Fréttablaðið - 21.07.2004, Blaðsíða 8
8 21. júlí 2004 MIÐVIKUDAGUR
FÉLAGSMÁL Tekin voru fyrir átta
mál fyrir Héraðsdómi Reykja-
víkur í gær þar sem Félagsbú-
staðir fóru fram á útburð leigj-
enda sinna. Að sögn Sigurðar Kr.
Friðrikssonar, framkvæmda-
stjóra Félagsbústaða, er í hópn-
um ekki nema eitt mál sem til er
komið vegna brota á húsreglum,
hin munu vera vanskilamál.
Hann segir mál sem upp koma
vera fá miðað við umfang fé-
lagsbústaða sem eigi um 1.700
íbúðir.
„Mál vegna húsreglnabrota
eru svona um 10 á ári. Vanskila-
málin eru heldur fleiri. Því miður
eru alltaf einhverjir sem ekki
geta borgað. Fólki sem sannar-
lega getur ekki staðið undir þess-
ari lágu leigu Félagsbústaða, sem
niðurgreidd er af borginni, er
vísað á Félagsþjónustuna, en
henni ber skylda til að aðstoða
fólk sem þannig er ástatt um,“
segir Sigurður og bætir við að þó
svo að dómur falli um útburð
vegna vanskila sé málum oftast
bjargað við með samningum áður
en til útburðarins kemur.
Sigurður segir að brotum á
húsreglum hafi fækkað mjög síð-
ustu ár. „Ég held að núna komi
upp jafn mörg húsreglnabrot á
ári og þegar við áttum helmingi
færri íbúðir, þannig að fólk er að
læra að ganga þarf um með eðli-
legum hætti og taka tillit til íbúa
sem búa í næsta nágrenni. Eins
er það með leiguna að skil á henni
hafa tekið mjög miklum framför-
um,“ segir hann. ■
SH kaupir breskt félag
fyrir fimm milljarða
Sölumiðstöð hraðfrystihúsanna keypti breskt matvælafyrirtæki sem sér-
hæfir sig í kældum fiskafurðum. Gengi bréfa í SH tók kipp upp við
tíðindin. Forstjórinn segir kaupin í samræmi við stefnumótun félagsins.
VIÐSKIPTI Sölumiðstöð Hrað-
frystihúsanna hefur keypt 80% í
breska matvælafyrirtæki. Fyrir-
tækið, Seachill, selur mikið af
kældum fiskafurðum til verslun-
arkeðjunnar Tesco í Bretlandi.
Kaupverðið er 4,9 milljarðar
króna.
SH á fyrir matvælaverk-
smiðju í Redditch sem selur
afurðir fyrst og fremst til
Marks&Spencer’s-verslunar-
keðjunnar. Verð á bréfum í SH
tóku kipp á markaðinum í gær-
morgun og hækkuðu um meira
en tíu prósent í byrjun dags.
Seachill var stofnað árið 1997
og hefur vöxtur félagsins verið
um tuttugu prósent á ári á síð-
ustu árum.
Í fréttatilkynningu frá SH
kemur fram að sala á kældum
sjávarafurðum hafi vaxið mjög á
síðustu árum og að markaðs-
rannsóknir bendi til þess vöxtur
kælda markaðarins verði áfram
mikill en minni vöxtur verði í
sölu frystra sjávarafurða.
Að sögn Gunnars Svavars-
sonar, forstjóra SH, eru kaupin
liður í þeirri stefnu fyrirtækis-
ins sem mörkuð var árið 1999 að
auka áherslu á sölu kældra
sjávarafurða. Hann segir að SH
hafi þekkt vel til Seachill og for-
ráðamanna félagsins þótt við-
skipti þar í milli hafi ekki verið
mikil. Hins vegar hafi Seachill
átt töluverð viðskipti við ýmsa
íslenska útflytjendur.
