Fréttablaðið - 10.08.2004, Blaðsíða 4
4 10. ágúst 2004 ÞRIÐJUDAGUR
Ögmundur Jónasson:
Ósammála Evrópusinnum
EVRÓPUSAMBANDIÐ „Ég ber fulla virð-
ingu fyrir þeim sem vilja ganga í
Evrópusambandið en er þeim ósam-
mála,“ segir Ögmundur Jónasson,
þingmaður Vinstri grænna, varðandi
yfirlýsingu Halldórs Ásgrímssonar,
formanns Framsóknarflokksins, á
fundi forsætisráðherra Norðurland-
anna á sunnudag. Þar lýsti Halldór
því yfir að Íslendingar hygðust taka
meiri þátt í starfi Evrópusambands-
ríkjanna á Norðurlöndunum og
Balkanskaga.
„Öðru máli gegnir um þá sem í
rauninni vilja ganga þar inn en þora
ekki að segja það beint út, gefa það í
skyn að annað sé í kortunum en raun
ber vitni. Þetta er náttúrulega dæmi-
gert um framgöngu Framsóknar-
flokksins,“ segir Ögmundur.
„Forusta Framsóknarflokksins er
sífellt að gefa til kynna að við kunn-
um að ná einhverri allt annarri niður-
stöðu en aðrar þjóðir hafa náð ef við
göngum inn í ESB. Í því sambandi
nefni ég sérstaklega sjávarútvegs-
stefnuna. Ég held að við þurfum
hreinlega að gera það upp við okkur
hvort við viljum ganga inn í þetta sí-
vaxandi evrópska stórrík,i með allri
þeirri miðstýringu og reglugerðar-
verki sem því fylgir, eða hvort við
viljum koma fram sem fullvalda þjóð
og hafa góð samskipti við Evrópu
sem aðra hluta heimsins,“ segir Ög-
mundur.
„Það gleymist stundum að til eru
önnur ríki og aðrir markaðir en í Evr-
ópu, sem bjóða upp á mikla mögu-
leika fyrir Íslendinga. Ég hef miklar
efasemdir um þá einangrunarstefnu
sem ESB býður upp á.“ ■
Fellibylur valdur
að hitabylgju
Hitinn fór víða vel yfir tuttugu gráður í gær. Búist er við áframhaldandi
hlýindum fram á sunnudag. Leifar fellibylsins Alex sem liggja vestan
Írlands dæla heitu lofti til landsins, að sögn veðurfræðings.
VEÐUR „Þetta er hitabylgja sem er
komin hingað og verður næstu
daga,“ segir Björn Sævar Einars-
son, veðurfræðingur á Veðurstofu
Íslands. „Það hafa áður komið hita-
bylgjur hingað til lands en þessi
gæti orðið óvenjumikil.“
Hitinn náði 26 gráðum í Skafta-
felli á hádegi í gær en hitinn mæld-
ist víða vel yfir tuttugu gráður. Í
höfuðborginni mældist hitinn rúm-
lega tuttugu gráður og komst nærri
hitameti ágústmánaðar í borginni.
Mikill hiti mældist víða á hálend-
inu, til að mynda fór hitinn í 22
gráður við Kárahnjúka.
Björn Sævar býst við hlýindum
að minnsta kosti fram á sunnudag
og telur að álíka hlýtt verði í veðri
næstu daga og var í gær. Björn
Sævar býst þó við sólríkari degi í
dag en í gær.
Búast má við hlýindum um allt
land en Björn Sævar segir hita-
bylgjuna smám saman að færast
yfir landið. Svalara verði þó á
annesjum þar sem þokulofts gæti,
sérstaklega austanlands.
Björn Sævar segir hlýja loftið
berast suðaustan úr hafi. Hluti þess
hafi borist með leifum af fellibyln-
um Alex sem sitji vestan Írlands og
dæli hlýju lofti í norðurátt yfir
Atlantshafið hingað til lands.
helgat@frettabladid.is
Uppgjör Marels í dag:
Góðar tölur
væntanlegar
VIÐSKIPTI Í dag verður birt upp-
gjör Marels fyrir annan ársfjórð-
ung. Búist er við því að afkoma
félagsins sé betri nú en nokkru
sinni fyrr.
Greiningardeildir bankanna
spá félaginu á bilinu 1,6 til 2,7
milljónum evra í hagnað á síð-
asta ársfjórðungi (um 150 til 250
milljónir króna). Almennt er
talið að uppgjörið verði við efri
mörk þessara spáa.
