Fréttablaðið - 10.08.2004, Blaðsíða 18

Haltu heilsunni í lagi með því að byrja morguninn vel.
Syngdu í sturtunni, stilltu á útvarpsstöð sem kemur þér til
að hlæja og reyndu að skipuleggja að minnsta kosti einn
skemmtilegan hlut til að gera um daginn.
Getur maður gert of mikið af hinu
góða? Ég fór að velta þessu fyrir
mér og niðurstaða mín er sú að
það fer eftir því hvað maður kall-
ar hið góða. Ég veit um marga
sem tala um „hið ljúfa líf“ og eiga
þá við áfengisdrykkju, stórar
steikur, vindlareykingar og annað
í þeim dúr. En það kallast frekar
auðvelt en gott og ef það er gott er
svo sannarlega hægt að gera of
mikið af hinu góða. Sjálfum finnst
mér gott að fá eitt og eitt
súkkulaðistykki en ég veit að of
mörg valda mér magaverkjum og
jafnvel timburmönnum daginn
eftir. Hið góða getur því vart
tengst neyslu, því of mikil neysla
endar yfirleitt með þjáningum.
En hvað með bænir og hugleiðslu?
Ég veit ekki til þess að sönn hug-
leiðsla hafi leitt annað en gott af
sér. Samkennd, fyrirgefning og
almenn gæska eru eiginleikar
sem hægt er að rækta og þeir eru
alltaf af hinu góða. Varla fer
nokkur maður að telja annan af
því að rækta með sér kærleika.
Spurningin um hið góða er því
alltaf huglæg og ekki er hægt að
svara henni nema að meta að-
stæður hverju sinni. Til þess að
komast að niðurstöðu er gott að
hugsa fram í tímann og meta lang-
tímaafleiðingar. Hið góða skilar
sér yfirleitt í hamingju og hóf-
sömu lífi. Hið auðvelda skilar sér
hins vegar í skammtímaánægju
en til lengri tíma skapar það erfið-
leika og þjáningar. Í þeim skiln-
ingi er varla hægt að gera of mik-
ið af hinu góða eða hvað...? ■
Líkami og sál
GUÐJÓN BERGMANN, JÓGAKENNARI
OG RITHÖFUNDUR, SKRIFAR UM MUNINN
Á HINU GÓÐA OG HINU AUÐVELDA.
Of mikið af hinu góða?
gbergmann@gbergmann.is.
YGGDRASILL, KÁRASTÍG 1, 101 RVK., S: 5624082
- þar sem þú getur treyst á gæðin -
Lífrænt ræktaðar vörur
Algengasta vandamál fólks í dag
er verkir í herðum og öxlum og má
rekja það að miklu leyti til þess að
fólk situr allan daginn við skrif-
borð án þess að vera meðvitað um
vinnustöðu sína eða hreyfingar-
leysi.
„Við erum sköpuð til að vera á
hreyfingu og þolum illa að vera
lengi í kyrrsetu,“ segir Emilía
Borgþórsdóttir, sjúkraþjálfari og
æfingastjóri Hreyfigreiningar.
Hún segir það alveg nauðsynlegt
að vera dugleg að skipta um stöðu
því næsta staða er alltaf besta
staðan. Fólk á að standa reglulega
upp og ekki sakar að drekka mikið
vatn. Það hefur tvíþætt gildi og
annað þeirra að maður þarf oft að
fara á klósettið og neyðist því til
að standa upp.
Gott er að gera hléæfingar eins
og teygjur fyrir hálsinn, herðarn-
ar og handleggina og rétta vel úr
brjóstkassanum.
„Þegar unnið er fyrir framan
sig er tilhneigingin sú að verða
álútur,“ segir Emilía.
Hún ráðleggur fólki að finna
muninn á spennu og slökun með
því að setja axlir upp að eyrum og
láta þær svo detta niður. Jafn-
framt er mikilvægt að sitja alltaf
beinn í baki.
Emilía segir helstu mistökin
sem fólk geri að festa sér stellingu
í stólnum og halda sig við hana.
