Fréttablaðið - 10.08.2004, Blaðsíða 8

8 10. ágúst 2004 ÞRIÐJUDAGUR
Forstjórar á mótorhjólum:
Láta veðrið ráða för
FERÐALÖG „Það er nánast komin hefð
á þetta og við erum hvergi nærri
hættir enn,“ segir Gylfi Árnason,
forstjóri Opinna kerfa, en hann var
á ferð um landið um síðustu helgi
ásamt Jónasi G. Jónassyni, for-
stjóra Mode. Ferðast þeir báðir um
leðurklæddir frá toppi til táar enda
þeysa þeir um á mótorhjólum, Gylfi
á Kawasaki og Jónas á Harley
Davidson.
Gylfi segir þá félaga ákveða slík-
ar reisur fyrirvaralaust en þetta er
annað árið í röð sem þeir þeysa af
stað frá Reykjavík án þess að vita
fyrir víst hvar þeir enda. „Við
ákveðum slík ferðalög ekki með
neinum fyrirvara heldur hendumst
á hjólin og tökum stefnuna þangað
sem veðurfræðingar segja veðrið
hvað best þá stundina.“
Þeir félagar voru á Egilsstöðum
á laugardaginn og voru þá nýkomn-
ir frá Kárahnjúkum þar sem þeir
skoðuðu virkjunarframkvæmdirn-
ar. Eru þeir báðir verkfræðingar að
mennt og sögðu upplifun að hafa
barið svæðið augum. „Hvort sem
fólk er með eða á móti framkvæmd-
inni er alveg óhætt að mæla með
ferð þangað upp eftir. Þarna er
margt athyglisvert að gerast og í
raun ómögulegt að sjá hversu viða-
mikið þetta er fyrr en viðkomandi
hefur komið á staðinn og virt allt
fyrir sér.“ ■
VIÐSKIPTI Ekki er ákveðið hvenær
Actavis verður skráð á hluta-
bréfamarkað í Lundúnum en það
verður ekki fyrr en eftir áramót
og hugsanlega ekki fyrr en eftir
að ársreikningur ársins 2004 ligg-
ur fyrir.
Allur undirbúningur fyrir
skráninguna gengur vel og starf-
ar félagið nú þegar samkvæmt
þeim reglum sem gilda á markaði
í Lundúnum.
Að sögn Róberts Wessman, for-
stjóra Actavis, taka nýjar upp-
gjörsreglur gildi á Englandi um
áramót og myndi skráning á
markað fyrir þann tíma fela í sér
mikinn kostnað þar sem félagið
þyrfti þá að leggja fram fjárhags-
upplýsingar samkvæmt tveimur
ólíkum uppgjörsaðferðum.
Afkoma Actavis á öðrum árs-
fjórðungi var kynnt í gær og er
hún nokkurn veginn í samræmi
við væntingar greiningardeilda
bankanna. Rekstrarhagnaður á
tímabilinu nam 13,9 milljónum
evra, eða um 1,2 milljörðum ís-
lenskra króna. Á öðrum ársfjórð-
ungi í fyrra var hagnaðurinn örlít-
ið meiri en nú. Það sem af er ári er
hagnaður Actavis rúmlega 9 pró-
sent hærri en fyrstu sex mánuð-
ina í fyrra.
Bréf í Actavis hækkuðu um tæp
tvö prósent í Kauphöll Íslands í
gær. Meðal þess sem dregur úr
hagnaði nú er að kostnaður vegna
nafnabreytingar, um 250 milljónir
króna, er allur gjaldfærður á síð-
ustu þremur mánuðum.
Sala á árinu er heldur minni en
áætlanir gerðu ráð fyrir. Að sögn
Róberts er það meðal annars
vegna reglubreytinga í Búlgaríu
en þar stendur nú yfir vinna við
að ákvarða hvaða lyf fáist endur-
greidd hjá almannatryggingum.
Stór hluti tekna Actavis verður til
í Búlgaríu þar sem félagið á lyfja-
verksmiðju. Á meðan óvissu-
ástand sé uppi hafi flest fyrirtæki
á Búlgaríumarkaði þurft að þola
samdrátt í sölu. Hann segist þó
telja að þegar endanlegar reglur
liggi fyrir verði þær Actavis ekki
óhagstæðar.
