær. Fyrir utan tilræðis-
manninn sjálfan létust þrír
Palestínumenn og einn ísraelskur
hermaður. Hópur sem tengist al-
Kaída lýsti yfir ábyrgð og sagði
sprengjumanninn sýrlenskan.
GADDAFI FÚLL Moammar
Gaddafi, leiðtogi Líbíu, ákvað í
gær að hann ætlaði ekki að sitja
leiðtogafund arabaríkja lengur.
Gaddafi sagðist vera ósáttur við
dagskrá fundarins, sem hófst í
Túnis í gær, stóð Gaddafi upp í
setningarathöfninni miðri og
gekk á dyr.
Fjarðabyggð:
Fimmtán leiguíbúðir í miðbænum
AUSTURLAND Fyrirtækið Trölla-
borgir í Neskaupstað er nú að
byggja 15 leiguíbúðir í miðbæ
Neskaupstaðar. Íbúðirnar sem
verða 40 til 80 fermetrar, eru í
fyrrum húsi kaupfélagsins og
verða á þremur hæðum. Áætlað
er að það taki 8 mánuði að ljúka
verkinu.
Verslun Samkaupa er á neðstu
hæð hússins en samkvæmt heim-
ildum blaðsins hefur fengist vil-
yrði fyrir því að Magni Kristjáns-
son, sem er að byggja íbúðirnar,
kaupi neðstu hæðina.
Húsið sem um ræðir var reist
um miðja síðustu öld og var til
langs tíma stærsta byggingin í
Neskaupstað. Fyrir nokkrum
árum keypti Magni svokallað
ìinnra kaupfélagî sem er innst
við Hafnarbrautina, gerði það
upp og rekur þar nú Hótel
Capitano.
Til langs tíma hefur verið
mikil eftirspurn á leiguhúsnæði
í Neskaupstað og hefur sú eftir-
spurn aukist frekar en hitt. ■
FRÁ FRAMKVÆMDUM
Verktakar vinna nú hörðum höndum að því að breyta gamla kaupfélagshúsinu í Neskaup-
stað í leiguíbúðir.
Flóð í Puerto Rico:
Hundrað
heimilislaus-
ir
PUERTO RICO, AP Að minnsta kosti
einn lét lífið og yfir hundrað eru
heimilislausir eftir flóð í norður-
hluta Puerto Rico. Flóðin komu í
kjölfar mikillar úrkomu undan-
farna daga. Olli rigningin miklum
aurflóðum og flóðu ár yfir bakka
sína.
Bandaríska veðurstofan sendi
frá sér varnaðartilkynningu vegna
hugsanlegra flóða fram á sunnu-
dag. Veðurstofan í Puerto Rico
spáði áframhaldandi rigningu í dag.
Miklar rigningar hafa verið á þessu
svæði allan maímánuð en fjórar
milljónir eiga þar heimili sín. ■
10-11 23.5.2004 22:38 Page 2