Gunnar segir að stórmarkað-
ir á borð við Tesco líti mjög til
þess við val á birgjum að sam-
vinna framleiðenda og seljenda
sé náið og að hægt sé að treysta
á stöðugt framboð af góðu hrá-
efni.
„Menn þurfa að standa sig
virkilega vel að passa að þessi
keðja slitni ekki. Varan er pönt-
uð að morgni og þú verður að
gjöra svo vel að afhenda hana
eftir nokkra klukkutíma. Það
þarf að vera nánast hundrað pró-
sent, þannig gengur til dæmis
ekki að láta veiðarnar ráða,“
segir Gunnar.
Hann segir SH hafa áður fyrr
haft það markmið að selja vörur
fyrir íslenska framleiðendur en
nú sé áherslan lögð á að veita
viðskiptavinunum þjónustu.
„Við erum ekki, eins og við vor-
um í gamla daga, sölusamtök að
reyna að selja fyrir framleiðend-
ur heldur erum við að tryggja
framboð til okkar kúnna,“ segir
hann.
thkjart@frettabladid.is
LANDBÚNAÐUR „Það verður ekkert
fundað vegna þessa máls fyrr en
stjórnarmenn eru komnir til baka
úr sumarfríum sínum,“ segir
Hörður Harðarson, stjórnarfor-
maður Mjólkurfélags Reykjavík-
ur, en margir félagsmenn krefjast
rannsóknar á meintum brotum
fyrrverandi stjórnarformanns,
Kristins Gylfa Jónssonar.
Athugasemdir eru gerðar
varðandi hátt peningalán frá MR
til svínabús Kristins og önnur
lánsviðskipti við fyrirtæki Krist-
ins eru einnig talin grunsamleg
og verðskulda frekari rannsókn.
Um tugi ef ekki hundruð milljóna
er að ræða í þessu sambandi og
segir í skýrslu sem tekin var
saman vegna málsins að ljóst
megi vera að Kristinn og fyrr-
verandi framkvæmdastjóri MR.
Sigurður Eyjólfsson, hafi brotið
gegn félaginu.
Hörður vildi ekki tjá sig að
öðru leyti um málið en stjórn fé-
lagsins kemur næst saman um
miðjan ágúst. Þá verður tekin
ákvörðun um framhaldið og er
ekki loku fyrir það skotið að mál-
ið verði sent lögreglu til rann-
sóknar. ■
Meint brot fyrrum stjórnarformanns Mjólkurfélags Reykjavíkur:
Stjórnin fundar um miðjan ágúst
SVONA ERUM VIÐ
ÞORSKAFLI Í JÚNÍ EFTIR
LANDSVÆÐUM
Höfuðborgarsvæði 370 tonn
Suðurnes 1.630 tonn
Vesturland 2.005 tonn
Vestfirðir 3.475 tonn
Norðurland vestra 1.389 tonn
Norðurland eystra 1.687 tonn
Austurland 2.528 tonn
Suðurland 782 tonn
Lögsækir son sinn
út af Svarta dauða
Sonur minn rændi
mig ævistarfinu
– hefur þú séð DV í dag?
REYKJAVÍK
Félagsbústaðir Reykjavíkur eiga og reka um 1.700 íbúðir í borginni. Að jafnaði koma um
10 mál vegna brota á húsreglum til kasta dómstóla á ári hverju,
eða í tæplega 0,6 prósentum tilvika.
Félagsbústaðir Reykjavíkur:
Húsreglnabrotum fækkar
HÖRÐUR HARÐARSON
Meint lögbrot fyrrverandi stjórnarformanns
verða ekki tekin fyrir fyrr en að afloknum
sumarfríum um miðjan ágúst.
GUNNAR SVAVARSSON
Forstjóri Sölumiðstöðvar hraðfrystihúsanna segir kaupin á Seachill vera í samræmi við
stefnu félagsins frá því árið 1999.
08-09 20.7.2004 20:47 Page 2