Að sögn Róberts hafa kaup
Actavis á tyrkneska lyfjafyrir-
tækinu Fako í byrjun árs gert það
að verkum að samsetning út-
gjalda hefur breyst. Kostnaður
við markaðssetningu vex hraðar
en önnur útgjöld. Róbert segir
þetta meðal annars stafa af því að
lyfjamarkaðurinn á Tyrklandi sé
þess eðlis að mun meiri markaðs-
setningu þurfi gagnvart læknun-
um sjálfum en annars staðar bein-
ist hún í meiri mæli að heildsölum
og öðrum milliliðum.
Actavis stefnir á áframhald-
andi vöxt á öllum sviðum. Bæði
við framleiðslu og þróun lyfja og
einnig með yfirtökum á öðrum
fyrirtækjum. Þar líta stjórnendur
til markaða í Evrópu og Norður-
Ameríku en líklegt er að stór
skref verði ekki stigin í þá átt fyrr
en eftir skráningu og hlutafjárút-
boð á hlutabréfamarkaði í Lund-
únum.
thkjart@frettabladid.is
Byssumaður á Reykhólum:
Óvíst um ákæru
LÖGREGLA Ekki hefur verið ákveðið
hvort máli manns sem skaut um
tíu skotum á tvö hús á Reykhólum
um verslunarmannahelgina ljúki
með sektargreiðslu eða ákæru, að
sögn Þórólfs Halldórssonar, sýslu-
manns á Patreksfirði.
Maðurinn hefur játað að hafa
skotið af byssum á húsin og telst
málið upplýst. Annað húsanna var
mannlaust en fólk var sofandi í
hinu húsinu, þar sem skotið var í
gegnum hurð og rúðu.
Maðurinn fannst um sólar-
hring seinna í Reykjavík, heima
hjá manni sem hafði á annað
hundrað kannabisplöntur á heim-
ili sínu. Sá hefur játað eign kanna-
bisplantnanna og bíður nú ákæru.
Banamaður móður
vill ekki að börnin fái
bætur
Ýtti
Svanhildi
fram af
svölum
á Kanarí
– hefur þú séð DV í dag?
1960
200 lítrar
1970 1980 1990 2000 2002
SVONA ERUM VIÐ
NEYSLA GOSDRYKKJA Á
HVERN ÍBÚA LANDSINS
HEIMILD: HAGSTOFA ÍSLANDS
100
125
150
175
50
75
25
Í BLÍÐU Á EGILSSTÖÐUM
Frá Egilsstöðum tóku forstjórarnir stefnuna norður í land að Dettifossi, þann daginn var
veðurspáin best á þeim slóðum.
FR
ÉT
TA
B
LA
Ð
IÐ
/G
VA
Krufning í morðmáli:
Fyrstu niður-
stöður í dag
LÖGREGLA „Krufningu er lokið en
við fáum ekki endanlegar niður-
stöður hennar fyrr en síðar,“ seg-
ir Hörður Jóhannesson, yfirlög-
regluþjónn í Reykjavík, um gang
rannsóknar á morði Sri
Rahmawati. Hörður segir að bú-
ast megi við bráðabirgðaniður-
stöðum krufningarinnar í dag.
Rannsókn málsins stendur enn
yfir. Hákon Eydal hefur játað
morðið og vísaði lögreglu á hraun-
sprungu sunnan við Hafnarfjörð
þar sem hann kom líki Sri fyrir.
Áður hafði Hákon villt um fyrir
lögreglu þar sem hann sagðist
hafa varpað líkinu í sjóinn við
Presthúsatanga á Kjalarnesi. ■
KEYRÐI AFTAN Á VÖRUBÍL Sendi-
ferðabíll skemmdist mikið þegar
honum var ekið aftan á vörubíl
skammt sunnan við Sauðárkrók í
gær. Að sögn lögreglunnar á
Sauðárkróki fór sendiferðabíllinn
út af veginum og hékk fram af
vegkanti, en bratt er þar fyrir
neðan. Ökumaður sendiferðabíls-
ins virðist hafa veitt því of seint
athygli þegar vörubíllinn hægði á
sér. Vörubíllinn er óskemmdur
eftir áreksturinn. ■
TÖLVUR OG TÆKNI Microsoft á Ís-
landi kynnti í gær íslenska út-
gáfu Office 2003 hugbúnaðar-
vöndulsins, auk íslenskrar út-
gáfu Windows XP stýrikerfisins.
