Fréttablaðið - 04.07.2004, Blaðsíða 13
SUNNUDAGUR 27. júní 2004
Hjá okkur færðu lán til að
...kaupa íbúðina
...setja glerskála á svalirnar
...gera við húsnæðið
...eignast sumarhúsið
...fá nýja draumabílinn
...ferðast um heillandi lönd
...kaupa nýju uppþvottavélina
...skipta um sófasettið
og til að gera svo ótal margt fleira
Ráðgjöf og einstaklingsbundin
þjónusta fylgir þér alla leið.
Má bjóða
þér lán?
ÍS
LE
N
SK
A
A
U
G
LÝ
SI
N
G
A
ST
O
FA
N
E
H
F.
/S
IA
.I
S
-
SP
V
2
50
02
06
/2
00
4
SPV - Borgartúni 18 • Hraunbæ 119 • Sí›umúla 1
fijónustuver, sími 5754100
Þú ert
stærri
hjá okkur
Taktu lán
þar sem tekið er vel
á móti þér.
verið að gera það gott í útlöndum.
„Blaðaútgáfa er ekki mikil
gróðavél, ekki síst ef maður hefur
ekki mikinn áhuga á því sem er að
gerast. Þá er þetta ekki þess
virði,“ segir Ísar Logi. „Það er
svolítil einstefna í gangi nú, til
dæmis Nylon, fyrsta íslenska
stelpubandið, sem er að sprengja
alla skala. Það vantar nýtt pönk-
tímabil – svona do it yourself.“
Ísar Logi útilokar ekki frekari
útgáfu á Undirtónum. „Það getur
vel verið að það komi einhvern
tímann út aftur en það verður
ekki á næstunni.“
Sánd afsprengi Prodigy
Tónlistartímaritið Sánd var af-
sprengi Ingibergs Þórs Þorsteins-
sonar. Þegar Ingiberg var þrettán
ára gaf hann, í samvinnu við bróður
sinn og félaga, út Prodigy-blaðið
sem tileinkað var samnefndri
hljómsveit. Þrátt fyrir ungan aldur
var Ingiberg stórhuga og vildi
breikka svið blaðsins. Í maí árið
1999 gaf hann út tímarit-
ið Sánd, sem fjallaði
almennt um tónlist
og var dreift í
2.500 eintökum.
Síðasta tölublað
Sánd kom út á síð-
asta ári og þá var
því dreift í 22 þús-
und eintökum.
Ingi-
berg segir að Sándmenn séu ekki
dauðir úr öllum æðum þótt blaðið
hafi ekki komið út í dágóðan tíma.
Hann er þó ekki viss um að það
komi aftur út. „Ef blaðið kemur
aftur út gerist það ekki fyrr en í
haust,“ segir Ingiberg.
Ekki bara fyrir stelpur
Fyrir tæpum tveimur árum
kom kvennablaðið Orðlaus fyrst
út og er markhópurinn sem fyrr
segir konur á aldrinum 15-30 ára.
„Við höfðum áhuga á að gefa út
blað fyrir ungar konur og sáum
bil á markaðnum,“ segir Steinunn
Helga Jakobsdóttir, ritstjóri Orð-
laus, um tildrög blaðsins en hún er
auk þess einn þriggja eigenda.
„Þetta byrjaði sem áhugamál og
við vildum athuga hvort þetta
gengi ekki upp. Nú er Orðlaus orð-
ið stórfyrirtæki og reksturinn
hefur gengið framar vonum.“
Orðlaus hefur stækkað mikið á
þeim stutta tíma sem það hefur
komið út. Fjórtánda tölublað er
væntanlegt og er blaðinu dreift
með pósti um allt land.
Steinunn segist alltaf finna
fyrir einhverri samkeppni en það
sé ekki síst ef fríblöðin eru mörg.
Efnistök Orðlaus eru eins og í
öðrum blöðum fyrir ungt fólk;
menning, tónlist, tíska og stjórn-
mál auk þess sem allmargir
pistlahöfundar skrifa í blaðið.
Steinunn vill ekki meina að efnis-
tökin séu þau sömu og í öðrum
blöðum þótt efnið skarist stund-
um. „Það er ekkert blað eins
og okkar,“ segir Steinunn og
bætir við að þótt markhóp-
urinn sé stelpur hafi síðasta
Gallup-könnun sýnt að
strákar lesi einnig Orðlaus.
Líka fyrir Íslendinga
Tímaritið Grapevine
hóf göngu sína á síðasta
ári. Jón Trausti Sig-
urðsson ritstjórnarfull-
trúi og Hilmar Steinn
Grétarsson útgefandi
fengu hugmyndina að
blaðinu þegar þeir voru
staddir á dimmum bar í
Prag og áttu í erfiðleik-
um með að rata um borg-
ina. Þegar heim var kom-
ið ákváðu piltarnir að gefa
út blað um íslenska menn-
ingu á ensku, ferðamönnum til
leiðbeiningar um stórborgina
Reykjavík.