„Mikilvægt er að átta sig á því að
skrifborðsstólarnir hafa þann kost
að hægt er að stilla þá til að létta á
álagi á líkamann. Maður á alls ekki
að vera eins birnirnir þrír og Gull-
brá og halda sig alltaf við sömu
stellinguna,“ segir Emilía.
Álagið á hryggjarsúluna er
töluvert í sitjandi stöðu. Því skipt-
ir miklu máli að nýta þau hjálpar-
tæki sem eru allt í kring og nýta
sér stillingar sem þau hafa upp á
að bjóða.
kristineva@frettabladid.is
Rétt vinnustaða:
Forðastu að hegða þér
eins og bangsarnir þrír
Gott er að gera hléæfingar eins og
teygjur fyrir hálsinn, herðarnar og hand-
leggina og rétta vel úr brjóstkassanum.
Grunnatriði við skjáinn:
● Stillið hæð sætis þannig að upphandleggir hangi lóðrétt og beygið olnboga um 90˚
● Haldið úlnliðum í miðstöðu (miðstaða í úlnliðum = bein lína frá olnboga og fram)
● Notið bakstuðning við mjóbak
● Hné og mjaðmir sem næst 90˚
● Fætur eiga að hvíla í gólfi svo jafnvægið sé gott, notið fótskemil ef þörf er á
● Hafið skjáinn 40 til 60 cm frá ykkur
● Stillið skjá þannig að efri brún hans myndi 5-15˚ horn niður á við miðað við augn-
hæð
● Nýtið skjalahaldara, best er fyrir hálsinn að vera í miðstöðu (miðstaða í hálsi = örlítil
sveigja, hakan inn og langur háls)
Foreldrar gegna lykilhlutverki í
orsök þess að barn verður of
þungt. Sextíu og fjögur prósent
barna sem eru of þung eiga for-
eldra sem eru of þungir og þung-
ir foreldrar eru líklegir til þess að
eignast of þung börn. Þetta eru
niðurstöður bandarískrar rann-
sóknar sem birtist í tímaritinu Jo-
urnal of Pediatrics en rannsóknin
var gerð á hundrað og fimmtíu
börnum. Í henni var fylgst með
börnunum frá fæðingu til níu ára
aldurs. Í rannsókninni voru leit-
aðir uppi ýmsir áhættuþættir fyr-
ir offitu barna og kom í ljós að
stærsti áhættuþátturinn var sá að
eiga feita foreldra. Einnig hafði
skapferli barns áhrif. ■
Offita og fyrirmyndir:
Foreldrar í lykil-
hlutverki
Sextíu og fjögur prósent barna sem eru
of þung eiga foreldra sem eru of þung-
ir, samkvæmt niðurstöðum bandarískr-
ar rannsóknar.
Kona hefur verið handtekin í
Atlanta í Bandaríkjunum fyrir
að stunda lýtalækningar án
lækningaleyfis en hún er sögð
hafa sprautað silíkoni í brjóst og
mjaðmir kvenna sem fastar eru
í karlmannslíkama. Verna
Barnett, 45 ára, sem var þekkt
einungis af fyrra nafni sínu í
hópi dragdrottninga og kyn-
skiptinga sem voru viðskipta-
vinir hennar, framkvæmdi að-
gerðirnar á heimili sínu í
Norcross.
Lögreglumenn fundu skoðun-
arherbergi í kjallaranum á
heimili konunnar með nudd-
bekk. Þá fundu þeir staðdeyfing-
arlyf, sárabindi, nálar og þrjá
stóra dunka með sílikoni. Tveir
dunkarnir vógu 20 kíló hvor, en
sá þriðji var hálftómur.
Rannsakendur segja að
Barnett hafi tekið 1.200 dali
fyrir brjóstastækkun og 500 dali
fyrir mjaðmir. Viðskiptavinum
var ráðlagt að klæðast sérstök-
um brjóstahaldara eftir aðgerð-
ina svo að silíkonið næði brjósta-
lögun þegar það harðnaði. ■
Ólöglegar lýtalækningar:
Silíkon í brjóst og
mjaðmir
18-19 (02-03) Allt heilsa 9.8.2004 20:54 Page 2