Elvar Steinn Þorkelsson,
framkvæmdastjóri Microsoft á
Íslandi, segir að fyrst í stað gæti
áhrifa íslenska viðmótsins einna
mest í menntakerfinu, en viðtök-
ur í fyrirtækjum hafi einnig ver-
ið mjög góðar. „Við teljum að
fólki gangi betur að nýta sér hug-
búnaðinn og þetta stuðli að fram-
leiðniaukningu,“ segir hann.
Þýðingin nú er sögð frábrugð-
in fyrri tilraunum til þýðingar,
bæði í aðdraganda og tækni. Ís-
lensk útgáfa Windows 98 þótti
misheppnuð, hún var unnin að
undirlagi stjórnvalda. Microsoft
stendur eitt að baki þýðingunni
nú. „Microsoft telur mikilsvert
að fyrirtæki skili einhverju aftur
til þjóðfélagsins,“ sagði Elvar og
bætti við að hugsunin væri með-
al annars sú að hver króna sem
keypt væri fyrir hjá Microsoft,
skilaði sér margfalt til samfé-
lagsins. „Í gegnum hugbúnaðar-
iðnaðinn, með auknum útflutn-
ingi, með framleiðniaukningu,
o.s.frv.“
Elvar benti á að Microsoft á
Íslandi notaði nú einnig tæki-
færið og kynnti smálegar við-
bætur aðrar, svo sem stafsetn-
ingar- og yfirlestrartól, sem
hingað til hafi þurft að greiða
sérstaklega fyrir. ■
Ríkisstjórn Súdans:
Hittir upp-
reisnarmenn
EGYPTALAND, AP Súdanska ríkis-
stjórnin tekur þátt í friðarviðræð-
um um málefni Darfur-héraðs sem
haldnar verða í Nígeríu 23. ágúst.
Afríkusambandið tilkynnti að
ríkisstjórnin hefði fallist á að
ræða við uppreisnarmenn. Við-
ræðunum stjórnar forseti sam-
bandsins, Olusegun Obansajo.
Síðast runnu friðarviðræðurnar
út í sandinn um miðjan júlí þegar
uppreisnarmennirnir gengu út af
fundi og sökuðu stjórnvöld um að
sniðganga þá.
Um 30 þúsund manns hafa lát-
ist og um ein milljón manna flúið
heimili sín vegna ófriðarins. ■
Ekki á markað fyrr
en eftir áramót
Actavis verður ekki skráð á hlutabréfamarkað í Lundúnum fyrr en eftir
áramót. Hagnaður á fyrstu sex mánuðunum í ár er meiri en í fyrra en
hægar gengur að byggja markaði í Búlgaríu en vonir stóðu til.
RÓBERT WESSMANN FORSTJÓRI
ACTAVIS
Félagið kynnti rekstrarniðurstöður fyrstu
sex mánuði ársins á fundi í gær. Afkoman
er í samræmi við væntingar bankanna.
AFKOMA ACTAVIS Á ÖÐRUM
ÁRSFJÓRÐUNGI
Spár greiningardeilda
KB banki 11,6
Landsbanki 14,8
Íslandsbanki 15,0
Niðurstaða 13,9
Tölur í milljónum evra
Nýjungar hjá Microsoft:
Betra að vinna á íslensku
ELVAR STEINN ÞORKELSSON
Framkvæmdastjóri Microsoft á Íslandi segir
að stefnubreyting hafi átt sér stað hjá
Microsoft sem leggi nú mikið upp úr því að
gott gengi fyrirtækisins skili sér aftur til sam-
félagsins með einum eða öðrum hætti.
SAMIÐ VIÐ HONG KONG Loft-
ferðasamningur milli Íslands og
Hong Kong var í undirritaður í
gær. Loftferðasamningur er
eftirsóknarverður þar sem Hong
Kong er næstmikilvægasta mið-
stöð loftflutninga í Asíu. Samn-
ingurinn heimilar flugfélögum Ís-
lands og Hong Kong meðal ann-
ars að stunda reglubundið áætl-
unarflug með farþega, farangur,
frakt og póst á milli landanna.
■ LÖGREGLUFRÉTTIR
■ SAMGÖNGUR
08-09 9.8.2004 21:18 Page 2