„Grapevine er ekki bara bund-
ið við túrista þótt það sé gefið út á
ensku því Íslendingar lesa það
einnig,“ segir Valur Gunnarsson,
sem hefur ritstýrt blaðinu frá
upphafi. Valur sá ritstjórastöðuna
auglýsta á Nonnabitum í Hafnar-
stræti, sótti um og var ráðinn.
„Það komu sex blöð út í fyrra
en í sumar verða þau átta,“ segir
Valur, sem útilokar ekki að blaðið
eigi eftir að koma út á öðrum árs-
tíma.
Ristjórinn segir að rekstur
blaðsins hafi gengið sæmilega. Í
fyrstu reyndist erfitt að fá aug-
lýsendur eins og oft vill verða
með nýja miðla en þeim fjölgaði
eftir því sem blaðið kom oftar út.
„Blaðið er nú búið að festa sig bet-
ur í sessi og við náum að borga
okkur lágmarkslaun,“ segir Valur,
sem nú sér fram á stækkun blaðs-
ins. „Við viljum ekki auka hlutfall
auglýsinga og ætlum því að
stækka það.“
Sex manns starfa nú við
Grapevine, þar á meðal Englend-
ingurinn Robert Jackson sem
gekk til liðs við blaðið á árinu.
Jackson vann áður á BBC en býr
nú hér á landi og vinnur einnig að
gerð barnabókar í samvinnu við
Bubba Morthens.
Endurspegla heim unga
fólksins
Nýjasta blaðið á markaðnum er
Vamm, sem kom út í síðustu viku.
Tímaritið fjallar mikið um tísku
og tónlist en þar má einnig finna
fréttir af erlendum og innlendum
atburðum sem og af samskiptum
kynjanna. Baldur Baldursson er
framkvæmdastjóri Vamm en
hann starfaði á sínum tíma á Und-
irtónum og þekkir því ágætlega til
reksturs slíkra blaða.
„Það hefur ekkert blað sem á
að höfða til unga fólksins staðið
sig eins vel og Undirtónar gerðu.
Blaðið var gefið út í sjö ár og það
leið yfirleitt ekki meira en mánuð-
ur á milli útgáfudaga,“ segir Bald-
ur. „Það höfðu ekki margir trú á
blaðinu í upphafi en saga Undir-
tóna sýnir að það er hægt að
standa í slíkri útgáfu.“
Baldur viðurkennir fúslega að
þau blöð sem hafa komið út á síð-
ustu árum séu keimlík. Hann seg-
ir þau endurspegla þann menning-
arheim sem ungt fólk lifir í. „Við
reynum alltaf að koma einhverju
nýju og fersku að. En það yrði
ákaflega sérhæft blað ef það ætti
til dæmis að sleppa tónlist og
tísku úr blöðunum. Þá myndi blað-
ið höfða til of þröngs hóps og það
gengur ekki upp í jafn litlu samfé-
lagi og við búum í. Aldurshópur-
inn 18-30 ára er sérhæfður hópur
en það er erfitt að þrengja þann
hring meira. Það gengur því mið-
ur bara ekki upp og þess vegna
reyna blöðin að reyna tína til sem
víðtækasta efnið.“
Komin til að vera
Baldur segir að eðlilega sé
rekstur slíkra blaða oft erfiður
enda sé hann háður auglýsingum.
„Stundum er góðæri á markaðn-
um og stundum ekki. Vissulega
getur reksturinn verið erfiður,
sérstaklega þegar um reglulega
útgáfu er að ræða. Það er auðveld-
ara fyrir blöð sem koma óreglu-
lega út því þá er beðið eftir að
auglýsingamagnið sé orðið nægi-
lega mikið í blaðinu,“ segir Bald-
ur. Vamm hyggur á reglulega út-
gáfu og mun blaðið koma út annan
hvern miðvikudag. Baldur segir
að þótt Vamm svipi til þeirra
blaða sem hafi komið út ætli að-
standendur þess að ganga skref-
inu lengra. „Það er kominn tími til
að þessi blöð slíti barnskónum og
láti taka sig alvarlega. Við stefn-
um á að gera það með markvissri
dreifingu og föstum útgáfudög-
um. Ég held að það þýði lítið í dag
að gefa út blað í tíu þúsund eintök-
um og dreifa því á kaffihúsum,“
segir Baldur sem er sannfærður
um að slík slík blöð eigi eftir að
festa sig í sessi. „Ég held að þessi
tegund blaða sé komin til að
vera.“
kristjan@frettabladid.is
BALDUR BALDURSSON
Framkvæmdastjóri Vamm segir að blöð unga
fólksins séu komin til að vera og að góð
dreifing skipti miklu máli. Það þýði ekki leng-
ur að dreifa þeim eingöngu á götunni.
Íslensk götublöð gömul og ný:
Undirtónar
Sánd
Vamm
Grapevine
Orðlaus
12-13 viðskipti 3.7.2004 18:41 Page 3