Bréf í Marel hafa hækkað um
tæp 90 prósent á þessu ári. Í gær
hækkuðu bréfin um 1,96 pró-
sent. ■
Kaffihús:
Brjálað að
gera
VEÐUR „Það er yfirleitt brjálað að gera
þegar veðrið er svona gott,“ segir
Helena Björk Þrastardóttir, þjónn á
kaffihúsinu Kaffibrennslunni við
Austurvöll.
Helena segir bjórsöluna meiri
þegar sólin skín og hlýtt er í veðri.
„Íste hefur líka selst mikið í sumar,“
segir Helena. Eftirspurn eftir heitum
drykkjum sé þó svipuð og þegar verr
viðrar. ■
Tókstu þátt í hátíðarhöldum
vegna Hinsegin daga?
Spurning dagsins í dag:
Á Ísland að ganga í Evrópusambandið ná-
ist hagstæðir samningar um sjávarútveg?
Niðurstöður gærdagsins
á visir.is
82,09%
17,91%
Nei
Já
KJÖRKASSINN
Farðu inn á visir.is og segðu þína skoðun
visir.is
Leigubílstjórar:
Bílstjórarnir
hverfa
VEÐUR „Við höfum yfirleitt meira að
gera þegar veðrið er gott,“ segja
Helgi Jónsson, Eva Magnúsdóttir og
Þorfinnur Finnlaugsson leigubílstjór-
ar en þau biðu viðskiptavina í
Lækjargötu í gær.
Helgi segir færri leigubíla á ferð-
inni þegar veðrið er mjög gott. „Bíl-
stjórarnir hverfa svolítið í svona góðu
veðri, ætli konurnar hringi ekki og
kalli þá heim,“ segir hann.
Leigubílstjórarnir þrír telja ekki
að fólk gangi frekar milli staða í góðu
veðri. „Fólk er meira á ferðinni í góða
veðrinu, til dæmis eldri borgarar.“ ■
LEIGUBÍLSTJÓRAR
Strætisvagnarnir:
Mismargir í
strætó
VEÐUR „Það er mjög misjafnt hversu
margir taka strætó,“ segir Styrmir
Jónsson strætisvagnabílstjóri.
Styrmir segir marga á leiðinni niður í
bæ í góða veðrinu en verður þó ekki
var við mikla aukningu viðskiptavina
þegar veðrið er gott.
„Sumir eru að flýta sér, aðrir
ekki,“ segir Styrmir aðspurður um
hvort afslappaðra andrúmsloft ríki í
strætó í góðu veðri. Styrmir segir
marga taka strætó á sumrin þrátt
fyrir að skólarnir starfi ekki. „Þá
koma ferðamennirnir auk þess sem
margir eru í fríi.“■
STYRMIR JÓNSSON
Bankaútibú:
Eins og aðrir
dagar
VEÐUR „Við verðum vör við að það eru
mjög margir í bænum,“ segir Guðrún
R. Kristinsdóttir, þjónustufulltrúi í
KB banka í Austurstræti. „Margir
eru að nota góða veðrið og kíkja þá
hugsanlega við í leiðinni.“
Guðrún telur veðurblíðu þó ekki
hafa mikil áhrif á fjölda viðskiptavina
í bankanum. „Þetta er bara eins og
aðrir dagar,“ segir Guðrún. „Það er
frekar að færri geri sér ferð í bank-
ann þegar veðrið er vont.“
GUÐRÚN R. KRISTINSDÓTTIR
HELENA BJÖRK ÞRASTARDÓTTIR
HLÝINDI
Hitinn mældist tuttugu gráður í Vesturbæ
Reykjavíkur klukkan fjögur í gær.
GOTT VEÐUR
Þessi herramaður naut veðurblíðunnar í miðborginni í gær.
REIÐTÚR Í ELLIÐAÁRDAL
Þessir ungu reiðmenn riðu út í
Elliðaárdal í gær enda einn hlýjasti
dagur sumarsins.
Söluturn:
Meiri sala
VEÐUR „Það kemur um það bil tutt-
ugu sinnum fleira fólk hingað inn
þegar veðrið er gott,“ segir Iðunn
Ásgeirsdóttir, starfsmaður sölu-
turnsins London við Austurstræti.
Að sögn Iðunnar selst mest af
ís og pylsum í góðu veðri, ólíkt því
þegar verr viðrar en þá sé mest
keypt af sígarettum og Lottómið-
um. ■
IÐUNN ÁSGEIRSDÓTTIR
ÖGMUNDUR JÓNASSON
Ögmundur er ósammála Evrópusinnum þó
svo að hann beri fyrir þeim fulla virðingu.
04-05 9.8.2004 22:02 Page 2